日月堂

Open Now

Now Closed

呢碗係台灣紅燒牛三寶麵， 一上枱就聞到好香，牛𦟌係大厚切，入口即溶，牛筋滿滿骨膠原，配埋肉感重嘅牛肋條，高質過牛放題~~~仲有其他必點台灣菜，蚵仔煎好有風味. 蚵仔飽滿，個汁係海山醬，番茄醬、味噌、辣豆瓣醬混合而成，絕對提鮮~ 主食仲有魯肉飯配芝士雞排，拉絲打卡外，外脆內嫩，仲保留到肉汁. 但咁大塊芝士雞排點都會膩，店主好貼心每台都有話梅粉、台式鹽酥粉比你點，隨味調味.  點左話梅粉真係另一個層次!! 仲有夜市必叫小食 "虎咬豬"，就係包中間夾連皮豬腩肉，花生碎、酸菜、三星蔥，一啖就係台灣街頭風味.  珍奶珍珠黑糖味好濃，重口味可以小冰仲正! 

觀塘工業內難得的台灣餐廳🥢所以同朋友去試下先🫶🏻朋友叫左起司雞扒便當🍱雞扒外表金黃，鋪滿芝士🧀便當仲附上半隻滷水蛋和滷肉，食落唔會太膩✔️我點左手清燉半筋半肉新竹米粉🍜牛肉燉得好入味，湯底都滿有肉味！ -小食方面，我地點左一齊分享！ 叫左蚵仔煎😍充滿蛋香，脆脆地，蚵仔粒粒飽滿🙂‍↔️-再點左玉米起司蛋捲餅🫔蛋捲皮厚薄適中，包著甜玉米和大量芝士🌽呢個相對會有少少膩！ -飲品方面點左凍鳳梨紅茶同凍蜂蜜蜂綠茶+蜂蜜蘆薈🍹兩杯都正常發揮！ -餐廳位於工業要花先先時間先揾到個工業大廈🏙️唔熟工業區要預時間呀‼️

和朋友小聚，選了在日月堂用餐，簡簡單單的點了幾款台式小食，邊吃邊聊天。店員服務到位，見我們帶著不少物品，就多給我們一張櫈來放置物品。起司肉鬆蛋捲餅，起司及肉鬆餡料份量適中，但有點不均勻，未能每一口都吃到帶芝士香的肉鬆。蛋餅皮厚薄適中，稍為硬身，口感不是軟熟的那種。醬油膏增加蛋捲餅的滋味。日月堂的蚵仔煎是我在港吃過的蚵仔煎之中最有台灣風味，蚵仔份量雖不多，但粒粒都好飽滿。蚵仔煎充滿蛋香，澆上滿滿醬汁，好惹味！雙拼吐司選了巧克力x奶酥口味，吐司烘得香脆，巧克力口味雖有滿滿朱古力醬，但都不會過甜。朋友比較喜歡奶酥口味，甜度比起巧克力低一點及香一點。小食味道不錯，最滿意的還是吃到充滿台灣地道風味的蚵仔煎。

同朋友約開觀塘食飯聚會，就簡左依間開左好耐幾出名既台灣良心食店😎 位置接近觀塘地鐵站，但係入口就幾隱閉🫢 價錢方面合理， 午餐仲有lunch set , 包一份前菜同冬瓜茶。 如果唔岩食仲可以散叫， 價錢都合理。 🐷滷肉蔥油拌麵($54) : 滷肉同麵分開上， 滷肉比想像中冇咁咸， 刀削麵好爽口彈牙，mix埋滷肉好好味🤤🐔 起司雞排便當（$63） ：邪惡既芝士美食😛 芝士雞排好juicy🫢 飯其實係滷肉飯。本身都會驚會咸同「漏」 但事實上唔算，mix埋黎食其實口感都唔錯🥢 肉鬆蛋捲餅（$39） ： 第一次食加左肉鬆既蛋餅。 外層脆脆地 ,入面包既肉鬆好多，配合蛋餅好飽肚🥢蚵仔煎（$42） ： 作為台灣既地道美食，絕對係必叫既野食😋 蚵仔幾大粒肥美， 唔會有腥味。 🧋 金桔檸檬綠茶（$24） ： 味道酸酸地幾fresh ，幾開胃😋🧋珍珠奶茶（28） ： 珍珠幾煙韌， 茶底幾濃， 唔會太濃， 同埋幾大杯又唔會得個甜字😋場內仲不停播歌 聽番那些年既台灣歌，好有feel 😎 職員好有禮貌😆 同朋友傾下計食野絕對岩哂

