劉興記生煎包專門店

Open Now

Now Closed

5點半到立刻有位，遲多半個鐘就開始排隊。今次點咗蟹黃拌麵同蟹黃生煎包，呢個價錢的蟹黃份量算足料，蟹味鮮唔腥，值得試。雞絲酸辣湯料足，木耳爽脆，湯質濃稀及酸辣度均勻，保持到水準。生煎包真係有足一湯匙湯汁，論肉質，我覺得相比中那間出名食生煎包的更鮮嫩。點套餐可享豆漿添飲。見議唔食辣都要試少少佢哋嘅辣椒油，好上頭，正！ 但糖醋炸排骨有點失望，個汁似‘’生炒骨‘’唔係糖醋，排骨肉少骨大。店舖細細，但見佢哋接好多外賣單，所以食材都好新鮮。

呢間餐廳專注於生煎包，價錢抵食，性價比高，真係食得開心！以下係我最心水嘅幾款： 招牌生煎包 （兩隻） $20招牌生煎包絕對係必食！包皮酥脆，內裏嘅餡料充滿湯汁，一咬下去就爆汁，讓人一試成主顧！瀨尿蝦生煎包 （兩隻） $28呢個生煎包用嘅係超大隻嘅瀨尿蝦，鮮味十足！蝦肉鮮甜，加上特製醬汁，真係令人垂涎欲滴！瀨尿蝦湯麵 $78搭配瀨尿蝦湯麵，湯底清淡卻又十分入味，超大隻瀨尿蝦，令人食到停唔落口！招牌炸豬排拌麵 $45最後唔可以唔提呢個招牌炸豬排拌麵，豬排炸得金黃酥脆，配上彈牙嘅麵條，醬汁又香噴噴，味道一流！

今日自己一個出了大圍，路見劉興記食店，門外有多張跟明星合照的照片，門外的餐牌也很吸引，於是也入內試試。入到店內，職員便奉上豆漿（不是茶或白開水），不但覺得窩心更有點出人意外。原來每個套餐（只需$54）便可無限添飲豆漿，真是愛喝豆漿之人的喜訊！招牌炸雞扒湯麵＋生煎包1隻（$54）這店的套餐除了任飲豆漿外，還有特別之處是每個餐都有一隻小籠包。這個小籠包又是另一驚喜，它一面煎很金黃有點脆口，另一面保持軟身。咬一啖，湯汁爆了出來，沒想過生煎包竟然可以有這麼多的湯汁！雞扒也煎得外脆内嫩，熱辣辣，有肉汁不會太乾。麻醬青瓜絲粉皮（$24）這份量不少，足夠二人食用。青瓜切成幼絲，加上芝麻和麻醬，味道香濃。冷凍的粉皮十分軟滑。

**「生煎包爆湯多到飲湯先！」** 今日同朋友去咗大圍劉興記食lunch，真係驚喜到喊😭！招牌生煎包一咬落去，啲湯多到要用匙羹飲住先，個底煎到金黃脆卜卜，脆到似食緊薯片咁過癮🔥！八隻份量啱啱好，兩個人食到捧住個肚走～ **蟹黃控必試🦀** 加咗份蟹黃生煎包，每啖都食到濃郁蟹香，仲有粒粒蟹籽爆珠口感，邪惡到極💯！朋友搶住食最後一隻，差啲反面😂 **凍豆漿無限續杯💦** 最抵讚係免費嘅凍豆漿！甜度剛剛好，飲到一半店員姐姐已經自動波過嚟加滿🥛（仲要超好笑容☺️），我哋喪飲3杯回本～ **隱藏MVP：豆沙窩餅🍯** 以為生煎包係主角？錯！個手工豆沙窩餅外脆內軟，豆沙綿到似食緊雲咁，仲要唔會甜到漏，完美ending✨ **人均$80食到癲** 兩個人叫咗三樣嘢先百幾蚊，仲要飽到上心口💸！大圍分店嘅服務真係冇得彈，店員成日主動問要唔要加豆漿，仲幫手推介食法，抵佢哢長期排隊👏 **缺點？** 硬要講就係⋯⋯等位時聞住陣煎包香味太折磨啦！🤤 **必食指數：★★★★★ 回頭率：200%**

