豆漿大王

Open Now

Now Closed

呢排去新蒲崗做運動，因為做運動唔可以食太飽，所以就揀左去食豆漿大王，無疑是一家粢飯愛好者的天堂。店內環境簡單明亮，但keep住多人，係會有少少擠逼感，不過還可接受。上次食鹹豆漿覺得比較一般，所以今次試佢哋嘅招牌粢飯。因為粢飯要即整，所以都真係要啲時間去製作同等，不過的確高質，因為啲首先米飯綿密Q彈，唔會太腍啤啤，係有咬口，而且佢哋嘅配料都做得唔錯，油炸鬼真係堅脆，當然我唔知如果外賣會唔會腍左，但現場食的確正，榨菜係有再炒過下，所以會乾身啲，同有口感，肉鬆份量唔叫多，不過係脆嘅，我估因為佢個糯米飯比較乾無咁濕，少啲水氣，令啲配料脆好多。

一向有幫襯開豆漿大王（新蒲崗），今日啲姐姐掛住傾閒計，好嘈，豆漿大王客量又唔多既早餐時09:44am（如圖），等左好耐既雞扒麵，追左後出黎既雞扒（如圖），燶到爆同拎雞扒黎俾我既阿姐講咁燶，佢都唔理！好明顯漏單，雞扒炸過龍！如出我所為料，埋單時同收銀阿姐再講，問佢係咪漏單令到雞扒炸過龍，佢承認，仲叫我下次可以唔要，你明知咁燶都俾客人食都好唔合理！到餐時反應左，都當客人意見冇會事，有冇搞錯真係唔會有下一次！！！

新浦崗名物$20一個粢飯，雖然加了價，但仍然係物有所值，尤其是咬落去條油炸鬼仲係微脆嘅，真係可遇不可求。衣家轉咗Menu，可以揀切成兩件或三件，又可以加錢去加炸菜、油炸鬼、肉鬆等，真係勁。切開咁嘅樣，見到D糯米飯外層都算薄，入面D餡都好多吓，值得推介。食咗粢飯又飽咗一大半，不過仍然心思思叫多一碗淨上海菜肉雲吞，佢嘅雲吞皮好滑，入面D餡漲卜卜同埋都幾新鮮。豆漿當然要飲啦，豆味都算香又唔會好甜。

今次去左新蒲崗的豆漿大王，因為都見好多人介紹，所以就去左食，我今次叫左個鹹豆漿，聽聞它的名氣已經很久了。這碗鹹豆漿的味道一般般，濃度適中尚可接受，沒有太濃郁的豆味，不過都沒有淡到失味。油炸鬼的質感尚算可以，外皮酥脆，內裡軟綿，不過就只是缺乏一點香味和變化。環境就比較一般，也沒有特別污糟，服務態度一般，沒有特別熱情也沒有冷淡，係可以要提醒下員工跟進order。當然豆漿大王仲有粢飯係好出名，加上它拎過米芝蓮小食，我估可能粢飯會比較出色，下次可以試下，加上價錢合理，都叫不過不失。

豆漿粢飯好普遍但係要搵一間高質嘅就好難我淨係會揀有得即場包嘅粢飯舖頭依間係其中一間經常爆場嘅粢飯店🍚鹹粢飯(必點)🍚雪菜肉絲上海麵(配酥炸雞扒)🍚薑奶豆花🍚肉鬆奶脆多🌟新推介肉鬆奶脆多，鍾意食炸饅頭嘅朋友唔想咁dry，呢個將炸饅頭切開，加入煉奶大量肉鬆，幾新奇👍🏻 再加咗個薑奶豆花，非常香滑，奶味濃，係唔錯嘅新嘗試。而雪菜肉絲上海麵、鹹粢飯就係由細食到大嘅味道，咁多年都係出色之選，不過酥炸雞扒就炸得略為太乾，可以再改善

成日嚟新蒲崗搵食嘅我‼️竟然宜家先發現有間粢飯獲米芝蓮推介😱餐廳非常低調，如果唔係門口有人等緊，我都未必發現🫣 假期嘅下午茶時段，餐廳位於冷清嘅工廈區，但門外源源不絕嘅人龍😆入到去更係別有洞天，熱鬧得誇張🤣🤣🤣🍙咸秶飯 ($20)真係每個人都係為佢而嚟😂不論堂食同外賣嘅人都係排緊佢🫣但因為即叫即整，都要預等一段時間😆不過係真係值得等待😇正因為新鮮製作，油炸鬼仲係脆卜卜🤩絕對比平時又淋又油嘅高幾個層次🤤🥘滷水三拼 ($62)三拼有牛展、肉骨同鴨腎😋全部都滷得好入味，牛骨最有驚喜🤩一啖咬落去易甩骨，但又唔會乾柴👍🏻滷水味特別香，不過食得多就略厭咸咗啲🫣唔怪之得有配飯/粉麵餐，咸香肉骨撈飯一流🤤🥪肉鬆奶脆多 ($24)強烈推薦呢個🌟饅頭炸得非常鬆脆但一啲都唔油，淋上煉奶再灑上大量肉鬆😆呢個食法比平時食炸饅頭多層口感同咸香，又唔會好甜😋🐣秘滷雞中翼 ($32)🥛凍豆漿 (配粢飯+$10)