今日去觀塘接朋友放工，之後就一齊喺觀塘覓食。之後發現工廈入面有一間人氣台菜，於是就試吓係咪真係咁好食！紅燒半筋半肉麵$75湯底非常濃郁，牛肉亦都炆得好腍，份量都非常之多。麵條非常之有咬口，好有質感。麵條吸晒湯底味道，食起上嚟尚算濃味。蚵仔煎$42蚵仔煎份量啱啱好可以兩個人一齊share，蚵仔份量都唔少👍🏻蚵仔都幾新鮮，非常重蚵仔味😋同蛋味互相配合，好好食起司雞扒便當$63雞扒份量非常之多，又非常厚切！上面鋪滿拉絲芝士，非常邪惡🤤滷肉飯非常入味，滷肉脂肪同肉嘅比例啱啱好，唔會俾人覺得太過肥膩👍🏻仲有半隻滷水蛋同酸蘿蔔做配菜，好豐富👍🏻虎咬豬(刈包)$36喺香港比較少餐廳有得食刈包，所以一見到就即刻叫咗一個！刈包質感比較似中式蒸包，入面包住一塊五花肉，非常之香😋刈包都非常飽肚👍🏻飲品可以有微甜少甜走甜嘅選擇，今次就叫咗兩杯飲品！茉香奶綠走甜茉莉香味好濃，每一啖都充滿濃郁嘅茉莉花香，令奶綠充滿淡淡嘅清香，非常好飲仙草奶茶少甜仙草份量非常之多，同奶茶非常之夾👍🏻甜度啱啱好

餐廳位於觀塘橫街的一棟工廈4/F內，門外的水泥牆有射燈照射着一句窩心的話語，餐廳內播放着輕鬆的台灣流行歌曲，令人倍感放鬆。📌牛三寶麵🍜麵條是人手製作的闊麪，厚實而富嚼勁，牛腱肉、牛筋、牛肋條和蘿蔔炆得又腍又入味，帶膠質的湯底香濃。📌酥炸魷魚🦑外脆內嫩，毫不油膩，再沾上鹽酥粉，讓人一口接著一口。📌蚵仔煎🍳蚵仔煎表面微脆，餅皮Q彈有嚼勁，飽滿的蚵仔，完全無腥味，搭配酸甜醬汁，讓人回味。📌凍鳳梨綠茶 + 珍珠🥤綠茶清新不澀，帶有鳳梨的果香。📌凍香芋奶茶 + 珍珠🧋茶味適中帶香芋味，甜度恰到好處，珍珠口感Q彈。📌仙草芋圓🍧仙草滑嫩順口，味道甘甜，芋圓和地瓜圓口感煙韌，消暑佳品。🍽️日月堂 (觀塘)📪觀塘興業街14號永興工業大廈4樓C2室

話說我平時都鍾意食台灣菜，幾享受果種既美食，所以以耐唔耐都會搵一間新既台灣美食去試下😆今次比我發現左，觀塘有呢間隱世台灣美食，朋友都好推薦，於是就黎幫襯下✌🏻🌈紅燒半筋半肉麵 $75紅燒既煮食方法的確好夠火候，肉味完全香噴噴到極致！🌈清燉半筋半肉麵 $75估唔到肉味又不輸紅燒！夠咸之餘仲可以用另一個角度品嘗佢既牛肉鮮味👍🏻🌈蚵仔煎 $42蚵仔🦪既濃味，同煮蛋既香味融為一體，相輔相成嘅效果冇得彈！🌈台灣香腸 $40肉質好爽，好埋又好彈牙。用黎做小食同朋友share最合適不過！🌈黑糖珍珠奶茶奶（凍）$34未攪拌既時候飲，可以享受到清香既奶茶味。攪拌之後，黑糖加強左奶茶既香濃味道，冇得頂！🌈桂圓紅棗茶 $20最鍾意香甜既桂圓味道，用黎襯托呢一堆台灣美食一流，食得更加滋味😜