大圍都好多好食嘅小店，前排聽同事講起，呢間食生煎包嘅餐廳唔錯，經常排長龍，今日趁味道食飯時間，就去試吓，佢嘅價錢都好合理，仲有套餐可以叫，豆漿任飲，最重要係冇+1 ，食物質素非常唔錯瀨尿蝦生煎包呢個係餐廳新推出嘅口味，當然要試吓，裏面嘅瀨尿蝦肉都幾新鮮，生煎包外皮好脆，多肉汁，唔錯👍🏼雲吞麵小雲吞皮薄，餡大，個湯底清清地，面質幾好，呢個價錢真係冇得輸鹹肉菜飯菜飯好香，鹹肉都好鹹香，好開胃👍🏼👍🏼

上海風味小店之《劉興記生煎包專門店》舖頭雖然細細間，但環境乾淨企理，坐得幾舒服😌。今次試咗幾款佢哋嘅招牌菜，味道都幾唔錯架😆。招牌生煎包：個生煎包皮薄餡靚，包底脆脆地，咬落去仲有湯汁湧出嚟，夠晒juicy👍🏻。肉餡鮮味十足，唔會太肥膩，食落去好滿足🤭。麻醬青瓜雞絲冷麵：麻醬夠香濃，青瓜爽脆，雞絲嫩滑，撈埋一齊食，爽口，冰冰涼涼，啱晒夏天食，消暑一流😜。手工豆沙鍋餅：鍋餅煎得金黃香脆，豆沙餡甜而不膩，口感豐富，豆沙餡夠晒綿密，而且唔會太甜🥰。上海小籠包：小籠包皮薄餡靚，湯汁豐富，肉餡鮮美，咬落去湯汁爆晒出嚟，好正👍🏻。總結：劉興記生煎包專門店嘅小食味道正宗，而且價錢合理，性價比高，份量十足足，食完好滿足。最緊要係佢哋仲有免費任飲豆漿添，豆漿夠晒香濃，好飲！另外，店員服務態度都好好，有禮貌又細心，下次一定會再嚟試其他菜式😆。

呢間位於大圍既劉興記，次次黎都排隊，所以今日特登早啲黎，有位直入🙌🏻🙌🏻首先要介紹下招牌山煎包，聽聞好多街坊都鍾意黎打包幾粒返屋企嘆，生煎包煎得啱啱好，外脆內軟，而且湯汁非常多，肉質鮮嫩😆😆最近仲新出咗瀨尿蝦生煎包，都幾特別😍😍之後介紹雞扒撈麵，不得不讚佢嘅雞扒就係炸得好靚，外面非常脆， 裏便亦好有餘溫，好香口得來又好入味另外叫咗個套餐18粒小雲吞，我算係小雲吞控，呢間嘅雲吞算係肉餡非常多，份量好多，最尾都唔係好食得晒最後一定要講佢嘅小籠包，小籠包食嘅時候真係要小心啲，因為啲汁會爆出嚟，同樣皮薄餡多，推薦😄順帶一提，嚟呢度叫嘢飲一定要點豆漿，因為可以無限添飲🫣🫣

