聚來車仔麵

Open Now

Now Closed

今日同個friend行黃金，行行下又到食午飯時間，大家無乜心水下周圍睇下有咩食，行經基隆街見到一間小店。Good喎！好耐無過食車仔麵，仲要有餃子😍。店舖雖小，但座位舒適闊落，環境衛生企理。最驚喜係見到店內有2寶助陣(老伯伯及老奶奶)。店員服務親切有禮，老人家尤其和藹可親，真係好有家的感覺。食物價錢親民，車仔麵配料選擇多，仲有飯，餃子和名物“招牌鮮炸肉丸”及各款“西多士”，食物選擇幾多。車仔麵 (香辣魷魚 $14.-, 豬大腸 $14.-, 魚腐 $11.- 及油麵底$10.-）香辣魷魚質感爽彈，微辣帶魷魚香，豬大腸煮得軟腍入味，有少許油脂，好邪惡但好食，魚腐軟滑有魚味，油麵煮得軟硬適中，配埋沙嗲湯底已經好香，再加埋自家製蒜蓉辣椒菜譜，更加美味可口。秘製蔥油香煎雞扒飯 $49.-雞扒煎到焦香但唔油膩，肉質嫩滑味道鮮香，加上煎過嘅火腿及太陽蛋，再配上大量蔥油，撈埋熱辣辣又軟熟嘅白飯一齊食，簡簡單單嘅的配搭，既好食又有家的味道👍。招牌煎餃8隻雙併 $42.- (轉芝士粟米另加$3.-)餃子皮煎得金黃香脆，皮薄餡料飽滿，韭菜脆嫩多汁，味道香濃。芝士味香濃有拉絲效果，加上清甜嘅粟米，味道又夾又好

好有人情味煎餃小店🌸雙拼煎餃餐（12隻）🌟🌟🌟🌟🌟小編揀左韮菜餃同椰菜木耳豬肉餃，煎餃煎到兩邊金黃好香脆，仲要皮薄餡靚，d韮菜、椰菜木耳超新鮮，仲有要有肉汁，食時小心燙口呀。🌸蔥油雞扒餐蛋飯🌟🌟🌟🌟🌟超滑嫩雞扒、煎得夠香脆午餐肉、太陽蛋，加埋蔥油白飯，每一啖口感非常豐富呀！🌸爆醬阿華田西多士🌟🌟🌟🌟🌟打卡一流，超澎湃既爆醬，小編仲揀左榛子醬，夠晒邪惡，但好在唔會太甜，好味！🌸凍檸樂🌸熱焉鴦======詳情======聚來車仔麵 (深水埗)深水埗基隆街172號地舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #深水埗美食 #深水埗好去處 #香港美食探店 #香港探店 #我是吃貨 #打卡美食 #爆醬阿華田西多士 #蔥油雞扒餐蛋飯 #重人情味 #服務好 #金黃煎餃子 #皮薄餡靚 #韮菜 #椰菜木耳豬肉餃 #聚來車仔麵

🕖時段-星期日夜晚附近買完野過來食 差唔多8點先到但差唔多枱枱都有人🙀 感覺大部分都係街坊 _▫️秘製蔥油香煎雞扒飯 配餐蛋 $49餐廳海報張食物相其實有啲頹 (唔記得左影😬) 不過朋友想食雞扒飯照嗌左 最後上菜個樣算唔錯 雞扒煎得好香 配太陽蛋餐肉無得輸😂 但略嫌塊午餐肉簿左啲_▫️招牌煎餃(6隻) $34▫️湯餃(8隻) $40雙併唔洗加錢 湯同煎都叫左韮菜豬肉同雲耳椰菜豬肉個饀唔錯 每日新鮮包 煎餃個皮香脆唔厚 但湯餃皮食落比煎餃厚啲啲價錯比起其他餃子店平不過就無咁大隻_🍽環境餐廳小店經營 入面有大約10張2人或4人枱 感覺老闆/職員同啲客人好friend 有人情味

今日黎到聚來車仔麵，衝住佢嘅爆漿阿華田西多士嚟食！因為見到網上面有好多好澎湃嘅相，超級吸引邪惡，所以今日就專誠拜訪😍呢度除咗西多士之外，仲有好多車仔麵選擇揀！我今次就叫咗三餸車仔麵，揀咗豬紅蘿蔔同埋豬頸肉油面咖喱汁！佢嘅送質素都唔錯，特別豬頸肉香，而且個蘿蔔好鮮甜，豬紅都好入味！😋而另外仲嗌咗個煎餃子套餐，呢個非常之有驚喜，我叫咗兩款餃子：椰菜雲耳豬肉同埋芝士粟米！兩款都煎得好香口，特別喜歡芝士粟米，芝士味都好香，而且係半融嘅狀態，口感非常之好好好食！最後當然即係重頭戲爆漿阿華田西多士，店員話有兩個口味可以選擇一個就係花生一個就係榛子醬，感覺阿華田同榛子醬好似比較夾，所以我就叫咗榛子醬味啦。上到枱見到已經好吸引，像就非常之澎湃，一切開就用晒出嚟。而且多士煎得好香口，配埋阿華田同榛子呢一個一定唔會輸嘅組合，非常之邪惡，但忍唔住又一啖啖咁食！🤩

