甜言蜜語糖水小食

久不久經過大埔昌運，就會去呢間買糖水返屋企慢慢嘆。前幾日帶埋囡囡去，就試埋炸餃子🥟同炸燒賣。餃子有2款，分別係韮菜豬肉同粟米豬肉餡，小朋友鍾意食粟米，所以試咗「粟米豬肉」。賣相煎到金黃色，又脹卜卜都幾吸引，外皮香脆，咬落去似窩貼，老闆話佢係自家制。餡料都幾多粟米，豬肉無豬羶味，幾好味！一盒10隻份量都多，食完飽咗！炸燒賣係必點食物，炸到外脆內軟，外皮灑咗少少准鹽，幾惹味，真係好好味！今次甜品揀咗「多芒仙草小丸子」 和「綜合芋圓燒仙草」。呢度嘅甜品好足料，一樽真係滿滿材料！「多芒仙草小丸子」 唔止用椰奶，仲加咗芒果蓉，口感更濃厚一啲，芒果好甜無渣，加埋滑溜嘅仙草，幾好味！「綜合芋圓燒仙草」 嘅材料好多，除咗芋圓、仙草，仲有紅豆、珍珠同西米。呢個甜品主打係食Q彈嘅芋圓，有不同口味，軟硬度對我嚟講剛剛好。食材迫滿一樽，一個人食真係好飽，可以2人開心share。…查看更多

有身時味道嘅足料粢飯老闆知道係share 仲好貼心咁幫我對半切開正好可以影到張靚靚切面照飯同餡料分佈平均望落足料！可以配自家製豆漿有無糖揀加分💯！另外叫咗兩款煎餸即叫即煎等待時就聞到好濃韭菜香！皮薄忍唔住趁熱即食好正個人䑁得兩款各有千秋都好味原本係專程嚟買嚟宵夜糖水點咗健康啲嘅桃膠同埋另一個綜合芋泥芋圓屋企人讚後者又係好足料芋圓我覺得好有咬口👍🏻我就鍾意前者清清哋又唔會太甜大埔宵夜同糖水又多咗個選擇Very good!!…查看更多

俾我發現到一間超高質嘅糖水小食外賣店「甜言蜜語」！間舖仔細細，裝修用咗橙紅色，好sharp醒好有活力嘅感覺🍊🔥🌟煎餃子（粟米）🌟即叫即煎，皮薄餡靚！個皮煎到金黃香脆卜卜聲🤤，入面嘅粟米勁甜勁多汁，啖啖肉，真係好好食呀！😋🌟煎餃子（韭菜）🌟韭菜控必食！一咬落去，啲韭菜香到不得了🌿，超級惹味，食到停唔到口呀！🥟💯🌟炸燒賣🌟平時食開蒸燒賣，估唔到炸都咁正！🔥炸到外層勁香脆，入面依然好彈牙，加埋椒鹽調味，邪惡但超好味！😈👍🌟多芒楊枝甘露🌟芒果🥭迷嘅恩物！真係超多芒果肉，好足料！🥭🥭個底唔會太甜，食落好fresh好清爽，絕對係解暑一流！🥳❄️🌟椰香紫米露🌟天氣涼涼地，叫返碗熱辣辣嘅紫米露🥥就最正！椰香味勁濃郁，紫米煲到好夠身，唔會太甜太膩，暖笠笠好滿足！🥰💜#大埔美食 #甜言蜜語 #糖水 #甜品 #香港美食 #小食 #煎餃子 #炸燒賣 #楊枝甘露 #紫米露 #食好西 #外賣 #誠意小店 #CP值高 #街坊美食…查看更多

今日去咗大埔昌運中心嘅「甜言蜜語」，買咗幾個外賣返屋企當下午茶，慢慢嘆。煎餃子揀咗雙拼，粟米同韭菜兩款口味。餃子係自家製，皮薄餡足，煎得香口，外皮脆身，裡面餡料飽滿。粟米餃清甜，韭菜餃味道濃香，兩款都好夠味，食得飽肚，當一餐正餐都夠飽。多芒楊枝甘露同芒果西米桃膠芋圓，兩款甜度都啱啱好。芒果用新鮮芒果蓉，香甜自然；芋圓同西米煮得煙韌Q彈，桃膠滑身，食落好舒服。另外仲叫咗花枝丸，炸得香脆，咬落有墨魚粒，鮮甜彈牙，未返到屋企已經忍唔住食晒。呢間舖頭嘅食物質素唔錯，老闆娘用心製作，餃子、芒果蓉都係自家製，超級足料，性價比高。大家如果喺附近，不妨試下。…查看更多

大埔昌運中心地下呢間外賣糖水店，價錢親民，廿幾蚊起，糖水加小食$100有找，份量足夠，宵夜時段幾受歡迎～🥭 多芒小丸子芒果汁底夠濃，芒果肉多，小丸子煙韌，加埋爆珠西米，口感豐富，甜度自然。🍠 椰汁芋泥紅豆桃膠丸子椰汁香滑，芋泥綿密，紅豆煮到起沙，桃膠爽滑，一碗有齊幾種配料，滿足。🌽 煎炸栗米煎餃餃子皮煎到金黃脆底，栗米豬肉餡清甜多汁，點辣醬更惹味。🌶️ 椒鹽炸燒賣燒賣炸到外脆內軟，加椒鹽粉幾香口，似港式天婦羅，做宵夜幾不錯。呢間小店價錢平，份量足，芒果小丸子同炸燒賣都幾有特色，大埔街坊想食平價糖水同小食可以試試～…查看更多