URBAN Cafe (彌敦道)

Open Now

Now Closed

2人套餐 $278前菜有兩份是日餐湯及沙律，南瓜湯好好味，有一絲絲南瓜，口感很讚。+$28 配滋味小食拼盤，有法蘭克福腸，唐場雞塊及薯角。腸仔係薄片，無咩特別，炸雞幾大件，薯角夠脆，雖然係炸物，但唔會覺得油淋淋。不過茄汁同沙律醬直接倒在碟中，不喜歡醬的朋友要預先同店員講定。主菜先是意大利飯或粉四選一溫泉蛋煙肉野菌配黃金卡邦尼扁意粉好Creamy甚至有點太多汁，不過配料幾多，同埋本我鍾意食扁意粉。另一主菜是肉/漢堡包/薄餅四選一西班牙黑毛豬肋骨配薯菜，Ribs幾大件，肉同骨好易分開，有軟骨又夠淋。跟餐配$38飲品或補差價，紅豆奶茶 $48熱奶茶加冰，攪匀都唔夠凍，但味道已被溝淡。甜品可加$25配雪山心太軟，有朱古力及抺茶兩款口味，兩個味道不會太甜太膩，配雪糕或忌廉都夾。Cafe食物不過不失，價錢還算合理，不過來這裡重點其實是店內十多隻貓店長，有些很黐人，有些比較酷，但我肯定全部都很為食！留意返，為確保衞生，要用門口自助鞋套機包住對鞋才可進店，相當方便。另外在店內用餐時及離開時都唔覺有貓毛，所以自己用餐感覺亦衞生。

上次去食吃吧臨走時見到隔離有間貓cafe，有貓已勁想去，仲要係黃店即想試下，book左2位7:30。入餐廳之前先要穿鞋套，同消毒搓手，確保衞生。一入去見到好多喵，瞓梗覺，其後會走來走去，好可愛呢。店子裝潢簡約，投影播放網上段片，晚餐時段坐滿晒，果然受歡迎。餐牌，二人套餐，$278，好抵食，一於試下。薰衣草拿鐵，跟餐+$13，友人的。薰衣草拿鐵(凍)，跟餐+$16，淡淡的薰衣草香味。是日餐湯，忌廉蘑菇湯，入口香滑。沙律，沙律菜爽脆，有菠蘿酸酸甜甜，清新味道。即磨芝士黑松露野菌大啡菇忌廉意大利飯，意大利飯口感creamy ，味道唔算好濃郁，黑松露味較強烈，味道不俗。西班牙黑毛豬肋骨配薯菜，黑毛豬肋骨，肉質鮮嫩又多汁，好惹味呢。雪山心太軟，跟餐+＄25，好耐冇食呢款食品了，好喜歡切開澎湃朱古力醬湧出來果刻，口感鬆軟柔滑﹐朱古力味濃郁，美味呢。影下可愛的貓，似乎瞓醒左呢。貓：吼！隔離枱餵貓糧，即好多貓湧晒去隔離食野～有時會親近下客人，好可愛呢。為食貓出沒注意～so cute 。有得儲印花。食物幾好，都幾抵食，又可同貓玩，relax的一餐。

係Openrice見到好高評價，而且有2間分店，望過價錢亦唔貴，上到來先知原來Cafe唔止食物，仲有貓貓！環境入餐廳前要套上鞋套確保地下衛生，店都幾大，因為貓貓都多，有足夠空間比佢哋，佢哋無處不在，係你身邊走來走去，跳上枱，坐你大腿，坐係你包包上面，好鬼正😂 餐牌好抵食！二人套餐$300有找，就算單點亦唔貴。水牛城雞翼 $58有五大隻，隻隻都有超多醬汁裹住，味道甜甜辣辣好開胃，鍾意佢無雪藏味，肉質仲唔嚡口添！二人套餐 $278包餐湯、沙律、Risotto/Spaghetti、Main及餐飲。餐湯用南瓜打成蓉，勁足料，真係啖啖都有南瓜絲，啱哂我呢啲南瓜控。日式青蟹籽大蜆大蒽忌廉扁意粉 比較少食青蟹籽，所以就揀咗呢款，蜆嘅份量眾多，都無有腥有沙嘅情況出現，意粉就唔算掛汁。西班牙黑毛豬肋骨配薯菜 勁抵食，平時食西班牙黑毛豬都比較貴，呢到set dinner唔洗再加錢。有約6條，質素同價錢對等。雪山心太軟  +$35另外，仲加左$25要個雪山心太軟，可以揀原味朱古力／抹茶，叫左後者，外層略妝嫌厚粉，但流心無問題。藍花皇家伯爵荔枝紅茶 +$31原價$69，跟set包$38以下飲品，補返差價$31

