一起食堂 (威利廣場)

Open Now

Now Closed

今日同朋友去觀塘行街、行完覺得好肚餓， 咁就順便食埋野先返屋企， 我即刻就諗起d 間台灣餐廳.上次食， 我都覺得好好味， 特別係花雕麻油雞湯麵， 食完已經好回味， 今日再encore 個湯麵上枱已經聞到好重花雕既香味，如果想酒味再濃郁啲，已預備咗一杯花雕酒，可以按自己需要再加入去，雞肉亦都超嫩滑，真係好好味👍👍我地再叫咗府城蝦卷， 個皮好薄好脆， 入口啖啖肉， 口感唔錯， 另外酥炸地瓜條， 即炸， 熱辣辣， 香脆可口， 地瓜重好甜.😋😋😋最後， 叫咗個芋圓仙草冰， 完美作結😍

今日同朋友去觀塘行街，記起附近有間台灣餐廳＜一起食堂＞好好味，就去醫肚見到個餐牌好多嘢想食，但印象最深刻既就係花雕麻油雞湯麵（其實我係為佢而黎🤭），個湯麵上枱已經好大浸麻油混入花雕既香味，绝對令人食指大動，如果想酒味再濃郁啲，佢備有一杯花雕酒，可以自己再加入去，食下舊雞超嫩滑，真係好好味啊😋😋朋友就叫左個吉列豬扒冷烏冬，麵汁超彈牙配上開胃既柚子汁超好味，柚子汁令人食不停，吉列豬扒香脆爽口😋除此之外我地仲叫左幾款小食，城府蝦卷、酥炸地瓜條、鹽酥雞，烤台灣香腸，雖然有啲熱氣，但呢d香口嘢真係冇得輸，尤其個城府蝦卷，睇佢外表冇諗個入口咁嫩滑，有啲入口既溶既感覺😋食台灣嘢當然少不了要叫杯飲品，我叫左杯珍珠奶茶，阿女叫左杯檸檬多多，原來係檸檬加益力多，酸酸甜甜好特別想食台灣嘢一定要再黎🤭下次再其他小食🤤🤤

位於觀塘工廠區的台式食店。店入邊有好多卡位同埋梳化位，枱凳都夠大張好闊落。自己tick 食物紙落單。吃了幾款小食，飯和甜品。以下是根據我覺得好食和抵食的排先後：1）滷牛健 $39有五大件，每一件都好厚，好入味又夠淋。2）黑糖豬軟骨飯 $72豬軟骨份量頗多，一樣是煮得好淋好入味，而且仲有一隻溫泉蛋， 用來拌飯很好吃。3）吉列炸蠔 $48有四隻，炸得很乾爽，不會有油膩感，外脆內軟。抵食！4）芋團燒仙草 $35這個有熱和凍的選擇，我們選了熱的，來的時候一大湯碗，是拉麵碗這麼大。熱的鮮草是液體，冷凍了慢慢會變杰，就是平時飲品的仙草凍。熱食又是另一番風味。他的芋圓做得很好，口感煙韌，而且很香芋頭和番薯味。5）鹽酥雞 $48這個炸得很香脆，如果送啤酒一流。6）烤台灣香腸 $32會跟蒜片一起上，可以夾埋一齊食。以前吃過的台灣食店都比較濃味和炸物比較油，這間一起食堂沒有這個問題，炸物碟底完全沒有油，甜品也不會過甜，口味比較適合我，想食台灣嘢的時候會再去。喜歡我的食評請追蹤，按贊，謝謝。

觀塘是一個隱藏了很多美食的地區，於是就去了觀塘開源道48號威利廣場地下G5號舖的一起食堂開餐。食堂採日系的裝修，地方寬敞，主打台式和日式便當，還有小食，甜品和多款的飲品。我們兩人點了點菜紙上其中兩款有打星星的食物－花雕麻油雞湯麵，黑糖豬軟骨飯，還點了燙青菜，酥炸地瓜條及兩杯飲品。花雕麻油雞湯麵$79隨湯麵附上一小杯花雕酒，可按個人喜好的份量加入。雞肉卷好滑好嫩好入味，麵條似烏冬煙靭彈牙，且好足料，有紅棗杞子和冬菇，整碗湯麵充滿淡淡的酒香和麻香味，好介紹。-黑糖豬軟骨飯$72豬軟骨炆得很軟淋，啲飯混埋溫泉蛋同酸薑，不覺油膩之餘，開胃又好食，打星之選。燙青菜$26加咗炸蒜，令清脆的生菜更美味。酥炸地瓜條$42地瓜條炸得酥脆又香甜，食到停唔到口。冷泡四季春茶及綠茶多多$25/杯兩杯茶都有淡淡的茶香味，且不會太甜啱晒我哋，好飲。

