半斤餃子

Open Now

Now Closed

好耐冇食住家feel嘅嘢，於是午餐去食水餃🥟🥟 全家福水餃 $68/10隻一次過試晒十種唔同餡嘅餃😋 每款嘅肉都好足料，抵食👍🏻🥣 湯底我要咗野生菌螺肉雞湯，平時好驚出面啲湯重味精，但呢碗清甜養生，我唔單之飲晒，仲完全唔口渴。🍜 玉米面 +$10未試過呢隻麵，口感彈牙有嚼勁，唔錯！🥤沙棘原汁 +$12好多客都問職員係咩😂 有好多種營養，飲落酸酸甜甜似生渣味，幾特別。呢間好食之餘有家的感覺，唔會重口味👍🏻 下晝一點之後就座無虛席好受歡迎～

今日去咗元朗嘅半斤餃子食飯，真係幾滿足！😋 首先試咗佢哋嘅蔥油拌麵加白菜豬肉餃，麵條彈牙，蔥油香氣撲鼻，真係好開胃！🥟 餃子皮薄餡多，白菜同豬肉嘅配搭恰到好處，咬落去juicy得嚟又唔會太膩，正！👍跟住試咗雞絲粉皮，粉皮滑溜溜，雞絲嫩滑，配上啲麻醬同青瓜絲，清新得嚟又帶啲香口，食落好舒服！🍜 呢個組合真係夏天食一流，涼涼地又唔會太heavy，好啱我呢啲怕熱嘅人！🌞最後飲咗杯古法酸梅汁，酸酸甜甜，好解膩！🍹 飲完之後成個人refresh晒，真係食完餃子嘅完美結尾。酸梅汁唔會太甜，帶啲梅子嘅天然酸味，飲落好舒服，仲有啲回甘，正！😌總括嚟講，半斤餃子嘅食物質素唔錯，價錢都合理，係一個幾好嘅食飯選擇。下次再嚟元朗，一定會再幫襯！👏 如果你都鍾意食餃子同涼拌菜，不妨嚟試下！🥢 #半斤餃子 #元朗美食 #蔥油拌麵 #雞絲粉皮 #酸梅汁 #食評 #foodie #hkfoodie

今日去開元朗，又黎發掘一下小店🥰試咗間新開的半斤餃子，真係唔錯！入到去見到好多街坊，都幾受歡迎。忍唔住就點咗一份口水雞，仲可以揀辣度。我揀咗正常辣，味道正正好，唔算好辣，雞肉滑嫩，汁多味香，連平時食唔到辣嘅老公都無問題，真係正！之後點咗東北酸菜豬肉餃湯米線，餃子皮薄餡多，咬落去有一陣酸菜嘅清香，豬肉餡鮮嫩，湯底清澈，帶有酸菜嘅微微酸味，完全解膩，食得好開胃。再來就係爆汁牛肉煎餃，外皮金黃酥脆，牛肉餡鮮美多汁，汁液一流出來，口感超滿足。京蔥羊肉煎餃都好好食😋羊肉鮮香，加埋京蔥嘅清香，令整體味道更加層次分明。最特別係連煎餃都有一碗湯，係野生菌螺肉雞湯，湯底清甜，帶有野生菌嘅香氣，入口滑順，湯味正好，令人一飲再飲。📍半斤餃子 (元朗)元朗教育路54-60號順發大樓地下D&P號舖

