豆漿大王

Open Now

Now Closed

A local restaurant located around the factory buildings. It has been recommended by the Michelin guide for 3 consecutive years under the street food category.Sticky rice rolls and savoury soy milk is our go to combination when visiting the area. The rice rolls are cut into half for easy eating, with a generous portion of fillings wrapped with warm rice. Fried dough sticks and dried shrimps are added to the savoury soy milk, giving it a rich flavour. This is the only combination that we go for ev

🍙自從位於土瓜灣既美華結業後 我一直係到尋覓好食既傳統上海粢飯🗺️上網一查大家都係推介呢一間 仲見到係有攞過獎我中午時段過去 生意都係超級旺 附近應該好多上班族都會過來🤓 我係專登過來試粢飯的 但係我見到佢中午其實都有唔少套餐 主打上海菜 都幾底食$50以下都食到一個飯 仲要好似幾好味 下次可以試試👅係呢個年代有咁樣既價錢真係好難得💰鹹粢飯($18) +$3 多炸菜 +$3 多肉鬆 肉鬆係偏碎的 脆脆哋幾好食 肉鬆配埋炸菜係偏甜 我幾鍾意🌟油炸鬼唔會淋嗮 應該係即叫即炸 都唔會太油👍🏻整體來講都不錯 唯獨要挑剔既係真係好細 我已經加左肉鬆同埋炸菜 真係唔敢想像唔加既份量係如何🥶對比以前土瓜灣既美華 同埋紅磡既滿堂樂真係細得太誇張 唔係好足料🥺熱豆漿加蛋 ($15)豆漿既都味都幾濃 完全唔甜 係自己落糖的🧊加入生雞蛋🥚 令到豆漿更加香滑 呢個我第一次見但我覺得幾好食😋 尤其是個蛋味夠出 有少少半熟既蛋漿配埋一齊飲幾正！🍳味道: 🍙🍙🍙.5/5 我個人覺得論粢飯而言 美華依然係第一名☝🏻🥹但係我覺得佢哋其他餐可以搵日再去試試！📍 豆漿大王 (新蒲崗)地址：新蒲崗大有街34號新科技廣場地下9號

晚上1915左右入座，好快落左單，叫左2個飯，去到1935都未到，諗住係多人所以等下，1940分別叫左2位員工幫手追下單，佢2個望都唔望下張單，問都唔問係咩飯黎，話佢會跟，過多5分鐘我再問佢有無幫我跟，佢大大聲同我講無跟。我再問佢，如果廚房未整我取消佢唔食喇，個阿姐惡到叫我走 唔好食 ，係無架喇，事實係佢完全無睇過，係香港住左咁多年，第一次好聲好氣問侍應，但要俾佢小返轉頭，呢間野真係極品，大家自己睇路。

-粢飯好製作要時間,請耐心等待,好味嘅嘢梗係要等㗎啦,粢飯內有大量豬肉鬆,榨菜同脆卜卜的油條,兩個女仔share食就啱啱好，就可以叫其他嘢食啦-鹹豆漿唔係間間舖頭有得食，呢度嘅鹹豆漿內有大量蔥花，蝦米，油條，蝦米鹹鮮，豆漿香滑，值得推介-鹵豆腐拌麵，鹵水香，豆腐滑，豆味濃，上海麵煙韌彈牙

呢間小店想去好耐但新蒲崗位置遠行完airside 行左10分鐘左右先過到黎首先讚一讚粢飯先粢飯真係無得頂等左20分鐘外層糯米薄薄一層裡面油炸鬼勁脆炸菜同肉鬆mix 埋勁豐富Size 如果$18黎計ok 之前係紅磡食過 好似廿幾蚊 飯厚厚的不過我喜歡薄飯 仲可以叫下其他野炸雲吞炸得超金黃鬆脆菜肉餡係幾好味肉鬆奶脆多呢個簡直係神級好味肉鬆同奶超夾炸饅頭外脆內軟正豆漿正常之作下次要試椰汁豆漿阿姐服務又唔係差喎不過佢地好忙生意太好落完單好快就去做其他野坐位下午茶時間唔算好迫但我想像到如果lunch 黎應該都好爆每個小食十幾廿蚊，真係叫得好開心可以唔睇價錢喪叫堅正我地香港人食飯真係愈黎愈無選擇😕認真講，呢啲有良心小店愈黎愈少又平又高質攞完米芝蓮個粢飯都只係$18究竟之前有幾平😂茶記食個多士就咁揸醬都唔止呢個價真心佩服希望佢能夠繼續存在，開多啲分店，撐住令到我地香港人有選擇平野都可以係高質為左你個粢飯同奶脆多，下次會再黎仲有好多野想試，例如酸辣湯 拌麵 滷水都好似好正

