一起食堂 (域多利皇后街)

Open Now

Now Closed

中午食飯時間 好想食台灣野😆有朋友推介 決定一試黎左一個花雕麻油雞湯麵湯底好清 好香 再加埋花雕 超好味😋份量好多有四大塊雞卷食得好滿足🥰🥰另外再叫左一份鹽酥雞同炸𤐶好香脆😙😙 唔太鹹唔夠喉再黎多一份迷你仙草芋圓仙草好夠味 帶微甜 🥰芋圓非常煙靭 煮得剛剛好 值得一讚👍🏼👍🏼

中環雖然很多美食，但今次我地揀咗呢間台式料理。價錢合理又好味😋花雕麻油雞湯麵 $89送餐時，會有一小杯花雕跟餐來，可因應個人喜好加入適合的份量，非常特別的serving 方式。本身的湯已有麻油香，再加入花雕，對於我本身喜歡花雕酒味嘅人，加入全杯花雕酒，一路食麵一路飲湯，非常美味！而雞件都醃得很入味，又嫩又滑紅燒三寶牛肉麵 $99三寶有牛丸、牛腱、牛肋條。牛丸彈牙有汁，牛腱同牛肋條都炆得夠淋又入味。🥤愛玉荔枝綠茶 （跟餐+$12）香甜荔枝味，綠茶都夠滑，飲每啖都有愛玉😋。🥤愛玉鳳梨綠茶 （跟餐+$12）鳳梨可解油膩感，淡淡綠茶味👍🏻芋圓仙草凍-迷你 （跟餐+$12）做飯後甜品一小碗，仙草凍爽爽的，芋圓QQ的👍🏻鹽酥雞 $38份量十足，雞件外脆內軟，如果再多啲鹽酥粉會更加好味😊 芋圓燒仙草 $35芋圓份量很足，燒仙草有台灣嘅味道🥰

一起食堂喺觀塘、中環都有分店大多數人黎到都係點台式食品 但係呢度嘅日式蓋飯同麵都唔錯☺️~.🌟蝦膏豚肉櫻花蝦麵 $89呢個係冬天限定嘅拉麵☃️ 食之前可以攪拌下湯底 等蝦膏醬溶入湯底🍜蝦膏加上櫻花蝦鮮味濃郁🦐麵底用左烏冬 所以唔同平時食開嘅拉麵豚肉亦都好有心思 入口軟腍仲好香油脂.🌟蒲燒鰻魚飯 $99好大條鰻魚 而且鰻魚嘅質素好好魚肉綿滑結實👍🏻 再加上半熟溫泉蛋🥚 非常好送飯.🌟鹽酥雞 $38一碟有好多粒鹽酥雞🐔點黎當小食同朋友share啱啱好亦都可以過下食台灣小食嘅口癮😝.🌟芋圓仙草凍 $38估唔到咁大碗 絕對夠兩個人share食🤩有唔同顏色同口味嘅芋圓 仲有紅豆🫘同仙草作為飯後甜品令人好滿足😋.🌟珍珠奶茶 $24奶味較重 係經典口味🧋.🌟愛玉鳳梨綠茶 $24鳳梨🍍同綠茶🍵呢個組合第一次食味道清新 Q彈嘅愛玉更添口感

星期六工作繁忙，延至2點半先可食Lunch,一行 3人到一起食堂，雖已過了2點時段，但小店亦滿坐，但亦慶幸有一張吉枱，不用等位已入坐。小食吉列炸生蠔美味非常，炸粉薄身香脆，蠔外脆內軟，蠔鮮有肉汁唔腥好食～good 飲品正常唔太甜～解渴清甜紅燒三寶牛肉湯麵～有牛腱、牛丸、牛肋條用料十足，牛腱牛肋條炆得淋滑，入口唔痴牙有肉味，麵質比較林少少，湯鮮甜的牛骨味，配上小食海澡、迷理小地瓜及一口小甜品蔥油雞肉伴麵～蔥油香口唔油膩，伴上嫩滑雞肉滷蛋，豐富香口美味魯肉飯～飯選用珍珠米，飯質軟綿配上魯肉的香口，美味非常鹽酥雞～雞肉唔會炸得太乾，但略厭比較淡味，帶不出鹽酥的味道，如喜歡清淡味的朋友會比較喜歡，但個人覺得唔夠味道突出，普普通通。總括小店食物高質，店員有禮，中環區收費唔算貴，下次可再惠顧