聞說呢間cafe好受歡迎,喺疫情放緩的情況下，星期一晚上來碰碰運氣，豈料七點半的晚上cafe座無虛席，很是厲害未坐低先興奮 一入門口已經見到一群毛孩躺著歡迎我們, 毛孩們氣定神閑 , 彷彿似model般 無懼鏡頭 定焦, 任摸及自拍都唔嬲。與朋友2人點了一個2人套餐($278), 包括餐湯及沙律 x 2, 飯或意粉 x1, 主菜 x1, 餐飲 x2 ($38內) 。套餐可加二十幾蚊叫一分小食拼盤, 但我哋冇加, 因為大家都鍾意食水牛城雞翼, 所以額外點了一份水牛城雞翼$58。餐湯忌廉湯, 口感creamy 及糊狀，飲落好實在好飽肚，與酸酸甜甜又清新的 菠蘿沙律配沙律醋，剛好互相平衡一下。小食-水牛城雞翼 好大隻呀! 每隻雞翼又大又飽滿, 朋友最初還擔心雞翼很 辣，誰不知一試便愛上。酸酸辣辣的醬汁很開胃，雞翼本身應該烤焗得香脆，即使醬汁滿滿的包圍著雞翼, 外表依然香脆可口, 而且雞肉十分滑嫩多汁芝士黑松露野菌大啡菇忌廉意大利飯 分量很豐富, 聞得出也看得出，除了聞得出黑松露的香氣外，啡菇及黑松露充分融入在每粒飯之間，每口飯都充滿著碎菇粒及黑松露，可見食材 用料絕不吝嗇，還有鋪得滿滿的芝

屋企唔俾養貓，唯有出去吸貓啦。以前去過2間貓cafe，啲主人都唔多受溝😂，野食又好一般，衰啲講句同我自己係屋企煮冇咩分別，搞到我對貓cafe好失望。有日朋友話佢去過呢間cafe 覺得好正，話帶我來見識下，真係好治癒！入門口之前有部機要套鞋套，加上有酒精消毒機一定要客人消毒左對手先入得去，即時令我覺得佢地好用心經營。淨係論感覺都feel到佢地係幾咁努力幫主人們keep住個環境衛生，係值得一讚。我地2個人去，有預先book位。個日下午陽光明媚，我地坐窗邊最角落張台，一入到去已經有5-6隻主人等緊我地去吸。🤤用餐時間90分鐘，但啲主人真係好嗲好痴身，坐到落椅佢地都唔會即刻四散晒，仲有隻訓得好林，得意到癲，我地搞左好耐先落到餐😂。叫左個2人套餐，頭盤有餐湯同沙津。是日餐湯係南瓜湯，夠熱夠濃。沙津都幾大碗，夠涼，唔錯。主菜叫左 西班牙黑毛豬肋骨 配薯菜 + 溫泉蛋煙肉野菌 配黃金卡邦尼扁意粉。個ribs佢煮到好淋，好容易入口，一人一舊份量剛剛好；薯菜都俾左好多我地。主人們都好似幾鐘意啲ribs，不斷走上台想食埋一份😂。卡邦尼意粉都好夠飽，醬汁唔會話太少同乾。套餐有埋野飲，但天口熱我地補差價叫左2

其實彤彤係好怕動物架，不過貓就好少少，起碼比較溫馴啲，朋友叫到就即管去試試呢間有唔少🐱🐱貓貓嘅cafe啦🙈不過呢度堅多貓，仲會不時爬上枱同櫈訓，好彩佢地都係乖嘅，所以都冇咩問題😁食物方面就叫左個二人套餐，有湯、沙律、兩款主菜同兩杯飲品，價錢就＄268，真心幾抵食👍🏻1. 西班牙黑毛豬肋骨配薯菜豬肋骨真係幾大份，一上枱已經聞到好香，食落質感又幾嫩滑，仲有唔少醬汁烤製，所以味道岩岩好😁彤樂評分：8/102. 溫泉蛋煙肉野菌配卡邦尼扁意粉🍝配料都幾足，有鹹香又大塊嘅煙肉🥓濃郁嘅芝士醬汁🧀加蛋醬，黏度岩岩好😚彤樂評分：7.5/10