Video
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
台蔡滷肉飯 一直喺荃灣相當受歡迎，仲連續2年入選 港澳米芝蓮指南✨，見到門口成日排長龍，今次終於都忍唔住要試下。🥗 涼拌黃金木耳 $38一入口即刻感覺清爽，木耳好爽口，醬汁酸辣得嚟唔會過火，非常開胃。仲加入咗蘋果同紅蘿蔔等蔬菜，增添清新感，呢個搭配幾有新意。🥦 蒜香椒鹽蔬菜 $42炸得表面微微焦香，但完全唔油膩，仲保持到蔬菜本身嘅水分。少少椒鹽令蔬菜甜味更突出，表面灑上嘅蒜粒亦增加咗香氣，成個配搭簡單又好食。🌭 台灣蒜片香腸 $35肥瘦比例適中，口感彈牙，唔會過甜，蒜片帶微辣刺激感，食落層次感更豐富。🍲 藥燉排骨湯 $56藥材香氣濃郁，湯頭清甜，材料超足。特別推薦點埋隨湯附上嘅辣味腐乳醬，配埋排骨一齊食，味道更惹味。🍗 九層塔鹽酥雞餐 $73鹽酥雞外脆內嫩，咬落仲爆汁，炸皮薄而脆，九層塔嘅香氣滲透其中，提升咗整體風味。椒鹽比例剛剛好，雞肉醃得恰到好處。🐖 涼拌蒜泥豬頸肉餐 $76豬頸肉爽口彈牙，蒜泥汁撈勻後略嫌單調，不過配埋附上嘅秘製麻辣醬就完全唔同，辣勁提升層次，令味道更豐富。呢款涼拌菜應該喺香港嘅台灣餐廳中較少見，感覺幾特別。🍚 滷肉飯（配九層塔鹽酥雞餐及涼拌蒜泥豬頸肉餐）滷肉飯醬汁濃稠，鹹甜平衡得唔錯，唔會太甜或者太油膩。滷肉肥瘦比例適中，肥肉部分入口即化，瘦肉仲帶少少嚼勁，整體味道非常之香濃。台蔡滷肉飯 除咗傳統台灣菜之外，仲加入咗唔少創意改良菜式，感覺有新鮮感。水準真係夠晒班，全港台餐廳嚟講絕對數一數二。老闆係一對台港夫婦，除咗堅持原汁原味嘅台灣風味，仲會針對香港人口味作出調整，呢份用心真係值得欣賞。即使門口成日排長龍，依然不斷求變改進，呢份堅持係香港餐飲業值得學習嘅態度！
continue reading
身為在香港打工的台灣女生，在香港看到台灣菜肯定要去試試看，尋找我的台灣味。終於今天和男友下班有機會一起到這裡吃晚餐～我們點了兩份套餐來試試看～【花雕麻油雞湯+小碗滷肉飯】評分：8/10雞湯散發獨特的花雕酒香，麻油的溫潤感與湯底相互融合，雞肉煮得軟嫩細滑，不失肉質本色。小碗滷肉飯分量算得上平衡，不會過多也不會太少，滷肉滲透出醬香氣息，搭配白飯口感十分順口，讓人覺得滿足但不會感到過飽。【涼拌蒜泥豬頸肉+小碗滷肉飯】評分：7.5/10豬頸肉的口感彈牙，搭配清爽的蒜泥調味，讓肉香得到了很好的提升。小碗滷肉飯依然保持一貫老台灣風味，米飯稍帶黏性，正好中和豬肉的油脂，整體搭配得當。份量適中，既不會讓人覺得太少也不會浪費，適合一餐輕食享用。【茉香仙草奶茶】 評分：8/10 這杯冰涼奶茶以仙草和茉香為基調，清涼的口感讓人心情舒暢。飲品相比其他台灣傳統飲料，偏向清新風味，搭配甜度適中，不會讓人覺得過於膩口。雖然冰塊稍多，但仍不影響整體飲品的香氣和口感，令人感受到台灣獨有的小清新感。整體而言，今天的餐點三樣菜品份量都十分合適，既滿足了饑餓感也不致於吃得太飽。餐點呈盤方式簡單明瞭，讓人輕易感受到台灣家常味道的真摯與天然。餐廳內輕鬆自在的氛圍，更讓我們在品嘗美食時忘卻工作的疲累，真是一頓不錯的晚餐😄。 台蔡滷肉飯雖無繁複裝潢，卻充滿了樸實的味道與飽滿的人情味。每道菜都展現出精心調製的台灣風味，並在平凡中透露出一絲溫暖。讓人用食物感受到遠在異鄉的鄉情與陪伴，對於在香港工作的我來說，著實有種撫慰心情的感覺😊。