中環行完街shopping完🛍️想食得親民啲~呢間台灣嘢就啱晒，性價高🌟好食又份量多，可以同朋友仔share食Main ✿紅燒三寶牛肉麵✿ $99香濃牛肉湯底🥩加上煮腍咗嘅蘿蔔索晒汁，配埋牛肉三寶3️⃣牛腱牛丸牛肋條，食完真係大滿足🥰麵底方面對就略為普遍，唔夠口感Snack ✿鹽酥雞✿ $38炸得酥脆可口，調味好足🍗而且份量好多，岩晒大家叫share食👭🏻Snack ✿炸花枝丸✿ $38Snack ✿烤台灣香腸✿ $32Dessert ✿芋圓燒仙草✿ $35勁推薦❗大大碗見到都流晒口水🤤 芋圓Q彈煙韌，整體唔會太甜👍🏻最鐘意係仙草慢慢由水狀凝結嘅滑溜口感🥄

星期五Happy Friday，午餐去左中環街市附近既一起食堂食返餐經濟午餐。呢度地理位置都好方便。難怪兩點都仲係滿座！一如既往，餐牌簡單一張紙，不過選擇都唔少，有麵，飯，季節限定菜式，小食，飲品同甜品，自己剔紙落單。呢度冇收加一。今日叫左兩個主食同兩款小食分享，仲有甜品！特濃豆乳雞烏龍麵 $89呢個特濃豆乳湯勁香豆乳味，又滑又香，不過唔會太甜，飲完都唔口渴，果然養生。烏龍麵好似烏冬，非常滑溜，個豆乳湯令麵條更香，真係好配烏龍麵。雞其實係醉雞卷，一共有4件，雞皮又薄又滑，雞件帶少少酒味，肉都唔韌，好有台式風味。另外都有兩大塊腐皮，貫切返特濃豆乳呢個主題。配菜有3條小棠菜心同蔥花。呢個特濃豆乳雞烏龍麵的確好健康。原條蒲燒鰻魚飯 $139原條蒲燒鰻魚飯係超大條原條鰻魚，暖暖地上枱，食落彈牙啖啖肉，上面更灑上好多紫菜絲同白芝麻粒，加上豐富鰻魚汁，撈飯一流。呢個係少飯份量，不過飯量都唔少。伴有一隻溫泉蛋，整穿隻蛋蛋汁撈飯就最正。配菜同樣有3條小棠菜心同兩片蘿蔔漬物，仲有少量蔥花。另外跟左一碗胡椒白蘿蔔清湯，飲完都唔口渴。兩個主食都跟有3格小食，分別有枝豆，忌廉泡芙同黃豆粉蕨餅。忌廉泡芙大大粒，

