老厝邊

Open Now

Now Closed

在荃灣區最愛的一間台式料理店，性價比高。一次點了兩個品項，很飽香蔥牛肉起司蛋餅 ＆ 古早味紅糟肉每次必點: 香蔥牛肉起司蛋餅$42外皮煙韌，帶點香脆，蛋香也很夠濃。而且每次中點的餡料也很多，牛肉不韌不柴，略遜一籌的是，其香蔥味不夠濃。不過附上的醬油，鹹甜適中。另外點了一個比較特別的品項，之前一直未試過的古早味紅糟肉＄４０又是巨大的一塊，加上紅紅的外表，應該是醃整過？上網一查，才知是用紅糟、米酒和蒜末攪拌成醃料，味道上和普通炸排骨分別不太大，但也可到點酒味？最重要的是，它炸粉不厚，且非常香脆。吃下去肉質也不會很乾。 不錯吃， 可以一試。

收工近近地又落咗荃灣同朋友食晚飯☺️見都好似好耐冇食過台灣嘢，就嚟咗呢間幾抵食嘅老厝邊～👅麻醬雞肉粉皮麻醬好多好濃郁，好易就撈得勻😂雞肉有啲似雞胸肉但幾滑👍 粉皮口感煙韌👅酸甜雞球便當配料好多望落豐盛吸引🤩茄子香辣，節瓜好重薑味😯雞球炸粉好薄好香脆，裡面雞肉肉質嫩滑～個酸甜汁味道啱啱好，不過個瓜太多汁，所以搞到啲飯粒濕咗少少🙈👅藥燉排骨湯米粉天氣凍都想飲啲暖笠笠嘅湯，呢個既係湯又係主食，簡簡單單👍個湯甘甘甜甜易入口，排骨一咬就骨肉分離，肉質唔韌，幾入味～個米粉偏通透比較似粉絲，口感爽口，成個好啱冬天食😬晚飯時段湯麵/便當大約六十零蚊仲唔使加一，味道又好，性價比真心高💯🫶🏻

這間台灣人氣食店 樓高兩層食物款式多 餐點量大 價錢合理👍🔸️ 三杯雞蔥油乾拌麵💰52 蔥油控必點 整碗麵香噴噴👍 特大🐔扒表面煎得脆香可口 肉質軟嫰又能鎖住肉汁 yummy 面底煙韌有嚼勁 撈埋台灣特製醬汁🤤 🔸️炸排骨沙茶麵 💰60 同樣大份量 即叫即炸 色澤金黃 酥脆香口 肉軟有肉汁 配合帶有花生 香氣的沙茶湯底麵食😋🔸️香炸魷魚 💰36 魷魚炸之外層金黃色 咬落酥脆惹味😋🔸️ 苿莉奶綠 💰23淡淡花味 幾香滑👌🔸️ 百香雙響 💰28好多料 有椰果 珍珠 百香果👍

雖然食碗麵幾十蚊唔算貴，但係可唔可以做到簡單尊重客人嘅服務態度入到去間餐廳人唔算多，但係啲服務員就不斷望住晒，由頭望到尾，只係簡簡單單想食個飯，好似欠咗佢哋，真心black list

