村爺爺龍蝦湯.泡飯.燉湯專家

Open Now

Now Closed

【村爺爺鮮味龍蝦湯海鮮料車仔麵】上個星期四同男朋友去左呢間位於油嘛地砵蘭街的村爺爺食車仔麵。去到舖位有點小，不過無阻我地試龍蝦湯麵的心情。我地見到餐廳提供原隻龍蝦麵，泡飯等等餐點。我地叫左個$88的3餸龍蝦湯車仔麵。男朋友選了咖哩魚蛋，豬皮同台灣腸；我就叫了火雞腎，枝竹同牛丸。上菜的那一刻才知道原來除了我們叫的三個餸，湯裡頭還有一大堆海鮮！見到都覺得豐富：有魷魚，青口，蜆超過20隻……仲要好鮮味。講下個湯底啦～聽鋪頭video介紹，係用龍蝦同豬骨熬出來的湯，味道方面很幾清幾食道海鮮的鮮味ge。唔會好有添加的感覺。初頭以為88食得三個餸都算幾貴，但考慮到有埋咁多海鮮配料加個龍蝦鮮味就立刻順返條氣，都幾值得一試ge，會食到你好飽捧着肚子回家！

好耐都冇食村爺爺，哩日見2：00後冇乜人排隊，所以入去幫襯吓。我地點咗套餐🔸️自製魚腐拼越式春卷新鮮炸起熱辣辣，春卷好脆，佢地自製魚腐炸得好香，配埋辣醬幾惹味🔸️花膠《龍躉》螺片海鮮龍蝦湯泡飯🔸️鮑魚花膠蟲草花雞煲翅倆款都很足料，配白飯仲有油菜，湯很濃郁龍躉好大片，啖啖肉蟲草都唔少，雞有半隻，吃落肉質好嫩，仲有手套供應給我處理隻雞至於飲品🔸️熱情果梳打🔸️爺爺鮮果冰茶很大杯🥃🍹甜度啱啱好又解渴

每次經過呢度都會見到大排長龍，今日天氣麻麻，所以唔算太多人排隊，咁當然就係我去探店嘅好時機啦！睇返餐牌佢又唔少item，就算連飲品、小食都非常多款式選擇。鮑魚花膠蟲草花雞煲翅~只係睇湯底嘅顏色就知道夠曬香濃，足足有半隻雞，鮑魚大大隻！花膠雞湯可以gel住個口，證明用料非常豐富！花膠@極上龍蝦湯米線~海鮮雲集，湯底非常鮮甜！而且樣樣都新鮮！份量亦都非常多👍🏻爺爺三寶~即係三款小食既拼盤，炸雞翼、冬菇、炸魚腐，三樣都非常出色！！炸雞翼外脆內嫩，冬菇非常厚肉，炸魚腐魚味香濃！特飲方面，我可以用澎湃嚟形容！熱情果梳打~用支裝雪碧做底調，同熱情果嘅香味相撞在一起，當中滋味，完全令人欲罷不能！爺爺鮮果冰茶~所有生果都係真材實料大大件！茶香撲鼻，非常推介！

去朋友屋企玩完貓，佢話要帶我去食平靚正好野✨去到原來係村爺爺龍蝦湯.泡飯.燉湯專家😌之前我都有黎食過，樣樣都大大份✌🏻仲要勁足料好抵食💪🏻🦞花膠·《龍躉》螺片海鮮龍蝦湯泡飯💰108先飲湯之後再食飯，湯底先用豬骨湯熬16小時，再用龍蝦熬 6小時！落足料！鮮味十足而且很濃郁😋勁好飲🍲鮑魚花膠蟲草花雞煲翅💰128湯汁膠質重但唔會好膩，滲出陣陣雞味，份量十足，足足有成半隻雞，而且仲保持到肉嫩皮爽嘅效果，飲完湯仲可以用埋餐廳提供嘅膠手套，方便手撕嚟食🐖鵝腸皇拼黑毛豬💰68鵝腸冇多餘嘅肥膏，質感爽脆，仲好入味添。而黑毛豬比較薄身，去除咗食豬肉嘅油膩感，勝在肉味香濃🍹爺爺鮮果冰茶💰68飲落充滿水果甜味，好似食緊果盤一樣，杯邊有火龍果、熱情果，可以邊飲水果茶，邊食水果✨勁正