Happy Friday又出去搵好野食🤩估唔到一間車仔麵店可以咁有驚喜首先每人叫個三餸車仔麵款式好多 分左唔同價位 任君選擇💁🏻‍♀️我地試左牛筋/魚肉春卷/豬頸肉/蘿蔔/冬菇配薯粉湯底就嗌罕見嘅瑞士汁同沙嗲汁🤤size份量同坊間差唔多 大大碗⭕️ 薯粉彈牙 係較幼身果隻⭕️ 豬頸肉有好多片 細細舊 幾有咬口⭕️ 蘿蔔好清甜 夠淋身⭕️ 牛筋都炆得唔錯 好有味 勁rich骨膠原另外叫多份蠔油菜芯🥬好好味😳 好鮮甜 煮得夠淋又唔會老仲細心到去哂啲菜花👍🏻 值得一讚重點❗️亦係今晚嘅驚喜位就係好多人打卡嘅爆漿華田流心榛子🌰西多士啦⋯⋯聽個名都流哂口水🤤🤤一上枱好吸睛👀成碟都鋪滿華田粉中間pat流心仲要朗下朗下😍一切開🔪 爆哂醬西多中間嘅餡可揀榛子🌰/花生🥜我地選擇前者 (特別啲丫嘛😏)食落第一啖已經覺得好amazing😋唔會過甜 甜度做到岩岩好同時又唔會好炸好熱氣我一個人食左2/3咁濟都唔覺得漏🤭食完仲食到哂成碗粉依個甜品真係幾surprise👏🏻佢仲有草莓🍓味架有興趣大家可以去試下🫶🏻🗯️remarks: 最後想講佢杯C0T都好得🤣👍🏻同啲員工好有禮貌💁🏻‍♀️

今日去咗深水埗一間車仔麵店，原本見依度個爆漿阿華田西多士好似好出名咁，但想食啲飽肚少少嘅野😝所以叫咗一個車仔麵餐同一份餃子餐～車仔麵4個餸（$52）餸揀咗蘿蔔、香辣魷魚、生菜同豬紅，麵底叫咗油麵，另外揀咗沙嗲汁，上枱見到料都唔算少，另外加咗啲冬菜醬係上面，原本以為係沙嗲，但食落個味原來係冬菜😂都幾惹味～蘿蔔食落幾甜同為咩渣，魷魚有少少辣，都幾爽口，豬紅同油麵就正常發揮😆雙拼招牌煎餃12隻（$60）揀咗韮菜豬肉同芝士栗米（+$3）兩隻餃子都幾好食，上到枱熱辣辣，煎到好香口，餃子食落去要小心，因為啲汁會爆出黎😂，而且味道都唔會太重，覺得啱啱好👍🏿特別鐘意個芝士粟米餃🤤粟米好爽甜，芝士好多，咬落爆曬芝士拉曬絲咁好正😆下次再去會試下個爆漿阿華田西多士，見到好多人都叫，好似好好食咁😍

超好味嘅爆醬阿華田西多士竟然收埋咗喺車仔麵舖入邊🙀爆漿阿華田西多士 $35⭐️推薦⭐️發現而家啲西多士成日偷工減料，剩係得麵包，入邊連花生醬或者咖央都冇，好意思買成$30😡但呢到西多士就唔同，一上枱已經見到佢有幾足料😨啲醬多到好似游泳池咁🏊‍♂️中間仲可以揀花生醬或者朱古力榛子醬🤤西多士炸得好脆皮，又甜又鹹好惹味😍如果做小食，建議兩個人share👯‍♀️循例都要講吓車仔麵，話晒都係車仔麵鋪😂大讚呢度可以揀菜底，仲可以揀生菜或者菜心👍🏻勁啱食完西多士又想減肥嘅我，個良心終於舒服返晒🤣🙃不過嗰日好肚餓都係嗌咗烏冬，其中一個餸揀咗生菜，啲菜好爽洗得好乾淨🥬推薦大家揀豬頸肉，外皮煎得好脆😚湯底係豬骨雞湯，加腩汁一流🤤價錢非常親民鋪頭牆上面寫咗句「有緣相聚，得閒再來」✏️聽到員工會問熟客係咪照舊，又會同客人傾偈💕食嗰日好大雨，臨走嘅時候，佢哋好好送到我哋去門口，不停提我哋要小心啲慢慢行🥹舖頭除咗員工好有禮貌，仲有一份人情味🫶🏼用心煮食，用心待人👍🏻