喺公司附近有間台灣菜，裝修有啲日系風，木係裝修配燈籠感覺好舒服～ 餐牌選擇都幾多，唔止有台灣菜，仲有日式料理～酥炸地瓜條 $42份量好豐富，地瓜條炸到金黃色好香脆，粉漿好薄唔會油膩，味道香甜，會食唔停口～府城蝦卷 $32外皮腐皮炸到好酥脆，裏面蝦卷好Q彈，配埋沙律醬好惹味，推薦必食～肉燥燙青菜 $30青菜翠綠爽脆，肉燥份量都幾多，配埋一齊好夾～貢丸湯 $15貢丸有三大粒，口感爽口彈牙，湯底加咗香蔥香蒜好香～台式四寶飯 $69材料好豐富，包括滷水雞翼，滷水豬耳，滷水蛋，肉燥～ 滷水雞翼好大隻，滷水汁好入味～ 滷水豬耳好爽脆～ 滷水蛋好香蛋味，滷得好入味～ 飯底份量好多，建議叫小飯～黑糖豬軟骨飯 $72豬軟骨肥瘦適中，軟骨位置好爽脆，味道香濃有少少黑糖嘅甜味～ 配埋糖心蛋撈飯食～愛玉鳳梨綠茶 $25酸甜開胃，味道清新，帶有鳳梨香味，中間食到有愛玉好有口感～芋圓燒仙草 $35第一次食熱嘅仙草湯，香味更濃郁，等仙草微微放涼後就會結成啫喱狀，有兩種口感～ 芋圓煙韌，整體唔會太甜～整體食物質素唔錯，價錢合理，食物選擇豐富，除咗台灣菜仲有日式菜；上菜速度好快，職員服務態度主動友善，亦會問適合啱唔啱食

主食🔵花雕麻油雞湯麵$79呢個湯麵不得了，湯底好清甜有龍眼肉，杞子，冬菇再配麻油雞，好滋陰，麵底彈牙。 店主高明，個個酒量不一，所以花雕酒係分開上的，因應個人能力食幾多落幾多👍佢地既花雕酒，酒香馥郁芬芳，酒味甘香醇厚,淋入雞湯麵內，食一啖麵飲一啖湯，真係食到我舐舐脷，好味👍🔵黑糖豬軟骨飯$72呢個飯唔係淨係得豬軟骨咁簡單，再配埋呢個溫泉蛋好出色。呢個黑糖豬軟骨飯都係餐廳嘅signature，食過就明白點解係鎮店之寶，佢哋個豬軟骨唔嚡口好淋，嗰啲軟骨炆到淋曬好骨膠原呀食完呢個飯覺得自己皮膚都Q彈左😋小食🟠麻辣香鹵豬耳朵$39分量超多，好麻香，豬耳朵炆得好淋🟠炸花枝丸$39好有台北夜市的感覺🤩花枝丸裏面真係有花枝肉粒，好咬口🟠吉列炸蠔$48餐廳炸物有水準，肯定啲油好新鮮，炸出出嚟食身效果好好，炸蠔外脆內軟，掂飲品🟢半糖珍珠奶茶$25而家個個都要健康，呢度嘅飲品有無糖/半糖/正常三個甜度比客人選擇，我就揀咗半糖味道，好啱我口味，奶茶夠香滑珍珠夠Q彈🧋

九龍人難得黎下觀塘😌😌順便街frd子收工！然後食呢間台灣菜☺️之前係中環嗰邊有食過，要再食一次！紅燒三寶牛肉麵💰89有牛腱，牛丸，和牛肋條！還有大大的白蘿蔔和紅蘿蔔，真係好足料！我鍾意佢嘅湯底，好濃烈既牛肉燙湯味😆花雕麻油雞湯麵💰79真係大大杯花雕上台嘎😗麻油雞湯味道濃郁，雞肉都嫩滑！加上少少花雕味道更好！可以按照自己喜好隨意調整喔！鹽酥雞💰48新鮮炸雞鹽酥雞真係最好食！佢係有醃過味道，加埋面既調味粉，一啖一粒府城蝦卷💰32蝦味十足喔！不過份量有啲少😆😆肉燥燙青菜🥬💰30店面比中環點大好多，所以環境更加寬敞！晚飯時間都好多人！不過服務員好nice！會隨時查看情況😊😊飲品：仙草奶茶🧋 & 愛玉鳳梨綠茶🍵🍴一起食堂 (威利廣場) (觀塘)📍觀塘開源道48號威利廣場地下G5號舖💰人均150+

