康瑞甜品

Open Now

Now Closed

如果話《康瑞》係香港no.1既台式糖水店，絕對係當之無愧。位於深水埗既呢間小店，長期都大排長龍，當中最出名既糖水一定係呢個特色仙草配，只係$26，性價比極高。入面有仙草、芋圓、地瓜圓、西米、丸子、紅豆、珍珠。每樣配料份量都好多，軟硬度都岩岩好，糖水底唔會太甜，配上奶精每樣野都恰到好處。唯獨芋圓同地瓜圓味道可以再濃啲。其他糖水舖賣一碗呢啲台式糖水都要$40起跳，呢到$26有呢個質素的確十分出色。之前都有食過桂花系列，一樣清香順口呢！

 朋友帶我黎呢間深水埗好出名既康瑞甜品，呢間有各式傳統甜品食，例如椰汁西米露、紅豆沙、綠豆沙等。價錢非常親民🥰連埋芋圓碗碗大碗足料都係大約三十蚊。1️⃣特色仙草百配（$27）勁多配料😍有西米、薏米、紅豆、仙草、珍珠、小丸子、芋圓、地瓜圓。仙草好滑，而且食落唔會太甜。芋圓地瓜圓食落煙韌有咬口，食到食物原材料既味道～  2️⃣香芒椰汁西米露配（$34）椰汁味道香，唔會太重，仲有切粒芒果肉，好啱夏天食😌  

朋友推介深水埗呢間芋圓仙草甜品店，喺附近大排檔食完嘢，就梗係過嚟食糖水。發現甜品店款式雖然唔係特別多，但主要推薦芋圓甜品。我叫咗一碗：芒果芋圓西米露 $32椰汁係比較「希」少少，芒果比較有口感唔會好林，我反而鍾意呢種！整體都不錯不過不失。

係西九食完飯順便行埋去幫襯下康瑞照舊嗌左佢既招牌仙草芋圓老公就食楊枝甘露芋圓水準照舊保持到非常之足料食完一碗都飽飽地蕃薯圓同芋圓煙韌帶有微微既蕃薯同芋頭味食左咁多間，始終呢間既芋圓係最好食而且水準都keep住唔會話做耐左就開始失水準老公果碗楊枝甘露又係非常足料芒果大大粒而且甜度十足值得一讚係芋圓同小丸子放左係雪櫃幾個鐘先食都唔會硬左佢然食得出佢既煙韌性價比極高，比起傳統既老字號佢哋賣得更平但唔會因為價錢平而唔好食

#康瑞甜品 #sorriso_深水埗區-依家係我長期book mark嘅甜品，第一次幫襯係5年前，佢都仲keep到水準，冇咩點加價，佢前身係一間涼茶店嚟，後來賣芋圓發現愈嚟愈好生意，就索性連店名都改做甜品🧆【特式仙草百配】 $27 (8.2/10)入面有芋圓、地瓜圓、小丸子、紅豆，薏米、珍珠、西米、仙草，堂食店員會問要凍定熱、要唔要奶，要嘅話就直接加落碗仙草，外賣嘅話奶係會分開俾你，仙草好滑，每一樣配料食落軟硬度啱啱好，芋圓就偏細粒，碗野都唔會太甜，飯後甜品啱啱好，勁jeng🍯【椰奶紅豆沙配芋圓、地瓜圓、小丸子】 $27 (7.5/10)呢碗係紅豆沙做底，但配料同上面差唔多，不過我覺得碗紅豆沙太甜，所以扣左啲分，我地都係鍾意上面嗰碗多啲😅#sorriso_深水埗 #sorriso_九龍-📍【康瑞甜品】深水埗荔枝角道323號地舖🕑Mon to Sun 15:00~0:00-#foodie #foodiehk #hkeats #黃店 #黃色經濟圈 #黃店推介 #日常生活 #不專業食評 #打卡 #相機食先 #黃店地圖 #食好西 #食評 #852foodie #吃貨 #yellowshop #

每次去都係咁多人，都係要等得比較耐😂😂呢間店舖最出名嘅一定係仙草芋圓。今次去最大唔同係個餐牌更新咗，精美咗好多。糖水嘅種類亦都唔少，我哋就西米露同埋仙草芋圓。甜度適中又有咬口，的確係食飽飯之後嘅絕佳甜品。佢仲有好多糖水產品，例如綠豆沙，蓮子腐竹糖水我都有興趣試🥰除咗糖食之外亦都可以外賣，食甜品期間我都見到唔少人喺出邊停低架車然後買外賣。雖然出邊都仲係好多人等緊，店員都唔會抱住一個趕客嘅心態，好有耐性幫我哋影合照，呢個都算係加分位。相片方便大家都係差唔多我就唔特登影啦😂😂

.📍店舖：康瑞甜品📍#饅頭去深水埗 #饅頭的港味道#饅頭食甜品————————————————🥢秘製軟滑糖不甩 ($20)呢度嘅糖不甩可謂係用心之作，細碎花生、芝麻同椰絲炒到好香口微焦，入口香脆帶少少油份濕度，糖不甩嘅糯米粉糰亦帶糯香唔過甜，不過略嫌煮得淋咗啲，唔夠滿足煙韌控。◾評分：7.3/10🥢特色仙草配 加湯圓($26)呢碗以淡奶同冰糖水為基底，配料包含仙草、芋圓、地瓜圓、珍珠、小丸子、西米、紅豆同薏米，咁多料夾埋都只係30蚊樓下，真係好抵食！印象比較深於嘅係頗有彈性、似果凍咁滑溜嘅仙草，藥材甘苦清香同甜味比例恰當，滋潤清爽；芋圓同小丸子等配料都足夠煙韌，唔易斷口，味道自然唔似嚼膠；粒粒紅豆軟綿甜美，薏米帶輕微嚼勁，西米晶瑩剔透。整體味道因為配料太多導致有啲混雜，除咗仙草之外其他嘅原材料味道都唔係特別明顯，但結合價錢同咁豐富嘅配料口感，都冇咩需要挑剔。◾評分：7.7/10————————————————🔸整體評分：7.5/10🔸小編回頭率：7/10

