麻辣香鍋

Open Now

Now Closed

旺角行過見到入面都幾多人，就入去食。估唔到佢唔單止價錢唔貴，份量仲超大🔥！欣嘗佢嘅辣唔會死辣同好咸，雖然我地係點小辣但都好食唔錯，值得再Encore。 🔹 自選麻辣香鍋揀咗香辣小辣， 辣椒炒到香氣撲鼻，配菜好多選擇，點左飽魚（竟然有飽魚仲要都幾大隻）、金菇、豆皮、萵筍、豬腩肉、土豆，全部配菜唔會太乾但又好入味，仲要好大盤超足料，必食！🔹 鮮椒魚好多魚片，魚片嫩滑唔錯，個鮮椒唔會過油或過咸，但如果個椒味再出D會更好。仲有薯粉底，份量大到２個人都食唔哂。🔹涼拌黃金皮蛋比較小見嘅黃金色皮蛋！比一般皮蛋青甜但都幾濃郁，下面有青瓜絲，濃郁＋清新嘅口感幾好

最近旺角新開左間麻辣香鍋，招牌非常醒目吸引，好辣既朋友提議我去呢一間試下。既然想食下辣野，魚椒魚一定要嗌，盤菜份量都算幾多，上面啲紅紅綠綠睇起上黎口水都流埋。魚片厚度適中，勁少魚刺。魚片爽口彈牙，配埋木薯粉做底連白飯都可以唔使嗌，舖底的芽菜吸滿湯汁味道麻麻辣辣，愈食愈上癮。泡椒魷魚鬚夠火氣，碟菜上枱個陣香氣四溢，成間餐廳都聞到個隻香味。魷魚鬚份量唔算多，但係非常入味，都幾好咬口，送白飯一流。 香辣蝦呢道餸口感香香脆脆連蝦殼都非常入味，辣椒都好多，如果鐘意食辣呢道菜值得一試。餐廳使用的紅茶底濃厚，配埋百香果同檸檬甜甜酸酸容易入口，配埋香辣菜式非常登對。餐廳總體食物質素唔錯，上菜速度都比較快，基本落單5分鐘左右已經上菜，值得一試~

在朗豪坊睇完戲又不想在商場吃晚飯咁高消費，搵到附近這間麻辣香鍋就試一試。用QR code點餐可以選擇少鹽少油，介面又簡單清晰易用，很方便，不會同店員有溝通誤會。【鮮椒魚】選了少鹽少油，味道的確比平時清淡一些，但是麻香的味道仍然很重。魚肉一片片明顯是十分新鮮，沒有魚腥味，又滑嫩。配料亦夠多，有很多薯粉，夠飽肚，蓮藕和大豆芽都入味。【招牌香鍋】選了小辣，食得到，麻辣得來又香，不會只有辣，惹味得很。配料必選雞軟骨和田雞，雞軟骨的質感本身就夠爽口彈牙，而田雞都好入味，五花肉片太肥了，有點油膩。蔬菜類就要茄子和萵苣，一爽一淋。【紅糖糍粑】即叫即炸，外脆內軟，中間煙煙韌韌。