日月堂觀塘興業街14號永興工業大廈4樓C2室味道評分:☄️(必食之選)>☀️>🌤>⛅️>💨☀️紅燒半筋半肉麵 $75味道非常濃厚的牛肉麵~有淡淡的藥材香氣，麵條彈牙，筋同肉都足夠淋同入味👍🏻☀️起司雞排便當 $63起司雞排炸得卜卜脆超大塊，面層仲有好厚的芝士，好邪惡🙈滷肉飯非常入味，肉感滿滿(肥瘦比例大約是7瘦3肥)滷肉的份量都好多，夠餸完碗飯有餘~☀️起司肉鬆蛋捲餅 $40我最愛的鹹甜組合，蛋皮有非常驚喜好煙韌~搞到我唔小心食左3舊，剩翻一舊比男朋友🙈☀️蚵仔煎 $42肉眼可見的蠔👍🏻啫喱口感，順滑彈牙~☀️凍黑糖珍珠鮮奶 $34黑糖味濃，珍珠彈牙~☀️凍香芋奶茶 $26香芋奶茶唔洗少甜都得~✅想睇更多食評就要follow @gulugirl102 🐰

喺觀塘嘅工業大廈入邊，隱藏咗一間性價比高嘅台式餐廳。餐廳係以簡約嘅裝修，有少少台灣嘅情懷。樓底高有空間感，就算坐滿人都唔會覺得好迫。餐廳內仲播放一些台灣嘅國語歌，令你彷彿瞬間轉移，誤以為自己身處台灣😂食物方面，我哋叫咗⬇️麻辣鴨血麵滷肉飯蚵仔煎酥炸魷魚凍柑桔檸檬紅茶凍黑糖珍珠奶茶🦑酥炸魷魚😋超好食，真心推介！好正！🦪蚵仔煎😋好大隻蠔🦪🌶️麻辣鴨血麵，屬於小辣，一般唔係好食得辣嘅人都能夠接受，如果你係無辣不歡就要另外加辣。🍲滷肉飯，真心好味，必食之選！食到台灣嘅味道😋👍🏼👍🏼👍🏼

朋友推介一間觀塘工廠區內食台灣野的餐廳～今次就一齊去試，呢間係日月堂📍-食台灣野，一定要試牛肉和新竹米粉🍜我首先叫咗麻辣牛肉新竹米粉🌶️牛肉好大塊，有口感；米粉幼細，唔會一夾就碎✅岩晒鍾意辣既朋友！ -朋友點左牛三寶麵有牛腱肉、牛筋及牛肋條，牛肉和牛脂肪的比例幾好🥩湯底吸收咗牛的精華，夠味！ 不過份量對女仔黎講多咗少少🤏-我們再點左蚵仔煎，分量適中，正常發揮🥢-最後係玉米起司蛋捲餅，有台灣早餐店的感覺！ 不過真係要2個人share先食得晒🙈-飲品點左台式檸檬紅茶同蜂蜜綠茶加珍珠🧋估唔到珍珠幾有咬口✔️-雖然今次的餐廳在觀塘工廠區核心地帶，但都要少少時間揾一揾果棟大廈，地點唔算方便呢‼️

🫔起司肉鬆蛋捲餅（$40）好足料嘅蛋餅，一咬落去已經係滿滿的肉鬆同芝士，芝士仲可以拉絲添🦑酥炸魷魚（$48）魷魚炸完之後仍然口感彈牙，炸粉薄而脆，好食到停唔到口🤤🦪蚵仔煎（$42）蚵仔煎都係好足料，食到粒粒蚵仔都係好飽滿🐓起司雞排便當（$63）雞排有手掌咁大塊，炸完之後仍然皮脆肉嫩，再配上鹵肉飯，鹵肉飯的五花肉入口即化，鹵汁到位，食指大動，正👍🏻🍜牛三寶麵（$80）入面有牛腱肉，牛筋同牛肋肉，牛腱肉肉嫩多汁，牛筋食落去滿滿嘅骨膠原；牛肋肉炆得腍之餘仲好入味；麵條好彈牙，湯底牛味重，味道濃厚🧋凍黑糖珍珠奶茶（$34）珍珠份量多，食落去煙靭唔黐牙，奶茶就算唔叫少糖都會過甜，不過記得飲之前有攪勻佢，如果唔係就會飲哂d黑糖