continue reading
星期日同中學friend去荃灣搵食，試咗呢間「台蔡滷肉飯」🍚。舖頭唔算大，但夠光猛💡，坐得幾舒服。牆身貼咗啲台灣夜市嘅相📸，幾有地道feel。枱同凳都係木製，簡單乾淨，唔會油膩膩，啱晒傾偈hea下👫。*九層塔鹽酥雞 + 小碗滷肉飯 ❤️❤️❤️❤️🤍 (4/5)鹽酥雞炸得香脆🍗，外皮唔會太厚，咬落去仲有肉汁，正！九層塔嘅香味幾出，我覺得係全港最好食鹽酥雞！但可以再多啲就更完美。滷肉飯嘅肥瘦比例啱啱好，醬汁撈飯好入味，不過飯量偏細，男仔可能要加底先夠飽😅。花雕麻油雞湯 + 小碗滷肉飯❤️❤️❤️❤️❤️ (5/5)呢個湯真係好掂🥣！麻油同花雕酒嘅香氣好濃，飲落暖笠笠，好啱秋冬飲。雞肉煮得夠淋，唔會鞋烚烚，仲有少少薑味提鮮，好台灣風味。滷肉飯一樣好食，但個湯先係主角，飲完成個人好舒服☺️。呢間小店幾抵食，味道夠地道🇹🇼，尤其個花雕麻油雞湯真係要試！鹽酥雞都唔錯，不過滷肉飯可以再大碗啲就更好🍛。價錢合理，兩個人食到飽都係百零蚊，性價比高💯。**
continue reading
同老公拍拖日，諗起台灣旅行嘅味道，就殺入荃灣「台蔡滷肉飯」試吓晚餐。餐廳裝修簡潔，木系枱凳配暖黃燈光，有啲似台灣街邊小店嘅feel 🏮。雖然唔算大，但坐得舒服，牆上掛住啲台灣風景相，幾有親切感。週末夜晚人流適中，唔會太嘈，啱晒兩公婆慢慢食傾偈 🗣️💕。芋泥豬軟骨+小碗滷肉飯 ⭐️⭐️⭐️⭐豬軟骨煮到超淋，一咬就散開，芋泥香甜綿密，撈飯食好夾！滷肉飯嘅肥瘦比例啱啱好，醬汁濃郁但唔會過鹹，唯一係飯量偏少，男仔可能唔夠飽 😅。花雕麻油雞湯+小碗滷肉飯 ⭐️⭐️⭐️⭐️✨雞湯酒香突出，麻油味溫和唔膩，飲完成個身暖笠笠 ☺️🔥。雞肉嫩滑，仲有啲杞子同紅棗，感覺幾滋補。滷肉飯同上一樣水準，呢個set絕對係凍天首選！百香果鳳梨烏龍茶+寒天 ⭐️⭐️⭐️✨茶底清新，百香果同鳳梨嘅酸甜幾開胃，寒天咬落爽口。不過甜度固定，如果再少糖啲會更啱我口味 🍍💦。呢餐食得好滿足，價錢合理(人均$100左右)，味道有台灣地道嘅七八成功力。特別推介麻油雞湯，秋冬食真係冇得輸 ❄️👍。如果經過荃灣想食台式，可以試吓～
continue reading
連續兩年入選米芝蓮美食推薦⭐️路德圍名物台蔡滷肉飯！小編第一次食嗰陣仲未開分店🙈，嗰陣完全俾佢surprise到！不過荃灣總店地方細細，啲位間距唔大，坐落就有啲迫🥹✨九層塔鹽酥雞+小碗滷肉飯 $73推薦度：9.4/10鹽酥雞即炸脆卜卜🐔肉質好juicy！唔會炸到好老柴！份量都好滿意！✨爆蔥滷肉飯 $58推薦度：9.1/10滷肉肥瘦相間，啲汁撈飯一流，爆蔥唔係講笑，真係成碗都係蔥。鍾意蔥嘅你一定唔可以錯過💚⭐️✨肉鬆起司蛋餅 $40推薦度：9.3/10手抓餅做餅皮嘅蛋餅！煎到金黃酥脆，第一次食嗰陣係驚艷到小編！加上肉鬆同芝士都俾得好多！口感層次多變，啖啖餡🤤✨芒果茉莉綠茶 $15 (跟餐價)推薦度：8.8/10綠茶茶底唔會太甜！都大大杯✨，跟餐價錢都合理，值得一飲！✨冬瓜茶 $15 (跟餐價)推薦度：8.8/10自家煲製嘅冬瓜茶，好有台灣味道🇹🇼🩷
continue reading