最近在灣仔開了新分店，大家要多多支持~餐廳空間大，環境休閒舒適，不設用餐時限食物方面主打台式及日式便當，以便宜價錢食到高質素食物，絕對值得試👍🏻 附近上班人士必收藏🙆🏻‍♀️ 特別一讚 店員服務態度很好！🤗 晚市二人消費：$300 🫧不設加一服務費🫧💖💖💖食評💖💖💖𝑭𝒐𝒐𝒅紅燒三寶牛肉麵 ($89)✨牛腱、牛丸、牛肋條人氣之選，果然是招牌菜，有驚喜！湯底本身鮮甜香濃，味道非常好😚 烏龍麵非常滑溜彈牙，份量多，牛肉大大件又厚身，肉質好軟腍入味，配有紅蘿蔔，好飽肚好滿足👍🏻三杯雞飯 配湯 ($72)✨飽肚之選！大大件雞塊 肉質十分嫩滑，配珍珠米飯吃一流🤤🤤 醬汁份量足夠 唔會dry，米飯份量好多，另有附上熱湯☺️👍🏻好滿足~𝑺𝒏𝒂𝒄𝒌一口炸芝士 ($48)✨香脆可口，好味👍🏻🥬燙青菜 ($26)✨新鮮油麥菜，份量多🍲貢丸湯 ($15)✨熱騰騰，味道清香鮮甜，大大粒貢丸爽口彈牙😚𝑫𝒓𝒊𝒏𝒌🧋紅豆奶茶 ($25/冷)✨🧋珍珠奶茶 ($25/冷)✨

觀塘真係好多野食，今日阿囡話要食台式野，搵左間好易去又未食過既，只需要係開源道一直行就到！有卡位坐，枱面有紙筆自助選，阿囡最開心有得畫自己話事揀食咩。我想講呢度碗魯肉飯非一般呀，好大碗，仲有隻鹵水蛋加埋啲菜一齊。咁小食阿囡發辦鹽酥雞+酥炸地瓜條，我地口味都一樣，十分滿意，食得出即叫即整又有台灣風味！ 接二連三係咁食！ 等阿囡慢慢食之際，我就嗌埋碗芋圓仙草凍嘆下先，都係大大碗又多料，$38 咋，性價比高，食得開心！

星期六番工又黎一起食堂食台灣野一至五平日比較難搵位，星期六人無甘多就易d 搵位豆乳雞烏龍麵原來我一直都未試過佢地既豆乳湯底！湯底帶陣豆香味，烏龍麵比較似烏冬甘彈牙兩者夾埋好好食！一起食堂既雞係比較似雞卷豆乳湯底加持下雞卷好似都滑身d肉燥貢丸湯米粉肉燥份量多，湯底都會濃郁d貢丸好大粒，味道夠米粉食極都唔完甘，好足料鹽酥雞炸得好香脆，偏硬身，味道岩岩好炸花枝丸新鮮熱辣炸起面頭有大量孜然粉，食落孜然味加埋花枝味係台灣既味道酥炸地瓜條又係新鮮炸起份量好多，蕃薯口感較粉，少少甜味仙草奶茶奶茶味道岩岩好，配埋仙草滑捋捋愛玉鳳梨綠茶雖然無得較甜度，但甜味岩岩好，唔會太甜有淡淡既鳳梨味，愛玉有口感

觀塘嘅台灣菜特別多，食過呢間一起食堂幾次，最欣賞呢度餐點選擇夠晒多，除左煎炸食物之外，仲有好多健康選擇，同埋調味清爽唔會太鹹，比較啱我口味😚。 🍴紅燒三寶牛肉麵 (牛腱 牛丸 牛肋條) $88推薦👍台灣菜必食牛肉麵啦😄湯底有濃郁牛味 亦有蔬菜嘅清甜牛三寶都唔錯 最鐘意牛腱同牛丸牛腱超軟腍 牛丸有肉汁每款主食旁邊仲有配前菜同小甜品架😚 🍴豆乳雞烏龍麵 $78俾佢嘅湯底吸引左豆乳湯清清地 飲得出有豆香入口好順滑 配埋滑滑嘅烏冬滑到可以“𠽌”入口😆好欣賞個雞卷 係超嫩😍！仲有好索湯嘅豆卜☺☺ 🍴鹽酥雞 $38好大碟！份量勁多炸得脆口又唔油膩入面肉質唔會乾 而且調味剛剛好讚👍 🍴府城蝦卷 $28腐皮包住蝦肉口感軟軟 有蝦味仲有脆脆嘅沙葛增加口感 🍴紅豆奶茶 (午市+$12)🍴檸檬多多 (午市+$12)奶茶有茶味 就算正常糖都唔會好甜檸檬多多夠晒清新 酸味好解滯😉

