Lady Nara

Open Now

Now Closed

餐廳位於尖沙咀港威商場，環境好大好寬敞👍🏻，裝潢以粉紅色為主調，超少女心，風格優雅，處處打卡位又有海景，想打卡可以叫埋個泰式下午茶📸。✨另設加一-💕 紅咖喱牛肋肉 $158👅好味指數：7.8/10牛肋肉有6-7大件，夠3-4人食🤣，炆得好入味☺️，肉質彈牙偏有咬口，咖喱香辣惹味，大概小至中辣程度，仲帶點椰汁甜味，質感稠度剛好，唔會過濃稠/過稀👍🏻。- 💕 印度薄餅 $35👅好味指數：7/10可以係手機落單到禁同咖哩一齊上，就唔怕凍哂🤣，有2大塊，用黎沾咖喱真係絕配。- 💕 軟殼蟹和牛漢堡配薯條 $178👅好味指數：8.5/10真正巨無霸🍔❗️大過個頭😂，又係3人食都得😂。麵包夠軟熟有牛油香，軟殼蟹好大隻，炸得好脆口仲有蟹膏😍和牛超厚一塊，唔會煎到過熟/過韌，肉質軟腍多汁，好重牛味☺️，一分錢一分貨，抵食！-💕 海鹽焦糖泰式奶茶 $42👅好味指數：7/10泰式奶茶一向甜度高啲，佢都係茶底偏輕 甜度偏重，面層再放左cream+海鹽焦糖，中意飲甜野既會中意🤣。-環境：7/10服務：7/10整體味道：7/10回頭率：7/10

🌸同朋友去海港城食飯，諗住食Lady Nara 嘅tea set,點知原來做到7月31已經完左，暫時無tea set 。不過原來其他食品都好正🌸餐廳以花花同粉紅色佈置，啱晒打卡，好好彩可以安排到窗邊海景靚位🍔軟殼蟹和牛漢堡配薯條 $178餐廳好貼心提供開二嘅服務，share食好方便軟殼蟹炸得超級酥脆，都好多肉。和牛超級厚身。包底面都加左牛油，食落非常香口。薯條份量都好多，粗身薯條炸得夠乾身香脆🍝冬蔭煙肉忌廉意粉 $128加左冬蔭嘅忌廉意粉會食到淡淡冬蔭酸味，中和左忌廉同芝士肥膩感覺。意粉比較多汁。不過我會期待冬蔭公味再濃d🥞紫薯香芋班戟配雲尼拿雪糕 $88黎Lady Nara點可以唔食甜品，呢個超級igable, 三層班戟疊高加上雲尼拿雪糕，再淋上紫色嘅香芋醬。周邊圍左粉紅色糖絲，椰肉絲同花生碎。班戟比較厚實，記得要同朋友share，唔係實肥死🥥鮮椰子沙冰 $55用上鮮椰子，第一次試到沙冰加埋珍多一齊搾。口應綿密，咁熱真係一定要飲番杯沙冰解渴🫖Rooibos Tea $40餐廳比較少有，好鍾意茶香夠濃，甘甜但唔會苦澀

🦀蟹餅配粟米青木瓜沙律 前菜點咗一個香口小食炸蟹餅，一梳梳的蟹肉伴入薯蓉🥔洋蔥🧅和香草🌿混合成一個圓餅外邊撲上炸粉，香脆可口，加埋少少辣嘅沙律醬，伴上泰國特色的青木瓜沙律，非常開胃。🥗🍔軟殼蟹和牛漢堡配薯條 這一份簡直係漢堡包界的 Turf & Surf，掀開面層麵包，矚目所見一隻比掌心還要大的軟殼蟹🦀隔住一片芝士擁抱著中間厚厚的和牛🐮和牛下面有蕃茄生菜，最底層當然是另一片漢堡麵包，睇見已經食指大動，欣賞完之後，當然要開動啦。要食呢個巨型漢堡都唔係咁容易可以一啖咬落去，咁分開一層層咁食就最好啦。面層麵包烘得内脆外軟，微溶的牛油🧈提升咗麵包的香味，第二層軟殼蟹主體非常厚肉🦀外面裹上一層薄薄的炸粉，令到成隻蟹酥脆但並不油膩，中間的蟹肉又非常澎湃第三層厚厚的和牛排外面烤得香氣撲鼻，但並不過火，中間還保持軟嫩多汁的牛肉，火喉控制得非常出色，油香樸鼻，一啖入口，肉汁在口腔爆開。再咬一口第四層的多汁蕃茄🍅同爽脆清甜的生菜🥬就非常完美啦。伴碟的薯條都完全不馬虎，沙律菜都新鮮好好味。🍨香芋椰子班戟配雲呢拿雪糕成個班戟嘅presentation 非常IGable，咖啡色的班戟，中間夾住蛋黃色的吉士醬，頂