餐廳主打台灣和日本的便當，位於中環地舖位置，適合附近的上班一族。牆壁上掛了各部台灣電影的海報，充滿文青的感覺。有些還是我讀書時期看過的電影啊～滿腦子的回憶頓時浮了起來。職員很友善啊～雖然這裏沒有收加一服務費，但服務都不會馬虎呢～♡花雕麻油雞湯麵$89 🥢必點🥢麵原來是烏冬來，彈牙好吃啊！而花雕是另外有一個小容器裝着的，可以按個人口味來添加。湯底很香濃，內裡有冬菇、杞子和去了核的龍眼以及紅棗，感覺十分養生滋補。而主角麻油雞肉質軟腍，口感幼嫩，十分入味，而且沒有骨，啖啖肉的呢！♡原條蒲燒鰻魚飯$139 🥢必點🥢附有蔥花的湯～賣相已經十分吸引啊！原條的蒲燒鰻魚，整條都佈滿光亮的燒汁，鰻魚肉質軟腍入味。鰻魚上有紫菜和芝麻，加上溏心蛋，配飯好好吃呢！♡鹽酥雞$38台灣菜的必點小食啊～炸得很香脆，炸粉也不會太厚。♡愛玉荔枝綠茶$24平日喝珍珠奶茶比較多，這次想嚐嚐清新一點的茶飲，所以選了這款綠茶。味道不會太甜，並帶有荔枝的香味，內裡還有愛玉，味道不會單調呢～♡芋圓鮮草凍$38 🥢必點🥢有芋圓、紫薯圓、地瓜圓、仙草和紅豆，上菜時嚇了一跳啊！😆超級多的份量，碗已經是大大的碗，還要放得滿滿的，兩人份量都

次次行過呢條街都唔覺眼有間台灣野係度，係今次朋友話想食台灣野先知原來呢度有！同傳統台式餐廳一樣，都係畫紙仔落單，見到餐單第一行既花雕麻油雞湯麵就好想食啦！今日咁凍食呢個暖下個身都唔錯！ 呢個麵好似烏冬咁好有韌度～好好食！😋餐廳會另外擺多杯花雕酒隨餐送上，好貼心～我就好鍾意酒味濃啲，所以成杯倒晒落去🥰呢個雞肉係用扎肉既形式卷起再切件，食落仲有少少花雕酒味～個湯係最好飲的😋😋之後仲叫左台式料理必食既滷肉飯同鹽酥雞個滷肉飯就不過不失，但鹽酥雞就真係一流！份量都好足！粒粒雞都好脆～好好味🤤仲叫左個滷水拼盤，有3款食物，雞翼、蛋、豬耳、牛筋腩～ 再飲埋杯珍珠奶茶同食埋個細份芋圓甜品～真係好滿足呀🥰🥰

真系台灣菜？系中環搵平野食一餐真系幾難，哩間食評話幾好的台灣菜，系中環街市對面。6點幾去到附近，附近幾間餐廳都系坐得5成人，所以最後搵間比較小食的台灣菜，鋪頭吾大，大概都系10張檯以內。本來防疫掃安心出行同針卡都做齊，可惜坐低叫完野睇到其中一個廚師系廚房無戴口罩，失敗。普遍來講，野食同阿X來了比較差好遠，除了香酥雞，所有野都比較淡。蔥油雞肉乾拌麵（$78）（1分）- 吾識台灣蔥油系眯咁，但真系無蔥油香味，雞肉好”鞋”, 一半系碎濕濕，- 麵就好似上海麵好食D.特濃豆乳雞烏龍麵（$89）2分）- 叫之前問過男夥計，烏龍麵系眯即系烏龍茶麵，佢話系，其實應該系扁的烏東麵，麵比較”淋”但幾滑。-特濃？真系差D 連豆乳味都好小。- 雞卷第一淡系吾熱，要浸系個湯一段時間至得，雞比較”鞋”同無雞味。鹽酥雞（$38）4分-酥皮都算薄，味道真系幾香同酥脆。- 肌肉軟滑有雞味燙青菜（$26）- 鼓油都無味。真系好清。

