新德興陳皮燒鵝

新德興陳皮燒鵝 中環德輔道中88-98號Central 88地下2號舖陳皮？係咪曬乾架果皮陳皮呀？陳皮燒鵝其實真係有陳皮味，燒到啡黑架鵝皮外層，聽起來又幾醒神特別架！$98燒鵝五寶，5寶飯心大心細乜都想食點佢唔洗煩，個餐仲會連熱飲。仲有叉燒，腩仔，雞！鵝真係神來之筆，一層鵝油，食入口芳香，肉質是紮實（感覺隻鵝好多運動成日走來走去），叉燒又蜜汁燒到焦邊，好食老火例湯，大大大滿足😌好飽，食飽返屋企休息睇電視hea 下呢度除左燒鵝，乳豬都係好出名架，好多熟客街坊都經常來食…Read More

突然同friend好想食燒味飯 於是搵下附近有冇～見到咁多人都黎食 一於試下燒鵝髀拼燒腩仔🦢🐷啊啊啊啊啊啊燒腩仔一入口就知道冇黎錯地方啊 皮超脆 肥瘦雙間 好好味啊！燒鵝髀唔肥膩之餘 超級香口 ！油雞髀拼肥叉🐔🐷Friend就要咗佢每次燒味飯嘅固定配搭😂佢地真係超好 真係俾咗半肥瘦嘅叉燒俾我地 油雞同埋叉燒都好好味啊😋老火靚湯🥣我真係要大力推介佢地嘅湯啊 真係一飲就知落足夠心機去煲！價錢好合理 下次要在黎！…Read More

同外國返朋友去咗中環行街之後，去咗食燒味飯，因為太耐香港食飯，最掛住燒味飯！想食性價比高嘅燒味飯！我哋經過入咗呢間新德興！燒鵝（下莊）燒鵝外脆內嫩，皮薄肉多，油脂恰到好處，配上特製的醬汁，非常滿足！而叉燒肉質柔軟，甜而不膩，特別適合喜歡肉香的朋友。豉油雞最驚喜！肉質滑嫩，醬油入味，非常開胃。米粉也值得一提，清爽湯底不會搶味。最後，熱陳皮檸檬茶好驚喜！清新醒腦，好fresh👍🏻呢間燒味性價比高，而且美味，一啲都唔敷衍👍🏻…Read More

喺中環要食到平靚正嘅燒味，「新德興陳皮燒鵝✨」真係唔錯嘅選擇，佢地最出名嘅燒鵝，外皮燒得乾脆，皮下脂肪剛剛好，一啖咬落去非常好味。另外叉燒肥瘦適中，充滿蜜汁，肉質軟腍好味，非常高質素，而且價錢合理，所以非常抵食。• 脆皮腩仔飯 🐷🍚腩仔皮脆得卜卜脆，肉質香口，配埋白飯同少少豉油，簡直係完美組合。• 黯然叉燒飯（雙太陽蛋加叉燒） 🍳🍖叉燒肥瘦適中，蜜汁香甜，肉質軟腍。加埋兩隻太陽蛋，蛋黃流心同叉燒一齊食，真係「黯然銷魂」既滋味。• 燒鵝油雞瀨粉 🦆🍜燒鵝外皮乾脆，帶淡淡陳皮香，油雞嫩滑，瀨粉吸晒鵝油同雞汁，香濃又滑口。…Read More

南下來公幹嘅同事想食正宗港式燒味，於是去咗上環「新德興」。最好不過系5寶，我哋叫咗招牌燒鵝同乳豬五寶飯。燒鵝皮脆肉嫩，帶陳皮清香，汁撈飯真係一流；乳豬皮脆而不膩，油脂香恰到好處。同事話內地燒味偏甜軟身，呢度嘅明顯更香脆濃郁。燻蹄例牌切得薄身，爽口入味，點蒜蓉醋汁非常開胃，正好平衡燒味嘅濃郁。蜜汁叉燒米粉嘅半肥瘦叉燒淋上蜜汁，味道香甜，米粉份量足夠，食落飽足。整體而言，同事大讚新德興嘅燒味火候同調味出色，尤其脆皮同蜜汁嘅平衡做得好好。呢度每碟份量都超級大，真係相當抵食！如果想體驗傳統港式燒味，「新德興」確實係好選擇。…Read More