知道出左新野，加上好掛住爆汁生煎包🤭又去食下先，真係平日都係爆場，好彩排隊都係等一陣就入得去🤟🏻🥟今次叫曬3款，一次過食晒三款口味😆！📍招牌🥟又叫經典招牌，都係嗰句勁多汁，好抵食 $35/4隻，食到最尾嗰隻，已經有晒經驗好小心，竟然都一Bit咇咗去前面杯豆漿度😆😆👍🏻👍🏻！🦀蟹黃🥟都有香香嘅蟹黃味，仲有少少蟹膏👍🏻 ！瀨尿蝦🥟淡淡海鮮味，相對就另外兩款吸引D😋！🗯️瀨尿蝦🦐🍜 $78一啲都唔算貴，size有成隻前手臂咁長，見到網紅介紹已經好想試😝期待期待期待丫！👍🏻肉質都彈牙，連佢pat pat位我都唔放過😆! 食埋個麵配埋湯底，我調冇加任何調味，有瀨尿蝦海鮮嘅味，好襯個瀨尿蝦肉😘！ 🥛$0 ～出邊真係好少有，豆漿係任飲，我係鍾意豆漿，唔甜🥰 姨姨職員都會不停同你refill👛😝😝經濟實惠，又回味 ！如果大埔上水粉嶺開分店就係必食飯堂😝！ 同埋好欣賞係自助QR code落單🤭

今日行過大圍，見到呢間新開嘅生煎包店大排長龍，身為吃貨嘅我梗係要入去試下啦！😋佢哋嘅生煎包真係名不虛傳，首先要推介嘅係蟹黃生煎包🦀，一咬落去，啲蟹黃香味即刻爆發，個包嘅表皮煎到卜卜脆，入面又好多汁，正！另外，佢哋仲有瀨尿蝦生煎包🦐，呢個配搭真係夠晒特別，鍾意食海鮮嘅朋友一定要試下。當然唔少得招牌生煎包🐷，啲肉汁真係香到不得了，啖啖肉，好滿足！除咗生煎包，佢哋嘅麻醬青瓜雞絲粉皮🥒都好足料，麻醬好香，撈埋啲青瓜同雞絲一齊食，好開胃，食到停唔到口！仲有招牌擔擔麵🍜，都好好食，不過今次試唔晒咁多嘢，下次一定要再嚟試下其他款式！

【沙田區】【劉興記生煎包專門店】自從之前同經理哥喺元朗食過一次劉興記之後，一直都念念不忘呢間全名叫「劉興記生煎包專門店」嘅上海嘢。同莊敬哥喺大圍做嘢，知道呢頭都有分店，就同佢都嚟試吓呢間。店內係用 QR Code 落單，非常方便，好快就落好單，上埋菜，順暢又絲滑嘅。首先嚟嘅係 $25 嘅「秘製上海炸排骨」，炸得幾好，啖啖肉。跟住試出名嘅生煎包，首先係 $38 兩隻嘅「蟹黃生煎包」，蟹粉味好濃，為生煎包注入咗新元素。跟住試 $28 兩隻嘅「瀨尿蝦生煎包」，呢款唔只有鮮味，仲保留到瀨尿蝦獨有嘅蝦味，好正呀。跟住試碗 $35 十二粒嘅「雞湯小雲吞」，一啖一隻啱啱好，勁邪惡。最後試埋 $28 嘅「手工豆沙鍋餅」，都好食，性價比幾高。最重點係，今次都係有得「任飲豆漿」，平時喺第二度叫一杯動輒都十幾蚊，呢度係任飲唔嬲。埋單 $154，飲多杯都抵返晒啦。。。（地址：沙田大圍積信街27號地舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：元朗區分店：1am1636#1amfoodie #foodie #hkfoodie #thatfoodie

嚟到大圍以爆汁招牌生煎包聞名嘅劉興記生煎包專門店，未去到門口已經見到好熱鬧呢，無論堂食定外賣同樣人氣高企！店內裝潢整潔，店員服務態度熱情，好主動咁幫忙斟滿豆漿，而且價格仲好抵呀，嚟大圍以後又多一個選擇呀！✨ 招牌生煎包生煎包外皮煎得金黃酥脆，咬嘅時候肉汁瞬間爆出，肉餡鮮嫩多汁，口感一流！✨ 招牌擔擔麵擔擔麵湯底濃郁帶少少辣，麵條軟硬適中，仲有櫻花蝦嘅鮮香，成碗麵香濃掛汁。✨ 原味上海小籠包小籠包薄薄嘅皮完美包住滿滿嘅熱湯，肉餡滑嫩鮮美，加埋醋同薑絲食起嚟層次豐富。✨ 酥炸小雲吞小雲吞外皮香脆，分量啱啱好，真係食唔停口呀～  