成日好掛住台灣好想食返D台灣野🤪 之前試過呢間一起食堂既觀塘店🤨原來仲有間更就腳既中環店‼️ 價錢合理而去便當份量豐富🍱岩曬Lunch Time 諗唔到食咩既你🤣可以試下高質既台灣菜⭐️ 特濃豆乳雞烏龍麵 🍼湯底好似豆乳鍋咁濃郁但清甜🤍加上油豆腐索曬湯汁好有日式感覺🇯🇵 係台灣菜比較少食到既清新口味😋⭐️ 蔥油土雞肉飯 🍗土雞肉比較瘦但雞味濃郁☺️ 每一口飯都好油亮💫 充滿蔥油既油香 🥗⭐️ 府城蝦捲 🍤⭐️ 鹽酥雞 🐔⭐️ 吉列炸蠔 🦪炸物同樣好有水準🥳 炸得香口而唔會太硬😬 特別鍾意蝦捲😛 蝦肉夠爽口有台南食到既感覺⭐️ 仙草冬瓜茶 🍵⭐️ 冷泡白桃烏龍茶 🍑仙草同冬瓜茶既配搭係好古早味既清甜🖤味道唔會太人工🥳 烏龍茶既茶香比較重 帶一絲絲淡淡既白桃香💕

星期六晚同老公一齊食台灣菜，我地叫左好多野食。紅燒牛肉麵烏冬彈牙滑身，牛肉有四舊，全部都大大舊，而且煮得好腍，好好食。花雕麻油雞湯麵另外有一樽花雕俾你自己倒落湯到，我地倒晒，所以酒味濃郁，雞肉好嫩滑，完全唔鞋。綜合關東煮幾大碗，有白蘿蔔、貢丸、墨魚丸、年糕袋、腐皮、魚餅、獅子狗、冬菇、小棠菜，非常豐富，又清清地。吉列炸蠔炸得好酥脆，蠔既size都唔會好細。鹽酥雞份量頗多，調味岩岩好，唔會過鹹，又夠惹味。

呢一間台灣菜真係又平又好食😋之前都去過佢地觀塘嘅分店 今次就試下中環呢間😆.📌花雕麻油雞湯麵 $89花雕酒用左一個盒仔分開裝 因應自己想要嘅份量再加落去 今次我地就加哂落去 個酒味都幾濃烈 平時唔太飲酒嘅可能會覺得有少少苦🥃入面有四舊雞 質地偏實 但都嫩滑嘅🐔冬菇索左湯好入味 軟腍腍好食😋仲有紅棗、杞子、小棠菜 感覺都幾養生😌.📌蔥油雞肉乾拌麵 $79上次食過好好食 所以要encore 但今次有啲失望🙍🏻肉燥醬嘅份量唔夠多 撈左啲麵之後每條麵都得好少肉燥 食落唔係好夠味🙈好彩雞肉嘅份量都夠多 相對就冇咁dry 加埋面頭嘅蔥同埋炸蒜 成個感覺就豐富左啲😎.📌魯肉飯 $69魯肉半肥瘦 加埋個肉汁撈飯 簡直一流 有想一啖接一啖食嘅感覺🤩佢仲有啲酸菜係側邊 食到有啲膩嘅時候 就可以食少少酸菜 即刻醒哂胃🤤旁邊有三舊細細嘅紫薯入面 唔會話太甜 都幾好食 仲有枝豆同泡芙 正常發揮🍠.📌黑糖豬軟骨飯 $79呢個真係好好食 係MVP✨豬軟骨炆得好腍 好入味 仲要好juicy 軟骨位仲有入口即溶嘅感覺🐷食落好幸福😚不過黑糖味唔係好重～旁邊啲酸薑好醒胃😆仲配埋三款配菜：紫薯、泡芙同枝豆 好豐富🍱.📌鹽酥雞

