新天地美食

Open Now

Now Closed

就算是在尖沙咀這些旅客熱門區域，除了酒吧之外，大部份餐廳再沒有深宵營業這歌仔唱了，新天地可以說是其中一個意外，特別是在尖東邊緣的位置，還營業到凌晨四點，到這裏吃宵夜，又令我想起以前的大學夜宵生活，年紀老了往事就只能回味。其實這裏賣的就是能夠吃宵夜，在香港來說已說是越來越罕見的行為，食物質素就一般般，特別是炸大腸和炒麵真的很油膩，而煎餃雖然保持外脆內軟，但是吃起來還是一口油，相當吃力。這裏必點的也許就只有雞腳湯，這種就是住家老火湯的味道，沒有味精，充滿溫度，只有基本的鹹鮮味，以及雞腳的骨膠原滲入在老火湯內，令其口感更為濃稠，還有喝到的南北杏，如果其他食物也能保持老火湯的用心和質素，這會更令我有在街吃飯的感動。Even in busy Tsim Sha Tsui, late-night dining is rare except at bars. New Tin Dei, open until 4am, brings back memories of my university days. The food is average—oily fried noodles and dumplin

N年前經網媒知有呢度，當年有食過吓嘅。24年11月食過次，25年01月即今次，應該都無下次 😂11月嚟食嗌過涼瓜炒蛋都可以。01月呢份真心接受唔到，三塊炒蛋得面果塊有涼瓜嘅，底果兩塊唏噓得很 🤦椒鹽九肚魚 $88，等得耐又咁嘅價仲要唔好食 😒，從未見識過九肚魚咁奀，幼嘅程度我以為沙甸魚咋，勁失望。雞腳湯當初係貪佢夠膠質，雞腳夠腍骨都溶，但相對都偏咸。係咪人越大就越無味覺？！畢竟呢個湯都有啲年紀。今晚覺得另舍咸？！可能大家都熱氣卦 🤷‍♂️總括黎講11月那次較為好，今晚真的失望 🤦

不知所謂。趁我唔覺，俾一粒冬菇我🤬我飲開淨菇湯，你可以一粒冬菇？我飲開咁多年都起碼5個，你新黎架？🤬🤬你忙，唔緊要，係咪要人地下下打開你碗湯睇吓，我飲咁多年都飲淨菇湯，你今日俾一粒冬姑我，你哋宜家呢間鋪頭咩事啊？恰我呀？花生都得兩粒，下？咩意思呀？我下次黎親自俾返段片你地睇！你地唔係靠中年男女你地撐到今日？睇人玩啦！有片為證，不知所謂！

招牌雞腳湯：宵夜嚟講有熱辣辣嘅湯水，真係冇得輸，餐廳座無虛席好多人，個個都叫呢一個湯，所以我同朋友都決定試吓，個湯係老火湯，而且冇乜味精，飲完個湯都唔會有好鹹嘅口感！呢個價錢嚟講都唔算好貴，我朋友都非常鍾意，每人一碗真係好正！煎韭菜餃子，每一隻都包到脹卜卜非常大隻！而且煎得好香，宵夜嚟講真係好好食，簡簡單單嘅餃子都發揮得幾好，而且韭菜同埋豬肉嘅配搭做得好好，睇得出係新鮮自家製嘅餃子！鍾意食餃子嘅朋友都可以試吓！

小吃貨十八廿二嗰陣時成日去尖沙咀周圍蒲😛以前這裏附近有好多酒吧，每逢飲完酒想吃宵一定會來到新天地，經常滿座，老闆娘做到停唔到手，叫外賣的客人源源不絕，屹立多年真的很厲害👍🏻今晚再來發現多了很多國內朋友帶埋小朋友一齊來吃宵夜，估唔到佢地咁識搵好嘢食😆招牌雞腳湯是我必飲的，濃濃的黑椒，煲得超淋的雞腳，還有冬菇，這個味道咁多年都Keep住水準，完全冇可替代❤️煎餃子🥟有韭菜豬肉餃和白菜豬肉餃兩種口味，都是人手製作，包到脹卜卜，煎至金黃濃邊，點餃子汁吃超正😍滿足的宵夜😊

