利強記北角雞蛋仔

Open Now

Now Closed

我妹個為食貓，見到利強記雞蛋仔度人頭湧湧大排長龍佢又去湊下熱鬧，癡咗線乜！咁熱嘅天就為咗食個雞蛋仔？？不過我又唔可以一個人走先，只好跟著排咗10分鐘，雖然唔似食飯咁等人地食完先有位，但係整雞蛋仔需要時間吖！最後要咗一底雞蛋仔，一串魚蛋一份龍蝦丸，等咗咁耐肯定食番夠本喇！雞蛋仔香濃，牛奶香，雞蛋香，二者混合為一，上層皮有D脆有d韌，下層軟綿，啱烤出來有熱辣辣＋耐香噴噴，都算不枉此行！試咗下咖喱魚蛋，更加覺得名不虛全吖，咖喱味濃，魚蛋彈牙，一啖一個好正。龍蝦丸本身麻麻地，全都係麵粉、奈何人地沙茶醬牛B吖！香濃沙茶醬霖係龍蝦丸上面味道驚艷吖！真係覺得咖喱魚蛋同沙茶醬嘅龍蝦丸比雞蛋仔好味！

好少去北角嗰邊，經過尖沙咀竟然比我遇上佢，所以買個格仔餅試下。餅身厚實落足雞漿，但略嫌唔夠雞香，有點啖口但漿料可以補救。表面唔係話十分脆，但未至於似食蛋糕。漿料夠少，夾餅位置比較空洞。

今日特地過來彌頓道買雞蛋仔食，好好味，而且好彩今日唔太多人，以為往日都會排長龍，所以我地特地早D開車過來買，點知又唔算多人，更加開心啦，簡直成個人都靚爆鏡！呢度嘅雞蛋仔味道唔算太甜，甜度適中，我最中意呢種味道，好香。而且雞蛋仔烤完再用吹風筒吹下，成型之後更加鬆脆，感覺好好！除了雞蛋仔，其實仲有好多，魚蛋都系呢度嘅招牌小食，佢地每天都會賣出好多串魚蛋，而且魚蛋嘅味道真系一流見到都想流口水嘅魚蛋，汁都要流出來啦！

我比較喜歡吃雞蛋仔，但系食過甘多間，有D雞蛋仔會偏甜，有D雞蛋仔就系無咩味道，有D就太軟，扶唔起身，有D就系太脆身，容易散架！所以食過甘多間，我都系比較中意翻番來呢間……利強記北角雞蛋仔，佢嘅味道真系其他店比唔到。佢地嘅雞蛋仔可以同時做到脆跟軟兼併，外面好鬆脆，裡面嘅醬則夠軟！加上佢地仲有其他小食，好似華夫餅啊、魚蛋啊……魚蛋真系要試試，超多魚蛋，而且魚蛋味好正宗，淋上佢地嘅汁，絕了！

又到咗适婚年龄，屋企嘅三姑六婆仲系会好似好担心我地嘅婚姻大事，每次到家庭聚会嘅时候，佢地就会拿我地嘅结婚当话题开始讲，讲来讲去都唔厌嘅，我都服咗佢地！我觉得搵对象唔系咁，我都有D心得，刚好我又食利强记北角鸡蛋仔，食下食下，我觉得食鸡蛋仔嘅感觉好似搵对象！ 鸡蛋仔首先佢能勾起你嘅兴趣，够甜，食咗唔会滞！咬下去唔会太粘牙，而且容易同牙齿分离，而且刚刚好嘅大细，控制好自己嘅食量！ 表面好脆，但实质好松软都系呢间鸡蛋仔嘅特色，咁多间鸡蛋仔，点解我就系食呢间，因为佢够特别！

雞蛋仔竟然系米其林街頭小食三選一，不過呢度嘅雞蛋仔就係正宗嘅味道。去嘅時候啱啱好人唔多，無乜人排隊，唔洗等好耐就有得食啦！！！ 22蚊就已經有一大盤，份量的確好足！！，而且香味十足。 一邊系賣關東煮，最顯眼嘅系黃色嘅魚蛋，一串9蚊。彈牙~~~ 雞蛋仔新鮮熱辣，軟熟。而且粒粒形狀好好，香脆可口。一粒粒嚟食，有奶香嘅味道，甜甜地~~~

我將第一篇食評俾e間黑店之前同朋友買雞蛋仔 個阿姐態度差到一個點 我問佢一聲:系咪熱架？ 阿姐即刻勁差態度話: 你自己摸下啦！ 跟手隊左個雞蛋仔過唻 俾錢佢又一手搶左 我俾左100蚊紙 同 2蚊銀 搞到個銀飛左唔知去邊態度惡劣到我發誓以後唔會食佢點知我個朋友早兩日自己再去買 今次佢買格仔餅同魚蛋 佢唔識中文 只識得小小食物名🙈 點知我個朋友俾張50蚊佢 個阿姐唔找錢 又系咁同其他阿姐傾計 我個朋友用英文叫佢找錢 搞左勁耐佢先拎部計數機出唻計 22+11 點都唔洗50啦 我個朋友叫佢找錢先死死地氣擺系枱上 我個朋友唔收住打俾我confirm系e個時候 咁啱有兩個警察經過問咩事 我朋友即刻話佢地呃錢 我朋友仲同警察講 隔離個兩個女遊客俾左100蚊都無找錢間黑色實在好離譜！！奉勸各位小心d 叫你地哪外國朋友黎香港唔好幫襯 專呃遊客錢！when the first time I bought some snack with my frd. their attitude were already so badthen next time when my frd go there by himse

