四寶食堂 (Closed)

旺角行街街，肚餓搵嘢食，見呢間餐廳要排隊，吾通好好食？湊下熱鬧先😅 茴香檸檬煙三文魚沙律$78茴香有甘甜氣息，它有著其特殊的口感與風味，加點檸檬汁，沙律菜能特顯鮮美😋😋😋 見到餐牌招牌推介：揀左黑蒜义燒滑蛋飯$62上檯時。。。心諗點解啲义燒咁瘦咖，點知肉味濃，沒有額外添加蜜汁、色 素，原汁原味。 义燒很有豬肉香，鹹甜適中，肉質鬆化有彈性。 仲有鋪滿飯面嘅滑蛋，加點黑蒜鼓油，真係滋味無窮，好耐未試過食晒成碟飯 朋友情有獨鍾，鍾意食牛排，茶餐廳都係叫牛排😅 燒美國極級牛板鍵，跟餐$158餐湯是南瓜，還跟薯條👍 賣相就嘛嘛喇😛但牛板鍵油花少，分佈均勻，肉質軟嫩中帶有彈性，juicy，中間透明的嫩筋口感Q彈有層次。原先仲想食甜品，點知餐牌嘅甜品打左個大❌，好彩。。。有雪糕紅豆冰補數😍😋😋😋

Tiffany Blue × Hong Kong Style💫..Tiffany Blue💙 × 港式Fusion 冰室，坐得舒服而且食物大眾化親民既新派茶記，會是你的菜嗎❓之前一路都想試，但上一次遇正打風食唔到，今次當然要食來試試。長期排隊既港式冰室，一定有佢既吸引力，今次好好彩等左冇耐就食到了。餐廳比傳統茶記來得有心思而且舒服，用上女生愛既Tiffany Blue 製成既特色花海🌸 打卡牆，滿有少女心💕。成晚聽住謝霆鋒經典金曲🎶🎵，帶出另一種味道。食物亦精緻有心思亦多元化，中西Fusion菜常餐都有，照顧唔同客人胃口呢。ll $68+嫩滑炒蛋+冰火菠蘿油 +熱奶茶 +$3Hei Hei's Pork Chop w/ Scallion Oil, Scrambled Eggs, Pineapple Bun✨招牌常餐✨ ll $78Haw Juice Sweet & Sour Iberico Pork w/ Pineapple✨粵式家常小菜✨ll $68Fried Flat Rice Noodles w/ Satay Kurobuta Pork✨新派粉麵✨ll $28Swiss Sauc

Happy Friday 晚餐，朋友提議四寶食堂。門口排隊的人不少，聽名字以為是普通茶餐廳，但裝潢設計以 tiffany blue為主，再望望餐牌，除港式食物外，還有牛扒、意粉、全日早餐等西式菜。蔥花咸牛肉炒蛋三文治 - 咸牛肉炒蛋勁厚身，份量超多，蛋火喉剛好不會過熟，混入咸牛肉帶點咸香，再加蔥花香味。燒美國極級牛板鍵 - 包是日餐湯薯仔忌廉湯及黑松露薯條，薯仔炸得香脆。份量相當多，每塊中間呈嫩紅，肉味濃郁，配西蘭花苗及半個蒜頭，誠意之作。飛魚子藍蟹肉香草蕃茄意大利麵 - 蕃茄醬提升了蟹肉的鮮味，鋪上很多飛魚子，還有釀蟹蓋和蘆筍，十分豐富。紅豆雪糕奶茶 -香滑奶茶中混入大粒紅豆及雲呢拿雪糕，口感更加軟滑，邪惡但又忍不住食。想不到這裡無論是港式還是西式菜均出色，而且全部大大份，CP值高。

四寶食堂lunch食得多... 今日過嚟食早餐!原本諗住食得冇咁heavy... order咗【雪菜肉絲湯米】餐... 嚟到碗米都份量幾足... 再嚟個餐包又唔細... 仲有炒蛋勁大份... 完全係抵食夾大件!🤣🤣🤣 呢個早餐質素真係唔差!👍👍👍

