沙田新強記燒鵝海鮮酒家

Open Now

Now Closed

經過大圍新開的商場附近，一直都知道大圍站對面有一間「新強記燒鵝」。既然今晚一場嚟到，冇理由唔去試嚇。但因為下午茶食過燒鵝瀨，所以今晚就試嚇佢嘅招牌菜乳鴿和蜜汁叉燒，大大只嘅乳鴿皮香外脆有光澤，咬落去啖啖肉，而且燒到外脆內軟，半肥瘦嘅叉燒食落吾油膩，肉腍鬆軟、厚薄適中，仲有少少焦香和膿邊，熱辣辣嘅叉燒汁送飯一流。雖然今日系平日夜晚，但都見到很多街坊幫襯，相信都系因為小菜份量夠大之余，配埋超好服務態度嘅樓面姨姨和高水準嘅食物，完全系有回頭客嘅原因。下次吾系經過，而系會專登再去幫。

是日同老婆外家一家人食飯，當做節。當中有較年長既一輩，心血來潮話好耐無食過新強記雞粥，印象我都分分鐘好幾年無食呢間。印象係食乳鴿，燒鵝，雞粥小菜咁，印象以前都好唔錯。其實本身都有d擔心，疫情後，都執左好多餐廳，都諗緊佢會唔會執左。好彩，上網check過仲响度，立即打電話訂位食飯。呀強乜你仲响度呀坐低睇下有咩好食，呢度好在好多套餐set好左，唔駛煩諗食乜，睇住個價錢去揀，唔駛左諗右諗食乜好，簡單。最後見到個728餐，幾抵食咁，又出名既燒鵝，乳鴿，仲有個湯飲，加多兩個小菜，幾個人食，加上女人多，實夠食。生磨杏汁白肺湯：足料，有雞肉，雞腳，瘦肉，豬肺，我就麻麻地內臟，長輩話洗得好乾淨，豬肺無so味。杏汁勁濃郁。燒鵝：例牌，其實都算大碟多件數。燒鵝對於我黎講，最緊要有d肥同夠熱，太瘦唔好食，唔夠熱食落去個浸油又好怪。今次食都幾ok，唔會太過肥，唔駛係咁夾走d肥膏。又唔會太瘦，夠熱，皮都脆，好唔錯。椒鹽九肚魚：都係新鮮整起，夠晒熱，食呢九肚魚最怕食到細骨，成日渣咁，今次成碟都無咁既情況，又唔厚粉，無得輸。雜菜煲：好足料又大煲，又菇又蝦乾咁。最怕煮到黃咁咁。今次尚算可以，美中不足既佢較濃味，個人喜

今晚提早同屋企人做節嚟到呢間長輩們都識既新強記😆嚟到新強記唔係唔食燒鵝乳鴿下嘛？呢個餐滿足晒我地要求😆要左一個生磨杏汁白肺湯呢d功夫菜當然要試（自己係屋企洗好大工程）杏汁味好重，湯好甜（好似飲緊杏仁茶）有雞味湯渣可以睇到十分足料餐既燒鵝都有燒鵝脾食🤗🤗皮脆肉質鮮嫰多汁唔會太肥一D都唔柴乳鴿熱辣辣👍👍有4隻～份量十足小菜方面我地揀左～上湯海味雜菜煲，食左咁多肉要叫番個菜均衡飲食。入面有蝦米、魷魚、粉絲、西蘭花、菜芯、竹笙、粟米荀 、草菇。另一款叫左椒鹽九肚魚個皮好脆魚肉嫰滑無骨驟眼睇有10～12條😆😆最後仲有糖水送為呢餐寫上完全既句號有紅豆沙＆綠豆沙我地一家比較喜歡紅豆沙送既糖水一D都唔馬虎煲到起晒沙唔會太甜👍👍

