榕基滷水專門店 1992

Open Now

Now Closed

今日同朋友係大埔搵好野食，見呢間滷水店都幾好，決定入去試下，見負責掌廚的都係後生仔。店內都好開揚，乾淨齊理，都算舒適。而堂食可以選擇套餐，自由配搭：先揀主菜，再揀麵或粥，再揀小食及飲品。門外都幾多人等外賣，為晚餐加多個餸都唔錯嘅選擇。我地分別叫左招牌滷水獅頭鵝配鮮鵝油撈麵、醉雞配粥及滷水小食。鵝肉嘅份量非常足夠，有近5至6件鵝，水汁香而不過鹹，鵝有鵝肉的獨特香味，肉實夠入味。鵝肉下面仲有豆腐，好入味好軟淋份量好多豆腐亦好滑。麵軟硬度適中，清湯入口唔口渴。老友記加麻辣醬再倒入點鵝食的醋汁，自製酸辣味。醉雞份量亦好足 ，酒味好香，雞肉有酒香，重點是肉質好嫩，好滑，平時食雞件我都只會食雞肉不食皮。但實在太滑了，忍唔住連雞皮都食埋。滷水小食有牛展、牛肚及牛筋，整體質素都唔錯，牛筋好腍好入味，牛肚亦好軟腍，牛展就色香味俱全，肉質嫩滑，香氣撲鼻，相當入味。

之前睇YouTube見到都一直想試，經過過幾次都咁啱好多人，今次終於食到。試咗佢個招牌滷水獅頭鵝，配菜叫咗蓮藕，我幾鍾意佢個辣味。碟鵝肉我自己覺得就偏肥，有半碟都係皮同脂肪，個滷水汁係幾出色㗎，食得出好有層次，個鵝油麵都幾香。

係大埔呢個小小嘅地方，其實係一個美食天堂👻有好多好嘢食㗎！😙今次介紹呢間都幾特別，將滷味呢啲咁古板嘅野食變得更新潮🤩味道都唔錯咖🫶🏻🥳🧊招牌滷水獅頭鵝配黃金滷肉 $69 8/10呢個套餐一次過可以試到招牌滷水鵝同埋滷肉🤞🏻仲可以揀主食食飯、面、定粥😍仲會有細細碟嘅配菜揀😙幾樣配菜都唔錯咖🤪而滷水汁帶啲甜味同香料味✨就咁食都唔會覺得佢好鹹👍🏻撈埋落個面度會更加好味😻滷水鵝片唔會太薄，肥瘦適中 ，都幾入味嫁 😼今次揀左鵝油撈麵，上邊有蔥花炸蔥調味 鵝油份量偏少😿所以味道唔太多🙈黃金滷肉味道會比較鹹🥹入面會有啲肥豬肉粒蔥花 撈埋個面味道平衡啲 但會比較油膩 🤣🤣🧊糖脆炒花生魚仔9/10雖然佢咁多種小食都好好食，但呢個係我最愛嚟😍花生外面甜甜地脆卜卜，魚仔食落去都幾有鮮味🤓呢兩樣嘢配一啖面都幾好味🤩🧊爽脆醃蘿蔔 8.5/10呢個係偷左我朋友仔嗰個嚟食🤣蘿蔔用咗少少醋同糖醃過，少咗蘿蔔嘅辛辣味 😝食落去會感受到微微嘅醋酸味👻配住鵝片食可以減低肥膩感🤞🏻整體嚟講滷水都幾入味，但午飯晚飯時間會多人等位，如果想去一試，可能係午飯後食咗適合啲👻呢到仲有辣油另上又唔洗額外加錢啵🤪自己辣度自己揀🤞🏻😝人均消