經開深水埗一於去試下朋友極力推介嘅爆漿阿華田西多士，估唔到一間車仔麵小店咁有驚喜😋🍴爆醬阿華田西多士 $ 35 + 🍫榛子醬 $2阿華田西多士上面灑滿阿華田粉，中間係流心煉奶淡奶，麵包夾層係🍫朱古力榛子醬，切開西多士真係爆醬咁流出嚟🥢招牌鮮炸肉丸 $32用上新鮮豬肉🐷同碎蔥頭🧅製作，即叫即炸，肉丸鬆化，配埋泰式甜辣醬食仲正🥢招牌煎餃 🥟-雙併 ＄42/ 8隻(韭菜豬肉🥬🐷+芝士粟米 🧀🌽+$3)韭菜豬肉餃子同芝士粟米餃子，埋相見到就已經知外皮煎得卜卜脆，韭菜豬肉餡好香有肉汁，芝士粟米餡入面好多粟米，芝士仲有少少拉絲👍🥢滷水拼盤 $48滷水拼盤有雞翼尖、雞腎、豬耳、豬大腸、豬肚，滷得好入味好淋，可以試哂五款🥤可樂 (跟餐 +$7)🥤凍🍋茶 (跟餐 $7)📍 聚來車仔麵 (深水埗)深水埗基隆街172號地舖

街坊下午茶餃子小店🥕爆醬草莓西多士$38⭐️⭐️⭐️⭐️⭐️即叫即炸一上枱熱辣辣，西多士一切開，草莓醬就勁流心爆多奶甘出晒黎，又不會太甜。🥕炸雞中翼+$10⭐️⭐️⭐️⭐️☆炸得香口，十分肥美肉質嫩滑。🥕雞扒漢堡包$38+3⭐️⭐️⭐️⭐️⭐️追加芝士+$3，漢堡包加了牛油烘得好香口，雞扒好大塊夠juice，再加上芝士、沙律醬、蕃茄、生菜，十分豐富。另外薯條大大條份量多。🥕招牌煎餃雙拼8隻$42⭐️⭐️⭐️⭐️⭐️芝士粟米+$3和韭菜豬肉，皮薄餡多，煎得剛好非常香口又不會太油膩，2款都不會太鹹，芝士勁流心粟米甜甜的。而且見到店員親手係度包餃子，十分用心。🥕凍檸樂+$8🥕凍奶茶+$3🥕凍檸茶+$3======詳情======聚來車仔麵深水埗基隆街172號地舖👣深水埗站A2出口步行約5分鐘================

食完飯都仲想食啲野，就去搵下周圍有咩甜品食，咁啱下午茶時間，見倒之前有人食評爆醬西多士，就過黎試下。平日下午茶3點幾冇乜人，入黎大把位任坐，冇諗過鋪頭細細，啲位又唔會太窄喎，坐得都好舒服。叫左個爆醬阿華田西多士，上枱時feel倒熱，即整真係特別好食，西多上面有啲華田醬水，仲有啲華田粉響周圍，賣相都幾好。一切開就流落個西多裡面，都幾好食，華田又唔會太甜，口感唔漏。佢包一杯熱飲，飲埋杯野，超級大滿足！

🟠自選車仔麵（$48）呢到既車仔麵麵款都幾多，連蕃薯粉麵有，不過我麵係選擇左幼麵😝餸方面我揀左豬手、魚肉春卷同雞腎，湯底呢到有個豬骨雞湯底可以揀。幼麵正常發揮，豬手炆得好冧，好好味😋魚肉春卷都不錯，幾有口感，雞腎都幾有嚼勁。湯底好清甜，飲完亦唔會好口喝👍🏻🟡 吉列豬扒飯配沙律醬（$49）呢個豬扒飯好大份，豬扒好大件，外脆得黎，入面肉汁仲好juicy，唔會乾哂，配沙津醬食一流🤩🟢爆漿阿華田西多士配花生醬（$35）黎到呢到一定要試爆漿阿華田西多士，成個西多士面都係阿華田粉，中間個窿仔有滿滿既煉奶，郁下隻碟就好似要漏出黎咁😎一切開，煉奶漏哂出黎，西多士加煉奶，阿華田同花生醬食，非常香濃😋但唔算話好甜，會無咁有罪疚感😂🔵滷水豬耳（$27）滷水味濃厚，豬耳非常入味同爽口，而且都幾多份量😽