黎到深水埗必食甜品，食過好多次仙草百配，性價比好高，唔洗$30已經食到咁大碗足料地瓜圓甜水，仲要係好吃！👅 𝓜𝓮𝓷𝓾𝓼🌟特色仙草百配芋頭丸地瓜圓仙草 （ 凍）糖水配料有 仙草 ，芋買 ，地瓜圓 ，小丸子 ，珍珠 ，薏米 ，西米，真係非常足料😋😋 三色芋圓口感 煙煙韌韌 。仙草好滑 上面加入奶好香。仙草連埋其他配料一齊食，層次感非常豐富，甜水唔會好甜，熄晒成碗都唔會溜，非常值得推薦。📍 康瑞甜品 深水埗荔枝角道323號地舖

夏天熱辣辣，最啱就食甜品，濕下口，行街行到熱熱地，就求其入左呢間甜品鋪，估唔到有驚喜！抵食，味道都唔錯！叫左招牌仙草配$26，有宇圓，地瓜圓，小丸子，同仙草。其他甜品鋪起碼30幾。味道都幾好食，唔會好甜，夠料，都夠濕潤，下次我會帶埋朋友試其他。

📍康瑞甜品 @ 深水埗最抵食嘅仙草百配🥰一碗有晒芋圓地瓜圓、小丸子、珍珠、薏米紅豆同滑嫩仙草！雖然芋圓嗰啲丸子類味道唔出，但勝在煙韌程度剛好，好有咬口，所以我每次食完都好滿足ヽ( ★ω★)ノღ 特色仙草百配 $27ღ 香芒椰汁西米露 $28回頭指數😼3.5/5（深水埗必食甜品(ᗒᗊᗕ)

喺深水埗食完晚飯，梗係接住同班朋友食埋糖水😛黎到康端附近唔通唔食埋？我就一定叫返自己最愛嘅紫米露配芋圓+地瓜圓+小丸子🍡影相嗰陣唔記得攪吓個底🤣啲料係晒個底到，我食左好耐都仲好多料，到最尾都係食唔晒😆芋圓+地瓜圓煙煙韌韌，又唔會太甜，真係好正🤤仲要只係$27，飲杯手搖都唔止😉另外，加左花生湯圓，$6 有4粒，抵到爛🤩

Soup was not too sweet in a fair price. A good place to have some after dinner delights in the neighborhood ~It would be perfect if the dark jelly had a stronger herb taste. Right now it was practically tasteless despite it being smooth and bouncy. Taste and texture of food are equally important.

大學嘅時候同學推薦嚟食呢間仙草，果然一試難忘，每份仙草都只係$2X，係學生恩物😍 必要嘅係招牌仙草，甜甜嘅花奶配上滑嫩嘅仙草，仙草帶着微微的香味，再加上煙靭好食嘅芋圓🤤 唔怪之得次次去都好多人排隊，舖頭雖小麻雀俱全🤣🤣

康瑞甜品簡直就係深水埗嘅名物 每一次同媽咪去買餸都要去食💕唔使$30就有一碗 喺邊度搵！！揀咗個特色仙草百倍 配料真係超級多除咗有仙草之外 仲有芋圓，地瓜圓，西米，珍珠，小丸子同薏米 成碗真係超足料 口感非常之豐富😍

初時康瑞其實係中醫館，舖頭位置比較偏僻喺內街入面，只係係旁晚時段開賣糖水，而且只有數款供選擇，儘管如此，仍然有好多街坊支持！因為空間有限，只放到大約3-4張格仔，想堂食唔係易事，所以我成日會買外賣依家換咗大鋪專門做糖水，水準都保持得好好，但唔知點解總係覺得好似以前好食啲，或者係嗰份小店人情味😆特式仙草配 $27仙草好嫩，滑脫脫，帶有微甜芋圓有地瓜圓同芋頭圓，口感好煙韌彈牙，仲食到蕃薯味，而且唔會過份膠感其他配料仲有紅豆、薏仁、西米、小丸子、珍珠，整體感覺好豐富，全部食材好夾，呢款真係百食不厭👍🏻養生紫米配 $27紫米煮得軟軟糯糯，再配上芋圓呢度嘅招牌係芋圓，但其他中式糖水都有返咁上下水準，其中紫米露都好出色，好香好滑👍🏻香滑腐竹蓮子配 $27腐竹比較碎，正常腐竹糖水再加上芋圓糖不甩 $21平時好少叫糖不甩，因為驚好甜呢到嘅對我黎講啱啱好，花生芝麻粉比得好多鋪成滿滿一層，粉團口感亦好好，煙韌得黎唔痴牙如果你係少甜愛好者，康瑞係一個不錯之選❤️如果你係第一次食，仙草配係不二之選❤️康瑞甜品 (深水埗)深水埗荔枝角道323號地舖