位於大埔既滷水專門店 獲網媒加持後 特登入去一試！鋪面打破滷水店傳統既老土裝橫格局 一入到鋪頭有種日系文青年輕既感覺 裝修令人舒服 擺盤方式又套餐形式 賣相更加精緻🍽食物選擇多 有雞 鴨 鵝 豬選擇 緊有一款岩你～ 可以配搭白粥 白飯 鮮鵝油撈麵 手工雞湯麵 仲有四款小食可以揀 招牌滷水獅頭鵝 配鮮鵝油撈麵 $63黎到呢度又點可以唔食鵝～ 獅頭鵝脂肪比例均勻 皮厚肉嫩 食得出有肉汁 不過皮上仲有啲鵝毛… 個人頂唔順 要逐條逐條蚊返出嚟🥹 滷水汁用左好多香料 帶甜有少少甘香 鵝油撈麵好特別亦都好香 麵軟硬適中 記得撈麵要趁熱撈 唔係就會痴到成餅野咁🫥 拌麵配既湯清甜 唔重味精味慢煮滷牛筋 拼 滷牛肚 配手工湯雞麵 $58 一開始以為係普通清湯既麵 一飲落去出乎意料地好味 雞湯相當清甜 亦都唔重味精 食完都唔口渴 麵軟硬適中🍜 牛筋牛肚都有咬口 煮得夠淋 特別係牛筋完全索哂好多滷水汁 但如果可以更入味 濃多小小就更好啦另外小食揀左糖醋炒花生魚仔 川椒蓮藕丁 炸過既花生魚仔配上糖醋甜甜脆脆好開胃 蓮藕爽脆麻香十足🌶三食拼盤 $60拼盤包括有青瓜，豬耳同埋墨魚🦑 青瓜同豬耳好爽口 豬肉滷得幾入

想成為一個專業嘅吃貨，就係邊間餐廳有人排隊，或者邊間多人食，就要去試🤭原本呢間餐廳係位於一條巷入面，當時可能位置問題，平平無奇，不過每次經過都見到人龍，但未引起我注意。早前先搬出大街，見到成間餐廳style都唔同曬，即係大排人龍。望下個Menu，都幾特別，所以即刻lunch time試吓。❤️滷水鵝套餐$63（外賣+$2）套餐包括一樣主食+飯/麵/粥+小食今次我緊係揀佢最代表［滷水鵝］配鵝油撈麵+花生魚仔小食滷水鵝嘅脂肪比例均勻，肉質好鮮嫩👍🏻滷水汁個味道適中，唔會蓋過本身鵝嘅肉味。超罕見嘅鵝油撈麵，配少少辣椒油，真係超級香🤤個幼麵都好滑，同鵝油好夾👍🏻不過我建議堂食，因為外賣D麵變咗黐埋一堆🫣仲有個小食-花生魚仔，花生係炸過嘅糖衣花生，甜甜脆脆，好開胃😋

第一次食評 見咁多人食 就去試下 點知食物都還好 無必要排隊去食 而至於服務方面真係有待改善 我哋一行三人去食 叫咗兩個set同一個小食 因為口量細 費事食唔晒好浪費 但係叫個陣個waiter已經好confused同啲態度開始唔同 但其實個餐牌又無寫到明一定要一人一個set 之後就繼續 食食下飯 個waiter一而再再而三咁叫我哋將啲骨放落隻碟度 但其實我哋只係放上木盤 仲擺得好好 唔係成枱都係 但佢就好似阿媽教仔咁一定要啲客跟佢個方法擺 如果佢好聲好氣講埋原因咁同我哋講 我哋一定會做 但係佢不停騷擾我同友人食飯 仲係靠近我友人耳仔細細講 行為極其古怪 同不安 同埋未食完仲對住我哋張枱唉聲嘆氣咁 好似我哋食餐飯都得罪你咁 明明比錢食飯嗰個係我哋 但應有尊重都無 我唔係嗰個係咪老闆娘定點 但係佢啲行為如果盡可能都改善下 同埋食食下飯見到明明有個客行緊 啲waiter都叫人行快啲 所以建議改善下員工啲態度先 同埋如果唔expect人哋share食 可以係個餐牌大大隻字寫明要一人一個餐 thanks

榕基滷水價錢💲: $63/65/ ~$120好味程度😋: 4.3/5服務🍴: 3/5環境🗾: 3.7/5性價比🥢: 4/5回頭率😚: 4/5-大埔人氣年輕化鹵水店🤓 之間睇完youtube報導已經好想試，係少有唔係傳統的滷味店，而係一對年輕夫婦開的。呢到的滷味主要以套餐形式上碟，賣相精緻d。鋪頭都唔係傳統坐凳仔個啲格局，而係用白色做主調，非常光猛的鋪頭。當日店員的態度有待改善，但老闆娘事後都有私下dm我解釋返，成個感覺舒服好多🥹 呢到套餐除左揀主菜，仲可以揀小菜同飯麵+飲品，配搭幾多🤓-✅招牌鹵水獅頭鵝(拌面)。鹵水汁食得出有大量佐料另味道更香，例如花椒八角。整體味道唔會太鹹，而係帶小小甜都甘香，食完都唔會口渴👍🏻獅頭鵝非常肥美，皮厚肉嫩，難得鹵水鵝的肉仲保持小小粉紅同嫩😚 肉質都好juicy！不過皮上面d鵝毛都幾多同厚，有d噁心🥶 主食選擇左鵝油拌麵！麵保持到硬度，唔會軟patpat😝 鵝油唔算好香，不過勝在唔會太油，而成碗麵整體都夠味。個人鍾意配菜揀鹹酸菜，夠晒潮州風味。-✅綜合牛肉。入面有牛𦟌牛肚牛筋。牛𦟌薄切，唔會好乾，亦容易咬開😜牛肚切成絲，保持到啱啱好的咬口。最好食係牛筋，