💙蟹籽燒賣燒賣肉比較厚實，食完好飽😂.💙新強記蝦餃皇蝦餃皮厚薄適中，蝦既份量好多～ 值得一試🤓.💙花雕棉花雞棉花雞係原件上～ 兩件大大件，魚肚幾滑☺️.💙金錢肚份量唔少，金錢肚有咬口，夠入味，低下有豆卜用黎索汁，重口味既朋友會好鍾意😛.💙金珠鹹水角唔會炸到縮曬水，空氣同饀料一半一半，味道唔錯，但熱d更好🤫.💙炸鮮奶卷即叫即炸！熱辣辣食好好食～ 皮脆，內軟滑既口感～～.💙蜜汁叉燒包叉燒餡料夠多😉 每啖包都食到叉燒.💙脆脆紅米腸入面做到幾脆口，想像到既脆網卷口感😗.見到啲隔籬枱既燒鵝都好吸引 燒得好靚～下次就黎try try呢個🥰

今日去了大圍一間港式中菜餐廳食午飯。餐廳大門掛滿了很多大紅燈籠，很有中國古典色彩。餐廳內沒有華麗的裝修，是比較實用的港式設計，放有多張大圓枱。這裡是以雞粥，燒鵝和乳鴿而馳名。我點了：-強記雞粥一人份量瓦煲上枱熱辣辣，很大煲。可以2-3人食用。粥底綿滑，味道鮮甜，雞件嫩滑。-燒鵝河粉燒鵝與河粉分開上，燒鵝皮脆，肉質腍軟，鵝味香濃。-脆脆紅米腸腸粉內有脆脆，芹菜和蝦肉，很有層次感-新強記蝦餃（2粒）最鍾意是可點2粒或4粒，非常有彈性。蝦餃很大粒，餡料滿是蝦肉，很彈牙。-菜苗鮮蝦餃-懷舊芝麻卷現很少酒樓有這款點心了，因製作繁複。芝麻卷的芝麻味很香濃，甜度適中。

沙田新強記燒鵝海鮮酒家 (大圍).係沙田附近住嘅都會認識嘅老牌酒樓，富有人情味！.每次黎我地都必叫小食—麻香海蜇頭，小水母咁，非常爽口.雞粥係必叫，睇個顏色就知真材實料，夠綿，唔需要落胡椒粉個人覺得已經好夠味呢到嘅海鮮孖寶會定期搞搞新配搭，今次我地叫A，金銀蒜蒸龍躉腩再加個菜，金銀蛋時蔬，仲送個古法香妃雞雞始終係送嘅唔算份量好多，但送嘅唔會要求太多！.最後仲有糖水送，分別有紅豆沙或者綠豆沙，兩走都好足料！

去新強記相聚一下， 貪佢夠地道，夠大份。▶️新強記小炒王好足料的小炒王，蝦乾落得超多，仲要大大隻。韭菜冇渣，銀魚、菜甫都好香。食到底，碟底沒太多油，炒得不錯。▶️秘製香辣雞煲 （小辣）唔係好食得辣，所以只叫小辣。呢隻辣的程度係一開始食會覺得有些辣，食食下會習慣的辣。 我們覺得合適。雞件有好多塊，香香辣辣， 我連配菜都食埋，▶️乳鴿叫一隻過下隱，果然冇失望。幾多肉汁，又惹味。唔點鹽都得。最後有糖水送，有紫米同紅豆沙揀 。糖水少甜，值得一讚。

諗起上年食過既新強記，印象不錯，又約人去食。 今次唔食餐了，散叫。🔹雞粥 （一位）一位份量都幾多，兩位都夠食。我最欣賞佢既雞肉，熟得黎肉質係嫩滑的！🔹乳鴿 （一隻）即炸的，好惹味！今晚的好像特別完美，外脆內嫩。 附了喼汁和椒鹽，但不用點已經好夠味，鹹味也相當足夠。🔹咖喱牛腩見到係推介菜所以叫的。呢個咖喱係舒服的咖喱，不辣的。同其他餸相比,反而係最淡味的，正合我意。 雖然大部份小菜要過百元，但所有既黎既小菜都好大碟。 以性價比來説係高的。而當晚令我最深刻的係，餐廳內好多阿姐都好親切，好helpful。 即使係傳菜既都好好，全程食得好開心。 完全冇好多老字號的氣焰。