油麻地A1出口轉角就有間村爺爺龍蝦湯.泡飯.燉湯專家，我們今晚就決定嚐一嚐，排隊的時候就有待應過來為我們點餐，真是貼心。女朋友首先點了椰子干貝竹笙魚頭湯。我就偷偷試了一口，她的湯味很濃，又不太腥。我就自己就點了鮑魚花膠蟲草花雞煲翅雞煲翅的湯都很好飲，配備了兩隻手套讓我處理隻雞雞，雞肉也很鮮嫩，還有鮑魚也很爽口。再配上爺爺三寶。吃完瘦孫都變成肥孫。最後點的熱情果和石榴梳打有驚喜他細心地將梳打整支讓我們喜歡怎樣加都可以。今個晚餐「增脂」不少。

上枱嘅時候係覺得咁大份好抵食喎，點知相反，總括嚟講食材冇驚喜，味道一般，性價比低。南乳雞翼油淋淋，冬菇同炸魚腐普普通通。龍蝦湯底唔夠濃郁，青口同蜆仔都算鮮美。$92 包一杯熱飲。

由於我最近都病咗，所以都少咗出去食，趁好返啲就揀一啲暖笠笠嘅嘢食，養生嘢嚟講呢間真係高質。舖頭嘅位置雖然唔係真係好起眼，但係勝在都夠近地鐵站，真係轉個彎就到。‣ 花膠@極上干貝龍蝦湯泡飯 $98我勁鍾意佢嘅湯泡飯，大大隻龍蝦頭擺喺到好養眼，而佢嘅龍蝦味都好濃郁。一擺上嚟就見到好多粒干貝，超級足料，青口都有三四隻，螺片、蜆都有唔少，仲有隻扇貝。當然我覺得最精彩嘅仲有花膠，食落去真係覺得喉嚨好舒服。不過我覺得有啲可惜就係我一開始倒晒成兜飯入去，好快就索晒啲湯，下次真係要飲幾啖先，如果唔係嘥咗。‣ 鮑魚花膠蟲草花雞煲翅 $128隻雞真係超級大隻，應該有半隻雞，我同朋友一邊食一邊切，啲雞肉好似食極都食唔完，勁抵食。佢都係有啲干貝，我已經數唔到我食咗幾多粒，鮑魚唔係好多隻，但係我覺得呢個價錢真係算係咁。雖然我覺得個米線比較清淡啲，但係我幾鍾意個雞湯，食完個人暖笠笠。‣ 爺爺三寶 $45三寶喺冬菇、魚腐同埋炸雞翼，佢嘅冬菇超級入味，鍾意食菇菇嘅人一定會好鍾意。而佢嘅魚腐都係有炸過，幾香口幾好食。佢嘅炸雞翼都係有醃過嘅，同時間都大大隻，如果下一次再嚟食嘅話我應該會淨係單嗌雞翼，超級抵食。‣ 熱情果梳

飲𡃁湯唔洗簽紙既，來油麻地就有嫁啦🥴友人同我一樣，對中式湯水情有獨鍾，出街食飯都會留意餐廳有無足料𡃁湯，今次呢間餐廳就主打龍蝦湯泡飯，岩晒我地口味花膠@極上龍蝦湯米線 上菜見到咁多款海鮮，份量相當澎湃！扇貝、花甲、青口、魷魚、龍蝦🦞等多種海鮮熬成既湯頭，足料鮮味鮑魚花膠蟲草花雞煲翅👍🏻材料同樣豐富，以花膠、蟲草花、鮑魚、雞肉、魚翅煲出來既湯既鮮甜又充滿骨膠原😋夠晒滋補養生爺爺三寶頂級蠔油冬菇｜南乳炸雞翼｜手製魚腐冬菇軟腍入味夠厚身，南乳雞翼同魚腐食落香口唔油膩石榴梳打爺爺鮮果冰茶大大杯，仲有真水果，抵飲

