新記小食

Open Now

Now Closed

住深水埗區幾年，今次第二次幫襯，之前叫咗原味。記得嗰次老闆娘已經整定咗1底，但我覺得似放耐咗驚凍冰冰影响口感，於是問可唔可以整底新嘅。好彩老闆娘好nice 整底新嘅，等5分鐘到啦，就有熱辣辣雞蛋仔食。味道我覺得有75分。今次係專登試2隻味，又可以即刻整底新鮮熱辣嘅。响新記可以食返細個時嘅口感，軟綿有質量嘅雞蛋仔。一啲都唔會太甜，雖然我相信大部食雞蛋仔嘅人都唔介意佢甜少少注意: 呢度雞蛋仔以少甜健康為主打，比出面街冇咁甜的。老闆老闆娘之前經營多年，呢間鋪開咗年幾2年。支持懷舊老鋪，要加油哦。街坊多啲去幫襯啦！

童年回憶～ 十幾年前的中學時期記得個時成日放學就會去老闆舊舖食佢地整既小食！ 味道不變 老闆同老闆娘都不變重點係價錢都不變！ 真心抵食😍😍必食推介（個人喜愛雞蛋仔-外脆內軟 $10格仔餅-花生醬+煉奶 $10碗仔翅- 好足料 冬菇片好多 $12

經過深水埗見到有間好抵食既小店，難得口罩令冇左即刻買左個格仔餅✌🏻終於可以再試下掃街既感覺！見到鋪頭既餐牌有粥同炒麵都諗住下次可以當下午茶，聽老闆娘講呢度新開左冇幾耐，下次再黎試下唔同既野食😋