探望住在沙田的朋友，他帶我去了大圍的新強記。聽說這家店已經開了很久，基本上住在沙田區的朋友都會認識，歷史悠久😃店舖內部曾經裝修過，所以都很舒適。點了招牌的燒鵝皇和雞粥，燒鵝皮脆多汁，新鮮熱辣，鵝油很香。沙田雞粥也很著名，例牌的份量已經很多，足夠3至4人食，粥煮得很綿很入味，雞件也是很多也很嫩，很不錯🐔聽說乳鴿亦很不錯，但這次點了太多東西吃不下，下次再來試😌另外叫了些小食和點心，燒賣饀料很多，不錯吃👍🏻 排骨也是入味且肉嫩。這裡居然還有古法燒腩卷😱現在酒樓也很少見，馬上點一份，面包很鬆軟，入面有燒腩和芋頭，整個軟綿綿的很好吃。然後是我私心喜愛的鹹水角，每次飲茶必點，軟糯嘅外層，包住帶鹹香的肉碎，十分喜歡🫶🏻最後還點了一份椒鹽魷魚鬚，正宗酒樓的造法，椒鹽外還加了炸蒜，香口惹味。探望住在沙田的朋友，他帶我去了大圍的新強記。聽說這家店已經開了很久，基本上住在沙田區的朋友都會認識，歷史悠久😃店舖內部曾經裝修過，所以都很舒適。點了招牌的燒鵝皇和雞粥，燒鵝皮脆多汁，新鮮熱辣，鵝油很香。沙田雞粥也很著名，例牌的份量已經很多，足夠3至4人食，粥煮得很綿很入味，雞件也是很多也很嫩，很不錯🐔聽說乳鴿亦很不錯

「新強記」在大圍屹立多年，相信很多香港人都認識，經過疫情的洗禮，至今仍日日高朋滿座，真有不少捧場客，今日和朋友行完新商場「圍方」，專程來「新強記」食招牌菜雞粥和乳鴿。「新強記雞粥」例牌 $128粥煲到很綿滑起花，充滿雞香，雞的份量很多，雞肉嫩滑，鮮味無比。「金牌燒乳鴿」$68紅燒乳鴿一開四，外脆內嫩好Juicy，味道也恰到好處「沙嗲金菇肥牛煲」$128滿滿的一大鍋，份量十足，肥牛、金菇、粉絲、沙嗲汁混合，是最完美的組合，粉絲完全吸收沙嗲汁，美味極致。肥牛一口一片，夠滿足。

大圍的「圍方」新開幕，一向人多的大圍更加熱鬧，雖然有很多食肆進注大圍，仍然不能取代「新強記」的地位，這間老字號無論什麼時間都坐無虛席。今晚也不例外。朋友喜歡食魚，餐牌見到有龍躉套餐，價錢又合理，選了「海鮮孖寶套餐H」$318「豆腐火煵炆龍躉頭腩」龍躉肉新鮮，燒肉不會太肥，還有大大舊軟腍的豆腐和香菇，正「蜜汁叉燒」雖然是例牌，但份量都幾多，叉燒比較瘦，但咬落不會柴口，味道香甜，果然是招牌菜。「蒜蓉炒油麥菜」油麥菜落了勁多蒜蓉，也很夠鑊氣。

