味吉長龍

呢間位於尖沙咀嘅日本拉麵店2025年頭新開，由擁有超過20年經驗的尖東居酒屋老闆（包括石亭和沃川居酒屋）所開設。店舖以清湯和濃湯拉麵為主打，強調使用新鮮豚肉、豚骨和蔬菜熬製12小時以上的湯底，帶來地道日式風味與香港本土融合嘅創新～作為一間注重品質嘅拉麵店，味吉長龍每日只賣100碗，賣哂就收鋪！🐚鹽味濃湯大蜆拉麵
拉麵賣相一流，蜆味好濃郁嘅拉麵😍湯底奶白濃郁，用大量大蜆熬製，鮮上加鮮，蜆肉飽滿，另外仲有叉燒，配料誠意滿分💯鹽味清爽卻回甘，拉麵彈牙，喝到最後一口都仲有蜆香撲鼻～🍜白松露慢煮叉燒濃清湯拉麵
清雞湯底加入白松露膏，香氣逼人，配上大片粉嫩叉燒肉，肉質軟嫩多汁，幾乎覆蓋整個碗；半熟溏心蛋色澤誘人；綠蔥絲和筍乾增添爽脆口感，仲有脆炸牛蒡條，外脆內軟幾有新鮮感～慢煮叉燒油花香同松露香交織，拉麵吸滿湯汁🤩係幸福嘅感覺🥰🦀鮮蟹肉忌廉薯餅外層金黃脆口，內裡綿密蟹肉拌忌廉😍表面灑滿蟹籽，邪惡但又唔會膩，出色嘅小食🤣🥟自家製魷魚豚肉餃子
手工餃子皮薄彈牙，魷魚同豬肉餡鮮甜多汁，一口咬落湯汁四溢，配拉麵湯底更正🥰🍹富士柚子汽水 / 靜岡綠茶可樂
瞬間一解濃郁湯底，飲完醒神又解膩👍🏻配搭濃郁拉麵剛好中和返～🔸紅色集印卡，消費滿$78可獲印章，集齊4個或8個可換免費小食或份餐總結：從拉麵的濃郁鮮味到小食的創意，無論湯底定配料都講究新鮮，份量足夠，展現出店舖嘅用心，服務親切，而且上菜迅速，值得一試～…Read More

是日出黎尖沙咀買野，順路梗係搵下野食，見港鐵站出口就有間拉麵店，店員熱情招呼，便入去試試吧😋店內坐位蠻寬敞，冷氣十足，坐得幾舒服。看看餐牌，主打拉麵有七款，另外仲有兩款係秋季限定。哈哈，期間限定呢樣嘢真係有魔力嘅，就試下呢款啦。⭐白松露慢煮濃清湯拉麵點了白松露拉麵，湯底可以選鹽或者醬油，自己就揀咗醬油口味😋碗邊掛滿慢煮叉燒，入面仲有筍、炸牛蒡同溏心蛋，賣相吸引。而且一上枱就聞到松露香，真係流曬口水🤤湯底鹹鹹鮮鮮好啱口味，拉麵有嚼勁，好食到湯底都飲曬。⭐特濃合鴨拉麵另一碗就係期間限定鴨拉麵，入面有鴨腿肉、鴨胸肉同鴨肝，而湯底亦都飲都濃濃嘅鴨味，味鮮不油膩，成碗都充滿咗鴨嘅精華，又係好味到飲曬成碗湯🤤⭐炸洋蔥圈小食叫咗洋蔥圈，即叫即炸熱辣辣。⭐自家製魷魚豚肉餃子另一份就加咗魷魚豚肉餃子，呢款口味出面街冇見過，相信佢寫自家製係真嘅，哈哈。餃子入面嘅魷魚卜卜脆好有咬口，煎得皮脆，再點埋個餃子醋真係幾好食😋⭐富士柚子汽水 & ⭐蜜瓜梳打另外再加咗日式飲品，朋友一向鍾意飲柚子野，所以佢想試下呢款柚子汽水，飲落個柚子味記突出，唔錯㗎。自己就係因為想要個細玻璃樽，所以揀咗呢款蜜瓜梳打，飲落又真係幾香蜜瓜味😋午市拉麵加38蚊可轉餐，個餐包一款小食同飲品，呢個價錢都幾抵，所以坐落冇耐就已經全店滿坐👍…Read More

有一段時間無去日本，開始有啲掛住日本拉麵，最近就去咗尖沙咀呢間拉麵店---🌟味吉長龍 🌟滿足下口癮🍜店舖算大間，座位亦算多，坐得舒適，有別於傳統嘅日本拉麵小店，下午時段仲會有午市套餐選擇。拉麵每日只賣100碗，賣哂就收鋪🙊除咗呢間拉麵店，尖沙咀仲有兩間新分店居酒，分別係有26年歷史嘅屋石亭同23年歷史嘅沃川。._.🦐| (金龍)濃湯海老拉面 |🦐拉麵湯底有成七款選擇，每款都有唔同嘅湯底同配料，我揀咗呢款濃湯海老，湯底鮮甜濃郁，充滿海老鮮味，每啖拉麵掛咗海老汁，每啖飲埋啲湯底味道超夾。拉麵配料亦唔少，仲有幾隻剝好殼嘅蝦肉，好惹味！·🐚| (海龍)鹽味濃清湯蛤蠣拉面 |🐚另一款海鮮味道嘅蛤蠣拉麵，湯底係比較清嘅鹽味湯應，但配咗蛤蠣令湯底帶有鮮甜味，蛤蠣數量都有七隻，飽滿無沙，賣相賣位有心思，推介！.🥟| 自家制魷魚豚肉餃子 |🥟好特別嘅魷魚配豚肉餡料，味道好夾，豚肉嘅口感仲有魷魚粒嘅鹹香味，外面仲舖咗塊煎到脆口嘅餃子皮。.🦀| 鮮蟹肉忌廉薯餅 |🦀薯餅炸到外層脆口，面頭舖滿忌廉鮮蟹肉，仲有滿滿嘅沙律醬同蟹籽粒，惹味可口。.💚| 靜岡綠茶可樂 |💚好特別係綠茶味嘅可樂，個樽身已經好靚，雖然話係綠茶味可樂，但可樂味無減，而且汽泡比較強勁。.🍊| 富士柚子汽水 |🍊樽身包裝又係好靚，好有日本feel，香濃嘅柚子味道，配上汽泡口感，啱曬食完拉麵飲。._.…Read More

