黑布小巷

Open Now

Now Closed

黑布小巷 荔枝角億利工業中心405室🥪慢烤雞腿蛋吐司 $49 黑布小巷嘅招牌吐司 雞腿大件肉質好嫩最欣賞喺個醬汁 甜甜地 而且佢一啲都唔孤寒 比勁多醬汁 一路食一路滴到周圍都喺🍳推薦！🍡花枝丸配准鹽（跟餐）$28🧃茉莉茶（少甜）（跟餐）$12咁樣跟餐 一共只喺$80 絕對食得飽🍤夜市蝦捲手工魯肉便當 $69便當份量驚人 兩個人share食都絕對足夠 除咗有成三條蝦捲 仲有魯肉 酸菜 粉絲 滷水蛋 配料豐富 差啲食唔曬🧃白桃烏龍茶（跟餐）$12🍨芋頭椰汁三色圓 $46同平時食開嘅芋圓甜品唔一樣佢喺好似糊仔咁杰杰地但喺芋頭味好足 食落好滑好香芋圓煙煙韌韌好好食 值得一試！🥓黑布台式香腸 （2條）28🫕湊湊豆腐湯（微辣）$38入面有兩大舊豆腐豆腐微辣得嚟好香好過癮

Sundays were made for brunches. We had a feast here, ordered a bunch of Taiwanese food and got very full. My favourite was the Taiwanese panfried egg rolls and their signature sandwiches. Taiwanese egg rolls wrapped with ham and egg, and something crunchy like diced onion. Classic and very delicious.We tried three of their sandwiches: pork with cheese and egg; chicken thigh with cheese and egg; truffle portobello mushroom with caramelised onion. All were good, the zesty mayo sauce on the toasts

慢烤雞腿芝士蛋吐司加配花枝丸配淮鹽及桂花烏龍 ($96)呢款吐司餡料入邊充滿着大量芝士同蛋😍望落十分之邪惡😈雞腿烤得好嫩滑，搭配埋芝士一齊食味道好夾☺️如果外層吐司烘得再脆啲就Perfect🥰花枝丸炸得幾香脆，幾重魷魚嘅味道，口感幾彈牙☺️淮鹽又唔會好鹹，味道適中🥰桂花烏龍幾清新，桂花味淡淡地，不過茶底幾香☺️手工滷肉蝦卷便當加配桂花雪梨羅漢果茶 $83呢款手工滷肉蝦卷便當幾有台灣嘅味道😍滷肉係半肥瘦，比例分配得幾好☺️而且蝦卷口感嘅煙靭🤤蝦味又重，值得一試🥰桂花雪梨羅漢果茶芝士火腿肉鬆蛋餅 $42呢款係幾signature嘅蛋餅☺️經典嘅配搭，餡料都比得好足🥰食落口芝士有拉絲，蛋餅皮唔會太厚，口感唔錯☺️黑糖紅棗薑三色圓 $38呢度嘅芋圓好好食，夠煙靭彈牙🥰而且感覺都係好養生嘅感覺，因為好重薑味，幾驅寒🤣🤣

工廈小店，位子不多，12點半來到不用等位直入，食完出嚟1點幾已經大排長龍。手機落單，可以手機比埋錢或者出收銀處比。有台式便當飯，麵類只有番茄牛肉麵，吐司有豬扒/雞腿/大啡菇，仲有小食，都係台灣腸、花枝丸、蝦捲呢啲，飲品就冬瓜茶/桂花烏龍茶/羅漢果茶，仲有蛋餅，有甜品芋圓。由於唔想食飯，想食麵，唯有叫番茄牛肉麵。牛肉麵一般，湯底辣的，唔知係胡椒粉定乜，唔係好番茄湯味，湯底偏稠。紅蘿蔔白蘿蔔夠淋，滷蛋一般，偏硬，牛肉大概三舊，都偏瘦偏柴。店舖算出名嘅係吐司同蛋餅，驚太飽太滯所以冇叫蛋餅吐司有豬扒/慢烤雞腿/大啡菇，叫咗豬扒，芝士蛋，豬扒唔係好厚所以咬落唔算好有口感，可能雞腿好啲，都唔算好香，但吐司包熱辣辣脆口就好食，冇想像中咁滯小食蝦捲好脆，但冇乜蝦味台灣腸聲稱肥瘦黃金比例3:7，係幾好食，外皮脆，入面少少肥肉，唔多，好多汁冬瓜茶見到甜度固定就好驚勁甜，結果唔甜，都幾香桂花烏龍茶，冇糖，幾香