本身因為母親大人係潮州人,所以都好喜歡食滷水😋~而我最鍾意食滷鵝,但通常都好貴咁🤑...趁今日收工好早,就去試一下~貪心嘅我,當然要揀鵝片拼豆腐啦🦆~佢仲會包一個飯或麵,同埋一個小食~佢哋嘅鵝肉用正宗獅頭鵝,所以難免比較貴~但係獅頭鵝比較大亦比較厚肉,食起嚟亦比較香~雖然層片比較厚,但係鵝油嘅油脂真係好香🤤~而且有油脂嘅滋養,鵝肉先唔會太老太柴~不過無論如何,鵝肉都無可能係好嫩滑哥種,有啲咬口先係正常~而我覺得只要軟熟,而且無渣都係非常唔錯👍~佢嘅下面仲有啲豆腐,個人覺得可能滷得唔夠耐,所以唔太入味~不過好在碟度都有啲滷水汁,再點下就夠味~豆腐都幾滑,亦可能因為咁所以唔可以滷太耐~而個鵝油撈麵亦都係好香🍜~佢嘅擺盤方式令到件事好賞心悅目📸~不過因為咁,所以令到部份麵黐埋一齊,需要多啲時間拆返開~但總括而言我都覺得好食嘅,亦都想試下佢個湯麵~呢間店的確令滷水呢件事年輕化~靚嘅擺盤加埋比較細嘅份量,都實在令年輕一代比較易接受~而且佢嘅店員都好友善有禮貌,令人想一再光顧~所以難怪佢嘅店面成日人頭湧湧呀~

有幾個朋友都話呢間好好食，之前試過一次佢嘅招牌鵝脾，但我覺得一般（d肉都唔滑，仲要好難咬），抱住比多次機會佢嘅心態，試多次啦，btw朋友話佢而家呢個位置係新鋪～同朋友兩個人叫左兩個餐加碟小食～鵝片拼豆腐（$73）（㨂左鮮鵝油撈麵加炒花生魚仔）今次個鵝又係同上次一樣咁韌🥲個豆腐仲要有D鞋，真心唔明點解朋友覺得好食🥲滷水又唔入味，成個餐最好食係炒花生魚仔，鵝油撈麵正常水平，冇話特別好食。綜合牛肉 （$65） （㨂左鮮鵝油撈麵加炒花生魚仔）明明鵝/鴨先係呢間餐廳嘅招牌，但佢D牛仲好食🤷🏻‍♀️牛肚同牛筋都淋，但偏鹹。滷鵝腎 （$19）呢個都ok嘅，冇鵝片咁韌。次次經過都見多人排，唔通係我味覺有問題？🥲埋單～Overall好唔好食？唔啱我食會唔會再幫襯？唔會

好好味，值得推薦😋👍🏻雞湯湯麵🍜啲面唔會太軟太硬，剛剛好！滷水鵝🦢都好有驚喜！平時出面個啲滷水會好咸，但呢個剛剛好，唔會太咸，加埋個酸汁，味覺好有衝擊感！🤩

兩個人生活放假倒不如尋找美食，上星期六終於去左期待以久既 慈山寺 宏偉嘅建築令我覺得不枉此行。去之前食左 榕基滷水專門店 1992以 大埔 滷水貼地價錢帶有時代設計，的確贏了不少分數。全日套餐有雞、鴨、鵝、豬總有一款岩你選擇，可以配上潮州白粥、白飯、鮮鵝油撈麵、手工雞湯麵。仲有四款揀一小食及多款冷熱飲品及特飲，人均套餐$52-$88 不等 鮮鵝油撈麵小辣好惹味又飽肚。食滷水又點少得鵝對於呢樣我都係要求，畢竟小妹爸爸係以製作滷水鵝來養大我。對於食滷水都有一定研究，我地兩個人叫左 招牌滷水獅頭鵝 及 鵝片拼豆腐 ·前者肥美又多汁肉質豐盈軟身，後者每塊都切得恰到好處，有鵝片又點少得豆腐嘅出現簡直係靈魂所在好食另外小碟揀 家鄉鹹酸菜，簡直係潮州嘢嘅必食之選。同場加映有 涼伴皮蛋 及 滷豬手兩者都是抵食之選$24/$36·一上桌已經相當吸睛，份量及賣相已經係相當好。豬手好味又軟淋份量好多值得一讚。大埔 一直好多野食，用心製作由外賣店做到有堂食，可見年輕一代打破傳統以一碟碟奉上，又可以打卡又能夠坐得舒服 。最後人均$105抵到呢!食物水準高值得大力支持。         