放假吃晚飯，行過一間看下去比較懷舊的餐廳，同事試過說很好吃，就去試一下，真的令人食指大動！沒有介紹錯😍唯一不足之處地方太殘舊🤣通常地方殘舊都是比較好食一點🤔位於角落頭、轉換處以紅白招牌為主🤣內裏環境比較殘舊，環境比較差劣😂，屬於典型大排檔。如果有潔癖的朋友不適合去🤣，不過職員很好人，下大雨給我們一把遮⛱️炸乳鴿是一道外酥內嫩、香氣四溢的美味佳餚，熱油中炸至金黃酥脆。炸乳鴿的外皮酥脆，內裡肉質鮮嫩多汁，帶有淡淡的香味，讓人食指大動。在於外酥內嫩，口感香脆，炸大腸的外皮酥脆，內裡軟嫩，帶有淡淡的香氣，讓人食指大動。這道菜色外觀誘人，口感絕佳。在於外酥內嫩，口感香脆。經過適當處理後，雞軟骨裹上麵粉或調味粉，再放入熱油中炸至金黃酥脆，再撒上椒鹽調味。椒鹽雞軟骨的外皮酥脆，內裡嫩滑，帶有椒鹽的香氣。豉椒炒道鮮美可口的佳餚，炒蜆時讓大蜆吸收了豉椒的香氣和味道。豉椒炒大蜆的口感鮮甜多汁，帶有豉椒的微辣香氣，讓人食指大動。以新鮮的豬肺搭配新鮮蔬菜熬製而成，豬肺入口鮮嫩多汁，帶有淡淡的甜味，湯中的蔬菜口感爽脆，菜千豬肺湯燉煮的過程中，豬肺的鮮味完美融合在湯汁中，令整體口感更加豐富。將鹹菜、胡椒和豬肚巧妙結

聽朋友講呢間小店嘅小炒同埋雞湯好好味，宵夜一流，所以早幾晚去試買咗佢個雞湯同埋呢一個砂礓雞腳，加埋其他嗰啲小炒食，呢個砂礓雞腳完全唔得，好似煲完湯剩返嘅雞腳攞嚟搵沙薑做咁，唔夠入味啲雞腳又瘦又細又鞋，其他小炒味道一般而且份量細，所以唔會再有下次。

以前成日同朋友飲完野都必定會去尖沙咀買碗湯飲最愛就係菜乾豬肺湯其實佢其他小菜同埋小食都好好食然後都係即刻整蕃茄薯仔湯、胡椒雞腳湯、同埋菜乾豬肺湯都係好出名當然冬天可以更加正啦🤣

自從倒數嗰日朋友帶我黎飲呢間嘅招牌雞腳湯之後就一直念念不忘，所以呢日收工特登過去( ´ ▽ ` )ﾉ-招牌雞腳湯 $33💰雞腳湯好重胡椒味好夠辣如果本身飲食比較清淡可能就唔太適合飲第一次飲真係覺得好飲夠辣唔會死鹹呢次飲反而覺得唔夠辣，有啲鹹重味精-乾炒牛河 $60💰-豉油皇炒麵 $45💰麵食方面兩款都較為普通，個人認為比起其他茶餐廳略為遜色-潮州炸大腸 $78💰炸大腸沾甜醬食，香脆可口，但味道就比較普通正常發揮-椒鹽墨魚咀 $88💰墨魚咀幾有驚喜，唔會炸過火，連埋炸乾蒜一同食用，香口有嚼勁

棉登徑果間無左，唯有去依間啦，諗住依間話係始祖應該正啲試下，我地4個人叫左雞腳湯同豬肺湯叫左個炒蜆同餃，雞腳湯真係無咁正，好似開左水咁，個餃子啲饀又少，成隻都細左，重點係個蜆，90蚊得11、12粒蜆肉，性格比高到呢…，真係未試過有兜蜆食水深到依個地步…真係以為係2間無關係嘅舖有想試嘅朋友可以唔使試

