太安樓牛雜

Open Now

Now Closed

今日eatmug9 #38想去夜市 唔洗搭飛機嘅西灣河嘅太安樓係有“香港桂林夜市”之稱(好似係)今日就同大家嚟呢度掃一掃街睇下有乜好食太安樓入面大大話話都有成廿幾間食店而我第一間幫襯就係牛雜一嚟九丈咁遠都聞到浸牛雜除二嚟間舖都有返咁上下人排隊 心諗應該唔會差得去邊掛份牛雜有分大中小我就嗌咗份小牛雜 留肚食其他牛雜呀姐就問洗唔洗加柚子皮我都黑人問號咗 (有啲咁嘅嘢咩)不過幾歹都試下先濃濃啲牛汁 滲晒入啲蘿蔔度特別一提啲牛肚好有質感 質素唔差大腸亦都夠乾淨嗱嗱聲已經啪晒準備食其他(待續)

來到西灣河太安樓牛雜，客人可以揀不同份量的雜牛雜，份量分大$55中$45小$35。而淨食就必須三份起點，我們就點了淨豆卜$8、蘿蔔$8、牛肚$8、豬皮$8。入內有企台供客人在店內享用食物，枱面上有辣椒醬可以自己加。不知道是不是滷的時間不是太長的關係，感覺牛雜不是太入味不夠淋身。牛肚不算入味，而相對而言豬皮較入味同淋。食到蘿蔔有少少渣，要扣少少分。豆卜舖底，可以吸收腩汁精華，算是不錯，感覺都是廣州的牛雜最好味。 見到當地人多數叫麵來吃，假如叫一餸麵的話只是$20，價錢便宜。

平時男朋友已經好中意食牛雜，今次見到呢間就即刻拉我去試！我地叫左個中size，份量已經好多夠哂我地兩個人食一碗入面已經有齊哂牛肚、牛膀、牛筋、豬腸、豬肺等等，款式夠齊，過口癮一流最特別係有柚皮！處理得好好無苦味吸哂牛雜既精華，咬落去有驚喜必試！

今日帶一家大細長征去食太安樓，介紹牛雜比老公食，呢間幾好味，分量同價錢成正比，牛雜分大中細，價錢係＄30丶＄40同＄50，可以另外加餸或者配麵，配搭自由度好多樣化。由於分量較街外店鋪大份，所以價格高咗小小，但好足料，而其他食物價錢都唔貴，一餸麵好多都係＄19就食到，講返個牛雜，由於上次食過細牛雜超飽，所以今次有備而來，要帶人一齊先食得晒，雖然細碗都要＄30，但分量丶味道同種類都值得一食，佢細碗已經係用出面小食店大碗嘅size嚟裝，入面有七種食物形成一個牛雜，包括牛肚丶牛膀、牛肺、牛腸、牛腩丶豬皮同白羅白，值得一提係會問你要唔要柚皮，牛雜夠淋又入味，豬皮好爽口，羅白索汁入味又夠淋，而且得三丶四舊，唔係成個底都係羅白，好足料，值得一試，佢有小量位置比客人堂食，但係立食。其實個羅白見好多人會另外再買多份，是幾熱門的食物~如果喜歡柚皮，切勿錯過

太安樓掃街之旅又黎啦！因為太耐無黎，所以就算眼闊肚窄，都要照買。買了海南雞之後，一定要加埋旁邊的牛雜。最少要買三樣，我喜歡自己選自己愛的，買了三樣：牛肚+肺+豬腸牛肚淋，又入味，入口唔冼咬太耐肺唔太腥，洗得乾淨，難得豬腸係我至愛的，但我怕腸入面的肥膏，呢間係洗得乾淨到，無哂肥膏，又淋，真係令我每次黎都要買。

今日去西灣河,自然就去平民美食天堂：太安樓啦。搭港鐵西灣河站A/B出口未行到鋪已經聞到好濃的牛雜味。排隊時因為想留肚食其他，所以只叫三樣 牛筋 、牛肚、柚皮。每樣價錢唔貴，好多只是每串7蚊。一到手，大件事，三樣的顏色都是一樣的，味道柚皮最好入哂味，可能浸左好耐，鬆軟的。牛筋，算淋，同黏口，但味道普通。牛肚，淋得太過火，似一塊黃布。味道ok. 但未至於驚為天人，但平價又是真的好抵食的。＊加辣油食會好味好多。＊只有企位。要立食。＊麵食走蔥走腩汁要先通知。

太安樓牛雜，由舊檔食到新鋪，新鋪有冷氣有個位食比以前好好多，叫左牛心腚，蝴蝶腩，同埋牛肚，加埋甜醬芥辣就最好味，牛心腚都好爽，蝴蝶腩亦都夠腍，黎開太安樓必食，不過可能因為方便唔洗洗碟，就唔理堂食外賣都用哂膠碗，無咁環保之餘，都係以前用碟仔比較有風味~~