周末嘅旺角街頭真係人頭湧湧。我同家人去咗「四寶食堂」食午餐，人流太多都要排隊進入。餐廳內部好大，所以都係等咗幾分鐘就可以入座～⭐️常餐⭐️瑞士汁雞脾撈公仔麵，炒蛋，多士 $52炒蛋好大份，好香！多士係丹麥厚多士，好酥脆，加埋牛油，味道超香。用瑞士汁撈公仔麵出來嘅味道較甜。瑞士汁雞脾肉質都夠滑。整體份量好足夠。⭐️Lunch Set⭐️老壇酸菜魚煲仔湯飯 $63原來周末都有午市套餐，咁又幾抵。呢道嘅老壇酸菜魚好出眾，魚片薄切，咬落口感爽脆。酸菜夠曬味道，酸得起勁！⭐️小食 ⭐️邪惡咸蛋松露醬雞中翼 $48眼闊肚窄叫多咗個小食。咸蛋松露醬太吸引！雖然賣相不算太好，但咸蛋松露醬味道都好夾，雞中翼即叫即炸，熱辣辣最好味！📌四寶食堂旺角豉油街23號地舖

四寶早餐食過好多次，每次都係嗌G 餐$42有薄牛扒，火腿，炒蛋，粟米，丹麥多士配飲品呢間餐廳裝修好dum 本，環境幾靚食物質素一直保持水準佢地個炒蛋係我食過咁多間茶記最高質最大份既炒得好滑好嫩，有蛋香，份量最少有2~3隻蛋牛扒有牛味，丹麥多士好香脆，粟米好甜通常友人都會嗌沙嗲牛麵餐配炒蛋，丹麥多士同飲品$37，沙嗲牛份量多，味道好，牛肉唔係乸到冇哂味果種呢個價錢黎講份量係超多，物超所值去親mk 食早餐都會揀呢間

今日放假同老公出旺角行街買嘢之前醫飽咗個肚先 畀有花花牆做招牌嘅四寶冰室吸引住 加上以 Tiffany blue嘅顏色令人心心眼 雖然係一間港式冰室但連西餐都有 ：薄餅、意粉、焗飯、炒飯班蘭迪蛋、 沙律 、鋸扒 ，all-day breakfast 款式非常多 因為唔係太肚餓所以就嗌咗個班蘭迪蛋配沙律同埋一個蕃茄意粉 share 食麵包烘得夠脆 蛋做到流心感覺效果三文魚夠新鮮加埋個蛋黃醬放入口，口感豐富 ，好味意粉彈牙爽口而且配埋蕃茄醬，十分開胃有肉碎做配料 ，夠曬飽肚 整體用膳感覺滿意下次會再同老公過嚟食晚餐

今日同朋友兩個入咗嚟呢一間四寶飯堂, 我個人就幾鍾意呢啲新穎嘅餐廳, 首先佢可以keep好大眾化嘅價錢, 比較新穎舒適嘅環境, 同埋可以同朋友傾耐啲都唔會畀人趕. 今晚我就叫咗個叉燒滑蛋飯, 煎美國牛板腱同埋蟹肉扒豆苗同朋友share食. 首先嘅沙律係跟個牛扒送嘅, 廚師發板沙律薯仔青瓜沙律菜味道正常, 朋友就飲咗個蘑菇忌廉湯, 我個雪梨燉湯夠曬熱又好飲, 本身加咗雪梨就甜甜地, 飲落去唔覺有味精. 叉燒滑蛋飯冇令我失望, 個滑蛋係我expect到嘅香滑味道. 加咗少少黑蒜豉油, nice. 牛板腱本身嘅肉質都ok, 可能我哋叫八成比較熟一啲, 下次應該叫生少少好啲. 最喜出望外就係個蟹肉扒豆苗, 真係好好食又嘅事佢個汁做得好好. 分量又夠大份. 最後我覺得我杯凍奶茶, 比出面大部分茶餐廳好飲. 我叫多奶, 奶香味重茶底唔澀. 整體嚟講如果你講求方一食番餐又想同朋友吹下水, 呢度真係唔錯選擇.

之前就睇到网上有人推荐尼间茶记，今日撞正经过，就入去吃餐下午茶，本来唔抱有太大期望嘅，但系吃过之后真系有被惊喜到。先讲餐厅环境，装修就几新净下，风格都系近几年流行嘅，够新潮。个位坐落都几舒服，唔会太逼。第一次来唔知吃嚒，见到有炸鱼薯条就谂住试下，冇谂到质素俾我想象中好咁多，炸鱼嘅皮好薄下，吃落好酥脆，我平时吃开嘅大多都系得脆而唔酥，可见尼份炸得真系几好，鱼肉系有啲质感嘅，唔会一切就散，吃落都似乎系鳕鱼嘅质感，但系唔系就唔确定。薯条亦都系几好吃嘅，外表焦脆，入边啲薯蓉够多，吃起身口感够实。酱料就自带两种嘅，番茄酱同千岛酱，仲会有一块柠檬，用来解腻都唔错。冻奶茶我叫左少冰，跟餐就＋3蚊嘅，饮起身嘅质地都几好下，奶味就偏重小小嘅，茶味都饮得出，但我就觉得唔够浓，不过都算系好饮，值得一夸嘅系少冰都真系有少到，唔会仲系一大杯冰。尼餐吃落就51蚊，对比翻个食物质素就真系唔贵嘅，我认为真系几抵吃下，十分值得一试。张相就唔系我影噶啦，借用其他网友po嘅图。因为当时挣掛住吃，唔记得影翻张相，但实物就真系同图片一样嘅。

