利強記北角雞蛋仔

Open Now

Now Closed

朋友o係加拿大返黎送左一樽楓糖俾我, 尋日o係尖咀飲完茶, 就o係度買左個無醬格仔餅返屋企, 炮製楓糖窩夫作下午茶. 老闆娘好識做生意, 見我唔要醬, 就收少我$1(正價$10). 佢用o既格仔餅機同坊間唔同, 係西式o既窩夫機, 格仔較大, 而且較厚身, 好吸引咁. 雖然有一份預先整好o既放左o係度, 不過老闆娘都即席整一份俾我, 好有心. 但係可能窩夫機唔夠熱, 格仔餅黐底, 老闆娘落力拯救, 用刀好辛苦先至可以刮出個格仔餅, 仲"辣"親手, 好可惜一邊格仔始終係毀晒容. 見到老闆娘咁有心, 而且困係個小舖仔大汗搭細汗, 梗係照單全收. 返到屋企, 焗返熱配大量楓糖, 味道當然一流. 不過老實講, 好味主因係濃香楓糖, 次因係老闆娘o既心, 至於窩夫呢? 粉漿調味係幾好o既, 不過論香味, 個人認為旺角瓊華中心隔離o既小舖同埋加連威老道o既雞蛋仔略勝一籌.

上次去北角買雞蛋仔,知道係尖沙咀開了一間分店,昨晚經過便去買來試試.我買一底雞蛋仔,雞蛋味好香,外皮好脆,但餡很少,味道其實都唔錯,但就像食風一樣.食落完全和北角無得比.好就好在不用點排隊,但相信下次都唔會再買了.

睇飲食男女, 得知利強記北角雞蛋仔係尖沙咀開了分店, 於是星期五lunch 去食, 叫o左一底雞蛋仔及格仔餅. 需然無人排隊, 但都等o左好耐先有得食, 新鮮熱辣整起的雞蛋仔, 聞到椰香味但食落唔覺, 好香雞蛋味, 皮好脆, 入面好軟熟, 正如店舖所講“邊脆邊軟”, 好食過加連威老道嗰間專賣雞蛋仔的店舖.至於格仔餅, 幾厚下同埋脆, (唔同一般店子的格仔餅–“林”同薄) . 個人嫌唔夠醬料, 如果多些會更好味因買了太多, 食唔晒, 留番半底雞蛋仔, 第二日用焗爐番熱, 依然外脆內軟.

行過尖沙咀有d肚餓約左人食飯又未夠鐘記得呢度開左檔北角雞蛋仔既分店一於買番底試下排左兩個字左右就買到新鮮熱辣整起皮好脆又有少少香蕉味入面好軟熟但係得好少餡而且食食下覺得有d}"膿"我自己無食過北角總店無得比較但個人覺得名過於實囉記憶中以前屯門有一檔仲好味過又平過佢喎不過服務都幾好有位女士問佢拎過膠袋佢都提佢唔好即刻入袋因為會淋晒咁話喎