觀塘工廠大廈一向有好多美食，今次就想試下台灣野。餐廳環境整潔，夜晚嚟到非常多人，但座位都算闊落，唔會太有壓迫感。麻辣牛肉麵 $75非常之推介👍🏻👍🏻👍🏻麻辣湯底做得好好，唔算太辣太油，食落味道岩岩好。麵質非常彈牙，牛腱都好好食，口感嫩滑，仲有幾大嚿 ，好滿足😍😍😍紅燒半筋半肉麵🥩 $75(另加$5轉左冬粉)湯底好香牛肉味，筋好大嚿，牛肉份量都多，一啖筋一啖肉，食到舔舔脷。轉左冬粉估唔到都咁適合，冬粉非常之掛汁，正😍蚵仔煎 $42 睇落份量就爭少少，但原來蚵仔都有好多粒，味道十分好食，入口煙靭加埋少少辣醬好有台灣風味🤭起司肉鬆蛋捲餅 $40 睇到材料充足，整到好飽滿。有4大嚿，外層蛋餅熱辣辣，內層有好多芝士🧀、肉鬆，食完好滿足😚😚😚凍黑糖珍珠奶茶🧋 $34台灣飲品一定要飲黑糖珍珠奶茶，雖然係黑糖但係都唔算太甜，珍珠方面煙煙韌韌都有好多粒珍珠喺度凍柑桔檸檬綠茶 $12 (跟餐半價)好大杯，味道不錯，酸酸甜甜好開胃日月堂 (觀塘)觀塘興業街14號永興工業大廈4樓C2室

🌟牛三寶麵 $80有齊牛𦟌 牛肋肉 牛筋好豐富牛𦟌帶筋位 厚切都好嫩滑💕牛肋肉脂肪分布均勻牛味濃郁👍.🌟清燉半筋半肉麵 $75湯底好香牛肉味❤️‍🔥熱辣辣🔥筋好大舊 口感唔係入口即溶果種反而係有咬口 慢慢滲出牛味牛肉都好厚肉 連住肥膏好軟腍刀削麵有厚度 好煙韌💝.🌟蚵仔煎 $42蚵仔份量好多❣️都有鮮味加左木薯粉 蛋去煎🍳加埋甜醬好地道.🌟起司肉鬆蛋捲餅 $40捲餅好厚芝士多到拉到絲🧀肉鬆食落有陣炭燒味幾香口惹味😍.🌟仙草奶茶 $25🌟珍珠奶茶 $25冬天都要飲珍奶🧋熱飲選擇更突出茶香呢到嘅奶茶有驚喜似係茶餐廳飲到嘅味💯.📍日月堂興業街14號永興工業大廈4樓C2室

好久沒去台灣旅行，想食下台灣菜，行開去觀塘區，就到這裡吃個牛肉面一解相思之苦。這店設於工廈內，地方寬敞乾淨，設計走工業風格。 紅燒牛肉麵牛肉厚切，食落腍身重牛味，白蘿蔔吸收了湯汁精華，煮得非常入味，刀削麵彈牙。牛肉蔥油拌面整碗拌面鋪滿乾蒜和蔥花，有半隻滷水蛋，半肥瘦牛肉幾嫩，每條面都掛滿醬汁，伴有麻香…正！蚵仔煎蚵仔很多和超大粒，很新鮮，加入蛋和菜絲煎得很香口，入口煙靱，加埋甜辣醬，很有台灣風味！起司肉鬆蛋捲餅外層蛋餅好香脆熱辣辣、內層芝士真的起司! 加埋肉鬆放入口，超開心滿足。 凍仙草奶茶奶茶夠滑不太甜，香濃奶茶味，仙草很多，兩種味道十分夾！凍鳳梨綠茶第一次試這款飲品，每口綠茶都帶有鳳梨香，既清新又特別，夏天消暑之選！

這一天和朋友聚會 朋友一向鍾意食台灣野😋我們揀左位於觀塘既日月堂📍係工廈既樓上店-店內環境以台式工業風為主😌可以QR CODE落單📝📱食物以台式為主，有主食、小食主食方面，我揀左麻辣鴨血麵新竹米粉🍜🌶好台式既口味，新竹米粉吸晒D麻辣味 好惹味鴨血都幾彈牙😆不過真係偏辣🌶唔食得辣既朋友要留意❗️-朋友點左麻辣牛肉麵 牛肉份量都幾厚實🥩牛肉味重少少😆-小食方面，我地揀左蚵仔煎，蚵仔份量都好足夠😋夠濕潤!-另外點左燙青菜 呢個份量就偏少⚠️-飲品方面，我地點左黑糖珍珠鮮奶同荔枝紅茶🧋跟主食點有半價 好抵飲✅-幾實惠既台式餐廳 可是位置真係唔方便⚠️更易搵就更好了‼️