聽人講依間雞腳湯好正，終於去到試試雞腳煲到淋曬湯嘅蒜味都好夠，但係就咸左d另外，叫左份鹵水雞翼好咸仲叫左碟 豆豉鯪魚油麥菜 （無影相）有鑊氣，唔錯P.S 店舖只有一個auntie做樓面 ，大家要耐心等候喲

影完婚紗sample,都半夜,口痕但唔餓,婚紗鋪老闆話依家尖沙咀夜晚死城咁,一係就donki,一係就哩間,未行到就已經見好多人等緊,個個飲到面紅紅,牆上menu就樣樣有d,小炒滷水炸嘢蒸餸米線,湯!!!我見到有湯!!!招牌雞腳湯,就你啦.哩度應該都係做附近酒吧酒客生意.好彩買左兩碗,原來都幾細碗.幾足料,有冬菇有花生,大量胡椒粒,雞腳踭冇去甲,唔緊要啦,好少街買到咁嘅老火湯,冬天如果佢仲係度一定會成日幫襯!

夜晚出嚟搵嘢食 見到間舖頭門外有啲人 所以就走近睇下有咩食 跟住就買咗個雞腳湯做宵夜我超級鍾意飲湯 覺得個湯幾好味幾入味 不過可惜嘅係我唔鍾意食湯渣 冬菇OK 但係覺得食雞腳有啲麻煩 而且仲浪費咗我啲湯嘅空間🤣 下次叫嗰個老婆婆走雞腳先

尖沙咀馳名雞腳湯，每次飲完走也會去買一碗胡椒味極濃的雞腳湯用來解酒。由舊鋪開始他的雞腳湯和胡椒豬肚湯也是非常有名。但新裝修後，水準似乎未能維持。不知道是否因為疫情關係，酒吧被封了，連帶飲酒相關的宵夜夜市也受到打擊。適逢晚市堂食放寬，吃完飯也去買一碗。跟以前的比較，外賣盒用了更高級的，不是以前的發泡膠。用料方面，雞腳也有四至五隻，也有冬菇等配料，但味道方面竟然大不如前，湯底清淡了很多，也沒有很重香料，更像是用味精模仿以前的味道，也缺乏了胡椒的辣勁。

今晚是17週年結婚紀念，老公話呢間店呼聲好高，於是帶我去買外賣食浪漫下，點了1碗豬肺湯、1碗雞腳湯、6隻韭菜餃子、1個水煮牛肉、1盒乾炒牛河，埋單共224蚊。結果.......6隻餃子用個裝前菜沙律的超細碗裝，一打開，見到一盒仔醋放在餃子旁邊，周圍仲有好多吉位，我已經感覺不妙，一食，餃子全部得個殼，口感就是食風的感覺，餡少到無朋友，齋食皮......算.......飲下雞腳湯先，份量少不用講，出奇地好重味精，放棄.......又算.......飲埋個豬肺湯試試，一開打開個碗仔，只見清清的水不見料，用匙羹撈下，原來是給錯了胡椒豬肚湯(有3小塊豬肚及3片仔鹹菜)，飲落比雞腳湯更重味精，奇差，連出面免費的例湯都不如..........再算........打開盒乾炒牛河，份量出奇地少，用筷子撥下，條條河粉都油淋淋，成盒得3塊牛肉，4條洋蔥絲，食落除了依然是食味精外，要罰飲油......最後，食埋個水煮牛肉死得心，碗已經細到不像話，最特別是零味道，可能師傅覺得我剛才的食物食味精已經食夠，宜家來個清水煮牛肉讓我中和下味覺，結果牛肉是咬不爛的，老到成口渣，牛肉下面只有少少芽菜墊底。總結，全份外賣，收