楊記麻辣魚館 (金山樓)

今次我同2個friend過左黎大圍呢邊踩單車，踩完佢地話過黎呢邊食間抵食川菜，我本身運動完就冇預食辣，不過佢地想食就跟佢地食啦🚲呢間餐廳佢環境似茶餐廳，都好多人黎食，我地都要排左陣隊，要排隊既餐廳多數都好食，唔係真係唔會曬時間排😗酸菜魚飯（$88）呢個酸菜魚一人份量黎講算好多，我地3個人share都夠食，個湯比較油，要撈個底既湯先飲得，味道算係重口味，撈飯就好好食🐟酸辣肥腸飯（$70）個肥腸係有d酸菜加入一齊炒，但係唔太覺有酸味，辣味比較多，肥腸大大粒，同樣都係份量較多🐷鮮椒雪花肥牛飯（$81）呢個鮮椒雪花肥牛反而唔太辣，d椒炒得幾惹味，個肥牛唔算肥，似係牛肉片咁，份量相對係適量🐮跟餐送紙包飲品，可以加錢轉罐裝，比較特別既係呢度有天地壹號蘋果醋🧃甜品桂花冰粉老闆娘見我踩完單車食辣野食到身水身汗，送左碗冰粉比我消暑，甜品適中，咁熱食係幾爽，多謝老闆娘請我食✌🏻呢間川菜既一人客飯都幾抵食，個餸幾大碟，仲包埋野飲，就算share個餸都夠食，每份餐唔洗$90就食到我覺得係好抵👏🏻…Read More

🐟水煮魚飯直接衝滿分！新鮮魚片切得薄厚均勻，滑溜溜入口完全無骨，浸在香麻夠味嘅紅油湯底入面，辣度唔會嗆喉反而越食越上癮，鋪底嘅豆芽吸晒精華，配埋粒粒分明嘅白飯，一勺魚肉一勺飯，根本停唔到口！🐥蔥油手撕雞飯都好有驚喜✨！雞肉撕得鬆散，外皮帶少少油光，淋上香噴噴嘅蔥油醬汁，鹹香帶住蔥香，肉質嫩滑唔柴🥩四川扣肉飯，肥瘦相間嘅扣肉炆得軟爛入味，入口即化，鹹甜適中嘅醬汁完全滲入肉質，肥而不膩🤤鋪頭環境乾淨企理，出餐速度好快，性价比超高，無論係午餐定晚餐都好適合！大圍街坊千祈唔好錯過呢間隱世川菜館～📍楊記麻辣魚館（大圍大圍道1-35號金山樓地下6號鋪）hkfoodie #foodie #大圍搵食 #川菜控 #水煮魚飯 #手撕雞飯 #四川扣肉飯 #必食5分 #香港川菜 #打工人午餐 #街坊美食 #食咗未 #香港味道…Read More

剛剛去大圍撳完錢，旁邊有間餐廳食川菜，見到裡面有好多人，老公話响呢度食埋飯先返屋企。餐牌有散叫同一人晚飯套餐，價錢都幾抵，套餐已包飯及飲品，唔怪得咁多街坊幫襯。老公話好肚餓，所以我哋就叫左三個套餐。酸菜魚飯：一人份量都幾多，魚肉帶鮮味，味道偏麻，小辣又唔算太辣，撈埋湯食就最好食。 牛肉麻辣香鍋：牛肉切得厚薄適中夠大塊，配料有雲耳、蓮藕同油麥菜等，牛肉同配料粉量都幾多，香鍋好香，叫左小辣，越食越辣，好惹味。鹽焗雞：雞肉鹹鹹香香，裡面有青瓜同花生做配菜，青瓜爽口清新，配鹽焗雞就最夾。飲品：叫左兩罐加多寶，清熱氣幾好。…Read More

鹽焗雞飯雞件斬得大細均勻，雞皮爽脆得嚟帶點啫喱感，鹽焗味幾香，鹹香之餘唔係死鹹，雞肉保持嫩滑，就算係雞胸位都唔會有「鞋」口嘅感覺，保留到肉汁，就算唔點沙薑醬，單食都夠味雞翼麻辣香鍋飯個香鍋一上枱就聞到勁重花椒同乾辣椒嘅香味，非常有鑊氣，雞翼煎封過，雞皮帶微微焦香同脆口，肉質嫩滑，配菜有蓮藕片、薯仔條同芹菜，炒到乾身爽脆，唔會一碟油浸住，麻度同辣度平衡得幾好，送飯一流無糖可樂．忌廉📌楊記麻辣魚館 (大圍)地址：大圍大圍道1-35號金山樓地下6號舖…Read More

今日去咗大圍嘅楊記麻辣魚館嗰度食飯，三個人叫咗三個套餐，都係幾十蚊有交易，算係幾抵食，重點推介酸菜魚，非常正宗酸菜魚🐟🌿 新鮮魚片嫩滑，泡酸菜湯底酸辣開胃，配豆芽薑絲，魚肉不腥湯汁鮮美，川菜經典，冬天暖身一絕，解膩超正！田雞麻辣香鍋🐸🔥 田雞彈牙鮮嫩，炒麻辣醬汁配時蔬豆芽、蓮藕，辣香層層，營養高，開胃解饞，夠辣夠過癮！大盆花菜🥦🍲 大盤花菜清炒或燉，脆嫩爽口，配蒜蓉麻辣風，簡單健康，維生素C滿分，配飯一流。…Read More