海記燒臘飯店

Open Now

Now Closed

海記老闆,本身以前就是惠記的partner老街坊都知,海記的咖哩羊腩比惠記更出色海記的羊腩夠腍卻沒有碎骨相反惠記的羊腩碎骨都混在咖哩汁中......不要只信名牌,試一下這間海記你可能不會再幫襯惠記

無可避免, 會同對面比較;我兩邊都食左, 大可俾少少意見.這邊, 一坐下, 已送個列湯, 先win~服務親切好多, 又win 多個round!鴨多肉; 味係同對面一樣的;如果同是兩碟鴨, 唔講的話, 根本好難食得出係邊間打邊間但d 汁少, 較乾;可多d汁便好了.因為, 送飯始終都係多d 汁好味.服務好好多, 下次我再o黎都會食呢邊.

朋友帶路, 第一次幫襯海記!! 因為少許潔癖的原故, 見倒個環境就嚇了一跳, 因為有小強!! 點了例牌雞, 例牌鴨, 咖喱羊腩!! 因為本人不吃羊, 所以不知味道如何! 但燒鴨真的很出色, 我愛吃胸肉, 但這個鴨胸一點都不鞋, 而且很juicy!!唯一挑剔還是衛生問題, 有食物殘渣留在椅子上! 但整體是很不錯的!

和家人去了時代廣場一行，循例吃一頓午餐，不想太破費，附近的鵝頸橋熟食街市是一個不錯的選擇。剛好飯市時間，原本打算吃老主顧「惠記」，但家母見到隔離檔的蒸魚賣相精緻，結果二話不說去了隔鄰的「海記」，也好，兩店的食物風格相若，另外也想試試其他檔口的味道。據朋友所言，「海記」是「惠記」的舊伙記自立門戶，打正附近作對台，沒有用上「清真食堂」作招徠，所以多了一些豬肉的食譜，不過今次吃的，也是以「舊店」的招牌菜為主。奉上的例湯，雖只是普通的紅蘿蔔和粟米，仍不失老火侯，也沒有下味精的不適。提到過的梅菜蒸鯇魚，自然來了一客，大大件的，略鮮而有點草味，碟內少許梅菜連汁，剛好用來送飯。這裡的咖喱羊腩，印象中沒惠記的那麼香濃，但仍是水準之作，相對上來說，吃上去也沒有太過燥熱的感覺。也沒有惠記過多的骨碎和肉碎，口味這回事很主觀，過得到自己的要求，總算各有和好。原本想點太爺雞拼燒鴨，侍應聽錯，變成白切雞，稍為有點可惜。燒鴨也呈鮮紅玫瑰色，但沒惠記的那麼肥，味道醃得入味，肉嫩之餘，很幸運地，吃的鴨件竟然是脆皮的，有時連惠記也不是經常遇到，雞則沒有太大特色，臨尾的蝦子柚皮，灑上大把蝦子，甘香而沒有苦澀味，坊間也不易找

天氣非常熱，人也沒有什麼胃口，最好吃咖哩，一想就想到這個熟食市場，捉埋同事，打的來吃個午餐。在這裡吃了廿幾年，都是在惠記那邊，是日就試埋這邊。這裡的環境當然一般，搭檯差不多是必然的事。但比起以前來的時候，這個熟食中心連冷氣也未有，已經好了不少。基本上，主打的幾樣菜色，也跟惠記那邊差不多，次次來也是叫差不多的食物，就是咖哩羊腩飯，與及灼鵝腸一碟。一看份量十足的羊腩飯，立時又醒起自己又忘了叫「扣底」，因為看樣子是沒有可能吃得完的。這裡的咖哩也是油底，不辣，香料的香味很足，真的是跟羊腩煮了一段時間的，所以在內也有羊羶香味；羊腩件炆得入味，帶肥油的更是甘香豐腴，人間極品。略嫌碎骨是多得過份了一點，增加了吃的難度，但無損味道的。這裡的咖喱羊，也對辦的。如果不是還有要返工，叫支冰凍大啤，再吃咖哩羊腩，一樂也。鵝腸沒有醬汁跟的，吃起來也爽口味美，不過腸間的油份去得太徹底，少了一份油香，美中不足。不過18蚊一碟，一人獨享，吃得滿足。還有例湯一碗，是冬瓜湯，加入同煲的當然是雞頭雞頸雞腳之流的下欄品，很清淡，勝在沒有味精，當熱水喝吧！埋單47蚊，已吃得飽飽，經濟抵食。

