上海真美豆漿大王

Open Now

Now Closed

一直都有聽聞呢一間既豆漿同粢飯好出名 就搵日黎試下 鋪頭好易搵 一出寶林地鐵站直行過對面馬路繞着商場外圍行就好快搵到😌一入到鋪頭自己搵個位坐 諗好食咩再叫職員就可以了✨試左咸粢飯 鹹豆漿 凍甜豆漿🧡粢飯係即叫即整既 要俾少少時間等下😶 入面既油炸鬼係脆嘅 粢飯好熱又唔會太硬連埋榨菜同肉鬆食都唔會太鹹 非常值得推薦😆鹹豆漿豆漿嘅濃度可以再加強🤔 煮得再耐應該會更好豆漿連埋蔥花 榨菜 油炸鬼一齊食 有少少咬口仲食到蔥花既香氣🤓榨菜會係沉底嘅 一邊食就需要一邊攪住 如果唔係食到尾就會太鹹🫣凍甜豆漿都唔錯 有豆香味又唔會太甜 解渴唔錯😬整體來講 體驗唔錯 值得再黎 食左以上咁多野都幾抵飽加上餐廳有冷氣 食熱野都唔怕 唯一係唔好坐係門口位哦 冷氣會唔夠🙃

4月5日, 是日來到將軍澳, 下午茶見到呢間上海麵店好多人, 原來佢d下午茶都幾多選擇, 我地都入去試試先~::: 餈飯 ::: $12餈飯即叫即包, 真係估唔到一間小店會咁做, 望住呀姐喺個大鐵桶度筆d熱辣辣嘅糯米, 再滲d肉鬆, 加上油炸鬼炸菜, 擺上枱真係熱辣辣香噴噴~ 完全係唔可以即刻食, 實在太熱, 但係又好想即時襯熱食~ 一口咬落去, 黏度十足嘅糯米好香, 肉鬆同炸菜都新鮮放入所以keep到個味, 同埋油炸鬼十分香脆, 呢個餈飯$12即做真係好正!::: 上海雲呑麺 + 豆漿 ::: $25雲呑夠大粒, 餡料都好豐富, 不過個皮有d淋, 浸咗湯仲有少少散... 麵條都同樣淋咗d, 應該係煮得比較耐, 不過湯底味道都唔錯, 下午茶嘅份量都好係下午茶, 份量唔多. 豆漿幾好飲, 有味道得嚟又唔會好甜, 亦都夠凍~::: 上海排骨 + 豆漿 ::: $19炸排都係熱辣辣上枱, 雖然係炸, 但係唔會好乾, 仲留有少少肉汁, 質地都好淋入口唔錯~唔怪之得咁多人, 價錢相宜相信係其中一個原因, 選擇多食物水準都係吸引到食客~