太安樓呢間牛雜好出名，百食不厭，收工時間會有好多人排隊，呢度選擇好多，湯粉麵都有得食，次次黎都係食牛雜，最鍾意食佢的牛肚，入味唔會痴牙，大大塊，蘿蔔食甘多次都冇渣。繼續支持

收到後最喜歡到太安樓搵食！成日十諗如果我屋企樓下都有咁嘅食物檔，真係會變大肥豬！今次試嘅係牛雜，嗌左腸、肚同肺，樣樣7蚊份，以依家百物騰貴嘅社會黎講，算叫做抵食！牛腸肥美無味，牛肺爽口，牛肚煙韌，不過略嫌未夠入味，希望店家可以繼續努力啦！

收工坐順風車去西灣河，當然去太安樓搵食，呢間牛雜一直想試，去到都要排隊，無座位，只係做了立食嘅面壁位，店內大部分地方都係開放式廚房，睇住兩個姨姨店員好落力切食物包裝！到我時叫了牛雜再加份豬腸，姨姨問我要乜醬（甜/辣/芥辣）同埋要不要柚皮（每次去啲小食店都有壓力，怕自己唔識店家嘅規矩）講好晒睇住一個姨姨切好晒，另一個包裝！牛雜（中/$40）加豬腸（$7）回家途中巴士中，陣牛雜香味好烈，喜歡叫香，不喜歡叫臭，在地下不小心吹跌過落地！發泡膠碗都無漏汁（超出預期）我不要柚皮，同肥髀分享，我同佢都好喜歡食腸，陣牙肥美又無壓味（兩個人所以要加多一份腸）牛腩入味淋身，纖維唔粗無痴牙，豬皮爽口索汁，蘿蔔入味微爽無渣，豬肺淋身索汁，牛膀沙沙的口感我一般！牛氣管爽口彈牙！湯底濃香惹味，黃芥辣吊出鮮味！所有內臟都無壓味！處理得幾好！店員姨姨爽手有禮！加分！（草根嘅食店，有禮會驚喜啲，因為無加服務費）如果姨姨用大鐵剪會更有風味😆✂️✂️✂️

已經好耐無食過牛雜，咁啱經過呢間見好多人食咁就嗌左碗試下。呢間店設有企位，大約容納到5/6人左右。店舖衛生，而且店員都幾快手同有耐性。佢嗰牛雜幾新鮮同好足料，每一個部位都有幾件大大嚿。無羶味而且唔咸，牛肺爽口，但如果可以再入味啲就好喇。白蘿蔔就非常入味，大約有三四嚿左右，都幾抵食。如果想要柚皮可以落單嘅時候講埋。細食嘅可能要2個人share先食得晒。另外，佢地都有賣生菜魚肉同埋麵等等，都幾多選擇㗎。

又係黎太安樓必食既選擇又多種類又好味又好平真係不得了我今次就叫左柚皮，蘿蔔，牛根！每份都係6蚊咋！又平又好食啊！佢可以散叫最少三款18蚊起！又有小雜或大雜揀！過開黎快快幫襯吧！

話說爸媽去了旅行無飯食，所以朋友提議去西灣河太安樓掃街。朋友住係九龍果邊，唔熟港島，但佢話最難忙係太安樓牛雜呀!我們點了細牛雜，兩個人SHARE食。店裡姐姐好熱情，同態度好好的問我地要不要加柚皮。等了3分鐘，新鮮滾熱辣的牛雜就出來!牛雜有柚皮﹑蘿蔔﹑牛肺﹑牛腸﹑等等....牛雜煙韌﹑爽!!最重要的是入味!!!當一咬牛雜時，內裡有牛雜湯汁湧出來，配合牛雜湯料﹑非常入味!!加上芥末﹑甜醬，非常好吃!!!!真的是可以取代以前北角牛雜!!!加上老闆娘的好客熱情，感覺這碗牛雜非常有人情味!我相信....我相信...我好快會回來再吃第二次!!!

印象中第二次食太安樓牛雜，今次星期五放工時間來，要排隊(大概五個人)，不過阿姐手快不到三分鐘就買到了，堂食可入舖內，有幾個立食位細碗牛雜$30，又可單款加粉/麵$18每加餸加$6,淨餸每款$6至少要$18，牛雜款式很多另有蘿蔔、豬皮、柚皮由於得我一人食,便叫了我喜愛的牛肚、牛肺及牛膀三樣共$18，食到差不多聽見好多客人都點柚皮，為食得我又想試一下，問一問阿姐可否只加兩餸$12，好人的阿姐幫我加了蘿蔔及柚皮，果然沒有失望，個人覺得柚皮比牛雜更出色😋😋掛住食沒有影相😜

從前只買牛雜，現在入了舖，有埋麵跟，便吃一碗牛肚牛根麵，濃濃的牛雜汁香，湯底只算0k，牛肚和牛根也炆得夠霖，加上介辣醬和甜醬一起吃，錦上添花，層次感豐富，牛根好有骨膠原，不會硬硬的