黎旺角買啲野，搞掂就搵個位食下午茶，揀左四寶，貪佢地點方便，間舖又幾大唔會坐得太迫，三點幾黎唔多人，唔使等位太好了。餐牌超多選擇，中式小炒，西式意粉，仲有唔少小食甜品咁，真係應有盡有，哈哈。自己點左呢份板燒芝士安格斯牛肉漢堡流心蛋風車包配炸薯角下午茶餐，個名超長，哈哈～嘩，塊漢堡肉勁香口又多汁，比起專食漢堡包嘅舖頭過之而無不及，餡料除咗漢堡肉，仲有雞蛋芝士蕃茄生菜等，好味又豐富，呢個價錢認真超值。是日無薯角轉左做曲曲薯條，不過呢，我鍾意呢種薯條多過薯角，算唔算幸運？😆朋友叫左美式全日早餐，睇賣相就好掂啦。有沙律菜、香草腸、燒蕃茄、煙肉、炒雜菇、茄汁豆、炒滑蛋同牛油多士。全部都幾好味，其中最讚就係炒滑蛋了，勁滑仲唔油，堅正！另外仲有下午茶嘅松露咸蛋醬雞中翼配薯條，仲以為係調味或者點薯條個醬之類，原來係成個醬放上雞翼度，好邪惡呀～個人好鍾意黑松露陣味同鹹蛋黃㗎，而加咁兩溝真係好滿足，仲要多醬，係多醬呀～😍可唔可以encore多一份呀！？最後就係麻甩西多士，本來朋友話叫榴槤西多，點知餐廳無做啦，轉叫呢款啦，反正目的係食甜品。麻甩西多係咩？係中間夾左芝士呀～瀜左嘅牛油同芝士，再加埋大量煉奶，雖

由於我好鍾意食茶餐廳 所以喺呢間餐廳新開嘅時候我已經去咗試無論係下午茶定係早餐， 食物嘅質素都好好 環境亦都好乾淨唔知係咪附近開多咗好多茶餐廳 今日去食早餐嘅時候 份量仲多過以前添 淨係個炒蛋 多到食完都已經食唔落個麵咁滯 如果突然嗰日好想食炒蛋嘅話去邊間餐廳就啱㗎喇不過呢間餐廳有個唔好處就係 佢啲飲品實在太一般 我覺得一間茶仔最重要就係杯奶茶 有時去食早餐就係為左杯奶茶 但係嗌過幾次 都係唔得……最後叫左咖啡 佢咖啡都係一般嘅 但叫好飲過奶茶囉

鼓油街無幾耐前開左間好eye catching嘅餐廳, 係Tiffany Blue望入去仲有一大幅花花牆好靚咁bor, 原來唔係cafe係冰室, 睇menu係多國特色炒野, $$親民, 去食飯打個咭先.🍟三重芝士M5和牛醬焗薯條薯條+芝士+和牛肉醬一齊焗, 薯條好香脆, d芝士又拉絲, 肉醬份量十足, 感覺係肉醬意粉嘅薯條版本, 啱哂幾個fd開心share.🍝邪惡黃金咸蛋醬 露筍大蝦 忌廉意大利🇮🇹麵嘩個名咁長嘅🤣, 成碟意粉都充滿住黑松露醬香噴噴, 大蝦非常爽彈, 重點個意粉口感都好彈牙, 整體足料好味.🍚黑蒜油叉燒滑蛋飯 招牌推介叉燒滑蛋飯好抵食呢, 全碟都蓋住炒滑蛋, 每一啖都食到炒蛋😋. 叉燒肥美十足, 但肥膏唔太多, 咬落完全無話乾柴, 而且估唔到瀑布蛋feel嘅賣相認真呃like👍🏻.🥤奶茶紅豆冰港式奶茶用花奶沖真心好飲過幾廿蚊杯用奶粉嘅好多. Li杯crossover紅豆冰好好飲, d紅豆夠哂腍軟有成半杯咁多呀. 🥤阿華田雲朵原來li兩杯原價28蚊嘅特飲睇返單計左$15@, 真係好抵飲呀!! 唔係次次都飲熱檸水gei🤣. 阿華田面頭爆多cream第時帶阿仔黎佢實like啫