從前蒲葵廣，經常幫襯黑布小巷，今日就去咗億利搵返令人懷念嘅味道。一到達樓層，就見到小小嘅人龍，好彩唔算等太耐就有位，即刻坐低叫晒所有我最想食嘅嘢。台式嘅蛋餅真係好好味，今次就揀咗芝士火腿肉鬆蛋餅，雖然材料簡單，但係一拍即合。另外就揀咗慢烤雞腿芝士蛋吐司，餐廳仲會提供手套，可以放心大啖大啖咁食。厚厚嘅雞腿配上濃郁嘅芝士，麵包烘焙得剛剛好，每人半份開心share，就可以試多幾款菜式。手工滷肉蝦卷便當份量相當多，下次應該要叫小飯。滷肉肥瘦適中，煮得夠腍，充滿肉汁，撈飯一流。蝦卷總共有三條，滿滿嘅蝦肉非常彈牙。個人認為台式嘅花枝丸完勝港式墨魚丸，所以我每次必食，今次選擇咗淮鹽味，其實唔點都已經咁好食。呢度嘅台式飲品都係佢哋自家製，沿用台灣出品嘅材料炮製，當然要試番2杯。桂花雪梨羅漢果茶味道清甜，飲落夠晒滋陰。古早味冬瓜茶係我去台灣必飲嘅台式飲品，而呢度嘅冬瓜茶絕對有台灣嘅水準。最後嚟個甜品，芋頭椰汁三色芋圓係佢哋嘅必點招牌菜式，芋圓超大粒，又夠Q彈，配合椰汁味道都非常夾。

餐廳環境光猛闊落，但枱與枱距離略嫌迫狹。用餐時間係平日晚上六點，入座率接近九成，估唔到平日夜晚都咁多人。餐廳用QR碼落單，落單後要先付款後才上菜。- 台式肉蛋芝士吐司⁵⁶吐司餡料份量十足。吐司烘得微濃香脆，夾住海量嘅芝士、蛋味濃郁嘅半熟流心蛋，嫩滑多汁嘅美國穀飼豬扒，一路食一路滴汁超好食，難怪係餐廳招牌菜。大推！- 古早味手工滷肉飯⁴⁸滷肉份量好多，直頭舖滿晒飯面。滷肉粒肥瘦適中，肉質腍嫩入味，再配上香滑軟綿珍珠米，口感豐富。- 花枝丸³⁸花枝丸炸得金黃香脆，配上自選淮鹽，咬落爽口彈牙，每啖都有花枝粒，夠真材實料！- 自家煲制冬瓜茶²²自家制冬瓜茶用上台灣空運冬瓜磚，甜度適中，大熱天時清暑一流。

本身一場黎到諗住試佢地啲蛋餅，可惜全部寫住售罄，唔知係唔係午市太忙唔整🤔有啲小失望☀️黑松露焦糖洋蔥大啡菇蛋吐司🥪$49為左個黑松露而揀😆但係感覺洋蔥好唔夾，味道太甜，所以挑左出黎，拎上手已經爆晒蛋汁☀️慢烤雞腿芝士蛋吐司🥪 $56佢地啲吐司都偏大份，慢烤雞腿唔覺特別嫩，食落同普通雞扒差唔多，整體OK☀️花枝丸配魔鬼辣椒粉🌶️🌶️🌶️+$28食唔到太辣建議唔好揀🤣🤣花枝丸只係沾左少少辣炒已經辣到飛起，食完個口仲有痛感，不過辣得好過癮☀️桂圓杞子玫瑰三色圓🥣 $38糖水底有幾款可以揀，我就揀左呢個偏清香嘅味道。糖水帶玫瑰香味，桂圓都有好多粒，不過就冇杞子。芋圓口感煙韌，但係感覺份量偏細☀️冬瓜茶🍵 +$9唔太甜，味道正常每人埋單$80 呢區lunch黎講有啲小貴