Lady Nara 將泰菜融合唔同地方嘅特色，唔同嘅變化可以震撼你味蕾。冬蔭煙肉忌廉意粉汁底冬蔭公味唔太濃，食得出淡淡嘅酸味香茅味同辣味，冬蔭公嘅神粹都喺哂度，同忌廉濃滑嘅奶香味好夾，亦減輕咗單純忌廉嗰種厚重膩口感覺軟殼蟹和牛漢堡配薯條好大份OMG ！！和牛扒又好厚arrrrrr，個包底面用牛油烘過，夾住酥炸軟殼蟹同厚厚和牛扒，幾層口感好豐富好滿足，一啖真係咬唔哂燒豬頸肉配青木瓜沙律個燒豬頸肉口感爽口外層帶啲焦香味，呢款係食泰國菜我都一定會點🤤

這家餐廳的上一手也是泰國餐廳，不過這家餐廳的裝潢更勝一籌。設有不少打卡位，例如以仿花砌成的打卡花花牆和鞦韆，靠窗的卡位是圓檯，旁邊的長檯和天花都佈置了不少仿花，窗外一大片海景，看起來是很夢幻。餐廳提供午市套餐，奉送甘筍湯。甘筍湯絕對是誠意之作，味道濃稠，入口幼滑，帶有淡淡的冬陰功味，很開胃。⭐️軟殼蟹和牛漢堡配薯條$208配料很豐富，有蕃茄、和牛扒、蔬菜、炸軟殼蟹、芝士等。厚厚一塊和牛漢堡，底面麵包都塗上牛油，烘得香脆。入口口感豐富，軟殼蟹配搭和牛漢堡，實在豐富。⭐️泰式奶茶意大利芝士餅$88這個甜品很特別，一杯義大利芝士，加入忌廉芝士，芝士杯會慢慢滿瀉，十分有趣。入口味道香甜，口感奶滑，奶茶味道較淡。⭐️香茅蝶豆花梳打$28紫色的梳打顏色鮮豔，喝起來很冰爽。

半島staycation果晚去左L佛講既lady nara係海港城港威果邊其實係兩間同集團既餐廳痴埋一齊除左lady nara仲有間正宗d既nara thai cuisine比較多人排隊果間係曼谷係米芝蓮餐盤推薦餐廳黎唔識頭唔識路拎晒兩邊飛結果lady nara即刻入得限時個半鐘我地坐梳化位檯面都幾grand既座位有d似花生殼內觀都OK既fusion菜唔算多野揀得兩頁紙唔夠四點先食完lunch唔算好肚餓淨係叫左兩個意粉同甜品泰式肉醬意粉冬陰煙肉忌廉意粉望落就有少少頹份量亦都唔算多味道一般啦可能叫特色d會比較好最後上既泰式奶茶tiramisu連加一差唔多成舊水一杯加埋cream就會爆漿就幾大杯既夠晒兩個人share呢份唔錯埋單345用海港城coupon就減一舊水海港城長期都做緊呢樣野日日都一大串人排隊餐廳仲有張千秋可以打下卡之後有一日又黎左海港城因為係coupon限期前幾日八點幾鐘間間都截晒龍唯獨係呢間lady nara仲有位即刻入得其實上次食過呢間就想去格離nara食既但一樣截左龍今次有份有圖案既餐牌仲好似多左野揀不過就臨近last order所以都要快快趣落單要左兩份伴菜炒露筍炒磨菇

好耐冇見過我嘅閨蜜, 今日決定搵間靚啲嘅餐廳坐得舒服啲可以好好咁傾計!之前喺泰國好鍾意去食Nara 所以知道佢喺海港城開咗Lady Nara就好想去試吓🤗呢間餐廳新開係用粉紅色同雲石做主題, 好靚好適合打卡!💖不過唔知係咪太早, 一入到去一個人都冇, 好驚中伏🤭晨早流流食唔到太多野, 叫咗一個冬陰功忌廉意粉同埋一個burger, 個意粉好好味, 但係真係好細碟....食咗兩啖就食晒...性價比好低😥個軟殼蟹burger就麻麻地啦, 個牛肉有啲乾...下次如果再嚟嘅話都係食佢啲意粉好過!但呢度嘅裝修真係靚坐得係好舒服嘅, d staff都好有禮貌!

