君蘭麵包廠

Open Now

Now Closed

成日都去k11嗰邊傢俬舖嗰度食榴槤雪糕嘅我，今日係一個炎熱嘅下午亦都係如常去下食雪糕啦😂😂經過b2層，見到好大間嘅麵包店，君蘭麵包廠！原來佢已經正式進駐k11！！之前都有喺佢哋度買過麵包，估唔到開咗喺k11！有啲超大隻嘅牛角包賣，仲有好多新鮮嘅麵包，於是就去睇下有啲咩新嘢🥰呢間係九龍區首間分店，有好多款充滿港式風味嘅包點選擇而呢一間分店有限定忌廉筒！！共除左有原味選擇，仲有菠蘿、開心果、紫薯、士多啤梨香甜選擇仲創作出煙肉薯仔筒，惹味香口，細細件冇負擔😂😂😂我食咗開心果味好creamy好軟滑巨型嘅牛角酥，充滿香滑忌廉有開心果、黑芝麻、柚子及Tiramisu共四款選擇，我就當然都係買返開心果味啦！！呢度仲有精緻港式曲奇自助夾！！實現零食自由了 😂😂最後我仲買咗芝士蛋糕同埋班蘭蛋糕，仲有一啲比起葡撻更加滑嘅小撻子 😂期待緊佢哋第日唔知會唔會出港式奶茶呢！？

一經過俾佢既港式忌廉筒吸引住，一共6款口味。仲有麵包同批撻類都好吸引，批撻類仲做緊買四送一真•菠蘿包 $20菠蘿包夾住燒過既菠蘿同吉士醬，菠蘿香甜多汁，麵包鬆軟菠蘿忌廉筒 $10酥皮酥脆，牛油味香，忌廉配上菠蘿果肉，酸酸甜甜，好開胃士多啤梨忌廉筒 $10超香士多啤梨味，十分香甜，顏色吸引金星星撻 $18賣相超吸引，多層酥皮超酥脆，蛋漿超厚，勁creamy煙肉薯仔排包多士 $24包面灑上有少許黑椒，少少辣，芝士、煙肉再配上薯蓉，絕配經典牛油曲奇 $22曲奇鬆脆，一口一塊，一罐有25塊

最近去開尖沙咀K11 Art Mall, 原來君蘭麵包廠喺九龍區開左第一間分店啦❗️老字號”君蘭餅店”近年轉左新形象✨開左新派嘅”君蘭麵包廠”🍞 好鍾意佢充滿地道港式風味又靚靚嘅包包🥯🍦限定忌廉筒分店限定嘅忌廉筒有6款口味, 我地試左開心果同紫薯~外面酥脆, 入面就係滿滿嘅香滑忌廉~小朋友爭住想食完一個又一個 ⭐️金星星撻 🖤黑星星撻星星撻其實係法式布甸千層酥皮撻~外形好得意⭐️千層酥皮好香脆, 中間嘅布甸蛋味香濃好滑🍮 而黑星星撻其實係竹炭千層酥皮🖤法式芒果布甸包🥭大大個嘅布甸包~ 香滑布甸再加埋粒粒芒果肉, 包包都好鬆軟, 口感豐富🫶🏻🍍真。菠蘿包呢個Mini菠蘿包真係有片菠蘿, 仲要輕輕燒過~好香甜🍍中間仲有custard~ 🧀真。流心孖芝撻外形好似雞批, 同其實係流心芝士撻🧀Parmesan 同cream cheese兩隻芝士~焗返熱好香, 一咬落去芝士湧出黎🤤

之前睇社交平台嘅時候就一直好想食，終於九龍有第一間分店🥳收工經過去睇，現場超多唔同款式任君選擇，決定同阿媽講今日夜晚唔食飯，食包啦😂最後揀咗5️⃣件返去齊齊分😂😂😂首選要試嘅一定係迷你忌廉筒🍦有6️⃣種口味，原味/菠蘿🍍/開心果/紫薯🍠/士多啤梨🍓/煙肉薯仔，平時甜嘅就食得多，今次就揀個鹹嘅試下😋個皮好酥脆，餡料十足，每一啖都好满足🥰咁多入面我最鐘意呢個迷你筒❤另外當然唔少得好岀名嘅千層酥皮撻啦🧁揀咗竹炭同普通各1️⃣不得不説，君蘭嘅酥皮真係做得好岀色，咬落去係會聽到每一層酥脆嘅聲音，蛋亦都好滑好香🥚🥚阿媽最鐘意呢個👍👍巨大嘅牛角酥亦都好吸引，試咗Tiramisu口味嘅，唔知係咪中間有cream令到個包略為鬆軟，比起前面三款稍為遜色😔食咗幾個甜嘅，梗係要食返個鹹嘅解下，最後分食芥末司華力腸包🥯麵包少硬，但係個醬同腸好夾，有種食熱狗嘅感覺🌭最後食埋個甜品楊枝甘露布甸🍮上面鋪满柚子肉，好足料，如果布甸可以再滑啲會更好🤫強力推薦煙肉薯仔迷你筒同千層酥皮撻，如果去君蘭買包，真係一定要食😚😚

