Video
5-min walk from Exit A4, Sheung Shui MTR Station
continue reading
Above information is for reference only. Please check details with the restaurant.
7/1/2024再到聯和墟食飯。 今次上左聯和墟街市熟食中心既美味多小廚食LUNCH，可能我算早啦, 11點半上去好易有桌有位。呢間有樣好, 唔洗同人迫住咁住。睇完餐牌今日有咩餐揀後, 就叫左肉絲炒面 $45 及黑椒咸豬手飯$50。價錢黎講算正常價..有餐湯及飲品包埋。而且餐湯有西湯紅白兩款, 仲有時日中湯, 都算係咁。 白湯就無叫啦. 羅宋湯幾好飲, 又大大配。飲完都已經半飽(認真既)。之後我既黑椒咸豬手飯到左, 唔錯, 豬手大大隻又夠淋，預左係雪藏豬手。膠質滿滿, 黑椒味正常茶餐廳水準。唔錯! 最欣賞我叫佢少飯, 佢真係有聽, 比左半碗飯我。值得一讚既!同行友人就叫左肉絲炒面, 佢好滿意既。話個面炸得幾好, 食得出係即叫即做。兩個餐份量唔算少, 女性食絕對足夠。男性就睇需要啦~
continue reading
舊日的足跡廿多年前常客，幾年前再嚟過，今日又再故地重遊，味道依舊食得出傳統沙嗲牛肉味，啖啖都是花生香沙嗲醬，軟熟有嚼勁牛肉回味無窮。我最喜歡的是香煎紅腸，四大片豪不吝嗇，配上太陽蛋，一份早餐飽足大半天。
continue reading
今日嚟到聯和墟街市熟食中心食午飯，食飯時間間間都坐滿人，見到呢間叫美味多仲有位就坐低試吓。我好耐之前都嚟食過一次食早餐，午餐就第一次嚟，我地三個人叫咗兩個餐，但都送咗三個湯比我地。▪️中湯 - 西洋菜湯▪️西湯 - 羅宋湯碗湯都好大碗㗎，無論中湯西湯都好足料，好飲呀。▪️乾炒牛河乾炒牛河炒得好夠鑊氣，好食。▪️茄汁焗豬扒飯本身對呢個飯都冇乜期望，但嚟到竟然有驚喜，豬扒飯茄汁都幾多，豬扒都幾大塊都幾鬆化；飯係炒飯底嚟，整體好好食喎，味道絕對唔會輸比高級餐廳，勁推薦。總結：我哋三個人都只叫咗兩個餐，但都送咗三個湯比我地，呢點抵讚。碗湯仲要好飲😋下次都會再嚟。提提大家，呢間係唔做下午茶㗎，兩點後就關門😂😂
continue reading
20170406(星期四)--美味多小廚在扶手電梯到達2樓後轉右，就在泰國菜的旁邊，是日到此吃早餐。點了火腿通粉+火腿奄列+熱奶茶($24):火腿兩大片加上生菜，通粉份量不多，湯底夠味精。奄列的蛋，又乾又唔滑，內裏有不少火腿絲，味道一般，有多士，不是吃白麵包。奶茶杯崩了一角，奶茶有茶味，味道不過不失。埋單: $24 有通粉，還有奄列，便宜得很，如果我有兩個人，我會兩個人吃一個餐，飽肚。味道一般，唯一賣點就是便宜了。餐廳只營業至下午三時，以下是其他餐牌
continue reading