之前黑布小巷仲有旺角黑布街店嗰陣，都已經有幫襯過幾次同介紹過～ 嗰陣聽到佢要結業都有啲sad，但佢哋後尾開返喺葵廣，之後再開埋有堂食嘅長沙灣店，都有啲期待！食物款式同以前有啲啲唔同，除咗有返招牌肉蛋吐司，仲出多咗「慢烤雞腿」吐司🤩•🥢 台式肉蛋芝士吐司 $53呢個吐司真係呢間嘅招牌！不過今次食就無之前咁驚喜，主要因為堂食店但個吐司無熱辣辣，只係暖，而且個包都無烘到好脆🤔芝士份量好多，可能因為只係暖暖哋嘅關係，芝士有啲硬咗，唔係好「拉絲」～ 豬扒有兩塊薄嘅(以前係厚厚一塊)，食落有少少乾，不過加埋蛋汁就加返啲分！•🥢 慢烤雞腿芝士蛋吐司 $53呢個慢烤雞腿真係幾有驚喜喎！🤩 雖然個麵包、醬汁、芝士、半熟蛋都係一樣，但個雞扒真係好嫩滑Juicy🤤 而且又厚身啲，所以咬落啖啖肉，非常之滿足😋 •🥢古早味手工滷肉飯 $48滷肉飯嘅滷肉都好多，滷肉唔會太碎，見到肥瘦部分又有啲咬口，而且幾濕潤，幾啱撈飯，但一碗份量唔多，不過$48蚊就有啲貴🤔•🥢夜市蝦捲 跟餐+$28 (原價$38)呢個蝦捲就算係跟餐都有啲唔抵食，因為得3條🫣 炸到脆脆哋嘅腐皮包住啲蝦膠同青豆(?)，蝦膠嘅粉感比較重，唔算好彈牙😬

黑布小巷係一間人氣台式餐廳，雖然喺工業中心，但周六日都預左要等一陣先有位。佢地嘅Menu選擇唔算太多，其中最出名要數佢地嘅雙重瀑布芝士吐司，佢地另外仲有滷肉飯、小食、三色圓糖水同台茶，全部都係幾十蚊有交易。黑布台式香腸($28)  - 香腸一咬開啲肉汁爆晒出黎，好彈口，超正！花枝丸($38) - 可以揀淮鹽或者鬼椒辣粉，我揀左前者，唔會太鹹，花枝丸幾彈口，份量對版。台式肉蛋芝士吐司($53) - 終於黎到戲玉喇~!!吐司唔算好大份，不過都夠食，每件吐司入面有兩塊穀飼豬扒，肉質唔會太鞋，煎蛋係半熟蛋汁都爆晒出黎，所以一定要帶另附嘅膠手套食。古早味手工滷肉飯($48) - 滷肉飯睇落唔算好大碗，但其實塞到滿晒，白飯上面鋪滿滷肉，滷肉偏肥，加埋滷肉汁，撈勻食，每一啖飯都食倒滷肉，食晒都真係幾飽。桂花雪梨羅漢果茶(跟餐加$12)桂圓杞子玫瑰三色圓($38) - 糖水唔會太甜，裡面都有六粒龍眼肉，三色圓係芋圓、地瓜圓同紫薯圓，三款都好煙韌彈牙唔會太實太硬。總結，味道唔錯，特別鍾意佢個蛋吐司，國食份量都唔少，每樣野都係幾十蚊有交易，仲唔洗加一，性價比高，不過要預左lunch hour可能要等位。

之前係旺角嘅時候已經去過食，好鍾意佢地嘅台式厚吐司 😍 而家搬咗黎荔枝角，大咗又有冷氣，舒服好多 👍🏻 嘢食依然keep 到個水準，而且依然好抵食 👏🏻 可以黎多啲啦 招牌肉蛋芝士吐司 📍$53流心蛋加半溶芝士，真係好吸引 😍 入面嘅豬扒唔算好厚，不過好入味，仲有自家製醬汁，酸酸甜甜咁，令到個吐司唔會咁漏 古早味手工滷肉飯 📍$48幾抵食喎，呢個價錢，份量都唔少 👍🏻 而且滷肉好入味甜不辣 📍$383大塊，好彈牙，點埋個甜酸醬，好惹味花枝丸📍$38一份有5粒，同樣好彈牙。簡單淮鹽已經好夠味冬瓜茶 📍+$8台灣空運嘅冬瓜磚，好有誠意 😍 黎到香港再自家煲，味道唔會太甜，消暑一流呀！凍頂烏龍茶 📍+$5台灣茶葉，用咗8小時冷泡，味道特別清香，而且唔會有茶味嘅苦澀味黑糖紅棗薑三色圓 📍$38養生之選 👍🏻 湯底唔會係死甜，紅棗味好出，再加啲薑味，好暖胃，三色圓就好煙韌，好好咬

