志成小館

🥰 老友 “意大利長介” 識飲識食, 相約師弟 “村井” 同埋 “一清” 江湖飯局, 嚟到 “志成飯店”, 聽講大廚師承 “全家七福”. 🥢 餐廳裝修簡陋, 設六張中細圓枱, 大排檔格局, 另設包廂, 今晚 “長介” 負責點菜! 自攜三支酒, 開瓶費全免.🐚 沙薑蟶子皇, 每隻$88, 共4隻. 蟶子新鮮厚肉, 沙薑提味唔搶味, 啱啱好, 十個讚!🐚 冰鎮南非鮑魚, 每隻$88, 共4隻. 鮑魚爽彈, 配川辣味道, 我非常鍾意呢個溫度.🤗 豉油皇鵝腸, $188. 狀似闊條麵, 冇乜脂肪, 略嫌唔夠爽, 合格!🥣 花膠杏汁白肺湯, 每位$88. 燉盅上, 熱焫焫, 味道香濃吸引.🦐 粉絲中蝦, $680. 蝦膏爆滿, 粉絲又入唒味, 掂! 有點貴, 哈.🐟 海斑兩食, $680. 第一食, 粟米斑塊. 炸粉極度鬆脆, 放咗一陣都冇出水, 魚肉夠熱夠滑, 我以為粟米汁係搞笑, 夾埋真係好好食喎.第二食, 陳皮蒸頭腩. 啱啱熟, 肥美!🐟 陳皮豉汁蒸大鱔, $228. 彈牙, 又少刺, 一流!🍉 生果拼盤. 免費贈送, 完美結束.🤗 總結: 用餐環境普通, 但菜品高質, 烹功火喉出色, 服務有溫度, 期待下次再訪.…Read More

今個月同7月份生日的寶寶慶祝生日，有朋友建議去志成小館食，見菜式食評等都唔錯，就決定嚟呢度慶祝。我地叫咗8樣菜式，味道各有特色，蝦多士、豉汁炒鵝腸、花膠杏汁燉白肺湯都幾出色。蝦多士第一碟上菜係呢個蝦多士，呢道菜式好多地方都有，但講好食，志成係No. 1。佢個多士夠鬆脆，蝦亦好彈牙，而且唔油膩。平時我好怕食蝦多士係肥淋淋兼個多士好硬，好易鎅損口，志成嘅蝦多士克服我我對呢道菜式嘅壞印象，值得一試。豉汁炒鵝腸好少有一碟鵝腸係冇加上大量芽菜响底，志成嘅豉汁炒鵝腸值99分，扣咗果一分係我唔太好一啲肥糕。整體佢嘅鵝腸算大條同爽脆，雖然佢用豉汁炒，亦冇影響到鵝腸嘅香味，鍾意食鵝腸嘅朋友一定要試。宮廷秘制冰梅骨初時以為呢個係冷盤嚟，同埋應該都係啲普通排骨，嚟到係熱食，仲要個肉係大大塊，真係估佢唔到。宮廷秘制冰梅骨嘅冰梅醬，酸酸地，配上肉比骨更多嘅「排骨」，尤其响咁熱嘅天氣，酸酸甜甜令人胃口大開。花膠杏汁燉白肺呢個自己係唔會煮嘅湯，製作過程太過麻煩，出去飲就最好。豬肺係最難洗，但佢洗得好乾淨，而且口感好滑，唔會煲到柴咗。每碗湯都有一舊花膠、一件豬肺，湯味濃郁，同時亦飲得出杏汁嘅香氣，鍾意飲湯嘅朋友可以一試。豉汁蒸爽鱔第二款豉汁嘅菜式，感覺比鵝腸嘅味道更濃，相信係豆豉帶出更濃郁嘅味道，對我嚟講會稍為偏咸一啲；另外係魚肉唔算話係爽脆，雖然對味道影響不大，但變得唔完美。水煮龍躉斑球上菜時都「嘩」聲，估唔到係咁大盆。味精方面，麻味十足，起初食魚時唔覺得佢好辣，但到食啲米線時，啲辣味係慢慢咁滲出嚟。整體上係唔錯，如果魚可以多一、兩舊會開心啲。另外係米線可以轉冬粉呢啲就更正。招牌當紅炸子雞相信炸子雞係比較難處理同控制火喉嘅菜式，呢度嘅炸子雞嘅雞肉好嫩同有雞味，我刻意揀啲下欄位食，竟然都係滑嘅。不過可惜嘅係，佢個皮唔夠脆，我都知要做到外脆肉質嫩係好難做到，曾經食過最正嘅炸子雞，唯一一間做到外脆肉質嫩，竟然係一間公司嘅員工飯堂。黑胡椒牛油蝦球炒粉絲我幾鍾意佢滿滿嘅蝦球，粉絲亦都好入味，加上黑胡椒帶出唔好停嘅感覺，雖然食咗好多嘢都好飽，但都冇因為飽而令我放棄佢。呢個菜式有個建議嘅係，加啲綠色嘅裝飾，蔥又好、莞茜都好，家下就咁望落去就唔會覺得值呢個價錢。最後嘅果盤，完成美好嘅一餐。我覺得可以再嚟試其他菜式，我見到隔離枱叫啲餸擺盆好靚好特別咁。雖然睇落佢個價格有啲進取，但睇得出佢哋係用心都做呢啲菜式，甚至有驚喜。…Read More