新蒲崗的《豆漿大王》每次經過都好多人等，冇機會去試。今日下午時段來，見人數比較少，入去坐低朝聖一下。☆咸粢飯☆油炸鬼依然喺脆的，肉鬆同埋榨菜都好多份量，榨菜爽脆，肉鬆咸香，外層糯米煙韌有咬口。整個配搭非常好食😋。$20大大個，必試👍。☆咸豆漿☆材料有蝦米，油炸鬼，蔥花。豆漿香滑，蝦米份量多，再配上油炸鬼，味道出奇地夾，又不會好咸，蝦米味好突出，味道好好，值得推薦。☆肉鬆奶脆多☆饅頭表層炸得脆口，內裡鬆軟，配上煉奶，肉鬆。咸甜配搭適宜，非常有驚喜，食完一個之後，停不到口，一定要試下。不過入邊個環境就唔喺太寬倘，人多食飯時間可能會好迫，粢飯就算下午時段都要等好耐，因為好多人order這個名物。總括食物質素一流，值得一試。

豆漿大王，位於新蒲崗大有街34號新科技廣場地下9號舖。 主打上海菜，午餐 ～ 肉骨拼腎套餐，上海麵，蠔油生菜，無糖豆漿，$56、 熱椰汁豆腐花$17。   ▫️肉骨拼腎套餐配上海麵 ～ 軟腍入味的豬軟骨和鴨腎，配上上海麵和蠔油生菜，套餐好抵食。 ▫️無糖豆漿 ～ 豆味香濃， 無糖更健康。 ▫️熱椰汁豆腐花 ～ 每口嫩滑的豆腐花， 加上香濃的椰汁，味道更佳。 豆漿大王是一間價錢親民又好吃的上海菜館。 🏷️溫馨提示～ 整個用餐體驗均屬個人分享意見， 只作參考😊。

原來呢間豆漿大王竟然係米芝蓮獲獎餐廳，今日即管試一試佢。門面噏耷，入去成排都係人，非常逼夾。店員服務都算可以，即刻俾到位我哋，可惜凳上有油漬，抹過先敢坐😂。有潔癖嘅要留意吓啦。🔎釀豆腐上海麵魚肉釀豆腐熱辣辣，又香口。諗佢唔到配料菜莆都好多。🔎肉鬆奶脆多估佢唔到超級爆炸好味，肉鬆足料。所謂嘅奶脆多即係炸銀絲卷，菜式非常有諗頭。🔎熱豆漿用碗裝夠晒正宗，冇糖糖糖！大家可以酌量加返少少糖，本人就鍾意原汁原味黃豆味嘅。總結//兩個人食平均每人都要$60左右。雖然環境逼夾，但應該會再encore，試吓佢出名嘅粢飯❤️

平價抵食港式早餐，味道正常，閒時可一戰😎！・・・・・・・・・・・・・・・・・・・・🍹 咸豆漿 HK$20・味道：蝦米勁香口，食耐咗有啲鹹，但整體暖胃不錯的。・口感：有咬口鹹豆漿～🍹 咸粢飯 HK$20＞炸菜、油炸鬼、肉鬆・味道：想像到嘅好食，炸菜同肉鬆都重味，甜甜鹹鹹幾香口的，但食耐咗略嫌有啲乾。・口感：糯米幾煙韌，啲餡幾脆口，不過都幾飽XD🍹 肉鬆奶脆多 HK$24・味道：外脆內軟嘅饅頭配煉奶，冇得難食啦，配埋肉鬆，一級棒(*´∀`)~♥・口感：金黃色嘅脆口配軟熟嘅包子，掂！🍹 秘鹵肉碎拌上海面 HK$38・味道：鹵水豉油配肉碎嘅上海麵，大份不過普通～・口感：都幾齋XD🍹 鹵水三拼 HK$62＞牛肉、肉骨、鴨腎・味道：食耐咗真心鹹😂淨係食咗牛肉，正常的～・口感：冇偏老偏柴，可接受。🍹 上海小籠包 HK$30・味道：正常發揮冇特別。・口感：個皮厚得滯～🍹 脆炸釀豆腐 HK$20・味道：個釀魚肉細粒到呢⋯⋯而且冇調味的，不過幾重豆味。・口感：外皮脆口，內里嫩滑，但都係豆腐啦冇咩特別。🍹 凍豆腐花 HK$10・味道：豆味唔算重，普通。・口感：不過夠滑。🍹 熱薑汁奶花 HK$15・味道：係有

