Video
6-min walk from Exit A, Tai Wai MTR Station
continue reading
Telephone
59247346
Opening Hours
Today
11:00 - 21:00
Mon - Sun
11:00 - 21:00
Above information is for reference only. Please check details with the restaurant.
Video
Photos
凍重焙烏龍茶拿鐵
弄堂茶燻雞 配茶事荷葉餅、藜麥柚子醋沙律
+582
+38
Recommended Dishes
假日有事到沙田，老婆在大圍找到這間很有特色的茶館；店內裝修得古色古香，很有泡茶品茗的感覺，但它最出名的反而是美食；店舖不是太大，樓下可容納大概19人，樓上閣樓更少得只有10個位。午飯時間到來，只淨下樓上最後二個側身座位，但用來飲食其實不是太好坐。看過餐牌，選了「桂花甜酸醬鴨配茶事荷葉餅、藜麥柚子醋沙律」，據說用兩天時間製作的油封鴨腿，配上用橙桂花浸泡以及多種香料熬煮的甜酸醬汁，出奇的配合，肉嫩味濃，酸酸甜甜非常惹味；茶事荷葉餅則和台灣的刈包非常相似，類似饅頭的口感，中間切開，可把佐料放入包中一起品嚐。「弄堂茶燻雞配蔥油拌意大利蛋麵、藜麥柚子醋沙律」，選用三黃雞，先以低溫慢煮方式，在加入了當季茶葉的滷水中滷熟，然後起骨切肉，用上紅茶與蘋果水煙燻而成；雞肉嫩滑多汁，更帶有香濃的煙燻味，而且因事前已把雞肉去骨，食得更加方便。茶醉蝦（3只）以人蔘烏龍茶、花雕酒及秘製配方，浸泡超過24小時；蝦肉爽脆Q彈，更帶有陣陣的酒香。只需加$28，以便可把茶事荷葉餅，改為香濃的蔥油拌意大利蛋麵，麵條採用粗麵，食落煙靱有咬口，掛汁能力更好，炒得乾身又好味。米香普洱茶～以南糯山的大葉種製成，入口順滑帶炒米香，飲落香濃解膩，相當不錯。Ice Lemon Tea～以雪片梨香單叢配上碳焙鐵觀音製作而成的凍檸茶；茶香味清甜，甜度適中又解喝。最後的甜品選了「杞子紅棗馬來糕•香料紅茶燉香梨•棗香牛油」，鬆軟的馬拉糕配上香滑的棗香牛油，又確實幾好食；雪梨經過紅酒及自家製香科燉煮後，變成深紅色，食落爽脆香濃帶酒及肉桂香，唔錯。食物質素確是不錯，相對飲品只試過最普通的，下次或者可以好好品茗一下！🤔老去茶事(香港)地址: 香港香港大圍積信街77-81號積善樓地下B號舖電話: +852 59247346
continue reading
作為大圍友咁多年 哩幾年都開左好多唔同既餐廳哩間老去茶事 靜靜雞開張餐廳位置係油站個頭 車房附近 餐廳整體風格裝修都係採用懷舊（可惜冇影相，其實幾靚）同朋友收工後去tea 一人叫左一杯野飲同甜品唔知點解朋友去到茶主題既鋪頭環要食咖啡茶味既蛋卷真係好好食 蛋糕皮鬆軟 中間餡料茶味cream 濃郁我覺得值得一試但2杯野飲都還好 有機會想試吓其他飲品 鋪頭比較細 都係大約最多10個人左右如果要排隊我就真係不了 有經過都可以試試
continue reading
人大了開始多咗飲茶, 見到店名亦有份講唔出嘅感覺 食物 : 弄堂茶燻雞配茶事荷葉餅 $99 - 雞肉幾嫩, 有淺淺的煙燻味, 唔好會濃味, 荷葉餅啱啱蒸好, 軟熟好味 東坡肉配茶事荷葉餅 $92 ~ 東坡肉好淋好入味, 唔會死咸, 配上荷葉餅一齊食, 味道更加夾 重焙烏龍茶拿鐵 $42 ~ 拉花幾靚, 味道正常 冷泡茶 $48 ~ 茶味比較淡, 唔突出 整體感覺 : 食物質數唔錯, 但店內以茶飲為主, 每人一定要叫一杯飲品, 但個人對飲茶欠深度, 未有太多感受 環境 : 店內佈置舒服, 是可以久坐的地方 服務 : 店員斯文有禮貌 費用 : $309.10 (含10%服務費)
continue reading
平日嘅下午茶嚟呢度係唔需要等位，可以真真正正感受到悠閒嘅感覺 香港好少以茶室做定位嘅餐廳店員都係後生仔 感覺唔會老土叫咗個重培烏龍拿鐵味道非常香，但係略嫌茶感可以再多啲 另外叫咗個蛋捲 味道唔錯，但不至於驚豔呢個唔記得叫咩名但係反而幾驚喜有類似馬拉糕嘅感覺 加少少牛油味道好香另外再加埋？梨片解膩，感覺清新要嚟送茶就一流喺香港就少眾嘅路線唔容易，所以都值得支持佢有大量一壺壺嘅泡茶可以揀，但實在天氣太熱 希望下次有機會再試吓 😇
continue reading
約左朋友去大圍食晚飯 竟然搵到間隱世茶館cafe! 除咗食物好食 木系裝潢令到環境好休閑 超適合同朋友敘舊傾偈🍵✨金華火腿南瓜米型粉 慢煮雞胸 漬物套餐$125呢個係茶單上推介既菜式 由賣相到味道都冇令人失望👍🏻米型意粉比米飯更加有嚼勁,而南瓜醬屬於滑潤偏淡,. 但係配搭鹹鹹地既雞胸,令到整體配搭好夾✨凍檸茶（跟餐+$5）睇到菜單寫既材料 係一杯唔簡單既凍檸茶.雪片梨香單叢（茶底）、油柑、糖水同檸檬。首先唔會有茶既苦澀,油柑既酸甜清新味好出,即使加左糖水,都覺得呢杯檸茶係小星星飲過最健康既檸茶🤣✨柚子薄荷青醬米型粉 紅茶煙三文魚 漬物套餐 $135有驚喜既菜式,初嘗柚子薄荷青醬呢啲都係偏清新既口感會唔慣,但係越食越過癮,一種耳目一新既感覺,柚子既酸甜、薄荷青醬既清新配搭煙三文魚既鹹香,巧妙咁平衡整體層次✨凍重焙烏龍茶豆乳拿鐵（跟餐+$5）平時飲開茶既可以一試,坊間會用焙茶漿再倒鮮奶既方法,但佢哋會以茶粉同蒸氣打發過既豆乳奶泡混合而成,茶味更加純正🍀唯一可惜係晚飯用餐時間得個半鐘😢星星推薦度：⭐️⭐️⭐️⭐️⭐️/5
continue reading