志成小館位於尖沙咀漆咸道南樓上舖，屬於小巧低調路線，但氣氛熱鬧，有少少舊式小菜館感覺，枱與枱之間距離不算太迫，幾適合同朋友或家人一齊開心食飯。裝修唔算豪華，但燈光柔和，加上開放式廚房陣陣鑊氣，整體感覺頗有街坊味，同時又保留到一定舒適度。餐廳主打粵式小菜，同時用料認真，師傅會親自去街市揀海鮮同肉類，確保新鮮度，唔會用隔夜貨，令出品保持水準。人氣菜式包括手吊炸子雞、膏蟹蒸肉餅、盤龍鱔、雲腿蝦多士、豉油王炒麵等，多數都屬於重鑊氣、味道突出一類，幾啱一班人分享送飯。服務方面，由於係細店形式，老闆同員工會落場招呼客人，講解推介菜式，態度親切，有時會按客人口味調整辣度或做法，感覺幾有人情味。翻枱速度算爽快，但唔會有趕客感覺，整體用餐體驗偏向輕鬆自在，而且以尖沙咀地段嚟講價錢算合理，性價比不錯。…Read More

朋友曾經推介過這間晚市菜式不錯，心想著未試過，便中午黎快閃一下。餐廳在一樓，走一樘梯便到樓上，推門入內冷氣非常充足，坐風口位附近要加外套。偌大的餐廳以圓枱為主，午市繁忙時段要與其他食客搭枱。餐牌選擇不多，主要是以飯為主，炒米、炒麵選擇要貴很多。便點了生炒牛肉飯及土魷蒸肉餅，要了例湯。炒飯比蒸肉飯快上，肉餅差不多要等二十分鐘。生炒牛肉飯吃了一碗就吃不下，調味過鹹。至於蒸肉餅有點期待，可惜味道而言也是偏鹹，勉強吃了兩口就放下了，與朋友所講既相距甚遠，唔通午市與晚市師傳唔同？最正常係例湯🤣埋單後要另外買飲品解渴，尖沙咀食肆如此之多，下次也不會再來。…Read More

因為朋友食過一次之後，然後再連續去了2晚，所以很好奇是否真的這麼好食。之後有朋友生日就排了到這間慶祝，佢位置非常方便在漆咸道南中段，但冷氣就真係唔夠凍。食物方面，Overall 質素係中上，尤其係個燒雞真係好好食，皮脆肉滑兼多汁，必食。個蠔食倒係好新鮮，但可能overcook左,有d韌。個蟹係好惹味，但感覺就有d普通，所以下次會試d出面無嘅菜式。佢哋menu 上有好多出面唔會有嘅菜式，所以期望下次再試。價錢方面中間，如果唔計請朋友生日，約$500個頭。。。叫了5個送，有2個唔記得影。。。不過只係菜同小食。…Read More