一起食堂 觀塘真係好多好西食，今次走去遠少少嘅威利廣場食「一起食堂」，雖然遠望無招牌，但見到人龍應該無去錯掛。餐廳門口都係有一級，又係到我塊板出場時候，唔算太高，門口窄得嚟輪椅算入到，入到餐廳入面算好大，日式木系裝修，坐得好舒服！食食下好奇問經理點解餐廳無招牌，佢話大廈唔比整，連foam board同poster勉強先可以痴，真係好陰公，只能靠口碑同熟客介紹先搵到嚟呢度食！1.黑糖豬軟骨飯$72（8/10）有幾塊好大塊無骨嘅豬軟骨，甜甜地超淋又大舊，再配埋溫泉蛋撈埋飯好正，飯應該係用日本米。小食有中華沙律、紫薯同抹茶糕2.日式咖哩炸雞飯$72（9/10）呢碗日式咖哩炸雞飯個咖哩係甜甜地，炸雞有舊，炸得唔乾身，雞肉好食，飯應該係用日本米。小食有中華沙律、紫薯同抹茶糕3.滷牛展$39（8/10）呢碟滷牛展唔會咸，雖然得5舊，但每一舊都係厚切，又淋又入味！4.酥炸地瓜條$42（9/10）地瓜條炸得好脆，薄薄炸粉令每一啖食到地瓜味又香又甜，每一條都係粗長，超好食！5.仙草奶茶（冷）$25（9/10）奶同茶無互相搶，唔會好甜，奶茶好滑，仙草算多，唔錯！6.芋圓仙草凍$40（10/10）上次去中環

平時去台灣最鍾意就係當地嘅人情味同埋店員嘅熱情好客,估唔到呢番感覺響呢度都搵到。地點就響威利廣場附近,門外打落黎既招牌都好搶眼。出邊好多食台灣菜既舖頭都坐得好迫,好彩呢度個位置都好寬敞。原條蒲燒鰻魚飯一見到條鰻魚 真係長到曄一聲,原條最吸引鰻魚都好厚肉,有小小香烤過既感覺加上一隻半熟温泉蛋,perfect match 作為鰻魚愛好者既我食到一粒飯都無剩黑糖豬軟骨飯用黑糖煮豬軟骨真係第一次食啲豬軟骨淋到好似啫喱咁,非常入味而且個汁咁樣撈埋勁好送飯鹽水雞平時食鹽酥雞就多,因為唔想咁熱氣,所以就試吓呢個鹽水雞味道唔太濃,連埋配菜食非常清新。再配搭埋珍珠奶茶同埋白桃烏龍茶為呢餐台灣菜畫完美的句號離開時店員再三多謝,實在太好服務😁

今個星期日下晝，我又去咗「一起食堂」食lunch，真係食得好滿足🤤！我哋叫咗幾款麵，其中最出色係佢哋嘅花雕麻油雞湯麵🍜！啲雞湯好清香，加埋麻油味濃郁，麵條爽口有彈性，真係一流👍！另外，豆乳雞烏龍麵亦都唔錯，麵條夠彈牙，湯底有豆乳嘅香味，配埋啲滑嫩嘅雞肉，好適合追求健康嘅人士😊。我哋亦都試咗佢哋嘅肉燥花技丸湯米粉+鹽酥雞，雖然湯底唔算好特別，但花技丸真係好好味，又Q彈，加埋啲肉燥同鹽酥雞，味道更加豐富🍲🍗！鹽酥雞非常香口好味👍🏻😋最後，我哋都唔少得試咗啲甜品啦，芋圓仙草凍，芋圓同仙草凍都唔會太甜，真係好夠味啊😋！整體嚟講，「一起食堂」嘅食物質素唔錯，又有唔少選擇，價錢亦都合理，值得一試👍！

花雕麻油雞湯麵比起傳統既用米酒作麻油雞餐廳用上花雕酒更添風味好香濃既麻油味飲每啖湯都好甘甜雞肉用上雞腿肉好嫩滑冬菇吸收晒湯汁味道好淋軟餐廳花雕酒另外上酒味都好濃，如果唔飲得可以適量加葱油雞肉乾拌麵古早味既乾拌麵香蔥味道經過油炸好突出加上蔥酥、醬油拌上彈牙既拌麵雞肉撕成一絲絲雞肉較為有口感古早滷水拼盆有牛腱、雞冀、豬耳、滷蛋一共4樣牛腱滷得入味唔韌咸香得黎食得出牛味雞翼都唔錯，好嫩滑豬耳岩岩好入味得黎爽口烤台灣香腸大推呢間既台式香腸香腸口感紮實，嚼勁十足甜甜地配上辛辣既生蒜更好味愛玉鳳梨綠茶 /冷泡白桃烏龍茶飲料茶味好突出愛玉鳳梨首先酸甜，然後茶味既回甘白桃烏龍茶好清新茶味加上一絲絲既白桃味