夏天沒有食慾的時候，太適合吃這種鹵水了！這家店開了很多年，前幾個月才被老闆的下一代給接手重新升級了一下一看店招的門頭就愛上了，是我喜歡的樣子！選了比較推薦的鹵水鵝套餐和牛三寶套餐鹵水鵝好好吃，一點也不柴，配著酸酸的醋汁可以綜合鵝肉的肥嫩牛三寶的三樣也都好吃配的鵝油拌面和雞湯麵都好好吃店員的服務態度也很好～好喜歡的一家店哦！

#fatchubelly大埔榕基滷水專門店(大埔)招牌滷水獅頭鵝+手工雞湯麵/鮮鵝油撈麵+ 推搪炒花生魚仔/川椒蓮藕丁$63呢度一定係食佢招牌嘅滷水獅頭鵝但整體有少少失望滷水味做得不錯👏食得出用咗唔同香料但係鵝味唔太重😞不過口感都唔錯 唔會太鞋手工雞湯麵出乎意料地好食💯個雞湯好清甜而且唔會好油同麵好夾鵝油撈麵都幾好食不過都係冇乜鵝味唔講唔知用咗鵝油🥲但係個麵完全唔會黐埋一舊💯值得一讚個人認為比坊間買到嘅即食拌麵好食好多👍兩個小食都唔錯個人鍾意蓮藕丁多啲😆整體質素都唔錯☺️尤其係個雞湯麵但係鵝嘅味道唔係好出評分 ：65回頭率 ：50榕基滷水專門店 1992 (大埔)大埔廣福道97-99號地舖#hkfoodie#hkig#hkfood#852food#852foodie#hkfoodlover#hkfoodblogger#hkrestaurant#852美食#美食推介#美食#良心店#打卡#聚會#慶生餐廳#香港美食#生日餐廳#食評#食好西#小店#大埔美食#大埔#滷味#滷水#麵

🔆榕基滷水1992🔆大埔🔆潮州菜🔆週末去大埔玩，當然要去大埔黃店幫襯下啦！今次同屋企人一齊去咗食滷味，呢一間標榜傳統路線加新式年青化餐廳，見到好多人推介，所以慕名拜訪🔆發現呢間嘢超抵食，大大碟$140 ，可以叫招牌獅頭鵝！叫上庄仲可以免費起片，即係切做鵝片，無骨啖啖肉，鵝肉非常入味，有咬口，肥膏亦唔會過多，超好食💗滷味拼盤都好大碟，有豬耳、牛𦟌、豆腐、鵝掌、鵝翼～但最正係我哋竟然會認為豆腐唔夠😂證明呢間舖頭絕對唔會揸流攤，搵啲豆腐塾底就算數😅另外我哋都超讚賞鵝腸，冇腥味之餘，好爽口，而家都買少見少🫶🏻另外一個招牌菜係鵝油撈麵，見到廚房係煮熟咗個面之後淋上一羹鵝油，上菜附上一碗熱湯，侍應叫我哋快快撈～油香好食，撈麵麵身偏硬～超好撈餸🤭我哋亦有叫到小食～係話梅醉雞翼～覺得無咩特別🫣我哋無叫套餐，雖然套餐睇落都好多菜式，不過我哋覺得散叫更加符合心意，就集中攻勢😂另外超讚賞嘅係，小店極有人情味～姨姨見我吮骨吮得辛苦，問我要唔要多個碗仔輔助😂見我哋叫凍，送咗兩杯熱茶俾我哋💕超窩心等位期間，見到勁多人叫外賣，相信口碑極好，入嚟大埔一定要試吓💕💕💕榕基滷水專門店 1992 網址: https:

每次行過都好多人今次終於係晚餐繁忙時段入座落單大約5分鐘食物已經上枱非常快手擺盤望落整潔舒服配菜川椒蓮藕丁好開胃鵝肉非常入味，但肉質略乾咁啱比既部位皮厚過肉麵質食落反而有驚喜配埋鵝肉食味道啱啱好就算好繁忙員工都好有禮貌