尋日食左餐咁貴嘅, 今日師傅決定食餐平! 但係師傅出去食晏時, 一出左門口就有一個疑問, 就係向左走定向右走好呢? 如果向右走, 師傅就好大機會去再興, 但最後師傅決定向左走, 所以就黎左呢度食晏!當師傅黎到呢度時, 即刻喺呢度打左個圈, 最後諗住去清真惠記, 冇錯係去清真惠記, 於是坐底, 但一坐底就出事喇, 原來師傅啱啱坐左喺清真惠記同海記嘅交界, 點知呢張枱原來係屬於海記, 而海記個伙計好快就放左碗例湯喺師傅面前, 咁師傅唯有喺度食一餐啦, 睇左一陣師傅都係決定叫碟肥叉燒飯!肥叉燒飯好快就到, 賣相都唔差, 而叉燒確實幾肥, 做到野喎, 蜜味都幾夠, 但係就唔算好鬆, 煙煙韌韌咁, 有d似豬頸肉嘅感覺, 反而叉燒嘅感覺就唔多似, 不過加少少辣椒醬都幾好味! 而例湯就係送嘅, 都煲得幾夠火喉, 冇味精幾好!總括黎講食物質素都可以, 價錢都叫相宜, 廿三蚊一碗單拼燒味飯, 廿五蚊一碟單拼燒味飯, 加一蚊就可以有雙拼, 仲有例湯送, 都算抵食! 如果早知係食叉燒飯, 師傅就去再興啦, 食燒味始終係再興好d; 不過下次有機會都會再黎, 而笑臉都比得過!

大多人去鵝頸橋街市吃燒味,首選一定是清真惠記,同場的海記,原來也非泛泛之輩.有說是老細由清真惠記出來自立門戶,基本上賣的同惠記大同小異.兩者也是以明爐燒味,咖哩,甚至乎柚皮,蘿蔔等等,有如前者的A貨.早上十一點去到剛開門,坐下看看檔口已經燒味紛陳,先來隻燒鴨髀,送支小弟口中"Extra lager"的森堡作其morning beer.鴨髀斬件上,自然沒有大塊肉的快感,撇除此點,這隻鴨髀,外皮燒得香脆,肉質結實,充滿著鴨本身的濃烈味道.肉同皮之間的肥膏,甘香肥美,絕對是我輩嗜吃者之福音.或者有些人嫌其燒得不夠透,我就覺得保留一點肥膏,口感沒有咁寡之餘,還多份來自肥膏的甘香.晨早流流來隻肥美鴨髀,都幾囂.再來個咖哩羊腩,用得清真作旗號,一定是印巴之味道,所以味道更加刺激.說其羊腩,不得了,羊腩做得稔熟入味,羊肉充滿著本身應有的騷香.而腩的筋膜位,口感帶點爽口.一稔一爽的口感,加埋夠勁度的咖哩,連羊肉的騷香,咖哩汁流到唇邊,講不出的滿足.無須上高級餐廳,簡單的一隻鴨髀,咖哩羊腩,已經是愛自己之表現.活著,便精彩.

朋友介紹話呢間同清真惠記賣嘅菜式一樣，但水準可以講話重好，所以專誠嚟買外賣試一下。要咗咖哩羊腩(一份$30)、燒鴨(四份一隻$40)、同柚皮($16)。咖哩汁味道唔錯，但唔算好突出，羊腩肉質幾好，炆得夠腍；燒鴨真係好正:隻鴨唔廋幾好肉，皮脆肉嫩，個滷水汁好味，呢味真係好正；柚皮都有水準。食物水準同隔離個間比較，真係唔失禮，食得過。