今日约左朋友行街，我哋经過條街闻到好香咖喱味道，与是我哋开始寻找係边度发出黎唧香味，我哋终於揾到喇！但是却要排隊，我點左一份咖喱魚蛋，香喷噴热辣辣魚蛋好Q弹加埋香浓咖喱汤汁十分美味。

今天系尖沙咀附近做野，經過利強記，好掛住距d魚蛋同雞蛋仔，于是排隊買返兩串黎吉下，咖喱魚蛋好入味，魚蛋飽滿又大粒，食落爽口彈牙。至於距既招牌雞蛋仔更加唔使講野喇，新鮮滾熱辣，食入口香醇松軟，只可以用正黎形容了。

提起北角鷄蛋仔呢個名相信唔少香港人都唔會覺得陌生。我每次經過都一定要排隊食架！不過今次咁啱行過尖沙咀個見又見到唔係太多人，我就即刻買左底。我最中意就係佢外脆内軟，而且甜度適中。係出面食既鷄蛋仔好多都粉漿太厚，烘起後雖然外面好脆，不過裏面就好實，完全影響口感。而北角鷄蛋仔既蛋漿做得非常出色~ 裏面既餡料非常充實，咬落去外面脆裏面軟淋淋。我相信好多人都同我一樣係佢地既忠實粉絲

平日行過北角雞蛋仔總是有一列長長的人龍。今日行街經過，見到無人排隊，當然第一時間買一底黎食！尖沙咀賣雞蛋仔果然係高檔d, 一底盛惠22蚊，係新鮮整出黎的。雞蛋仔食落外脆內軟，都幾足料飽肚㗎，不過就貴左少少囉～

雞蛋仔就食過唔少喇，不過雖然利強記好出名，但係我真係未食過。今日經過呢度就飽下我口福喇，出咗尖沙咀地鐵站A出口無幾遠就係了，總體上來講呢家店比較細，比較普通，可能喺開咗好耐喇，裡面嘅嘢都比較舊，有點髒髒地嘅感覺，不過呢仲係乜就係歷史嘅痕跡，哈哈、無企名氣咁大，不過墻上都喺一D明星嘅合照 ，好似幾巴閉窩。都話雞蛋仔咯，肯定要試下企原味嘅，原味先至食得出企嘅味道，都感覺幾真材實料，蛋味同奶味都好濃，外面微脆，裡面軟軟的，熱熱的甜甜的，好味！咖喱魚蛋都幾好，夠Q夠彈夠味夠爽滑，咖喱味好濃郁好純，微辣嘅口感很引人食慾；仲有炸大腸同埋牛百葉都幾好味，咖喱魚蛋重點推薦！

今晚食完飯去買完野準備返屋企嘅時候路過利強記北角雞蛋仔，記得上一次食呢間店嘅雞蛋仔已經系一年幾前喇，難得路過又有時間就排隊買喇，系排隊期間，朋友話不如買其他小食填補下時間，咁樣等排隊就唔會覺得無聊。牛柏葉同腸仔仲有鯊魚燒賣，無睇佢地無咩特別咁，呢度嘅醬汁系秘制嘅，加左佢地嘅沙茶醬好好食，個人覺得咖哩魚蛋更好食，魚蛋做得好Q彈，咖哩又煮得好入味，咖哩感覺都好好食，其他小食都唔錯嘅。等左差唔多半個鐘，終于等到雞蛋仔喇，我地要左份原味嘅，好脆，入邊又好松軟，如果鐘意特別脆嘅朋友仔，可以叫老細烤得脆D，如果烤得比較脆，口感就會比較好。好香嘅雞蛋味同埋奶味，外脆內軟，香香脆脆，一個人可以食曬一份，好好食。

經過尖沙咀見到成條人龍又少少餓嘅情況底下 就決定一試點知味道好令人失望 成底雞蛋仔得個脆字無蛋香味 而且大部份偏空心賣成20蚊一底 仲要係咁嘅質素真係唔抵兼唔會再幫襯見到啲強國遊客排就算 可能係貪方便行街經過買但係連啲本地人 有啲睇落係放工經過排隊買真心唔明點解會有人排 仲要排10分鐘

今日下晏同同事過尖沙咀做野，準備走果時，離遠聞到好香，望吓前面好多人排隊，行埋去睇原來喺利強記雞蛋仔，難怪咁香喇。門口放住大鍋魚蛋，啊姐唔停甘整緊雞蛋仔。又胃食喇，排隊。同事擔心唔乾淨，街頭小食咁嘅環境算乾淨喇。雞蛋仔喺即做嘅，要等。整番串咖喱魚蛋先，魚蛋好新鮮好彈牙，咖喱味好濃辣辣，加d醬，辣中帶甜，好正。雞蛋仔人氣最旺，好香嘅雞蛋同奶味，表面金黃色，每格都飽滿，水準相當高。雞蛋仔皮脆內鬆軟，又唔會好甜，口感好好。天氣甘凍食個熱辣辣既雞蛋仔暖粒粒好舒服。格子餅都好多人買，餅身喺一格格嘅，所以叫格仔餅。皮烘得淡啡色，幾厚身，質感鬆軟，好香嘅蛋味，內面有花生醬。雞蛋仔就食得多，格子餅第一次食，都幾好食喎。