【雷門為食街 Layman's Yummy Guide】復活節長假最後一日，8點半去到大圍諗住無咩人，結果離遠已經見到有人等位😂 好彩排第3組人，around 10分鐘已經可以入座，後面仲排緊幾組人，力證小店經常排長龍!!! 👧🏻🍴劉興記生煎包專門店 @大圍積信街27號地舖我哋叫左兩隻蟹黃生煎包 ($38) ，來到未至於熱到辣嘴，但真係爆汁，大家都食得好小心，差啲噴到大家LOL 不過蟹黃味無想像中咁出🤧 >>> 本來打算生煎包+小籠包都試下，結果後者基本款售罄，得返蟹黃款，$80/4粒真係唔太捨得食...😣之後叫咗生炸雞排 ($25) 加蔥油拌麵 ($30) 👍🏻 唯獨呢個配搭無得叫套餐，但價錢相差1蚊，所以照嗌 😂 個人覺得兩樣都好食，蔥油無撈混已經夠入味，如果加生蔥花都應該好食；雞排賣相麻麻，但食落是OK的，唔會好乾好鞋~仲附送豆漿!!! 不過味道健康唔太甜，未必人人都鍾意飲~~ 整體來講食得開心!!

大圍一間需排隊的上海菜餐廳主打上海菜 爆汁生煎包尤其有名其他菜式也性價比很高價錢亦很親民排骨蔥油拌麵拌麵麵質彈牙 醬汁微甜 掛汁攪拌均勻後吃很惹味而排骨會另上 外脆肉嫩蔥油雞扒菜飯雞扒同樣外脆肉嫩菜飯份量足夠 偏乾身粒粒分明生煎包外皮煎得脆 豬肉餡新鮮一咬就爆汁 好吃店內招牌必定要點來試試。～上海小籠包一籠4個小籠包皮夠薄 內裏亦有滿滿湯汁蘸醋更惹顆豆漿點套餐可仼添 不太甜劉興記生煎包專門店 (大圍)大圍積信街27號地舖

估唔到6點幾去都要排隊，不過等咗唔使半個鐘都有位了，證明都真係多人食。叫咗個set，貪佢可以任飲豆漿，之前睇到啲人話個味比較淡，好似水咁，飲落又唔係，不過個味似豆奶多啲。個set係雞扒菜飯，再加一粒生煎包。其實我哋本身叫咗蟹粉生煎包，不過想試晒2隻味。我個人就中意蟹粉多啲，佢真係有蟹粉喺入面，肉眼睇到，朋友就話原味正啲，因為汁多啲。至於個主食，個菜飯真心好吃，佢一啲都唔油，菜真係多，個飯甜甜哋，調味夠既，不過雞扒就真係普通炸雞扒，冇咩特別。朋友叫咗個好大碗既炸醬麵，咁先三十幾蚊，味道好食既，不過佢係肉碎唔係肉絲，但呢個價錢真係冇得輸。甜品要咗個豆沙窩餅，一定要趁熱食，先會外皮脆。佢比平時食既豆沙窩餅厚身少少，如果薄身少少應該仲正。

買外賣等得耐不特止，仲要收外賣費，遂樣同你計，加加埋埋要俾多幾蚊不特止 最慘買個雞絲酸辣湯粉，唔同你分開放，個粉一早整好但因為有買生煎包，等咗45分鐘； 個粉就浸足係啲湯入面45分鐘，返到屋企啲粉吸晒啲湯，變到一pat pat，勁難食，呢間嘢啲嘢食真係一般般，根本唔值得排隊同浪費時間去食落單時明明問咗要等幾耐，一句好快好快，點知好快係要等45分鐘， 真係搞笑。 如果一早知要等咁耐，根本唔會落單，簡直浪費人時間。