呢日行深水埗，行下行下入左細街，見到呢間食車仔面，但仲有西多士食喎，咁就被吸引左入去啦😂首先店員都好親民，價錢都係街方價👍🏻餸菜選擇多，點菜選擇清晰👏🏻車仔面到啦，豬皮好爽好大塊呀。豬大腸洗得乾淨，中間唔會仲有好多肥油💪🏻就算清湯底，都唔係清到咩都冇，反而係鮮甜雞湯底👍🏻期待得岩呀，圖文相符架🤤🤤🤤西多士真係爆晒漿😍每邊都炸得平衡，唔會邊位特別乾🤩每一口都可以完全被阿華田漿包裹，好滿足呀！🥳

難得去開深水埗，突然想食下啲回憶的味道，上左O 記搵下有冇邊間食車仔麵好，就搵到呢間好似都排名高又like 多dislike 少嘅地方. 屈指一算，真係over 10年以上無食過車仔麵…… 中學就差唔多日日/隔日食. 入到去我覺得店員其實係一家人，個伯伯婆婆似父母有個中年男人應該係阿仔🤔 #蔥油雞扒煎雙蛋飯上碟賣相頗吸晴令人流曬口水，雙蛋個蛋黃好似就穿脹卜卜咁，蔥油份量都不少（雖然再多啲更好，好like 爆多蔥油！）加埋個雞扒好香. 難得煎雞扒咁嫰滑雞皮有啲𡁻口，撈埋醬汁加少少鼓油好開胃. 幾有心嘅係個嬸嬸幫我將刀义匙好靚咁放喺一邊. #勁多餸配辣菜脯車仔麵太耐冇食所以好貪心叫左勁多餸—-香辣魷魚，墨魚丸，牛筋，生菜，手打魚肉同肥牛加一丁. 驚喜在個辣菜脯（自己可以refill) 好惹味送麵一流. 墨魚丸同魚肉夠彈牙爽口，魷魚最出色有啲似花生醬芝麻醬加左咖喱咁，牛筋夠林炆得夠入味，咁呢生菜同肥牛對比下就比較普通.跟餐另外加$8 有特飲揀左咸擰七，另外一個餐就跟熱華田. 平時真係好少機會幫襯呢啲小店（因為活動嘅地方都被連鎖集團霸曬，連茶記其實都係敏X太X呢啲標準化餐廳），不過小店買少見少

今日想同大家介紹吓深水埗小店，本身想試依間店係因為佢有個爆漿西多士，睇落勁吸引！之後試埋佢其他嘢食，發現又抵食又好味。招牌芝士粟米煎餃 $37呢款煎餃大推，有啲後悔淨係嗌咗六粒🤣。煎餃每粒都煎到金黃色，表面非常酥脆。而且粒粒煎餃都脹卜卜，好飽滿，入面勁足餡。芝士份量好多、好澎湃，味道濃郁。粟米脆口、好甜。蒜泥白肉 $30蒜泥白肉有好多塊，腩肉切得幾厚😋。蒜泥用上生蒜，香得嚟又帶點辣，好惹味。同埋我鍾意佢唔會攞油浸，食落冇咁大負擔，唔會成口油。爆漿阿華田西多士 $37西多士睇落真係好吸引，一切落去啲甜奶醬即刻流晒出嚟。西多士好脆，好香口。中間仲夾住咗朱古力榛子醬，nutella味超濃郁，好甜，好好味！三餸車仔麵 $45三個餸分別揀咗瑞士雞翼、蘿蔔同芝士腸。麵底就揀番薯粉，再配腩汁。番薯粉滑捋捋，帶點煙靭感。瑞士雞翼好大隻好入味。蘿蔔份量多，好清甜甜。芝士腸會爆芝士醬😋。另外，每碗麵都會配有蔬菜～凍檸茶凍檸茶茶底香濃，清爽解膩。

位於深水埗嘅依間人氣小店，雖然係名都話左你知係粉面店，但但但，佢其中一味熱門菜式，係爆漿華田西多🫶🏻於是，今晚主要係為左西多來的🫶🏻另一味target, 係佢嘅椰菜煎餃，都好多推薦🐬於是，叫到一枱都係🤣📣雙拼招牌煎餃👉🏻韭菜豬肉👉🏻椰菜雲耳豬肉Woww 見到就知🫶🏻脆🫶🏻 而且熱辣辣 新鮮煎出嚟嘅韭菜椰菜雲耳豬肉全部都非常 嫩滑👍🏻 熱氣都要食🤣🫶🏻📣三餸上海麵👉🏻瑞士雞翼👉🏻芝士腸👉🏻生菜佢可以揀一個湯底同埋醬汁， 今次揀咗豬骨湯同埋瑞士汁， 再加蔥加蔥🌼正，可以custom made 想要嘅味道✔️🩷爆漿華田西多🩷👉🏻花生醬壓軸登場😳😳😳 真係幾震撼😳 中間仲有華田飲🤣朱古力醬花生醬同大量華田脆脆， 令個西多口感非常豐富🩷呢個真心🫶🏻必食🫶🏻I will be backkk🫶🏻