仙滿堂

Open Now

Now Closed

😎 依日平日下晝約咗住喺新界嘅年輕朋友短聚一下～ 天氣炎熱，最適合食下消暑甜品做下午茶，就喺沙田新城市廣場有新發現！🤗🧇 焦糖香蕉黑糖麻糬牛角包窩夫 配3.6牛乳雪糕 😋😋😋😋😋首先擺盤簡約得嚟又吸引！🤩 香蕉片上嘅焦糖呈現醒神嘅橙黃色🔶，鋪喺搽咗黑糖麻糬嘅牛角包窩夫上🧇，顏色相當突出！旁邊嘅忌廉亦灑上薄薄朱古力粉，望上去好似tiramisu。😋 味道方面都唔錯！牛角包窩夫夾得好香好脆，配黑糖麻糬食有兩重口感。甜味好有層次，分別嚟自黑糖、香蕉同焦糖，喜歡嘅仲可以點埋忌廉食！另外仲配有3.6牛乳雪糕🍦，口感軟滑、奶香味濃！同朋友happy share的確好開心！😚 🍧 仙草1號 (仙草、紅豆、薏仁、奶茶凍 & 珍珠) 😋😋😋😋選擇困難症下，終於揀到1號！😆 仙草又甘甜又滑溜！薏仁同紅豆一粒粒好分明，唔會糊晒，仲食到軟綿口感，有其自然甜度。☺️ 奶茶凍有陣陣茶味甘香，質地較挺身，而珍珠軟硬啱啱好！可以自行添加奶油令整碗甜品更奶滑。😚下午茶 💵💵 約港幣$80/人 💁🏻‍♀️ 除咗傳統台式糖水外，依間甜品店會提供部分大家喺坊間較少見到嘅台式甜品，小編同朋友試嘅牛角包窩夫就係其中一款。😉 店舖用咗

今次為收到餐廳試食邀請✨✨✨平日夜晚過來食糖水 餐廳幾乎滿座 甜品店來說 看來蠻受歡迎 位置比較擠迫 不過勝在主角甜品的份量夠多 仙草凍的水準發揮得不錯 經過時不妨一試☺️招牌仙草系列 - 招牌仙草(凍) [$55]大約有半碗滿滿的仙草 台式甜品必遊的配料 例如薏米 紅豆 白色糯米白玉 紫薯 地瓜球 芋頭製成的三色芋圓 足夠配上仙草一起吃的份量 另外有甜奶可供額外加上 值得讚賞是甜品份量十足 是多於一人的份量 各款煙靭小丸子和芋圓的口感非常好咬 分別的味道未能太分辨得到 甜品的糖水也沒有過量 吃到各種材料的味道 紅豆粒和薏米沒有煮得過火 吃上去是粒粒分明的感覺 整碗吃完不難令人感到飽肚和滿足呢☺️芝士奶蓋白玉丸子系列 - 豆乳抹茶 (6粒) [$42]推薦推薦！六粒size有寧波湯圓大小的白玉丸子 表面蓋上厚厚的芝士海鹽奶蓋 賣相滿分 灑上抹茶粉和黃豆粉 沒想到每一顆都剛好沾滿奶蓋 吃下去先是有的海鹽味 再帶出淡淡的奶蓋芝士味 和丸子很搭！奶蓋味道很濃 有點蓋過抹茶粉和豆乳粉味 如果換成抹茶奶蓋 或豆乳味奶蓋 或許會吃到多種層次 不過整體味道頗特別 未吃過這種甜品呢🍡🤍3.5牛乳雪糕杯 -

💪🏻 招牌仙草 ($55)呢個仙草甜品有非常多嘅配料，包括：仙草、紅豆、薏仁、芋圓、迷你白玉，份量充足！仙草好滑，有淡香嘅仙草味，入口即溶，好易入口😋 紅豆薏米甜度適中，連埋其他配料食味道剛好，而且紅豆同薏米都煮得好淋，但唔會煮到爛晒，仍然食到兩者嘅口感😆 白玉好煙韌，有咬口，芋圓香味突出，食到好濃嘅紫薯同蕃薯味道😝 整體黎講仙草甜品甜度適中！食嘅時候，店員都有介紹可以唔加淡奶，先食仙草同配料嘅原汁原味，非常貼心。味道：8/10性價比：7/10 食住瘦指數：💪🏻💪🏻/5 💪🏻 焦糖香蕉黑糖麻糬牛角包窩夫配3.6牛乳雪糕($88)呢個窩夫非常令人驚喜，好好食🤤！以前食過牛角包窩夫，比人嘅感覺都好似食緊甜嘅牛角包咁。但呢個窩夫嘅味道係似窩夫甜品，同時亦食到牛角包嘅酥香😋 焦糖燒得好香，焦糖味非常香濃，而且同香蕉嘅味道非常配搭，焦糖加香蕉係絕配🤣 另外，窩夫面嘅黑糖麻糬都非常煙靭，同脆身嘅窩夫一齊食，令口感更加豐富。3.6牛乳雪糕奶味濃郁，唔會太甜，將窩夫、忌廉，雪糕撈埋一齊食，一冷一熱嘅口感，焦糖味同牛奶味互相配合，感覺超爽🤤 而且窩夫、忌廉同埋雪糕都係分開放，唔會咁易溶晒👍🏻味道：9.5