已經講咗話淨係落豉油，最後係一滴都唔會俾你，服務態度差，已經又唔係多客，寫兩個外賣都可以亂咁嚟，雞翼超乾，白飯超硬，完全冇用心聆聽顧客嘅電話外賣，要光顧的，真係要諗一諗

豆漿大王曾經攞過米芝蓮街頭小食推介，佢嘅鹹粢飯同鹹豆漿都幾出名，其他地方亦都好少見，豆漿同粢飯都有鹹甜可以選擇🤗🤗😆鹹豆漿 $19鹹豆漿嘅配料都幾多，有蔥花，榨菜同埋油炸鬼。鹹豆漿個湯底都食到輕微嘅豆味，湯底唔會好鹹，同配料嘅味道好夾，唔會完全蓋過配料嘅味道，而配料都係比較爽口，增添唔少口感☺️☺️👍🏻鹹粢飯 $18粢飯即係糯米飯啦，咁入面嘅配料有肉鬆，榨菜同埋油炸鬼。四樣唔同食材夾埋，口感好豐富而且，每一條鹹粢飯都唔會太大條，可以一口咁樣包含所有配料一齊咬落去✨✨🥳🥳

以前都買過幾次外賣早餐，平均都要等10-15分鐘，所以今日提早30分鐘電話下單，打算不用等，怎料去到還是沒有，連 單都未落。。。即叫即做啫，唔係而家先煲飯下？。。。最後只有放棄！奉勸大家 好有時間 才去食呢間，不過我平日都比較趕時間，應該幫趁唔到了！食物質素是可以的，但服務是 垃圾級！

之前附近返工成日黎食，今日難得黎新蒲崗，就黎食粢飯，點知叫完黎個粢飯細都已經唔係問題，層飯少到頭尾都見到油條無包到，而且油條仲要淋。之前黎食都唔係咁，姜汁豆漿無姜味，要再叫加姜汁先好d，唔知係咪因lunch 時間所以品質差左😅

上次幫襯已是大半年前，襯今日重陽節朝早得閒，特登過來整個粢飯加豆漿做傳統早餐。由鑽石山地鐵站行過去大概15分鐘，可能因為今日係紅日關係，來到唔使等位，直入，正！熱豆漿水準依舊，豆味濃，口感順滑。但粢飯差咗好多。雖然油炸鬼香脆依嚿，但食落好鹹。唔知係唔係包粢飯既姐姐重手左落多咗鹹菜，定係冇將鹹菜過水。侍應姐姐態度麻麻，漏單又唔認，亦唔會主動睇吓客人有咩需要。如果再冇改善，都未必值得特登來同埋慢慢排隊等。

粢飯呢個足足等左我地40mins咩都上食完都仲未上到已經等到吾想等未出到我地諗住cancel 佢就上桌煎餃子(4件)韮菜餃菜的比例多如果餃子皮再薄點更加好熱豆漿吾甜（因為糖係按自己喜愛加）我係吾加糖ps:問左幾次個粢飯幾時上到姐姐就話按單出但我地見出晒外賣單堂食都仲未上d服務態度又差（其中一個姐姐）再問另一個佢話幫我地睇睇（個時已經等左40mins)趕時間真係吾好叫粢飯不過都吾會再黎