想食湯飯，但煲湯又實在太麻煩！竟然搵到間又足料又好食既泡🔸花膠龍躉螺片雞海鮮泡飯勁足料勁大碗👍🏻先飲啖湯，再變泡飯一齊食👍🏻大大隻嚿花膠，好大嚿龍躉呀！仲有勁多蜆肉，魷魚一齊煲岀黎既海鮮湯，湯夠曬鮮甜😋🔸花膠極上干貝龍蝦湯泡飯大大隻龍蝦熬湯真係好甜，大大嚿花膠，又有勁多干貝🔸鵝腸皇拼黑毛豬片鵝腸夠曬新鮮呀！又彈牙好肥美，黑毛豬片夠曬爽口彈牙👍🏻🔸熱情果梳打香濃的熱情果配上梳打就更加正，配上一次雪碧，足以夠2人飲用🔸鮮果冰茶大大杯鮮果冰茶，又唔會太甜，好多水果做配搭👍🏻

村爺爺龍蝦湯泡飯係油麻地出晒名🥳其實佢哋連鵝腸皇都好好食㗎! 我今次就係為咗鵝腸皇而嚟 鵝腸係洗得好乾淨 配上黑毛豬 點埋店家嘅秘製辣椒汁🌶️🤤辣得來非常惹味 鵝腸好爽脆 黑毛豬軟腍🩷.鮑魚花膠蟲草花雞煲翅都好足料 有成半隻雞 有手套可以俾你撕開啲雞肉😋嫩滑非常 湯底非常香濃 我另外配咗米線 可以預先浸落啲湯度索汁 會更好食👍🏻蟲草花同花膠嘅份量都唔少 配埋蠔油青菜🥬勁滿足。.最後當然唔少得花膠極尚龍蝦湯泡飯🦞有好多海鮮啊! 帆立貝 青口 蜆肉 等等配上香濃嘅龍蝦湯 惹味又好食🩷.鮮果冰茶同熱情果梳打都好大杯 夏天飲解渴又解膩☺️perfect match!

村爺爺燉湯專家，龍蝦飯好多人叫，我哋湯飯呢就叫咗花膠龍躉螺片海鮮龍蝦泡飯，材料超級多，但係個湯會有少少腥，有好大個龍蝦頭擺盤，入邊仲會有雞肉螺片青口花甲，花膠翠玉瓜，仲有一塊超大塊嘅龍躉，龍躉皮個膠質好重，滿滿骨膠原，唔知係咪因為個青口唔夠新鮮，所以個湯爭左少少味，湯底唔夠清甜，會有少少濁，有少少失望。

近期好想飲海鮮湯，但係又唔想自己煮，同朋友提咗一句，兩個決定食呢間村爺爺龍蝦湯.泡飯.燉湯專家，地址位於油麻地砵蘭街72號地舖，中午時段去到要排隊等位，睇咗個餐牌，材料豐富，性價比超高，真係決定冇錯。多人排隊嘅時候可以喺門口落咗單先，今日去都要喺門口排幾分鐘，落單咗一個小食，兩杯飲品，兩個湯飯。小食：鵝腸皇拼黑毛豬，配上佢特製嘅豉油， 鵝腸嘅騷味即刻冇咗，辣辣地超爽脆，黑毛豬肉味濃，配埋豉油辣辣地好惹味。湯飯叫咗兩個一個係：花膠龍躉螺片海鮮龍蝦湯泡飯,材料超多,有一個好大嘅龍蝦頭擺盤,🤣裏面有嫩滑嘅雞髀肉條,螺片，青口，花甲，花膠，菜肉瓜，生菜，一塊超大塊嘅龍躉，龍躉皮嘅膠質好重，真係滿滿嘅骨膠原，超正，所有材料煮出嚟嘅湯超級鮮甜。第二個泡飯係鮑魚花膠蟲草花魚頭湯，魚頭處理得唔腥，值得畀個讚，還有其他材料，蟲草花，鮑魚，細細粒嘅元貝提升湯嘅鮮味，加上花膠，真係超級抵食。飲品叫咗一杯熱情果梳打，熱情果果汁同梳打水係分開上，不得不提就係個份量超大杯。一杯係爺爺鮮果冰茶，底部係新鮮嘅芒果粒，將杯邊嘅熱情果檸檬擠落去，味道更加豐富。食完呢個午餐，真係托住個肚走