Score 分數： A沙田新開嘅“仙滿堂”，大家有冇試過？還是見咁多排隊所以唔等啦？講堅，好野就硬係多人排隊架啦！加上新野喎，硬係多人試架啦那.....我試過一些口味，我樣樣都覺得好味嘅！至於真係要我推薦下，今日心情嘅我推薦 Oreo 雪糕麻糬杯 - 佢分上中下3層，第一層雪糕，第二層水晶啫喱，第三層Oreo牛奶麻糬。佢地個雪糕唔單止又香又滑，而且冇咩雪嘅感覺，姐係咩？三個字“滑豬豬‘’。水晶好好口感好Q彈..牙。至於個麻糬就好Oreo，咩叫好Oreo? 姐係豬有豬味，雞有雞味，Oreo又有牛奶味 羅～比個tips大家： 絕對唔好叫佢d布甸和芋圓

新城市廣場前排開咗間台式甜品店，主打仙草甜品，前幾日去咗試，選擇都幾多，味道唔錯，服務態度好好，去開附近不妨試一試！🥄招牌仙草 $58仙草份量都幾多，配料有芋圓、白玉、紅豆、薏米，仙草幾滑，唔會太甜，唔係嗰啲落咗好多糖水嘅味道。芋圓、白玉味道正常，如果再煙韌Q彈就更好啦。反而薏米幾好食！🍨 Orea麻糬杯 $68想食雪糕，叫咗呢杯試吓～ 上層係3.5牛乳雪糕，中間係水晶啫喱，底層係Orea碎同牛奶麻糬。雪糕好軟滑，好香牛乳味，中間有勁多水晶啫喱，好滑溜口感幾好。牛奶麻糬軟糯，加埋Oreo碎一齊食，軟中的帶脆。整體味道都唔錯～ 🍑白桃茉莉烏龍 $36幾有驚喜，本身無預到會有埋桃肉，以為淨係一杯茶。淨食桃肉會偏甜，撈埋茶一齊飲會比較好，茉莉烏龍清新解渴，幾好飲！

嗰日行過沙田見到呢間甜品鋪開業無耐，裝修又夠光亮精美，就比佢吸引咗入去食個飯後甜品😂😂仙草1號 $55好大碗又足料🤩 配料豐富，有招牌仙草、珍珠、紅豆、薏米，食完真係會飽🫢 本身以為奶茶凍口感似布甸，食落有啲似奶茶味嘅大菜糕，幾得意🤣 茶味都幾濃😚招牌麻糬牛角包窩夫配3.5牛乳雪糕 $98擺盤賣相相當精緻，牛角包窩夫切落去係微脆，唔甜嘅，口感相當唔錯，而表面嘅忌廉都相當綿密，麻糬亦都夠哂煙韌，奶味偏重，好似🐻好奶味嘅就食上癮喇🤣 雪糕係雲呢拿味，超級甜🥴呢款係一次過滿足你三個願望😂整體嚟講，價錢同份量成正比，味道都有中上嘅水準，而且擺盤方面都幾啱打卡，新城市入面甜品鋪選擇亦唔算多，佢會係一個相當唔錯嘅甜品選擇👍🏻

老公是仙草愛好者，係新城市搵甜品食時發現仙滿堂就要入去！門面以和風設計，主打仙草甜品外，亦有供應牛角窩夫、白玉丸子等甜品！仙草牛牛 $65 內容物超豐富，有仙草、紅豆薏仁、芋泥球、迷你白玉丸子、3.6牛乳雪糕雪糕軟滑有香濃奶香感，整體口感好正常，唔會太甜！喜歡有薏米同有顆粒感嘅芋泥球，配搭牛乳軟雪糕絕對有加分！芝士奶蓋白玉丸子 6粒$42 豆乳抹茶味 造型100分微咸濃稠芝士奶蓋醬實在太出色，零死角包裹住煙煙韌韌白玉丸子亦加了黃豆粉及抹茶粉作裝飾！綿蜜紅豆芋鮮豆漿 $38 外貌非常平庸，不過豆漿豆香係幾濃郁，加了紅豆芋泥口感依然順滑！

今日要去新城市迪卡儂買dd運動用品，買完有少少口痕想食少少小食。本身想食魚蛋燒賣之類。不過我太耐冇行沙田，根本唔firm邊個位有呢d，所以見有間甜品鋪就打算坐低食甜品就算～其實未食過唔知有咩食，本身想叫仙草1號，不過落單個女職員Sharon話好大碗怕我食唔曬!佢推薦我食Oreo脆脆丸子（$42）同埋桃膠鮮豆漿（$36）個丸子軟淋淋，入口就溶溶地，好甜嘅我表示好鐘意！至於桃膠鮮豆漿入面好多桃膠口感豐富，豆漿好似冇糖原汁原味！$36算抵飲，平時其他台式飲品差唔多價錢但用料冇呢個咁健康！見到隔離食仙草嗰d貌似不錯，下次可以試試！