旺角呢間四寶開咗一排但一直都未有機會食今日終於有時間試一試啦，之前喺其他分店食過覺得質素都幾好 呢間都唔例外。我係喺佢下午茶入座所以人流唔多，好快就坐低 呢間嘅佈置都係一貫嘅作風，以Tiffany Blue為主，充滿少女心，但都見到唔少男士坐喺度食下午茶，哈哈。《炸魚薯條》$48即炸好正，炸魚外皮薄又好脆，魚肉食落滑又唔乾，而薯條係有皮薯條，又有小小軟軟地超好食！《芝士凱撒醬雞中翼》$48.6隻雞中翼同樣外脆內嫩，配上芝士凱撒醬好開胃，份量多抵食！《香煎茶記咸牛太陽蛋芝士通粉》$72咸牛治就食得多，配通粉真係第一次，比呢個菜式嘅創意度吸引咗，最後出到嚟好夾好好味，芝士令通粉更加creamy，配上流心太陽蛋同埋咸牛嘅香，味道好豐富。《山楂菠蘿咕嚕肉》$78呢個係拔絲咕嚕肉，亦都係餐廳嘅招牌菜之一，果然冇失望，拔絲效果好出色，甜甜地好開胃，咕嚕肉半肥瘦，食起嚟勁有彈性，值得一讚係菠蘿係用新鮮而非罐頭菠蘿，真係值得一食。 總括嚟講，咁多冰室同埋茶記之中四寶暫時係我心目中嘅第一位，希望keep住呢個質素 。

好耐冇食冰室，無意經過四寶食堂.感覺都幾闊落亦都好乾淨嘅環境最驚啲茶餐廳環境唔好又嘈.坐低見到得返幾張吉枱，見到好多檯都叫叉燒滑蛋飯.於是我哋都叫咗一份。上到嚟金黃色嘅蛋加埋大嚿叉燒再淋上蜜汁醬汁.同啲飯撈埋一齊真係好香好惹味.唯一嘅缺點係好多蔥本人唔係好鍾意食蔥.先生鍾意食西餐所以嗌咗1塊牛扒係牛板腱，包左一款湯同埋黑松露海鹽薯條條想講薯條瞓啦唔少湯係甘筍湯.一開始帶咗五成熟覺得都生左啲於是叫老闆再加熱返之後錫落去真係好味過平時食的西冷.嘢飲方面就upgrade咗啲特飲都好值得試一試。最後咪再加埋一個雞翼拼盤，個人感覺水牛城雞翼好味啲其他兩款一款係芝士雞翼一款係鹹蛋雞翼都偏乾身.

聽朋友講呢間四寶食堂好出名滑蛋叉燒飯同埋蔥油豬扒飯，不過我見呢間店舖有埋啲西餐嘢，所以就試吓啲西餐！Tiffany Blue嘅裝修格局，裏面位置都坐得好舒適，座位寬敞。燒安格斯牛肉沙律配意大利陳年黑醋汁佢個燒牛肉燒得好香，而且質感軟林林，正！而且佢個沙律裏面有啲好健康嘅菜例如羽衣甘藍，份量豐富亦都有好多唔同嘅種類及蕃茄，配埋陳年黑醋汁就更加清新健康。溫泉蛋挪威煙三文忌廉意粉呢款意粉個忌廉好creamy，味道非常香濃，但係個意粉彈牙得來，保留應該有嘅水份，又唔會過分濕潤。表面嘅溫泉蛋可以一齊食，令到個質感更加提升層次，兩大片嘅煙三文魚鹹香之餘不會過鹹，質感都保留比較滑。泰式水門雞（半隻）水門雞方面，貪食所以一齊share左半隻，裏面啲肉真係好滑，好好食，連個皮我哋都食埋，旁邊仲有啲沙律菜同埋特色醬汁做襯托。阿華田雲朵奶茶紅豆冰飲品方面我哋就加錢升級左做啲特別飲品，阿華田雲朵甜香十足，表面仲有啲好soft嘅cream，帶甜香。朋友嗰款奶茶紅豆冰奶茶非常香滑，而且裏面嘅紅豆都比想像中軟林，鍾意特別飲品就唔好錯過！