星期六瞓醒覺冇嘢做，就同蝦子餅去咗元朗食下午茶。今次試咗間叫「半斤餃子」嘅餐廳，入到去發現冇七人，可能係時間問題，不過服務態度真係幾好，店員好有禮貌，感覽好舒服。我哋叫咗幾樣嘢食，首先係**韭菜鮮蝦煎餃**，外皮煎得幾脆口，咬落去啲汁水爆出嚟，韭菜同鮮蝦嘅配搭好夾，味道好鮮甜。另外仲叫咗**四色蒸餃**，四種唔同嘅餡料，每款都幾有特色，蒸得啱啱好，皮薄餡多，咬落去同樣多汁，好滿足！**麻辣冷麵配口水雞**，冷麵嘅口感好彈牙，麻辣味好香但唔會太嗆喉，口水雞嘅肉質好嫩滑，麻辣醬汁好惹味，食到停唔到口！另外仲加咗個**麻辣豬肚**，豬肚處理得乾淨，冇異味，麻辣味好入味，食落好爽口。最後每款餃同麵都仲跟個**野生菌螺肉雞湯**，個湯好清甜，飲完之後成個人暖笠笠，好舒服。#元朗美食#香港小店#餃子#煎餃#蒸餃#支持小店#hkfoodie#foodiehk #foodstagram #foodlover #fattygirl #fatti #instafoodie

今日我去咗元朗一間餃子專門店，專誠試吓佢哋嘅招牌全家福餃子。呢度嘅氣氛好溫馨，裝修簡約大方，座位舒適，讓人有賓至如歸嘅感覺。首先，講下全家福餃子。呢個招牌拼盤包含咗多款唔同口味嘅餃子，但當中我最鍾意嘅係韭菜豬肉餃。呢款餃子嘅韭菜味道鮮美，配合埋豬肉嘅嫩滑，令到每一口都充滿濃郁嘅香氣。餃子皮薄而彈牙，唔會過份厚重，真係一食難忘。除咗招牌餃子，我仲點咗兩款開胃小菜。第一款係涼拌牛柏葉。呢道菜嘅牛柏葉處理得非常嫩滑，再加上特製嘅涼拌醬料，味道鮮甜，唔會過份油膩，食完之後仲想再來多一碟。第二款小菜係口水雞。呢道菜以雞肉為主，配上花生、芝麻同埋香料，令到味道更加豐富多層次。雞肉嫩滑，花生香脆，芝麻香味濃郁，食完之後口水直流，名副其實嘅“口水雞”。呢間餃子專門店唔單止餃子質素上乘，連小菜都好值得一試。如果你鐘意食餃子或者想試吓啲新奇小菜，呢度絕對係一個好嘅選擇。

沙棘原汁 ($12)這款飲品清新爽口，沙棘的酸甜滋味令人耳目一新，特別適合搭配餃子。 酸辣鳳爪 ($38)這道小吃酸辣可口，非常開胃，讓人對接下來的主菜充滿期待。蒜泥雲耳 ($24)雲耳的口感滑嫩，搭配蒜泥的香氣，讓這道菜色更具層次感，十分值得一試。招牌海膽鮮肉餃（10隻）轉煎餃 ($84)這是店內的招牌，海膽的鮮香與肉餡的結合讓人驚艷，轉煎的外皮酥脆，內餡卻保持著多汁的口感，十分美味。四拼餃（10隻） ($50)這款四拼餃包含韭菜、芹菜、酸菜和野生菌，每一口都能品嚐到不同的風味，特別適合喜歡嘗試多樣化口味的人，野生菌螺肉雞湯底品鮮香四溢，湯底濃郁。

最近見到好多元朗嘅谷友推介呢一間手工餃子鋪頭, 平日都見到好多人去食，但係一直都未試過今次見到咁多人推介，就即刻有動力去試吓一坐低望望餐牌就見到佢哋有好多種唔同嘅餃子 為咗可以試曬咁多款餃子就叫咗佢哋嘅雙拼都幾抵食都係54蚊就已經有十隻京蔥羊肉餃呢個京蔥羊肉餃真係幾啱我胃口 羊肉嘅肉汁同油脂令到餃子非常香口 而且一啲都唔會騷韭菜豬肉鮮蝦餃用料非常足粒粒都可以試到鮮蝦🥰🥰爆汁牛肉餃 牛肉肉汁超多而且用料非常足👍👍👍除咗餃子之外仲叫咗佢哋嘅小食香辣金錢展 食落去香辣度十足加上有淡淡嘅孜然味非常開胃 🥰