早排男朋友買外賣糖水做宵夜比我食,我一直心心念念個芋泥🥲今日決定去食~招牌豆腐花 凍 $50豆腐花、紅豆、珍珠、芋圓、迷你白玉雙芋紅豆湯 凍 $50紅豆湯、芋泥、芋圓、迷你白玉、仙草價錢望落唔係平但好大碗勁多料!如果細食嘅女仔應該可以當飯食XD但我明明記得上次外賣冇咁大兜🤔所以我就問staff有個叫Sharon嘅staff好有耐性解答我佢話堂食有服務費但相對份量都會比外賣多😉另外佢話呢到d芋泥芋圓等等都係每日師傅新鮮製造所以如果想凍食就可能晏d嚟先有(朝早鮮製完要時間雪先夠凍)仙草就係每晚整完雪凍第二日用估唔到咁有心機好多都係雪咗N日雪到酸酸餿餿😕難怪芋泥一如上次食外賣嘅時候咁好食好香滑又軟綿綿冇沙好似軟雪糕芋圓好煙韌但唔痴牙🤤我下次再嚟堂食一定唔可以食得太飽因為仙滿堂太足料喇👍⭐️Rumple港女評分⭐️味道: 5/5環境: 4/5服務: 5/5抵食: 4.5/5Please follow Rumplestiltskin aka 名字古怪的小矮人呢個港女代你試盡香港好食好用嘅🤩#Rumplestiltskinaka名字古怪的小矮人 #飲食 #美食 #優惠 #抵食 #hk #food #f

之前經過見到新開一直想試下不過好奇怪，入座前要喺門口reception先揀位，再點餐，但又唔洗比錢住有最低消費：每人一樣食品或飲品星期四7:50pm黎，空無一人，2個人都唔比坐4人位(走嘅時候大概8:15pm都先坐多3枱)叫咗Oreo 3.6牛乳麻糬窩夫+仙草凍冬瓜茶窩夫普通過普通，唔脆，非常“林“，唔啱我口味麻糬唔夠煙韌，全碟最好食係塊Oreo仙草冬瓜茶正常好味，仙草好足料，甜度都剛剛好總結：可以比多次機會試下其他嘢

叫左D 外賣糖水，一個紅豆一個仙草招牌嘢，紅豆就好似自己屋企煲既紅豆水咁加左糖水芋圓等其實好普通，唔值60蚊。另外仙草同出面分別唔大，而且送黎既呢碗係唔知唔夠糖定點，唔甜既，落完奶就得奶味。整體就係好一般，可能樓下糖水舖都好食D。麻煩店家真係要改善🫠另外，外賣本新已經加左價錢，加上我用開叫外賣發現有倒瀉既情況，或者可能係外賣員揸得唔好，但我細睇係個蓋無埋曬口，咁外賣員車過來一定有顛簸，倒瀉真係無辦法。所以店員處理外賣要小心謹慎。

最低消費每人最少要叫一個糖水，叫了個熱豆花2號，豆腐花冇豆味，面頭的意米，紅豆，桃膠和珍珠是凍的，比左少少糖水，好淡，要多少少糖水要另收$1。整體來說，不吃也罷。

幾十蚊碗甜品，似係買現成材料倒晒落碗就上枱，完全唔好食。布甸🍮上面勁多小洞，又唔滑又唔香，仲差過超市買既日本布甸。見到枱枱食剩好多雪糕。奶茶布甸豆漿又係無咩特別，唔香唔滑布甸溝埋杯百福豆漿咁。自己整都好味過佢。入座安排又混亂，鋪位門口又細，排隊俾錢同入座都係同一counter 做。

在店舖門口睇menu,職員出來提供外賣單，並禮貌邀請入內😃，我看了有喜歡的芋圓，便入內試試,職員問外賣定堂食，知道堂食後，十分細心問我會否怕冷，安排離風口遠的位置👍自行掃code落單，不需5分鐘，甜品來了，十分十分十分喜歡，糖水另上，可自行加，我沒有加，紅荳及芋圓都帶甜味✌️，芋圓好軟糯，紅荳不太甜，薏仁軟硬適中，唔細碗，1個人食剛剛好，剛過lunch time,我估計tea time或甜品時間需等位呢！😆用餐時間1小時😃會長期幫襯😋😋

今日嗌咗個豆腐花牛牛，賣相很好好睇，同埋佢個雪糕真係好好食！！！好大舊好濃牛奶味重要好實好有份量😻😻😻另外啊成個糖水份量都好足夠，唔食正餐淨係嗌呢個糖水嚟食已經好夠飽！！！全部配料都好好食好襯個豆腐花！😋😋😋另外佢個裝修好靚好可愛，啲燈光好好，去打卡一定影到好多靚相😻另外啲店員態度好好，佢地好nice好friendly，serve得我地好好🫶🏼下次一定會繼續同Friends嚟食，太讚了！😻😻