《味吉長龍》吉龍，北海道豚足鹽味濃清湯拉麵 🍜📍尖沙咀漆咸道南17-19號帝后廣場地下7-8號舖第二次食呢間店，上次試左白龍，白松露慢煮叉燒濃清湯拉麵，今次試另一款：吉龍，北海道豚足鹽味濃清湯拉麵 🍜首先講個湯底。店家叫個湯底做 ”濃清湯”，我覺得好特別，唔係因為個名，係因為呢款濃清湯其實就係豬骨清湯。豬骨湯底十間有九間九都係做成博多風豬骨白湯形態，而豬骨「清」湯，而又做到又濃又稠又清澈，我就絕少响香港搵到。比起上次食，今次湯底嘅鮮味更加來得驚艷，因為上次款白龍加左松露。我一直都比較少揀加左松露或櫻花蝦嘅麵款，因為只要有佢地，其他味道多數會被蓋過。而今次款麵，我就揀左淡醬油口味，而醬油味不但唔會蓋過豬骨鮮味，仲起左相當嘅提鮮作用，我第一啖飲個湯心入面真係嘩左一聲！另外，比起上次食，今次湯嘅甜味明顯地降低左，對於我呢類唔喜歡甜湯頭嘅人來講，實在更討喜。麵條方面，中細，微曲，偏黃，口味扎實，麵味夠強，配醬油味幾夾。再講具材，重點當然係豬腳啦！我本身偏愛炆得又稔又爛嘅豬腳，好似食豬骨煲入面d咁。而呢度嘅豬腳正正符合我口味，調味剛好，又夠膠。豬叉燒方面，比上次今次明顯改善左。上次略乾柴，但今次夠粉嫩，肉味又夠鮮夠甘香，好好食。雖然可能係巧合唔定，今次碗麵嘅質素明顯比上次有改善，我就相當滿意，亦乜都清晒完食，除左d豬骨 😂。…Read More

餐廳位於尖沙咀漆咸道，門面雖然唔算大，但入面裝修以至牆上的掛畫及燈籠都充滿濃厚日本風，感覺仿如置身日本。 店舖的拉麵主打特色濃清湯，選用新鮮豚肉骨配以日本蔬菜秘制香料熬足最少12小時而成，試一試就知得唔得❇️特濃蝦湯拉麵 $128▶️每次食日本拉麵，我必定會先試個湯底，因為湯底就係一碗拉麵的重點及精華所在，無論太鹹抑或唔夠味，已經可以斷定碗拉麵唔合格。而呢款拉麵，一上枱見到湯底色澤深而且濃稠已經覺得不錯，飲一啖口腔充滿濃濃的蝦鮮味🤩但又唔會過鹹，飲完唔會覺得好口渴，試得出的確落足心機，果然有水準！👍🏻配料亦好足料，有4隻鮮蝦，蝦肉隻隻爽口彈牙，仲有一片慢煮叉燒，厚薄適中咬落軟腍，其他配料有半隻糖心蛋、香筍及炸日本牛膀條，炸過的牛膀條香香脆脆，同平時食開的牛膀口感唔同，估唔到又幾好食！😋❇️北海道豚足鹽味濃清湯拉麵 $ 108 ▶️除咗叉燒，又想試下佢地的豬手，所以就叫咗呢碗。湯底揀咗特製味噌，入口濃郁得嚟帶點點清甜感覺，唔會有死鹹的味噌味道。入面有3大片叉燒，好足料！😍另一重點係北海道豚足，好大隻，肉質腍得嚟又有少少咬口，麵條軟硬適中，爽口彈牙！😋❇️自家製魷魚豚肉餃子 $ 48 ▶️餃子底部有香脆炸皮，餃子皮唔會好厚，最欣賞係餡料入面除咗一貫都會有的豚肉之外，加咗魷魚粒，彈牙又有咬口，比起平時食開的餃子口感更為豐富，令整體味道提升，實在有驚喜！❇️鮮蟹肉忌廉薯餅 $38▶️最頂舖上蟹籽，下面有蟹肉蓉，入口有淡淡蟹鮮味，薯餅唔會好油，加埋蛋黃醬味道不錯！❇️飲品方面揀咗平時較少見的靜岡綠茶可樂 $28 及 富士柚子汽水 $28，味道清清地唔會太甜除咗拉麵，仲新推出兩款飯類，下次有機會再試下❇️據講拉麵每日只賣100碗，賣哂就收舖，所以要食就最好早D去啦！…Read More