今日終於試咗元朗嘅半斤餃子，見到身邊朋友試咗都話唔錯，餐牌都幾多選擇，仲有好多多款創意餃子，午市都幾多街坊幫襯去食餃子當然唔可以錯過韭菜豬肉餃，煎制火候一流，外皮那叫一個香脆，咬落去，內裡餡料鮮嫩多汁，汁水都會爆出嚟。搭配嘅野生菌螺肉雞湯，簡直鮮味爆棚，一啖餃子一啖湯，正到無得彈。另外試埋香菜馬蹄豬肉餃，怕熱氣揀咗做湯餃，作為芫荽控一啖入邊已經有好多芫荽，有香味有口感，無得輸風味皮蛋都好有驚喜，口感軟滑，獨特嘅味道越食越上癮。麻辣拌麵同口水雞嘅組合，麻辣香氣四溢，每啖都超過癮。📍半斤餃子元朗教育路54-60號順發大樓地下D&P號舖

當無乜胃口，又唔想食粥粉麵飯，餃子就會係我哋嘅最佳選擇！位於元朗嘅半斤餃子，以手工製作，除咗常見嘅豬肉、牛肉同羊肉餃子之外，仲大玩驚喜，將八爪魚同海膽都放入餃子之內，令餃子內嘅湯汁鮮味更上一層樓，成為店中嘅王牌名物。蒜泥白肉食餃子前叫啲小食開吓胃先。蒜泥白肉嘅少辣味中和咗五花肉盞身嘅肥膩感，再加埋上面嘅青瓜絲一齊食，再添上一份清新感覺。風味皮蛋半斤餃子係北方菜，所以皮蛋有別於川菜常見嘅尖椒皮蛋，而加入咗爽脆嘅洋蔥，令到口感變得更豐富。四拼餃四拼餃包括韭菜餃、芹菜餃，酸菜餃、野生菌雞肉餃。常見嘅韭菜餃同芹菜餃，香味四溢；酸菜餃酸酸哋，相當醒胃；而野生菌雞肉餃嘅菇菌味非常香濃，更提升咗雞肉嘅鮮味，肉汁非常豐富，非常驚喜。全家福水餃半斤餃子嘅選擇非常多，如果想咩都食啲，叫呢個全家福水餃就啱曬喇！當然唔少得必食嘅海膽鮮肉餃，海膽味道非常鮮甜，估唔到喺水餃入邊都搵到海水嘅鮮味；至於香菜、芹菜等豬肉餃，每款蔬菜嘅味道都非常清新，餃內爆多肉汁，款款都好好味。

聽講呢間餃子嘅湯底好好味，即刻同朋友來試下～😋牛肉餃🥟（煎餃）有小小似上海生煎包嘅做法 個底脆卜卜裏面嘅牛肉好有牛味 好食😋～羊肉餃🥟（蒸餃）真材實料！有羊味～一共有十隻餃子 好夠食 加埋特製嘅辣椒醬 超好味！ 而且兩款煎餃都有碗豬骨湯送 餃子一D都唔乾～飲得出碗湯冇落味精 我地兩個飲晒兩碗湯😋蒜泥白肉🐷豬肉片切到好薄 夾埋青瓜絲 又香口又清爽～我地仲飲咗酸梅湯 同煎餃超級夾！而且飲得出真係用心煲嘅，唔係粉沖出來～有下次！

元朗街坊帶路 去左呢間餃子小店🥟餃子有十幾款 可以配面 仲有啲惹味小食 價錢幾抵幾親民香菜馬蹄豬肉餃 拼 紫菜豬肉餃 $52/10隻雙拼餃子唔使加錢🥹餃子偏向北方做法 餃子皮少少厚身 但粉感唔重 唔會太硬餡料足 菜同肉比例幾好 啖啖肉 亦會食到蔬菜嘅爽口 味道都好住家👍🏻仲送雞湯/酸辣湯 揀左野菌螺肉雞湯 飲完幾滋潤 應該無味精😌青瓜雲耳硬豆腐 $28有紫洋蔥蒜蓉 食落好惹味 酸酸辣辣 幾開胃沙棘原汁 $12好特別嘅飲品 有沙沙口感 感覺幾天然 應該係鮮榨🍹食飽飲好清新