君蘭麵包店🧁尖沙咀K11新開，以前賣傳統糕點及港式麵包起家，價錢親民，當然經過要朝聖一下😬本土忌廉筒研發多種口味，包括有開心果忌廉筒及菠蘿🍍忌廉筒口感新鮮甜甜地，飯後小食一流🤤將傳統菠蘿包研發了創新口味🤣好特別，有抹茶紅豆菠蘿包及真·菠蘿包兩款，真·菠蘿包入面夾左塊菠蘿🍍同雲呢拿幾得意👍🏾當然唔少得傳統港式麵包花多眼亂慢慢揀🫨最吸引我係星星撻系列🥧有多款口味，造型獨特，原味金星星撻蛋餡細滑酥皮層次分明，另外仲有黑星星⭐️係竹炭千層酥皮撻😍光看樣已夠吸引，另外仲有多款口味的牛角包，包括有提拉米蘇、柚子和黑芝麻口味🤗味道創新有創意👅

之前朋友買過銅鑼灣嘅君蘭麵包廠嘅蛋撻話幾好食，咁啱見到原來K11都開咗，就即管買幾款試吓～💛開心果大牛角酥裡面有開心果醬，都有開心果味，雖然擺咗成日，但食落都還算酥脆～💛麻糬菠蘿包麻糬嘅口感幾好，仲有少量黑芝麻醬，感覺幾特別！💛真菠蘿包呢個真係好吸睛🤩有真嘅菠蘿片喺菠蘿包入面，酸酸甜甜，都幾有新鮮感💛金星星撻覺得呢個幾好食，外皮非常酥脆，蛋漿味亦都幾濃郁～好邪惡🤤💛紅桑子朱古力扁可頌係扁咗嘅牛角包（幾時興扁咗嘅銀包？🥹）紅桑子朱古力醬酸酸甜甜幾好食，如果croissant 可以再脆身啲就更好❣️

經過K11 ArtMall，見到有間Bakery大排長龍，原來係新開嘅”君蘭麵包廠”。唔執輸嘅我就買幾個返屋企試吓。現場聽到批撻類買四送一，不過我冇咩時間就求其買啲算，原來又幾好食喎！“金星星撻”，即法式布甸千層酥皮撻。蛋香好夠，蛋層好厚，最重要係唔係好甜。另外佢嘅千層酥皮係可以逐層搣出嚟食！“黑星星”，即竹炭千層酥皮撻。同金星星撻比較會甜番少少，竹炭味就唔算好突出。“黑松露雞蛋千層酥皮撻”，呢個係今晚最好食嘅。滿滿嘅黑松露味，咬落去嘅蛋味，令人非常享受，最重要係佢唔甜，係一個鹹點。個人認為佢有米芝蓮級水平。“真菠蘿包”。當然係有夾塊菠蘿，但食落同菠蘿包都唔一樣，佢係用吉士醬，所以個包會偏甜少少。“法式忌廉筒，芝士煙肉味”，呢個係鹹點，味道豐富，有鹹香，足料，當小食正餐都可以。“朱古力偏可頌”，就係而家成日見到嘅扁牛角包。佢嘅酥皮幾脆，唔會黐埋一塊，唔錯。呢間君蘭麵包廠嘅水平係唔錯，特別係個黑松露撻，先HKD 18，仲未計折扣，實在可以多買。

