太安樓牛雜

Open Now

Now Closed

第一次黎太安樓食野，未諗到食咩既時候，見到呢間鋪頭面前有吾少人排隊，原來系食牛雜，諗起好奈都冇食牛雜了，就揀左佢試試。這家牛雜份量好足料，滿滿的一碗，價錢亦平，cp值高。可惜味道一般般，唔喺好入味。蘿蔔亦帶苦味😢。估吾到山長水遠黎食野，就中左伏，揀左間麻麻地，失望😔太安樓牛雜西灣河筲箕灣道57-87號太安樓第二街A31B號舖

平時好少食牛雜嘅我今日同朋友嚟到佢話好想食咪陪吓佢食 有大中細揀我哋兩個人叫咗一份中嘅share 份量還好 個人覺得比較乾身唔係成碗汁上 但係牛雜好入味好易咬!唔會腥👍🏻牛筋好好食

🐻太安樓糧食🐻🐮牛雜🐮特別推介一定係柚皮，而家真係冇咩地方會有柚皮食，仲要係好食！牛膀都係推介之一，食得出好新鮮！下次想試埋個牛筋🤤🐻小評語：平時唔多機會去太安樓，印象中每次去都會買佢個牛雜，今次叫左個中牛雜$60，差啲想叫左個大牛雜，都係$70！不過一個人驚食唔曬🙈呢個價錢食到呢個質素，真係好推介！📍 太安樓牛雜 (西灣河)西灣河筲箕灣道57-87號太安樓第二街A31B號舖味道😋:🌕🌕🌕🌕🌗性價比💰:💵💵💵💵回訪度🤤:😋😋😋😋

睇過好多blogger 介紹呢間牛雜， 基本上都係好評，大部份都話乾淨足料好味， 所以一於去試下唔想食面， 淨要牛雜，原本諗住叫大（$70）， 點知見到上個客買細（$50）都唔係好細碗， 即刻變陣食個中（$60）份量都真係多，店員會問要唔要蘿白，豬皮，柚皮，三樣都係我鍾意既， 當然要， 最後就係要唔要三醬（芥辣，辣，甜醬）， 我就要少少芥辣，其他醬都要唔食蒡既我係走蒡既，整體所有部份都好淋，蘿白柚皮豬皮勁入味， 牛腩肉唔會鞋， 腸內係算乾淨， 有樣似係喉既部位（定係軟骨？我都唔知）幾好食， 少少爽脆口太安樓真係個覓食好地方

【東區】【太安樓牛雜】以我風流倜儻嘅程度同埋聰明才智，理論上我成世人應該唔會有多少機會同到啲靚女對話。不過自從開設呢個飲飲食食嘅 Foodie 帳户之後，係會多咗啲同靚女對話嘅機會，言談間講開呢間太安樓牛雜，就提起咗我嘅興趣。我曾經係好中意食牛雜嘅，中意嘅程度係令到我 ex 覺得我送佢返屋企係因為想去佢屋企附近食牛雜嘅。實情當然唔係咁，真係順便去食，然而嗰時喺美孚嗰間小食店嘅牛雜又真係整得幾好食，不過而家已經執咗，冇得再食。執咗嘅當然唔止係小食店，連我嘅感情生活都執埋笠。然而，我估如果我唔係單身都唔會有咁嘅時間去整 foodie 帳户出嚟畀讀者睇我嘅日常生活。咁大家又唔使太擔心嘅，我都仲係正常嘅，今次就係同一位女性朋友去呢間。以我喜歡牛雜嘅程度，我毫不猶豫咁叫咗碗 $65 嘅「大雜」，店員會問要唔要「柚皮」，我哋係要咗嘅。之後又問甜醬同辣醬嗰啲點，我誤會咗辣醬係黃色芥辣，叫佢落少啲，原來佢真係一個辣醬嚟，所以碗嘢係有三個醬嘅。戲肉當然係啲料，「牛膀」、「牛肚」、「豬肺」、「豬腸」，其實幾樣都整得唔錯，尤其係我以前都唔多食嘅牛膀，喺呢度都整得幾好，口感唔會係鞋到好似豬膶咁嗰款，朋友唔食嘅

喜歡這家牛雜店的主要原因係佢唔D牛雜唔會好鹹。我同個Friend正喺度諗緊要細嘅$50定係中size的$60還是要最大的$70 size，最後我們還是決定逐樣嗌最開心，因為全部都係自己想食嘅野。我地叫咗5樣野，分別有牛肺、牛膀、牛心腚、牛脆骨同埋牛腸，當中牛肺同牛膀都唔錯，牛心腚就同平時食開嗰D唔同，佢呢度厚身D，所以就無咁爽。牛脆骨就份量比教少，同埋肉多過骨。牛腸就最差，寧願食豬大腸好過。

呢間鋪好似已經喺度好多年。食物味道唔錯。尤其係蘿蔔，無論幾時去買都咁入味咁淋。餐牌寫最少3份，但其實係3份先每份平啲。其實散買一份都ok，不過貴啲。不過份量就次次唔同，有時好多有時好少。街坊鋪真係好睇心情。麵就好大碗好抵食。