🌶🍗🧀🥚🥪麻辣鬼椒雞腿蛋芝士吐司 $55～🍗慢烤嫩滑雞腿、🥚半熟日本流心蛋、自家秘製醬汁、🧀溶岩芝士、🥪香烤吐司、🌶麻辣鬼椒✨🧤食吐司要戴手套先，因為有機會一入口就流晒蛋漿和芝士出來😆要小心點食呀，厚身麻辣味鬼雞腿好野味呀，配味蛋漿和芝士好滿足呀😍因為有芝士食完好飽呀🐷🧀🥚🥪台式肉蛋芝士吐司 $53～🐷美國大草原穀飼豬扒、🥚半熟日本流心蛋、自家秘製醬汁、🧀溶岩芝士、🥪香烤吐司✨相對豬扒沒有雞腿咁厚身，所以用了兩片豬扒，加上選用了美國大草原穀飼養嘅豬感覺好健康呀😍，暖暖的吐司，蛋漿和芝士已經滲入了吐司，美味又有口感😍✨套裝可加錢配小食及飲杯🍘甜不辣 $38 配酸辣醬 （三件）✨ 酸辣醬係唔辣但有少許酸，甜不辣好大片好好味😋🍡花枝丸 $38 配准鹽 （五粒）✨花枝丸好煙韌呀，食到有一粒粒花枝😍，我覺得唔用准鹽都好味😋🥤凍頂烏龍茶～選用台灣茶葉、8小時低溫冷泡、不加糖、不加防腐劑的自家制冷泡茶✨比較清嘅烏龍茶，非常健康😍🖼座位都算多，平日食晏來都唔使排隊，但假期就都多人啲都要排隊

咁耐冇去旅行🧳，大家一定好掛住台灣嘅美食！而曾經係黑布街既黑布小巷最近都登陸荔枝角👏🏻，今次仲提供埋座位堂食添！嚟到呢度，一定要試下佢地吐司🍞，岩哂大家嚟打卡👍🏻！我覺得佢地招牌「台式肉蛋吐司」真好好味😋，入面夾左美國穀飼豬排参，食落都唔韌唔多筋，落埋黑椒幾香幾惹味！一拎上手，蛋汁徐徐流下，中間夾左幾片半熟煎蛋🍳，朋友揀左呢款仲加埋芝士添🤟🏻，十分邪惡😈！吐司外層微微烤過，咬落香脆🥰！我就點左呢款「慢烤雞腿蛋吐司🍞」，味道都差唔多，只係中間轉左慢烤雞腿，咬落幾稔滑多汁！兩款都幾好味😋，睇下大家想揀惹味定香滑多汁！難得有堂食，就當然要試D夜市小食😃！蝦卷真係好有夜市風味，而花枝丸食落都幾香口！黑布小巷最特別係佢地有自家製養生茶👍🏻，我地揀左羅漢果茶同烏龍茶，飲完喉嚨好舒服😌！佢地吐司依然保持到水準🙂，咬落香脆，但中間餡料既豐富又會好乾，真心好味😋！大家大家有機會就要嚟試下～～

見到勁多唔同平台都介紹呢間，今日我都興緻勃勃泥打下卡~環境幾寬敞，不過因為要保持社交距離，佢係坐一張2人枱block一張2人枱咁，咁就唔會同隔離枱太近，令人食得安心d🤩不過都因為咁，坐到用餐嘅人都會減少左，可能人流多嘅時候都要等下位~✨慢烤雞腿蛋芝士吐司 - 我嗰時已經爆肚餓，個吐司又勁惹味，流心蛋汁滿滿+邪惡芝士，仲有啖啖肉雞腿，唔洗幾分鐘俾我ko左😂✨古早味手工滷肉飯 - 好足料，飯粒係用珍珠米，滷肉夠淋夠入味，正👍✨花枝丸 - 揀左配淮鹽，味道幾夾，口感彈牙✨芋頭椰汁三色圓 - 三色圓係包括左芋圓，紫薯圓，紅薯圓，一碗勁多粒，煙煙靭靭，係我最愛嘅質感✨三花凍頂烏龍茶 - 茶味幾香，解膩一流✨桂花雪梨羅漢果茶 - 幾潤喉，好啱呢排轉天氣飲😻