好似好耐冇食過台灣嘢，今日就嚟咗荃灣廣場隔離食呢一間老厝邊，好耐之前已經食過大角咀分店，印象最深刻就係個蛋餅好好食😋超濃芋泥蛋餅 $42｜塔香鹹酥雞 $39今次最主要其實都係衝着呢一個蛋餅嚟嘅，設定見到IG好多蛋餅嘅post搞到我都好想食，佢嘅芋泥滑順綿密，仲有厚厚嘅熱溶芝士，加埋肉鬆我真係一個人都可以食晒成份🧀至於個鹹酥雞都應該係即叫即炸，冇乜油膩感，炸得好乾身，仲好香九層塔味添🌱眷村牛肉麵 $69｜雞滷便當 $68主食我哋叫咗一個牛肉麵同埋一個便當，牛肉麵嘅湯頭都非常之香濃順口，牛肉好入味，亦都好腍🥩雞便當佢喺個Menu度寫係真愛便當，好奇咗一陣究竟真愛係咩嚟呢？原來係慢煮雞胸肉燥飯🤣🤣手作黑糖鮮奶 $27｜綿密芋頭鮮奶 $30兩杯嘢飲我哋冇特別叫少甜但係甜度都啱啱好呢一個芋頭同頭先芋泥蛋餅個芋頭係唔同，呢款就比較有顆粒感有啲咬口，飲落亦都甜少少，不過因為有奶中和返，所以都冇乜大問題🥛近期好似多咗好多唔同嘅台灣舖頭開咗，呢一間都算係唔錯，每樣嘢食嘅價錢都好街坊價，行過開呢一頭簡單食餐呢一個都係唔錯嘅選擇💕

早幾日我同細妹去左食台灣菜🤣，媽咪就問我幾時帶佢去試試🤔，所以我就急急腳係荃灣搵左另一間人氣台灣餐廳同佢去食個Lunch😏餐廳樓高兩層，空間感大👍🏻，裝修簡約，裝潢設計模仿台灣夜市攤檔🤩，氛圍感不錯😎- 紅蔥油雞肉便當🐔 $62慢煮雞胸肉質軟嫩😍，紅蔥油醬汁味道帶少甜得來又開胃，不會太過油膩🥳，配菜份量豐富，大豆芽、節瓜、椰菜花🥦、滷蛋🍳，炒香過後變得香口惹味，更值一讚飯底使用了珍珠米🍚，粒粒分明飽滿，口感煙韌，整個配搭都很對我的胃口❤️- 招牌牛三寶麵🍜 $83厚切牛腱軟淋，一咬即化🤣，牛筋膠質感重，吸收濃郁湯底精華，炆得很入味😗，牛肚厚切爽彈🐮，白蘿蔔清甜多汁☺️，濃厚湯底帶有牛香味🥰，但略嫌味道偏鹹左少少🙈，幼麵質地爽口彈牙，掛湯不錯😎- 超濃芋泥起司蛋餅🫔 $42煙韌有咬口蛋餅煎得焦脆香口😆，內裹包滿綿密幼滑芋泥🍠、香濃拉絲芝士🧀及鹹香肉鬆🐷，鹹香配搭果然不會錯，啖啖滿足👍🏻，啱曬我呢個芋頭控😝又成功解鎖了一間很有台式風味的餐廳🥳，我同媽咪食完之後都表示Lam Lam脷👅，係荃灣返工既朋友仔不妨考慮係到食個快飯😋，大份又抵食😛📍老厝邊 - 荃灣荃灣大壩街25號地舖@laocuobi

荃灣一直都係個搵食既好地方竟然有我想試既台灣野因為平日，未至於排隊，但不停都有人入座裝修都係以我鐘意既Tiffany色為主，牆上呢個山既裝飾好靚番茄牛肋條麵湯底微辣但番茄味唔出；大大舊蘿蔔幾入味；牛肋條每條都好大舊而且好淋，唔會太肥；麵望落似好淋，但質感岩岩好酸甜糖醋雞便當本以為便當係盒咁，將2款配菜1款涼菜半隻滷蛋分隔開，但原來係一大碗放晒味道酸甜剛好，好開胃；雞係炸雞幾嫩滑；配菜都唔錯，特別係絲瓜，一直唔鐘意食絲瓜既我竟然清晒台式蒜片香腸有別於平時街上食好juicy既台灣腸，有啲椒鹽係面，都幾濃味凍多多綠多多味濃，都有淡淡綠茶味，唔苦澀，幾好飲