細牛雜🐂 💰45 ❤️‍🔥4/10分 腸肥瘦剛好，好食🫰🏻膀唔好食，血味超重🤢牛脆骨（氣管）唔夠脆🫠金錢肚太冧🫥腩汁唔夠多😶‍🌫️唔知係咪因為想索汁所以有三塊豬皮，但超冧，難食☹️蘿蔔同樣超冧，但無蘿蔔味，好假嗰種口感同味道，唔識點講總之難食😫而且價錢幾貴，份量唔多，性價比好低🫠可能下次要單嗌佢啲腸食會開心啲🫣想睇更多相同食評可以search翻ig @foodjobdacon❤️‍🔥

聞說 太安樓有一間隱世牛雜 有別於一般牛雜店既既牛雜"omakase" (大$65 x 中$55 x 細$45) 獨特在你可以"自makase" 實踐牛雜自由 任搭 樣樣十蚊!今日去得 一定係自己發辦! 蘿蔔 蝴蝶腩 牛心椗 豬腸 $40@4餸！蘿蔔唔苦 冇渣😍 入哂色 滿滿湯頭既味道 冧到一夾就爛 口感欠奉🙃牛心椗係連着牛心的血管 係特別野黎 血管本身冇乜味道 食其爽脆口感👌蝴蝶腩係橫隔膜附近有一塊肉 筋膜包住肉同油脂 一次滿足三個口感 俾讚😋豬腸有厚厚嘅脂肪 有豬腸一貫嘅腸味 食唔出有異味 油脂重而不膩 口感軟冧入口即溶👍🏻 食材既口感導出左啲食材係湯頭入面既一生😂整體黎話 味道未到出眾 旦勝在每樣材料都有五舊左右 份量大滿足🥰 建議食左原味先加佢啲醬汁😉 (芥末醬個味嗆到無朋友🥲.....) 提提你: 新年其間唔係日日開 打電話摸左低先啊🤗

大隻仔今次覓食嘅店舖就係💥 太安樓牛雜 💥大隻仔唔係第一次食太安樓牛雜，不過每次都係叫細牛雜$45或者中牛雜$55，大牛雜$65今次都係第一次，份量十分之多。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 太安樓大牛雜 $65如果食得晒或者有幾個人一齊食，叫大碗牛雜係最抵，大牛雜係用車仔麵圓形發泡膠碗裝，超級大碗抵食，都只係賣$65。一打開碗蓋已經有微微嘅香味飄出來先飲一啖牛雜湯，味道濃烈而不會太咸。淨食大牛雜一共有10種食物，如下豬皮爽口，都入味豬粉腸好食，入味豬大腸好食過豬小腸，入味而且夠肥牛肺最好食，唔過林夠入味，烹調時間啱啱好牛膀唔夠淋，烹調時間不夠牛腩超入味但少少痴牙牛心腚 夠爽口牛筋過冧，煮到差唔多溶化白蘿蔔，夠冧冇渣柚皮吸滿湯汁，好入味溫馨提示：味道濃烈，食完會有少少口渴，需要準備飲品。甜醬、辣醬、黃芥醬可以要求另外分開上。

黎都太安樓點可以唔試吓好出名嘅太安樓牛雜，之前睇到好多YouTuber介紹，所以特登慕名而來。叫咗一份細嘅牛雜，但係都已經好大碗好足料，味道唔會令人失望，湯底唔會太鹹，入邊既料都浸到好淋，好入味。特別鍾意柚皮，完全熟晒牛雜啲汁，超級好食。

幾推薦食下佢哋既牛雜 細碗牛雜有著不同牛的部位罕見的柚皮滷在牛雜湯內柚皮已經烹製到很軟爛質感好正 同印象既柚皮吾同基本上牛肉不同部分都滷到入味牛筋好食 彈下彈下咁也沒有過鹹蘿蔔好清甜 入晒味無硬既質感😂😂好好食

次次嚟親必食牛雜，蘿蔔先係主角😋————————————————————————淨食全部都係$10份，湯麵就$22份，鍾意食乜就揀乜👍🏻自由配搭，淨食揀3份已經有一大碗⭐️必食蘿蔔，完全冇喳仲有少少蘿蔔嘅甜味，每舊蘿蔔都入晒味，調味唔會太鹹，啱啱好👍🏻•豆卜，好大粒又係入晒味，有5️⃣大粒，”索”晒啲湯汁，食果陣一定要小心熱😄•牛筋，煮到好淋，牛筋上冇多餘嘅脂肪，處理得好好👍🏻————————————————————————整體來講，$10份每樣嘅份量都算多，好抵食，嚟太安樓必食牛雜-蘿蔔😋👍🏻

之前同朋友去咗太安樓食嘢, 見唔少網友推介太安樓牛雜, 大食妹一於去試試, 唔試又點知道係唔係真係咁好食呢大家可以嗌牛雜, 亦都可以自選配料, 大食妹其實唔係好食內臟, 就散嗌左幾份配料大食妹揀咗蝴蝶腩、牛肚、牛筋同蘿蔔牛雜非常大碗, 份量都好多蝴蝶腩比大食妹想像中瘦牛肚煮得好軟爛牛筋嘅口感係大食妹鍾意嘅入口即溶蘿蔔份量最多, 而且清甜入味

叫咗個中size嘅牛雜($45)，份量都幾大，夠2個人分，所有牛雜都炆得入味同無腥味，連墊底嘅蘿蔔都入味無渣，值得推介P.S. 左邊係甜醬，一定要落多啲右邊係辣醬，都幾辣，唔好落咁多