楊記麻辣魚館 (萬成大廈)

果晚老公帶我黎葵涌食晚餐～原來葵涌係佢細細個就住既地方，地頭蛇身份一出手就話要帶我去食好西！💑葵涌雖然平時吾係我會專登黎既地方，但既然有人帶路，當然要跟住去發掘心水餐廳～就係咁，我地就走左入去【楊記麻辣魚館】！.小炒牛肉飯 $80 🥩🌶️一上枱已經聞到好香既爆炒味～牛肉份量真係好多，炒得香口又嫩滑～加上青辣椒、紅辣椒、西芹、芫荽一齊爆炒，啖啖都充滿辣香同鑊氣！🌶️🥢 每口都好惹味，食到我額頭出左d小汗😆。配埋冰凍奶茶，正好中和下辣勁～完全係聚餐既完美組合。.麻辣手撕雞飯 $78 🐓❄️呢款手撕雞真係啖啖肉，仲好入味～配料超豐富，有洋蔥絲、芫荽、青瓜絲、白蘿蔔絲，爽脆清香～酸酸辣辣既涼拌汁好開胃！🥗辣得過癮但又吾會太霸道，食住涼菜又飲住凍檸檬茶，整個感覺舒服到爆～好岩夏天食。.雞翼麻辣香鍋 $80 🍗🔥呢道真係意外驚喜～用既係單骨雞翼，入口就感受到實在既麻辣勁！🌶️配料同樣吾馬虎：蓮藕、木耳、辣椒、薯仔片全部掛滿香料同辣油～每樣食材都有鑊氣同麻香，食到好過癮～最後再飲口冰凍奶茶，一邊辣一邊凍，好爽！💦…查看更多

今晚收工同兩個同事一齊過嚟呢間餐廳堂食，貪佢近寫字樓，唔使等好耐。我哋叫咗三個飯，最驚喜係個小炒牛肉飯，牛肉切得薄薄哋，炒得夠鑊氣，仲保持到嫩滑，我叫咗少飯，份量啱啱好，唔會太滯。酸菜魚飯我走辣，魚片夠滑溜，酸菜爽口又唔會太鹹，送飯一流。配咗杯走冰少甜嘅百香果蘇打，酸甜清新，解膩啱啱好。同事叫嘅麻辣香鍋飯，一上枱就聞到好香，佢話辣度適中，配料都幾足。餐廳環境幾乾淨，坐得舒服，冷氣夠涼。侍應阿姐手腳幾快，落單無耐就好快上菜，抵讚！見隔離枱嘅煲仔飯都好似幾正，下次想試下。整體來講，呢度幾適合我哋呢班打工仔收工過嚟食餐便飯，唔使點等，食完又可以慢慢傾陣計先走。一定會再嚟幫襯！…查看更多

今晚同朋友就去左呢間餐廳，算係平民小店性價比不錯，坐低已經聞到陣陣花椒香，都算幾正宗川菜館～即刻同大家開箱！🐟酸菜魚配白飯魚片超厚切，新鮮彈牙份量都幾多！湯底酸菜夠酸夠開胃，小辣小麻但完全唔會搶去魚鮮味！🍗手撕雞飯（蔥油味）雞髀肉手撕得粗粗條，配埋蔥油香一流！蔥油同雞汁撈埋飯超正，如果單食都已經好滿足！🥬大盆花菜飯花菜炒得乾香入味，配埋辣椒同調味，非常香口又夠鑊氣，成晚最鐘意就係呢碟！！！！…查看更多

有時想簡簡單單整幾個小菜餸飯，但又唔想食兩餸飯咁頹，可以嚟「楊記麻辣魚館」嗌返兩三個超值套餐，最平60蚊就得啦‼️⭐️【酸菜魚】💰80酸香夠勁亦唔會太油，魚片夠滑、份量亦多，湯底酸辣平衡得好好，餸飯一流【鹽焗雞】💰68皮薄肉嫩，完全唔柴，鹹香完全滲到入肉👍🏻⭐️【大盆花菜】💰63鑊氣十足，花菜爽脆又入味，辣椒同蒜香一齊爆發，超餸飯👍🏻堂食仲送餐前小食，當日係木耳，爽口又開胃‼️套餐全部跟飯，加5蚊就有嘢飲🤓…查看更多

最近天氣開始凍， 想食暖笠笠嘅飯餸。 喺葵興， 有一間街坊小炒，專賣麻辣及港式小菜， 平日夜晚吸引左好多街坊或打工仔嚟食。 🥰餐牌有好多港式小炒，亦有唔少川菜及乾鍋菜式。 一入座便送小食 - 麻辣雲耳，好開胃！ 價錢不貴，套餐最平$63， 有飯有飲品，幾抵食。👍🏻1）🐟酸菜魚飯 - 餐廳招牌菜， 用鱸魚做主角，每件都大大塊，十分嫩滑，配料例如萵筍、酸菜什多，酸湯煮得唔油膩。 送飯一流！2）🥦大盆花菜飯 - 花椰菜用孜然及豬油炒， 格外香口，花椰菜新鮮爽口，再加入豬肉炒，好有鑊氣，十分美味3）🐓鹽焗雞飯 - 我們幸運得到雞髀位， 雞肉鮮嫩，食落啖啖肉。 沾上靈魂鹽焗醬汁，好惹味！ 整餐飯真係又平又飽肚！！…查看更多