金飯館貳·零 肉餅·焗飯專門店

Open Now

Now Closed

前排睇電視，節目中主持同嘉賓去一間茶記食「飯」，見到其中一碟係「蝦頭油炒飯」幾吸引，上網搵吓係邊及紀錄在案。蝦頭油炒飯（$88）即炒，需時約15分鐘。一上枱已經聞到蝦頭油香味。賣相不錯，而且都幾大碟。炒飯嘅配料，有四隻蝦、大量蝦仁及蠔仔、數粒元貝仔、勁多櫻花蝦係面。飯粒炒得夠乾身，粒粒分明，有鑊氣，夠惹味。沙嗲牛肉雙燶邊蘭王蛋炒飯（$83）沙嗲香濃，微辣。牛肉片份量多，大片、無筋、軟身。第一次食蘭王蛋，蛋味有，好食但未至於驚為天人，雙蛋煎到脆邊。炒飯同樣夠乾身。支裝汽水（$13）唔太夠凍。雖然一碟飯加飲品要成舊水，對我嚟講的確係覺得有啲貴，但真心覺得食物質素係唔錯，值得去幫襯的。餐廳下午茶時段（14：30-16：30），有個$48任食沙嗲牛肉麵（60分鐘，只限平日），睇吓有無機會去挑戰吓。

OT完諗住附近食個快飯，試吓哩間好多好評嘅茶記，雖然環境細而且幾多人，但坐落又唔係迫，牆上仲有展示籃球衫，可唔老闆係籃球愛好者蝦頭油炒飯（HK$88) ，開頭覺得小貴，不過抱住試下心態，一上枱好震撼，巨量櫻花蝦蓋喺飯面，炒飯顏色金黃，睇落好有食慾，一試之下炒飯粒粒分明，炒得好乾身同有油香，但唔會漏，聞同食都感受到蝦頭油嘅味道，除左櫻花蝦，個炒飯仲有大粒蝦肉同飽滿嘅蠔仔同帶子，平時少見蠔仔炒飯，乾身炒飯配搭蠔仔濕潤口感又幾好成個炒飯好滿意，不過份量都幾大，女仔可能要share先食得晒另外叫左波霸奶茶，本身無咩期望，始終係間茶記嘛，飲落都拍得住出面啲台飲店，仲飲到有茶味添，飲唔晒可以拎走慢慢飲

前排睇社交平台發現有foodie推介金飯館嘅下午茶，意外發現自己好想試吓佢哋嘅肉餅飯，就即刻搵個大食嘅朋友一齊去試試！知道佢哋第一分店喺牛頭角，但對我嚟講唔太方便，所以試旺角分店吧～適逢假期同踩中lunchtime，等咗大約10分鐘有位 (搭枱)兩條友仔乜都想食，最後叫咗2個主食＋炒腸粉＋每人一杯手搖～ 雖然睇openrice好似無乜人叫炒腸炒，但本身我哋兩個都好喜歡炒腸粉，不妨一試吧！唔係講笑，真係好好食😆😆 每條腸粉都沾滿炒蛋，蛋味香濃，沙嗲牛肉牛肉滑，沙嗲味香濃但唔咸，正！秒清😂下個到場嘅係蔥油肉餅飯～  厚厚嘅肉餅配上流心蘭王雞蛋，性價比算高的肉餅肉質鬆軟，外脆內軟的，味道剛好，感覺似食緊獅子頭⋯⋯ 蔥油撈飯唔錯，個飯底亦唔會好油～ 雞蛋煎得香香脆脆，連肉餅一次過送入口，正！重點推介：蝦頭油炒飯！一嚟到嚇咗一嚇⋯⋯咁大碟嘅 點食😂😂😂 賣相本身已經好吸睛，好足料，一翻起勁香蝦頭油味！啲飯炒得夠乾身，每粒都沾上滿滿的蝦頭油同蛋漿，口感香味十足～配料有蝦、帶子、蠔仔同海量櫻花蝦，啖啖飯都跟到少少配料～肉餅飯同炒飯兩者相比之下，肉餅飯明顯顯得遜色，好彩我哋係先食肉餅😌😌

金飯館既炒飯好多人推，最近係旺角都開左分店🔥旺角既分店就係主打肉餅同埋焗飯，晚餐時間黎到，keep住都好多人黎食～去到八點九點仲keep住有人入，仲有見到佢地好多外買單。食完之後就明點解咁多人食了～同傳統茶記唔同，多左啲創新元素，同埋用料好，價錢有唔算好貴～值得推薦👍 1️⃣芝士焗肉醬配蘭王蛋飯（$72）焗飯面頭橙紅色蘭王蛋真係好吸睛😍芝士肉醬係簡單既配搭，但係配上蘭王蛋成件事即刻grand左。炒飯底都好好食～  2⃣️蝦頭油炒飯（$83） 炒飯好大碟！炒得乾身唔油、粒粒分明～配料仲有蝦、蠔、帶子，係可以食下食下食曬成碟既炒飯🤭  3⃣️蔥油肉餅飯（$56） 肉餅絕對係黎到必點既item！佢地有好多款唔同既創新配搭，我就揀左基本既蔥油肉餅，一樣配有靚靚蘭王蛋😄肉餅好厚，但係煎到出黎唔會覺得乾身😳食落係有肉汁既，蔥油好香，撈飯一流。佢地既肉餅飯既飯同炒飯用既飯係唔同既，肉餅飯配既係珍珠米，食落更加濕潤，配埋蛋汁真係好正！檯面仲有秘制醬油同埋豬油，食左啲之後，再每樣加啲食，香味更加突出！  

12點左右時間去食 餐廳未有太多人。餐廳應該係QC code落單 但問左2、3次都冇侍應招呼我，感覺安排有少許混亂。order左 蝦頭油炒飯 + 凍珍珠奶茶﹕<<蝦頭油炒飯>> 8分師傅炒功唔錯，飯粒乾身 粒粒分明，夠鑊氣 有焦香 有蛋香，蝦頭油香味亦好足。 份量幾大份 配料有蝦仁、鮮蝦肉、櫻花蝦、蠔仔、帶子粒。美中不足係個炒飯有少少燶味 扣少少分。凍珍珠奶茶水準普通 茶味一般 滑一般。價錢偏貴，性價比唔算高，但值得一試。

遠在牛頭角的金飯館本店，早已聞名小炒岀色，近日看到旺角有新分店開張，便一賭其食物的風采。.🦐蝦頭油炒飯 $83超讚的炒飯！賣相非常吸引，數之不盡的櫻花蝦蓋滿了大半碟飯，而且香氣撲鼻！多件原隻新鮮蝦肉爽口彈牙，配搭着小貝柱和蠔仔，並無冷藏的味道！加上利用蝦頭油的油香味來製成粒粒分明的炒飯，香氣四溢！絕對是視覺、嗅覺和味覺集於一身的享受！.🐷蜜桃鮮茄焗豬扒飯 $78豬扒用料上乘，口感厚身鬆軟，還細心地把一大塊豬扒切開了數塊，讓人方便進食！蜜桃加上鮮茄，味道酸酸甜甜，非常開胃！另外值得一讚時連飯底也絕不馬虎，混合蛋醬炒作而成，是最完美的焗豬扒飯！.🍢炸魚肉燒賣 $15即叫即炸！外層皮薄，經過油炸後非常脆口，而且魚肉彈牙，是少見的岀色小食！.員工態度親切殷勤，每位客人吃畢均免費送上呍呢嗱雪糕一客，還體貼的說若果吃不夠，可以再送上多一客雪糕，這樣的人情味實屬難能可貴！