之前試過觀塘既一起食堂，原來中環都有分店！今晚就黎食個晚飯先返屋企！地點方面非常方便，係中環街市附近。餐牌簡單一張紙，有麵，飯，季節限定烏龍麵，小食，飲品，同甜品，選擇都唔少。冇收加一，自己剔紙落單。今晚一行二人決定叫兩個主食同幾款小食分享，好快就有野食啦。紅燒牛肉麵 $89一上台就聞到紅燒牛肉麵好香既牛肉湯味，但係飲落完全唔油。牛肉有5大件，又腍又重牛味，正呀，係帶少少肥膏啫。蔬菜有大大舊香甜紅蘿蔔同白蘿蔔各一，仲有一條新鮮小棠菜，另外灑上蔥花。個麵居然係烏龍麵，好驚喜。特濃豆乳雞烏龍麵 $89呢個湯勁香豆乳味，又滑又香甜，果然養生。豆乳湯味道好配烏龍麵，烏龍麵其實好似烏冬，非常之滑溜，個豆乳湯令麵條更香，絕配。醉雞卷4件，帶少少酒味，肉唔韌。另有兩大塊腐皮，好香又濃豆腐味。仲有一條新鮮小棠菜同蔥花。呢個特濃豆乳雞烏龍麵有特色，值得一試。吉列炸蠔 $48吉列炸蠔一客4件，炸皮香脆，入面隻蠔多汁又大隻，伴有沙律醬。日式一口芝士 $48日式一口芝士一客5件，熱辣辣炸起，皮脆而軟心，芝士味香濃，味道酸酸地。滷牛腱 $48滷牛腱一客4件，滷得好入味，質感又嫩口又重骨膠原，好正。上面灑上少少蔥

因為想去中環街市朝聖下，所以去附近搵嘢食，見到有間台灣野就去試吓！星期日嘅lunch 時間都幾多人，建議早幾日 OpenRice book 位比較安全😃 裝修環境主要木系清新型，簡樸台灣風；坐位就比較迫。紅燒牛肉麵 $89自從食得少少辣😂 每次去食牛肉麵都一定要辣嘅紅燒麵 😂😂 好鐘意佢地嘅麵條，係闊身嘅，好彈牙👍🏻👍🏻 配菜有紅白蘿蔔；牛肉方面又夠厚身，口感幾好而且又入味！花雕麻油雞湯麵 $89花雕酒係另上，客人可以按照個人喜好自己隨意加減，呢一方面超讚👍🏻👍🏻 湯底好香藥材味，有杞子、紅棗咁，夠補身。鹽酥雞 $38🌟推介🌟 估唔到大有驚喜！好香脆！味道亦同台灣嘅感覺好相似！份量適中剛好，整體都超加分。蘆薈桂花雪梨茶 / 冷泡白桃烏龍茶 跟餐加配各 $12 中環嚟講，好食又親民價，沒有加一，值得再去食👍🏻👍🏻

今次黎到中環呢間長期要排隊嘅日式台灣餐廳，下午茶時段未見有人龍，唔洗等直接有得食😝 果然係平民食堂，平民價下午茶餐已包飲品，仲可以以優惠價追加小食😍魯肉乾拌麵 ($32)魯肉醬汁香濃，半肥瘦豬肉軟腍，拌麵一流👍🏼 刀削麵略厭偏淋，但拌醬後都幾好食😆鹽酥雞 (+$24，原價$38)一上枱已經聞到香噴噴🤤 熱辣辣，脆卜卜，雞肉炸完唔會乾，仍然嫩滑😋 好好食！係台灣嘅味道，食唔停口！推薦👍🏼芋圓燒仙草(熱) ($35)天寒地凍🥶 想食返個熱嘅甜品😋 但原來燒仙草同仙草凍唔同，燒嘅會係液體嘅仙草糖水😂 但當佢凍嘅時候會凝固返變仙草凍😮上枱嘅時候仲搵咗一陣邊度有仙草😂😂😂😂😂店舖呀姨好細心，可能影相太耐嘅關係，乾拌麵凍咗難撈均，姨姨堅持要廚房拎熱醬汁比我地再撈！當燒仙草凍到凝固時，姨姨提議要加熱水😆 姨姨真係好為食客著緊🥰🥰 天氣太凍，都係食快啲好🤧