劉興記生煎包專門店

Open Now

Now Closed

最近心思思想試吓上海風味，於是特登揀咗呢間上環有名的「劉興記」生煎包專門店。佢係上海菜愛好者心目中既「必食」清單，主要以生煎包和各種上海特色小食為主。見到店內餐具用上藍白瓷花紋，感覺古色古香，頗有中國風情，環境相當舒適。劉興記的餐牌豐富，有上海小食同拌麵系列，選擇非常多。店內座位整潔，佈置簡約，牆上有齊全的餐牌介紹，方便客人點菜。蟹皇拌麵係今次最令人驚喜的菜色，蟹皇餡料份量十足，濃郁的蟹香撲鼻而來。麵條吸收晒蟹皇的精華，夠彈牙之餘又唔會太膩。呢道菜價格偏高（$150），但份量大，可以兩個人一齊分享，性價比算係合理。強烈推薦必試！👍原味上海小籠包小籠包皮薄而且多汁，熱辣辣上枱，咬開時肉汁豐盈。但係味道上稍欠濃郁，唔係典型的豬肉鮮香味。整體仍然值得一試，但如果講緊上海點心，我反而會更推薦生煎包。生煎包生煎包外皮脆香，內裏鬆軟，肉餡多汁且味道濃郁，整體表現比小籠包更出色。底部煎得金黃香脆，一口咬落去，肉汁四溢，感覺相當滿足。非常推薦大家試試！上海排骨菜飯排骨口感脆卜卜，肉質鮮嫩而且調味適中，唔會過鹹或者偏甜，配埋底下的菜飯，滿足感十足。菜飯煮得粒粒分明，加上少少蔥香，非常惹味。呢道菜份量足夠

平時lunch time呢間坐滿人，亦都好多人叫外賣。除咗生煎包外，主食都有唔同配搭嘅麵飯。招牌擔擔麵擔擔麵水準高，主要佐料有芝麻醬、肉末、櫻花蝦及碎花生碎。湯底鹹香濃郁，可口美味。蔥油雞扒菜飯+生煎包份量多，適合大食嘅朋友，雞扒生炸，以蔥油提味。套餐配一粒生煎包，如果唔夠熱，可以叫店家翻熱。鮮雞湯小雲吞+生煎包有12粒，而且唔細粒喎，呢個餐無麵，配以兩粒生煎包。套餐加配豆漿是免費的，而且可以添飲喔！🧸評分：🧸🧸🧸🧸4/5

最近在上環返工，見到近地鐵站有間人氣生煎包店，決定今日lunch time 來幫襯我點了招牌擔擔麵，麻醬味並不濃郁，但麵條煙韌頗彈牙，加入肉碎也相當惹味。生煎包兩隻，煎得金黃脆口，咬落去湯汁爆出，勁juicy，豬肉新鮮嫩滑，包面灑滿蔥花，真係粒粒爆汁豆漿新鮮自家製，豆味濃郁，配埋生煎包食，更加美味

之前大熱嘅劉興記生煎包宜家少咗人去，啱晒我呢個擁躉。唔使排隊直入真係爽。生煎包就必食㗎啦，個個爆汁，如果唔爆汁佢都包換，一唔小心真係整到成身都係。但係其實佢嘅蔥油雞扒拌麵都好正，雞扒新鮮炸到脆卜卜，面就朔晒啲蔥油非常之惹味。跟餐有一個生煎包同埋豆漿，仲要係無限免費添飲㗎。我一個人都可以飲咗四杯以上。散叫$8一杯都係可以無限添飲，如果食兩個生煎包加豆漿都係$28。無論做lunch或者下午茶都真係一流。

在香港尋找本地美食？「劉興記」生煎包絕對值得一試，味道讓人回味無窮！「劉興記」的招牌生煎包絕對不能錯！每隻生煎包底部金黃香脆，咬開時湯汁瞬間爆出，令人驚喜。店家承諾無爆汁可免費更換，這份信心讓人倍感安心。內餡使用新鮮豬肉，肉質鮮嫩，湯汁香濃，令人一口接一口停不下來。除了生煎包，仲有蟹黃生煎包，餡料充滿蟹肉和蟹糕，外皮酥脆，白芝麻的點綴更添風味。麻醬手撕雞絲粉皮亦是必試，粉皮份量十足，麻醬的咸香味道讓人印象深刻。最後，招牌上海炸排骨菜飯，外脆內嫩的炸排骨，搭配均勻的配菜飯，簡直是肉食者的天堂。再加上自家製的低糖豆漿，讓整頓餐更添健康選擇。