荃灣西嘅呢條街有好多小餐廳，呢日諗住簡簡單單快快脆脆食一餐，用1分鐘喺呢條街行吓兼諗吓，就決定嚟呢間台灣粉麵小食餐廳開餐🤣叫咗 $62「藥燉排骨🐷湯米粉」同埋 $24嘅「燙青菜🥬」🤩「藥燉排骨🐷湯米粉」：排骨🐷有幾件，件件都頗為大件，炆煮得幾腍；湯米粉簡簡單單幾好食；仲有兩條青菜；另外，仲見到有一粒紅棗同埋好似係枸杞子🤩「燙青菜」係生菜🥬，新鮮簡單幾好食😋，份量亦頗多🤩用咗大約15分鐘就食完，完全符合簡單快脆嘅要求🤣

開門入去 4，5個員工圍爐傾偈 我示意一個食 佢哋淨係望一望我 然後無視我 咁我自己求其搵個位坐低啦 落單menu tick嘢食 嗌咗個大腸麵線 同芋泥起司蛋餅 試埋佢啲台式飲品 嚟m諗住嗌杯熱嘅芋頭鮮奶 同埋加愛玉 同埋佢標明飲品有得揀少冰同甜度 然後個侍應走嚟用啲極差語氣表情同我講：熱嘅冇得加愛玉喎 會溶喎 咁我就話：咁要凍 但想微冰微糖 佢：本身杯嘢已經係微冰微糖㗎啦喎 我心諗 我鬼知咩 menu又冇寫嘢食都唔係特別好食㗎啦 麵線同嘢飲冇乜特別 係蛋餅出色啲 手搖都係飲返出邊啲台式飲品店我諗會開心啲

老厝邊台灣菜係一間打工仔平價嘅選擇。午餐由$62起，加配飲品仲可以減$10。眷村紅燒牛筋牛肉麵只係$76。呢碗麵有濃郁嘅紅燒牛筋牛肉湯底，加上嫩軟嘅牛筋牛肉，每一口都充滿肉香。真心滷肉便當只係$62，裡面有滷肉、茄子🍆、芽菜、翠玉瓜同滷水蛋等配菜。滷肉肥瘦適中，多汁。飲品揀了蜂蜜烏龍微糖微冰（加$12）、珍珠熟成奶茶🧋少糖微冰（加$15）。散叫了小食香炸花枝丸$32。花枝丸切成半粒，炸至金黃酥脆。

還原台灣古早味滷肉飯🇹🇼高質台式餐廳❤️‍🔥食台灣嘢就會諗起呢間💯 #sdm荃灣 #sdm銅鑼灣 #sdm旺角#sdm大角咀 #sdm台灣菜 💛 #和你食啲咩 💎 滷肉飯（大）$42必食💯💯 （😋：9.5/10）👍🏻：呢個滷肉飯非常高質❤️‍🔥可能係我喺香港食過最似台灣嘅味道🥳真係有滷肉飯嘅肥肉而且整得肥而不膩‼️我可以食兩碗🤤🤤🤤👎🏿：。💎 半筋半肉蒽油乾拌麵 $76可以一試✅️ （😋：7.5/10）👍🏻：牛筋同埋牛展肉都夠淋，好食🤩不過蔥油拌麵就味道比較淡嘅，我個人比較鍾意食濃味少少🤭👎🏿：。💎 塔香鹹酥雞 $39值得一試‼️（😋：8/10）👍🏻：份量都幾度啊，每粒雞粒到大同普通鹽酥雞有少少分別多咗一浸香味，我覺得幾出色即叫即炸真係外脆內軟👎🏿：。💎 起司肉鬆蛋餅 $40可以一試✅️ （😋：7.8/10）👍🏻：超足料餡料好多，每一嚿都會食到爆漿，呢個蛋餅仲會跟埋一個醬汁唔夠味可以俾你點？味道好好，唯一美中不足可能係蛋餅個皮可以整得掃除少少，我鍾意手肘病嘅口感。👎🏿：。💎 百香雙響 $28可以一試✅️ （😋：7.5/10）👍🏻：如果你係鍾意食料多個飲嘢嘅話，呢杯啱晒你🤣佢啲椰果同珍珠真係佔咗半杯(

