世紀椰汁

Open Now

Now Closed

地圖寫譚公道其實間鋪系新山道果度譚公道一轉過去新山道就望到，買左杯大杯試味消費9蚊，入口夠曬冰凍椰味好濃不過個人覺得太甜（本人一向吾鐘意食甜野），不過整體黎講都吾錯有8.5分！

炎熱潮濕下的天氣同朋友去土瓜灣，實在十分需要凍飲來止止口渴。開了40多年的老字號，即使位置唔起眼亦都吸引不少人前來購買椰汁。其實還有其他枝裝茶，罐裝汽水與紙包飲品香煙售賣，與一般小士多無異。枝裝17蚊，大杯裝9蚊，細杯裝8蚊，價錢合理。店員用椰子肉，椰青水，淡奶同冰攪拌而成，飲落很有椰味很滑，感覺不是將貨就價。而且行左成個下午，再拎出來飲依然是這麽冰凍，味道不變。

我從小就很喜歡鮮榨椰汁，椰子既香加埋淡奶既滑簡直係絕配。以九元一杯大鮮榨椰汁真係值回票價。有真椰子香味，如果用較優質淡奶，質地更滑就更佳。大家經過不妨買杯試試。

椰汁 大大支樽裝$17睇住佢加水加椰肉加冰加淡奶用搞伴機搞成一開蓋 椰香撲鼻 一飲之下發覺唔係飲緊椰汁 而係飲緊椰子沙冰再等15分鐘 冰全溶 再搖勻即刻順喉好飲好多斜對面就係賣雞球麵出名既譽麵坊椰汁 + 雞球麵 絕對係完美組合 推介俾大家試下

市面上有賣人手製椰汁既就係出名既椰汁大王，不過佢地既質素就每況越下，越飲越淡，變左一杯甜既椰子味既奶。今日特地經過土瓜灣既時候去拜訪下呢間椰汁店，無華麗既裝潢，連杯都係平時既橙色背景既花草杯。既然OPENRICE入面既食家都覺得OK，我一於叫左大樽。飲落去有種厚實既感覺，無個種"希"既糖水既感覺。加上舌頭微微FEEL到有D椰碎，可以佢有落D奶，飲完有點漿喉既感覺。不過佢裝個陣仲驚佢唔夠凍，飲落去凍到入心入肺。 總結來講，好抵又好飲，可惜佢係小店，不過小店有佢本身自己控制到既質素，可能下次想飲既時候都只能夠特登入去。

今日由於工作關係，我經過土瓜灣一下，天氣又熱，又忽然口乾，想買D野飲。就係我想去買野飲ge時侯，估唔到咁岩就見到呢到有間賣椰汁，價錢又幾抵，於是就貪方便買左支椰汁，開頭以為D椰汁會好甜，點知飲第一啖就比到一個好清新，好又椰香ge 感覺，簡直好似初戀咁。呢一種ge感覺令我情不自感咁一口氣飲哂佢，飲到最底我發現原來係有D椰絲。我問個太子爺D椰汁係唔係日日新鮮榨，佢就同我講見你咁識貨，私人請多一杯!我真係太好彩啦，竟然飲到天然新鮮榨ge椰汁!

身為土瓜灣街坊,見証椰汁店既變遷,由昔日街邊戲院旁推車小檔到後來入鋪做禮記,再到依家重新開業,命為世紀椰汁.鋪頭老細由後生仔做到依家成40幾年.椰汁做法碩果僅存,有別於其他椰汁店用椰漿開,每更朝早都可欣賞到老闆或老闆娘即開椰子,取椰肉.其40年刀功無人能比. 椰汁製作過程複雜,先開椰子取其椰肉及椰水,再批皮,再把椰肉切成小塊把切好之椰子塊和椰水放入機攪成椰汁,再加以冰及黑白淡奶攪成,美味的椰汁就誕生,如此複雜的椰汁多少錢?其價錢十分便宜,街坊價只係8蚊大杯,17蚊一樽.想飲到本地最正宗椰汁?唯有世紀椰汁

夏日炎炎，逛了一會已經感到好熱又口乾，剛經過見到有一間買鮮榨椰汁的小店，店中的椰汁都是以加入碎冰、花奶、椰子肉及砂糖再用攪拌機攪拌而成， 店中的椰汁分別是大杯$8及細杯$7，如果大支的樽裝椰汁是$15。價錢都好合理。可以健康一些，我就點了一杯小甜的大杯椰汁，味道真是好厚身香滑，雖然是隔了椰子肉渣，但仍感到充滿椰子的鮮香，口感順滑，冰涼解渴，甜度不會太甜膩，少許花奶提味果然不錯。建議希望店方可以提供無糖口味!

在附近食完嘢途經此店,見$7一杯大大杯椰汁,比起旺角平好多.不防一試啊,入口唔錯,好有椰汁香味,又滑又唔會有渣,最重要是起碼都唔覺得有溝水或加冰啦!清甜解渴,唔錯嘅選擇.

依幾日天氣實在十分悶熱所以等到放工的時侯, 幫襯椰汁店幾乎係我每日都做的事.. 就係禁, 我同老闆做咗朋友啦原來佢地之前因為業主業權轉讓的問題, 結業了一陣子, 但後來新業主願意於原址隔離間一個比較細的舖位比老闆本人之所以寫這個食評不只是因為老闆是我的朋友, 而且真心覺得他們的椰汁是真材實料, 清涼解渴, 還比起一些氣水或什麼珍珠奶茶健康得多, 而且老闆堅持加租不加價, 這種精神實在值得欣賞呀!!如果你地係依個炎熱的夏天唔知飲咩解渴的話, 你可以去椰汁舖大聲叫: 大杯唔該!! XD