最近去咗上環呢間好出名嘅上海菜，食物質素同服務都好好，唔怪得keep住有好多遊客。首先，佢哋自家製嘅低糖凍豆漿真係好高質，豆味濃厚，仲有少少起沙，最正係可以無限添飲，飲到停唔到。跟住當然唔少得佢哋嘅鎮店生煎包，包底煎到好香脆，咬落去仲會爆汁，真係好滿足。餐廳仲寫到明如果包唔夠熱，食客可以要求更換，可見佢哋對自己嘅要求幾高。上海排骨同樣出色，酥炸得香脆，肥美又多汁，非常邪惡。我揀咗配菜飯，菜分佈得幾均勻。朋友就試咗上海拉麵，話味道都唔錯。我哋另外嗌咗小籠包，好多湯汁，皮薄得啱啱好。

近排開左好多分店，一於一試究竟，的確算水準之上，有平民街坊感覺。**爆汁生煎包**外皮唔算厚，一定要細口咬，湯汁瞬間爆出，豬肉餡足料新鮮。**小籠包**皮薄，湯汁濃郁。**上海排骨菜飯**排骨炸至金黃，外酥內嫩。**蔥油雞扒拌麵**雞肉脆皮多汁，麵條蔥香夠，彈牙的麵條有口感。**豆沙窩餅**但皮唔夠酥脆，內餡唔夠多。人均$70-$80，可以食到超飽，豆漿仲要無限添飲，樓面姐姐都好熱情，性價比好高。

喺上環返工放lunch見到呢間人流都幾多就試吓，以為價錢唔平點知原來套餐都只係50幾蚊，仲有豆漿任飲！ 今次就試咗麻醬手撕雞粉皮加生煎包一隻 ($54)，汁另上非常貼心，可以按自己嘅口味加，生煎包嘅底煎得非常香脆，好有咬口，入面嘅湯汁好鮮甜，個味道好balance，粉皮都幾大碗，好多青瓜絲，夏天食呢個就好清爽啦！豆漿任飲都幾不錯，豆漿非常香濃，唔會太甜，飲得出係真材實料比起市面上嘅更加濃稠！最後仲叫多咗兩粒生煎包$20，抵食！

劉興記爆汁滋味生煎包試咗鷄絲酸辣湯，真係俾我一個驚喜！湯底酸酸辣辣，味道層次分明，唔會太過刺激，正好可以開胃。裡面嘅鷄絲鮮嫩，搭配嘅豆腐同蔬菜，令整碗湯更加豐富。好少見啲雞絲既量可以就咁撈出嚟，仲咁多咁明顯隨餐仲有生煎包，外皮金黃酥脆，內裡汁多肉嫩，咬落去真係好滿足咬落去即刻爆汁，記得要喺個頂度咬開一小口飲咗啲湯先😂特別係熱辣辣的時候，搭配湯品，簡直完美😌另外散叫試咗蟹黃生煎包，蟹肉味道濃郁，真係好有誠意，完全唔會令我失望。呢一餐雖然簡單，但每一樣食物都充滿心思，真係好推介！如果呢頭返開工，晏晝食個輕鬆又好味的地方，劉興記絕對值得一試

今早8號風球懸掛，但官方已預告下午12時40分改掛3號風球，避免碰上返工人潮，我和好友提早出發午膳，好友提議位於上環文咸東街2號地舖的劉興記生煎包專門店食爆汁生煎包。小店型式經營，店長友善。我點左個皇牌套餐 $54：招牌上海排骨菜飯+生煎包1隻；好友也點左個皇牌套餐 $54：葱油雞扒菜飯+生煎包1隻。另外點左招牌生煎包8隻 $60。套餐配豆漿，可無限添飲。生煎包熱辣辣上檯時，店長提醒小心燙口（好窩心呀），待會兒已急不及待地吃起來，真係爆汁好味👍👍！排骨香酥入味，雞扒皮脆肉嫩，菜飯香腍好食。豆漿豆味香濃，好好飲。

🏙️上環一帶有很多特色小餐廳，尤其是集中在禧利街和文咸東街，🍱是上環打工人午飯首選之地。🥟劉興記最出名的就是爆汁生煎包，$60有8隻，午飯時間同事夾份買剛剛好，另有套餐提供，一碗上海菜飯+1隻生煎包+一杯豆漿就只是$54，真是為打工人午飯而設。🥟生煎包 $30/4隻熱辣辣爆汁生煎包是劉興記的招牌菜式。生煎包的皮煎得金黃香脆，內里的肉餡鮮嫩，🍖湯汁用鮮雞和豬骨煮食，鮮甜又不油膩，💦每隻咬入口整個口腔都是噴射式爆湯汁。面頭灑上黑芝麻粒十分滋味。👨‍🍳由於即叫即整，⏱️所以需要等小小時間，以質素來說很值得等待。🥬蔥油雞扒菜飯 $42上海菜飯是另一款招牌菜。🍗雞扒薄切但保肉質鮮嫩又軟腍，🥦菜飯用的是當季新鮮蔬菜，口感清爽，營養均衡，而且份量十足，性價比特別高。🥛低糖豆漿 $8豆味濃郁，甜度適中。📍劉興記生煎包專門店 🏠上環文咸東街2號地鋪⏰12:00 - 20:00🚙港鐵上環站A2出口，步行約2分鐘#hkig #hkfoodie #hongkongfood #hkfood #hkfoodporn #hkfoodies #instafood #hkfoodbloggers #hkigers #ilo