一入到去拎位，之後個女店員俾個號碼牌我哋，我一行8個人去食，見有兩張吉位，就好客氣，問佢可唔可以入去坐，之後個店員好勞氣咁話我要清埋枱先俾得你，唔好急好冇？之後我朋友坐低咗，想拎個籃放低個書包，佢又超勞氣話個個都拎籃，實唔夠用啦。味道唔評價了，都係一般貨色，不過咁差嘅服務態度，永遠都black list，從來冇試過食餐飯食得咁辛苦，真係背脊骨落，之前都幫襯過幾次已經覺得服務態度一般，今次直頭跌咗落地獄咁，食嘢食到咁受氣

餐廳用走懷舊台灣風，所有細節都有認真構思。這裡有上下2層，從下面望落去都幾有趣。環顧四周，幾乎一半的顧客都點了牛肉麵，應該都幾有保證。我則點了紅糟肉便當紅糟的色澤好靚，令豬扒的味道更有層次。豬扒半肥瘦，夠大塊，外層酥脆，內裡食落多汁。便當帶的配菜很有心思，不是行貨。麻辣椰菜花好惹味，撈飯一流。絲瓜就夠多汁，非常清甜。凍蜂蜜檸檬愛玉因為見食評話呢d的飲品偏甜，所以叫了微糖，果然剛剛好。愛玉的份量多，入口即化。檸檬飲落清新開胃，好解膩。餐廳的便當有菜又有肉，定價合理，滿滿的台灣古早味，值得支持。

第一次試呢間野，夜晚6：25去到叫外賣，落單個陣問收銀大約要等幾耐，她答我“10分鐘左右”。ok，所以我係附近行下先。10分鐘後返去，見未有得拎，就企埋一邊再等下。見15分鐘過去，仍然未見有得拎，於是入去問下收銀，點知佢西住面咁答我“無辦法，最近網上外賣平台做緊活動，多單係咁㗎啦”結果我等左廿分鐘先有外賣拎而且個收銀俾袋外賣我個陣，完全一粒聲都無講，又無叫號，就咁對袋外賣俾我就算。態度真係好差。多單做唔切唔緊要，可以禮貌啲同客人講返“唔好意思呀，啱啱比較多單，所以比預期要花多啲時間”好聲好氣啲，客人唔會咁難受之餘，都會願意體諒下。但呢個收銀員做左完美嘅反面教材。所以多得呢位收銀，我已決定唔會再回頭食呢間店🙂。（我叫嘅麵和冬瓜茶都係普通水準，所以無話明知服務差都要返轉頭食）

荃灣廣場後面呢條街一向好多餐廳，今次試咗呢間好有台灣特式風格嘅台式餐廳。佢仲有閣樓座位，望上去好有feel😃。眷村牛筋麵$66我地揀咗蔥油乾拌，麵條好幼，口感偏軟腍，牛筋份量好多，牛筋同蘿蔔都炆得好入味好好食😋起司肉鬆蛋餅$40材料簡單，但真係好好食😋尤其佢嘅芝士味真係好出色，多得嚟一啲都唔膩，十分推薦🤤薯餅蛋餅$36想飽肚啲可以叫呢個蛋餅，真係有一大塊薯餅喺入面，香脆好味😋食完都飽飽地。青蛙撞奶$25+愛玉$3台式飲品一向偏甜，所以叫咗微糖，甜度啱啱好，飲品可以加配其他配料，我加咗愛玉😋好滑。現煮冬瓜鮮奶$26平時手搖飲品嘅杯裝、幾方便，飲唔晒可以帶走飲。