華記滋味小食 (界限街)

Open Now

Now Closed

都係睇到呀BOB 介紹黎搵食! 易搵既。地方好企理, 而且人不多(因為疫情), 坐得好舒服。地方好干淨,量體溫先可以入去,又有酒精準備好哂! 食客安心。食物質素對我地兩母女黎講係有讚無彈, 老媽子話好耐無食牛雜, 而且睇得出處理得好乾淨。我叫既豬腸好好味, 無異味。最後, 不得不提佢地服務超好,態度超好! 主動同客人吹水, 維持友好關係。超WARM。大佬, 三十幾數碗面, 食物品質一流, 客服都做埋, 邊夠你玩呀? 老媽子話出親太子都去你度開餐。老人家開心, 我做仔女就開心!加油老闆! 

因為見到FB 咁多人排隊，而我又真係車仔麵fans, 無理由吾去試，特登搭車去到太子搵呢間舖，我叫左4餸：牛筋，牛小腸，豬腸及雞中翼，湯底就揀左 *重口味推薦 （全部汁）之少辣* ，一試就知道是龍是鳳，坦白講湯底冇乜味得油，一邊食一邊抹嘴，因為勁油，餸：牛筋淋-呢款好食兼入味，牛小腸預咗好肥但冇味，豬腸冇咁肥但吾入味，最後雞中翼係上色但都係冇乜味，真心講，我真係香港九龍新界不停試車仔麵，呢間我只會試一次就好了，每個人的口味是不同的，或者某些人會特別喜歡！

老實講，我都真係睇到阿Bob 響佢IG 成日post 呢間先黎試下，好多人問佢係咪有股份都話冇，又唔係好似賣廣告... 見佢開左新店晏晝都開，咁前兩日出開太子買花就去試下買外賣返屋企歎。我哋係去左新舖到買，叫了幾碗試，唔知係新開質素未穩定定係點（其實應該都係同一個人煮先係吖🧐😆）比想像係都幾大差落。好嘅係羅白，非常入味冇根，豬皮冬菇都好味。大腸都入味但個人覺得靭左d. 豆腐就冇咁入味，腩肉失望，夠大舊但幾乾下。另外再叫了碗牛雜，真係麻麻地，睇賣相都已經覺得係一般。鹵水汁湯底加了辣椒油ok 嘅。可能各人口味不同，咁嘅時勢都支持小店，大家可以自己黎試下評分。

呢間本來係一間只做外賣嘅小店，最近搬左大鋪做埋堂食，所以想係到推薦比大家🤩•🍲三餸車仔麵 (HKD 40)今次叫左河粉底，湯底揀左重口味(包括腩汁、咖哩汁、辣椒油)。餸方面有豬腩肉、鹵水豆腐，同埋咖喱魚蛋。份量真係好足料😍豬腩肉超淋，肥瘦比例五五。鹵水豆腐我個人就超推介，係潮洲餸菜必食嘅其中一樣！咖哩魚蛋數量仲有4粒，辣得過癮😋配埋大量芫茜，味道非常可口！依家店鋪每日都大排長龍，大家如果去就要有定心理準備要等候一陣了❣️

其實之前係ins見到呀Bob推介，咁我就去試下，間野專做外賣，可能係疫情啲堂食枱冇開出黎比客坐，我都算早到六點兩個字點知前面排左6個人，然後等左半個鐘，每個人一買買4-5份.....我心諗有冇咁好食呀...就叫左四個餸，蘿蔔、大腸、豬手、粉腸，汁咩都要晒。蘿蔔煮得好淋，淋過頭，豬手唔夠淋好難咬但有三舊，大腸可以簡肥同瘦超好，都有成7-8舊另外粉腸超級長好多料，個老世起勢咁剪爆多料差啲合唔埋個蓋。因為本人唔係住附近係特登試下所以去左公園搵位坐就食，好食但真心唔方便。咁樣先$50咋邊到搵呀，另外我叫左個牛三寶$50我心諗應該都唔大份，點知有十幾舊牛筋有7-8舊牛腩，牛肚都唔少，得兩粒蘿蔔，真心良心小店，而且老世好有禮貌！

呢排成日夜晚響太子，深水埗附近揾食， 聞到一陣鹵水嘅味道，車仔麵？！好耐無食過，聞落應該幾好食，所以決定一試。第一，要我坐響條街度食嘢有點不慣， 不過，夜晚坐街邊食野又是另一風味。食物方面，真是有水準， 蘿蔔很淋冇渣，超大魚蛋及豬紅很彈牙， 鹵水牛腩，豬腸， 雞腎 的味道很香，滷得啱啱好。麵質（一碗粗,一碗幼麵）就比較彈牙，有菜底， 湯底偏鹹但可以接受。店鋪地方很細，但食物種類也很多，下次可以試其他食物,應該會再有驚喜。