餐廳：劉興記生煎包專門店地點：上環文咸東街菜式：上海菜餐牌：皇牌推介、健康菜飯類、湯麵類、拌麵類、蟹粉類、小食類、涼拌類、餅類、飲品，都有人氣熱賣皇牌套餐。人氣熱賣皇牌套餐可以選擇唔同配搭加唔同數量生煎包。麻醬手撕雞絲粉皮 + 生煎包2隻 $54生煎包生煎包熱辣辣上枱！一咬入去就爆汁，而個湯唔會太油，啲肉都鮮，份量唔少。個底好脆，面頭灑上黑芝麻粒。可以加枱上面黑醋食，更好味又可降溫。麻醬手撕雞絲粉皮麻醬手撕雞絲粉皮好大碗。粉皮份量最多，質素正常。加有幼條青瓜絲同粗雞絲，灑上白芝麻粒。叫左麻醬另上，自己加最好。皇牌套餐奉送豆漿一杯。豆漿用茶杯裝，係凍嘅，都幾好飲。袐製上海炸排骨 $22袐製上海炸排骨多得誇張，一開7/8件，炸得外脆內嫩，瘦多肥少，肉質好嫩，超多肉食，一級棒。蟹黃生煎包 $18 一隻另外多叫兩隻蟹黃生煎包食食。蟹黃生煎包真係有好多蟹糕同蟹肉喺入面，面頭加上黑白芝麻粒。總括而言，呢度生煎包多汁又脆底，其他食物質素都唔錯，炸排骨特別好食。平日午餐時間好多人，好多外賣單，入面有堂食位十幾個。

平日下午諗唔到食咩都會搵小食食，今日經過劉興記生煎包，全人手製造新鮮即整，餐牌有有套餐價，咁岩現貨賣晒，店餐後廚師再整，真真正正即叫即整！！蟹皇生煎包 $18隻同招牌生煎包一樣都係靚爆汁傳統方法人手包製爆蟹皇汁彎超濃郁嘅蟹味裏面有一粒粒蟹膏同埋蟹肉皮脆餡嫩好香*食生煎包時候要小心湯汁湯汁熱辣辣而且多汁，會噴射爆汁雞絲酸辣湯小雲吞 $32酸度十足惹味 個人而言有點過份酸 不用額外加醋用料用心，每一件都大大件小雲吞細細粒 皮薄肉嫩 溫馨提示：小心爆汁亂飛，要用匙羹兜住食唔好浪費唻d汁呀 劉興記生煎包專門店「劉興記」上環文咸東街2號地舖

🌸雞絲酸辣湯小雲吞｜$32酸辣醒胃，湯中有木耳絲、筍絲、6粒彈牙小雲吞。🌸麻醬手撕雞絲粉皮｜$35麻醬濃郁，粉皮爽口彈牙，仲有青瓜絲令整體更加清爽🌸招牌生煎包｜$20/2隻🌸蟹黃生煎包｜@18/1隻兩款生煎包都爆多汁，咬果彈小心啲汁噴出黎噴到件衫。外皮煎到好脆，個人偏向中意原味多少少，比較鮮甜～🌸秘製上海炸排骨｜$22外層酥脆，肉質鬆軟，會有豬扒汁比你落，酸酸甜甜地更解膩🍹凍低糖豆漿｜$8

嗰日去中環買嘢，行到差唔多開始肚餓，決定去搵嘢食。行到上環附近見到間劉興記，爆汁生煎包非常出名。夜晚去到人唔多，好快坐低咗。多款王牌套餐可供選擇。招牌上海排骨菜飯，味道層豐富，甘香鬆化，加埋菜飯，絕對完美配合。麻醬手撕雞絲粉皮，滑嫩彈牙，雞肉嫩滑。生炸雞扒蔥油拌麵，充滿蔥油醬香，雞扒皮脆肉滑。海鮮雞湯小雲吞，外皮厚度適中，滑溜可口，內餡足料。招牌生煎包，新鮮即煎，粒粒爆汁 。豆漿套餐奉送豆漿一杯，豆味濃郁。