君蘭麵包廠一直都好高人氣，依家終於係九龍區開左分店啦，位置係K11 art mall，超方便我，所以我今日一收工即刻飛過來買，原來已經大把人排緊隊！早餐嘅我最鍾意食一個小麵包再加一杯咖啡，而呢度嘅鮮奶小軟包個size剛剛好，一個麵包做早餐啱晒，而且包身好軟熟。菠蘿蛋糕個樣睇落好鬆軟，上面有一層菠蘿，望落覺得好精緻，最適合做下午茶，所以都入手左一盒，聽日拎返公司同同事分。法式芒果布甸包個外型勁得意，我忍唔住即刻當場就食呢個我都推介大家一定要買！傳統日式芝士蛋糕係我哋屋企百吃不厭嘅甜品，最鍾意佢夠fluffy，喺雪櫃凍冰冰攞出嚟食，真係另一款享受！

最近發現君蘭麵包廠在K11 Art Mall開了新分店，九龍區的朋友有福了！除了多款港式風味包點外，還有分店限定的忌廉筒、巨大版的牛角酥及多款精緻港式曲奇，並且採用自助夾後付款的方式。 *撻類（買四送一） 🥧經典雞批($12)喜歡它們的雞批，牛油皮香，是最經典的味道 🥧金星星撻（$18）最近大熱的法式布甸千層酥皮蛋撻，外層的酥皮乾脆而不油，中間的布甸香滑，即時便作下午茶吃了 🥧黑星星（$18）是原味的竹炭外皮版，個人覺得味道分別不大，只是外表差異較大 🥐超級人氣扁可頌 - 朱古力味（$32）買回家放雪櫃後再吃，還能保持脆身且不油膩，朱古力味也不錯 🍞韓式吞拿魚泡菜包（$18）包體鬆軟，包內是滿滿的吞拿魚，只用小量的泡菜作點綴，令吞拿魚帶點微辣卻不會太酸，不錯

喺尖沙咀站K11嗰個出口一出嚟就見到👉🏻君蘭麵包廠👈🏻原來君蘭麵包廠已經喺K11 Art Mall開咗九龍區首間分店😍今日橫掂帶咗小朋友出嚟就等佢自己揀想食嘅包點啦☺️原味忌廉筒 $10入面唧滿原味cream，小朋友秒速清晒成個☺️士多啤梨忌廉筒 $10酥皮充滿油香味，士多啤梨cream味道偏甜煙肉薯仔筒 $10唔係唧cream而係煙肉薯仔餡料，整體食落都幾特別真·流心孖芝撻 $18混合咗巴馬臣芝士&奶油芝士嘅流心芝士撻，食落芝士味非常濃郁👍🏻金星星撻 $18係法式布甸千層酥皮撻，外層酥皮非常鬆脆，布甸食落唔太甜好香滑😋提拉米蘇大牛角酥 $28超大隻牛角酥😍入面包住香濃幼滑嘅tiramisu cream雞批 $12內餡係雞肉蘑菇，焗返熱嚟食好好味😋君蘭麵包廠真係有好多款充滿港式風味嘅包點選擇😍有選擇困難症嘅我地真係想每款都買晒返屋企食😂

我睇咗樓上嘅評價之後，我星期一中午經過都買咗幾個撻同朋友一齊分享試吓係咪真係你所講咁樣，我哋買咗兩個金星星撻同埋兩個黑星星撻，買完就即刻食太過心急想知道自己係咪真係有中伏，所以即場食，發現外皮鬆脆口感幾好，即場食口感完全冇得輸，但係如果仲熱又包住再等到晚上食就會好鬼多嘢食都會唔好食，幾個撻嘅層次都比銅鑼灣某一間出名而又大型嘅做得出色，其他產品也很吸引，一間商場舖裏面地方唔算大，但係有咁多產品可以選擇佢哋都幾勁，連一啲比較懷舊嘅曲奇都會有下次就去買嚟試吓🤤🤤🤤🤤🤤兒時回憶返晒嚟

上星期六經過尖沙咀地鐵站，聞到好香嘅焗麵包味， 但係好奇怪冇乜人排隊，但係因為好香，所以我都過去揀麵包， 我買咗 12個蛋撻雞批之類， 包括沙嗲牛肉批，雞批，芝士撻，同普通蛋撻，葡國撻。嗰晚返到屋企一於唔食晚餐喇就用呢啲蛋撻代替晚餐吧， 喺屋企沖埋咖啡諗住pair啲撻啦， 一咬落口，知道出事， 口感極差， 芝士牛油味太濃厚， 酥皮完全無香取嘅感覺！係我一生人食我最難食嘅撻！ 連屋企嘅小朋友都覺得好難食， 完全唔肯繼續食喇！🤢🤮現在明白點解冇乜人排隊買！ 失望和中伏， 是最適合今次的購物經驗