以前去曼谷旅行，我都會一日食4-5餐，因為有好多間裝修美美的cafe，打卡靚景，嘢食吸睛，可惜依家無得去泰國啦，好彩我搵到呢間，來自曼谷，以粉紅色主題的泰式 X 西式fusion餐廳。裡面裝修美美的粉木主調，真係好少女系❤️軟殼蟹和牛漢堡配薯條 (HK$198)．炸軟殼蟹，大隻，多肉，炸得香脆酥軟，不過味道比較鹹一點．自家製的和牛漢堡扒，厚實，多肉汁．配合冬蔭功蛋黃醬、酸甜雞醬、車打芝士等，味道豐富呀～．薯條，厚切，多肉，炸得乾身不油膩．不知是否我食得太美味，吸引隔離枱的食客問我覺得好唔好味，之後佢自己也點了一份食😂玫瑰泰式奶茶 (跟午餐 +HK$28)．白色茶杯上，鋪滿白色一層奶泡，玫瑰乾花碎為點綴．底下是粉紅色的奶茶，玫瑰味的香濃泰式奶茶，偏甜的，這樣才是泰式奶茶呀番茄忌廉湯 (跟午餐送的)．creamy口感，香濃番茄味道．好多麵包脆脆呀～

最近一間泰國曼谷人氣粉紅系打卡餐廳Lady Nara黎到香港，登陸海港城，鋪位前身係Blue Elephant Thai Brasserie，佔地約4000呎，Nara係一間好有名氣既泰國餐廳，而Lady Nara就黎呢間泰國曼谷米芝蓮泰菜Nara既姐妹品牌，唔係食泰菜而係食Fusion菜，今次就黎一試呢間泰國曼谷過江龍到底好無食定係得個樣。呢間Lady Nara有分兩條線，一條係傳統既泰色菜，而另一副線就係主打西式Fusion，而香港呢間係門口既羅籌機以揀食邊條線，Nara Thai Cuisine就係傳統泰國菜，而Lady Nara就係Fusion，主打特色歐陸菜式，加上泰國元素，兩邊食既野完全唔同。Nara Thai Cuisine連續多年獲選「最佳泰國食府」，係泰國當地人氣餐廳，成日去泰國既大家可能都已經聽過甚至試過，而佢其實係兩年前已經登陸香港沙田，開左第一間分店，但今次成為城中熱話既係上年12月進駐既姐妹品牌Lady Nara，所以今次就試Lady Nara。餐廳秉承曼谷Central Embassy 總店風格，裝修主要田園風同輕奢華風格，行入去已經感受到曼谷總店精粹，牆身

Lady Nara 最近好高人氣，係來自泰國曼谷Nara Thai Cuisine嘅姊妹品牌餐廳，裝修以粉紅色為主，所以吸引左不少人去打卡😋我地order左3個主菜同1個甜品。1. 軟殼蟹和牛漢堡配薯條麵包鬆軟，有空氣感👍🏻 亦用左d牛油去煎香👍🏻和牛略嫌太實淨，如果有點油脂會比較好。薯條係粗薯，幾脆，不錯！2. 燒USDA Prime 牛肩扒(10安士)配薯條牛肩扒有2大塊，有牛味，不肥。薯條同樣係脆既粗薯！😋3.香茅烤雞半隻可以用皮脆肉嫩黎形容！皮下唔會有好多肥膏，所以食埋皮都唔會好罪惡，肉嫩得黎仲有肉汁，正！😋4.玫瑰奶茶流心蛋糕蛋糕果然有玫瑰奶茶漿流出😋😋配合雪糕，好正！為呢一餐劃上完美既句號😋