📍🇭🇰油麻地-村爺爺龍蝦湯.泡飯.燉湯專家 Add：油麻地砵蘭街72號地舖跟閨蜜做完facial後，我們就來到了油麻地。路過「村爺爺龍蝦湯.泡飯.燉湯專門店」時，發現外面排了一條超長的隊伍。雖然我們這個腦波超弱小組立馬決定午餐就在這裡解決。等候時間還算快，大概只等了10分鐘就輪到我們了。閨蜜先點了一份「花膠龍躉螺片海鮮龍蝦湯飯」，還額外加點了鵝腸拼黑毛豬，必須搭配店裡的招牌爺爺秘制辣椒油。我則選擇了「鮑魚花膠蟲草魚頭湯」。喝的部分，我們點了熱情果蘇打和招牌的爺爺鮮果冰。湯飯的份量真的是驚人，就連飲料的份量也超過了700ml。湯飯的口感超級濃郁，龍蝦湯裡的海鮮和花膠帶來了超豐富的風味。鵝腸和黑毛豬的組合讓人驚艷，尤其是配上店家的辣椒油更是絕配。我的鮑魚湯則是濃郁滋補，蟲草和花膠的加入讓湯頭更加濃郁。熱情果蘇打清新怡人，爺爺鮮果冰則是清涼解渴。總的來說，這頓午餐真的是口感豐富，味道美味，份量十足，絕對是值得再次光顧的好店！

最近熱得濟都冇咩胃口 想食湯飯 就諗起村爺爺！ 1️⃣鮮雞竹笙海鮮龍蝦湯泡飯第一次食 就比個份量嚇親 係超足料！啲蜆多到 食極都仲有雞件都好多同埋好滑 龍蝦湯唔會好濃 係清甜個種配埋飯食 即刻開胃晒2️⃣花膠胡椒大蜆雞 呢個好抵食 有半隻雞雞煮到好淋 但唔會嚡熠熠輕輕一扯 就食到胡椒味啱啱好！好飲到清晒蜆都係一樣咁多3️⃣爺爺三寶 $45朋友話必試！佢個蠔油冬菇真係好入味！又厚肉南乳炸雞翼同魚腐都好食！總結真係好足料嘅湯飯唔會失望！

經常社交平台 見到廣告彈出黎介紹村爺爺湯飯好食，抵食，今日突登行去試下。鋪頭位於砵蘭街較靜處，晚上8點半都有7-8成滿座，心諗應該都唔會伏？聽到隔離枱一坐底就叫 「2號」，感覺似熟客，又見寫住No1 最受歡迎之選，即跟。另一碗揀左FB係咁賣廣告既龍蝦湯底。2號 = 花膠螺頭雞煲 HKD 68+ 套餐要15蚊包飯包生菜湯既面頭，有2條望落以為腐竹同雞柳，食落先知係花膠同螺頭。花膠好靭，唔淋！加上腥腥地！螺頭似煲左唔知幾多個鐘湯，雖淋但螺頭味道全失。各限1條。最重要既雞湯頭，啖啖見肥油，但一d都唔濃郁，好稀身既雞湯。雞肉成半隻咁上，正常發揮，除左雞髀，其他位置都鞋鞋地。黑毛豬鮮雞雜菌龍蝦湯 HKD90 連一碗白飯秘製辣椒豉油要加2蚊。黑毛豬係平時火鍋任食最平質素果d肥豬肉，偏肥！鮮雞係普通冰鮮雞，但冇乜雪味。雜菌係厚切雞脾菇同金菇。湯頭，OMG! 唔講真心唔知係龍蝦湯。直情連蝦湯，海鮮湯都稱唔上！我會當佢係一碗好普通好普通既肉湯，但我寧願去食譚仔既清湯呀！ 仲要90蚊一碗🥲唔知係味叫左黑毛豬，成碗湯都見到好多油浮面。講真，由於睇左廣告，期待真心有。好伏，冇下次🙏🏾 想幫襯香港小店，但都希望