今天在大圍下班，看到這間新強記酒家評價不錯就進去吃！ 發現這間餐廳各方面都不錯 這次叫了乳鴿，咖哩牛腩煲和魚香茄子煲 乳鴿9/10分，酒家的招牌，新鮮燒的而且非常入味，乳鴿不會太細隻的！ 咖哩牛腩煲9/10分，性價比十分高，牛腩粉啊非常多！ 正宗的多肉少菜。 配料不算太多，主要是肉多 魚香茄子煲8.5/分。 我是十分喜懽吃茄子，這個用料也算豐富，分量多而且騎住質量高，其次是炸了然後再放入煲裏煮的，做工比較繁複味道很濃郁。 新強記酒家:大圍海福花園49號

終於放暑假啦，約左朋友一起去係大圍既沙田新強記燒鵝海鮮酒家。金牌燒乳鴿啲乳鴿非常大隻，又多汁。啖啖肉，吃起來超級滿足。而且肉都十分嫩滑。沙田新強記雞粥雞肉十分柔嫩，一口喝下去，在口中散發出濃濃的香氣。味道剛剛好，不太鹹但是也不會沒有味道。新強記蝦餃皇蝦餃的外皮很薄，而且晶螢通透。內陷非常飽滿，鮮美可口，一打開蓋子，香氣已經撲鼻而來。一口咬下去，鮮美的蝦和滑滑的外皮散發出濃郁的鮮味，讓人回味無窮。蟹籽燒賣王這個燒賣的豬肉非常鮮嫩，而且內陷十分飽滿，燒賣也很大粒，配上蟹籽簡直是絕配。五柳炸雲吞它的外皮炸得金黃酥脆，而且很大隻，內餡也有很多，有著豐富的層次感

住左係大圍咁耐，都未同屋企人去大圍地標新強記飲茶。今日就近近地試下新強記三寶-乳鴿，雞粥，原本想試埋燒鵝，但太飽飽啦。下次再試😂一去到嚇我一跳，12點已經坐滿，好彩等左一陣就有位。呢到點心選擇夠多，蝦餃，燒賣睇相都大大粒，好足料。我自己鍾意燒賣多d，好juicy。另外紅米脆米腸，西芹控必試。雞粥好正，好足料，好多雞肉，仲要唔鞋，最重要無味精，食完下晏都無頸渴。叫乳鴿時，侍應好好，會問想原隻上定開二開四，好細心。上枱時仲熱辣辣，肉質又夠滑，果然係大圍名物。

新強記有3️⃣0️⃣年歷史～比較地道嘅裝修密密麻麻嘅圓枱#沙田三寶招牌菜(燒鵝、乳鴿、雞粥）🔸#沙田新強記雞粥 聞到祝加埋雞味已經好想食粥底綿、香滑，如果可以淡少少仲好其實我可以K.O.三碗但唔敢食太多。。。怕肥🔸 #沙田新強記燒鵝點了下庄例牌，皮脆、賣相精美，但太肥美了皮下面嘅脂肪太厚，無乜肉🔸 #金牌燒乳鴿 乳鴿大隻，皮脆肉質嫩🔸 #黯然銷魂 蜜汁叉燒梅頭豬肉一間肥肉一間瘦肉呢啲肉做叉燒一定好食加上蜜汁，熱辣辣小朋友即要白飯🍚🔸#脆皮炸大腸 反而大腸肥瘦啱啱好大腸皮脆下面有一層簿簿嘅油脂一口咬下去滿嘴甘香豐盈份量太多啦⋯⋯食唔晒～ 🔸 #豉油王炒麵 我家的小朋友最喜歡澱粉質麵條幼細加上芽菜芝麻，好香口🔸 #乾炒牛河炒得非常乾身、少油河粉又唔會黐埋一齊好夠火喉👍👍🔸 #蒜蓉炒菜心🔸 #椒絲腐乳炒通菜 比較鍾意蒜蓉炒菜心唔太油膩菜心軟硬適中喺屋企自己好難炒到#飽到捧住個肚#30年的功力#基本上碟碟都好味