元朗一向很多美食，而且我一向喜歡吃餃子看到教育路有一間「半斤餃子」的小店平日也經常滿座麻醬青瓜 $24這道前菜非常清爽，搭配濃郁的麻醬口感豐富又開胃，作為開胃菜非常合適涼拌海蜇皮 $38海蜇皮口感爽脆，吃起來非常爽口既不會太咸，也不會太辣招牌海膽鮮肉餃（10只）$84這款餃子是店裡的招牌海膽的鮮味和鮮肉的香氣完美融合我們選擇了煎餃，外皮煎得金黃酥脆，內餡多汁特別推薦 !!!!拼韭菜豬肉鮮蝦餃這款餃子的組合非常特別，韭菜跟豬肉的鮮美和鮮蝦的彈性結合得恰到好處每一口都能吃到豐富的層次感，非常滿足。粟米豬肉餃（10只）$52🌽的甜味和豬肉的鮮美完美結合，吃起來非常爽口搭配野生菌螺肉雞湯野菌和螺肉也都十分鮮甜味，味道濃郁但不油膩特別推薦!!!! 半斤餃子（元朗教育路店）📍元朗教育路54-66號 順發大樓

半斤餃子🥟每日新鮮手工鮮製餃子款式好多！多達十幾款～豬肉餃、牛肉餃、羊肉餃、菜肉餃通通都有叫餃子仲會跟埋跟自家煲的野生菌螺肉雞湯👏🏻飲落湯底清甜！真係好正👍🏻韭菜豬肉餃拼玉米豬肉餃子🍲湯餃餃子皮薄多汁！足料又好味爆汁牛肉餃拼韭菜豬肉鮮蝦餃🔥煎餃即叫即煎！外皮煎到金黃！入口香脆牛肉餃真係爆汁嫁！韭菜豬肉鮮蝦餃口感豐富我仲加一份米線🍜估唔到跟埋肉碎！食餃子配埋店內既辣椒醬同埋辣菜脯更添滋味藤椒魚皮爽脆微辣非常開胃！飲品沙棘原汁！微酸帶甜幾好飲豆漿夠哂順滑！📍元朗教育路54-60號順發大樓地下D&P號舖

元朗新開餃子店🥟新開張送豆漿一杯好多款餃子，價錢親民~老闆仲好nice添除咗有各式各款嘅豬肉餃之外仲有新款八爪魚餃、爆汁牛肉餃、京蔥羊肉餃、海膽鮮肉餃想食晒咁多款，就要叫全家福水餃🤩一次過可以試晒10款唔同口味嘅餃子八爪魚餃子，口感非常豐富食到粒粒八爪魚🐙好爽口啊海膽鮮肉餃鮮甜多汁，海膽味突出估唔到咁有創新嘅味道係咁夾～加$6仲可以轉煎餃🥟外皮脆卜卜裏面超多汁！牛肉餃皮薄餡多牛肉多汁，味道香濃名副其實爆汁啊💦加$10可配上海麵/玉米麵/准山麵/米線不論叫煎餃定水餃，都會另上一碗湯野生菌螺肉雞湯味道清甜有淡淡野生菌鮮味，令味道提鮮！有唔少風味小食，其中蒜泥白肉切得好薄鋪滿蒜蓉同青瓜，清新得嚟又唔油膩，齒頰留香

本身好喜歡食餃子，咁啱喺元朗，就開OpenRice睇吓邊間餃子好食，結果在附近找到呢間半斤餃子。去到大概五點幾，地方闊落，門口嘅餐牌有非常多的餃子選擇，啱晒我，除了餃子還有幾樣餐前小食，而且價錢唔貴，平民價的價錢，有包括我最喜愛的雞絲粉皮和涼拌豆腐。用來做前菜都非常唔錯。我點了紫菜豬肉餃及特色八爪魚餃雙拼，另外叫了玉米豬肉餃麵。 全部餃子餡料都非常豐富多肉，唔使$200 ，食到要打包，非常抵食。#半斤餃子 #元朗餃子