【平民高質上海菜🤪有多間分店就好啦😇】/////小編上個月係附近體育館打完比賽 就同一班波友去食呢間主打上海菜嘅餐廳😝拎得米芝蓮級嘅平民小店 食物味道果然冇失望 特别推介粢飯同鹹豆漿 保留到傳統風味(´･Д･)」.👉🏻鹹豆漿 ($19)小編成日飲甜豆漿 見到鹹豆漿就膽粗粗試下～豆漿有蝦米、油炸鬼、炸菜同葱花配料 質感香滑 炸菜同蝦米嘅味道比較突出 鹹甜呢個組合又幾特别喎🤣.👉🏻煎餃子 ($25)餃子皮煎得香脆 裏面有香濃嘅韭菜味 好多肉汁😽.👉🏻鹹粢飯 ($18)香軟糯米包住大量炸菜、肉鬆同油炸鬼 細細個但好足料 飽肚又暖胃🤘🏻.👉🏻肉鬆奶脆多 ($20)多士有滿滿煉奶同肉鬆 甜絲絲 邪惡之選😈.👉🏻炸銀絲卷 ($23)表面油炸至脆身金黃色 配上香甜煉奶 熱辣辣食最出色！.👉🏻上海排骨 ($23)排骨口感酥脆 稍嫌炸粉較厚 勝在肉嫩唔會太油膩☺️——-📍豆漿大王 (新蒲崗)新蒲崗大有街34號新科技廣場地下9號舖

平民飲食今次推薦：豆漿大王今個假期去行啟德新商場，途經新蒲崗，就試試呢間豆漿大王。入到去坐冇虛席，就知自己揀岩左。1️⃣甜栥飯💰18甜栥飯個飯軟硬適中，唔會太淋，脆卜卜既油炸鬼，側邊加小小白糖唔會太甜，未道岩岩好。2️⃣咸豆漿💰19足料咸豆漿，有油炸鬼，蝦米仔，次次食豆漿大王都必叫。水準可以維持到其他分店既水平。3️⃣薑汁豆花💰15好重豆味，豆腐花好滑，唔鞋，同埋唔會太甜，啲薑汁岩岩好又唔會搶豆既香味。4️⃣上海排骨麵💰38排骨麵表現不過不失，價錢對比其他店舖平，不過個排骨咸左少少。5️⃣甜豆漿💰9甜豆漿同一般豆漿水準差唔多，夏天行到熱可以叫黎飲下。總消費價錢2個人💰99 人均49.5結論（10分滿分）價錢：9/10味道：7.5/10環境：6.5/10 （因為冷氣唔夠凍，同埋位有啲逼）可以經常試食#hkfoodie #hkigers #hkblogger#chansfoodie

很想念咸豆漿&粢飯，就來這裡解解饞。先來酸辣湯麵配咸豆漿。麵食一般般，印象中有滿多的豆腐，方方的一塊。有一點點木耳及荀絲，麵條軟軟的，微辣微酸下吃出一頭汗來。咸豆漿沒有凝結，由此至終仍是滑滑的，只是有點咸。麵的份量不多，加上是我的brunch，所以追加才$ 18“廚師推薦”的粢飯。Size不大但熱呼呼的，是剛做出來吧。正中的油條很酥脆，配上帶點甜味的肉鬆及咸脆的炸菜粒，趁熱將它KO！旁邊點了肉鬆奶脆多，煎豆腐&煎餃子，好像好好味，下次試試。

食過無數次嘅豆漿大王，第一次為佢寫篇食評。講咗無數次就當然覺得佢好食先食。每次去開新蒲崗做嘢都會過去幫襯下。餐廳環境光明簡潔，沒太多多餘裝飾，實而不華。而座位算多但間隔較窄。用餐時間係平日中午十二點幾。餐廳已經開始要排隊，外賣單亦非常多。最後等咗大約十分鐘終於有位，尚算可以唔係等好耐。脆香雞扒麵⁴²雞扒炸得金黃香脆，肉質嫩滑。麵身軟硬適中，榨菜質地脆嫩，食落鹹鹹地酸酸地非常開胃。咸粢飯¹⁸香軟嘅糯米、自家制炸菜、香口嘅肉鬆，加埋我最愛嘅即炸油炸鬼，味道夠正宗，真係非常美味，係我食過最好食嘅粢飯。豆漿⁹豆味香濃，配粢飯一流。