每次經過新蒲崗都會過黎食今次帶咗一位之前都冇食過嘅朋友過黎佢都話好好食每次必點粢飯 肉鬆炸饅頭 豆漿真係我嘅最愛😍😍九龍灣都有分店經過呢兩個地方我都會去食真心推介！米芝蓮必吃！

餐廳環境有限，但食物不錯。酸辣湯牛𦟌麵以濃濃的酸辣湯做湯底，有多種配料，包括木耳、竹筍絲及豬紅等。牛𦟌有咬口，而且好味。粢飯預先切好三小份，方便食客食用。入面包有油炸鬼、肉鬆及甜酸菜。咸豆漿竟然有蝦米及葱，還有油炸鬼，非常新奇。

一直懷念一間有街頭米芝蓮認證🌟嘅栥飯，佢座落新蒲崗工廠大廈地鋪，門口非常神秘，一個唔留神就會錯過走寶。入面座位非常狹窄，但都經常大排長龍等堂食同外賣。皆因呢度平民價格食到米芝蓮認證水準。經過上次經驗，GG 有個心得，唔想同人迫同有排等位等食，就可以係11：30 a.m. 早餐時間後同工廠lunch time 12:30 p.m. 中間呢個gap去la。今次GG 11:36 a.m. 去到，直入完全唔使等，坐位都好闊落。今次轉左用QR code 自己落單，一目了然，快捷方便。想外賣栥飯，建議一坐低即叫，如果唔係就要額外等多20分鐘ga la。📌上海排骨上海麵 （$44）會分碟上，排骨會分件上，食得好方便。仲熱辣同脆口，肉質緊緻同瘦岩曬我唔鐘意食肥肉嘅人。而麵係未落豆辨醬前同後就有唔同味道，落左就變酸辣湯甘，麵質適中，配上炸菜肉粒，味道岩岩好。📌豆漿 （Lunch time 免費配）好飲，有豆味，唔會過份甜。📌🥇粢飯（$20）正，即叫即整，可以分別要求加錢加炸菜、油炸鬼、肉鬆。仲可以要求全條上、切件2 或3件上，自己食又得，同人share 都得，非常方便同自由。果然係世一粢飯😍😍😍到晏晝1

平民飲食今次推薦：豆漿大王今個假期去行啟德新商場，途經新蒲崗，就試試呢間豆漿大王。入到去坐冇虛席，就知自己揀岩左。1️⃣甜栥飯💰18甜栥飯個飯軟硬適中，唔會太淋，脆卜卜既油炸鬼，側邊加小小白糖唔會太甜，味道岩岩好。2️⃣咸豆漿💰19足料咸豆漿，有油炸鬼，蝦米仔，次次食豆漿大王都必叫。水準可以維持到其他分店既水平。3️⃣薑汁豆花💰15好重豆味，豆腐花好滑，同埋唔會死甜，啲薑汁岩岩好又唔會搶豆既香味。4️⃣上海排骨麵💰38排骨麵表現不過不失5️⃣甜豆漿💰9甜豆漿同一般豆漿水準差唔多，夏天行到熱可以叫黎飲下。總消費價錢2個人💰99 人均49.5結論（10分滿分）價錢：9/10味道：8/10環境：6.5/10 （因為冷氣唔夠凍，同埋位有啲逼）可以經常試食#hkfoodie #hkigers #hkig #hkblogger#chansfoodie

一直都想搵即叫即包既粢飯食 今日難得黎到新蒲崗 點都去朝聖一下 離遠係對面馬路已經望到門口超級多人排隊好彩D人係拎外賣攞完飛之後等左1X分鐘就入座, 極速叫左個招牌粢飯同埋紅油抄手食紅油抄手普普通通, 似烚餃溝紅油多D, 一D都唔辣; 反而個粢飯就好出色, 即叫即包都等咗一陣, 原本諗住大大舊一個人會食唔晒, 但原來唔算大份, 裡面仲有脆卜卜的油條搞到我忍唔住一個人食晒一舊 總括黎講都係要食番招牌野