容記小廚

土瓜灣附近一間不太起眼的小店，店面擺放有很多餐牌，望落都幾吸引。裡面環境類似茶餐廳，乾淨企理，店員好熱情過黎招呼我地坐低，跟住就介紹呢度的特色菜。主要以家常菜式為主，價格都唔貴。開波先黎一碗老火湯，住家飯的必定流程肯定唔少得，今日係紅蘿蔔豬骨湯，湯料足，夠火候，同其他快手湯唔同，直頭係阿媽只味，天氣甘熱黎碗靚湯真係好正，老細都好好人，飲完仲繼續幫我加左一晚，靚湯真係飲多幾碗都得。跟住梗係試下招牌碌鵝啦，肉質好有鵝味，新鮮，染曬焦糖色，好入味，聞落仲有淡淡醬香，油脂分佈均勻，口感滑順、皮薄肉嫩，啲鵝汁用黎撈飯都好正。椒鹽鮮魷就一定要夠爽口，唔可以太老會韌，這個就做得岩岩好，望落金黃色，又脆口，而且冇腥味，魷魚肉夠厚，口感超好，有大排檔個只味！脆皮炸大腸賣相好吸引，外面的皮脆脆的，一口咬下去都可以聽到那種喀啦喀啦的脆聲，入口香脆，随后油脂四溢，唇齿留香！可以食到脆口的炸大腸實在難得！肉食完當然要黎個青菜啦，百合炒西兰花清淡还不失美味，在百合配合下略帶青菜的清甜味，西蘭花又多汁脆嫩，食完一堆肉之後食呢個就岩好啦。總體黎講，容記小廚主打住家菜味道，食材新鮮足料，菜式都帶有溫暖親切的家庭風味，味精之類調味料又唔多，養生又健康，掛住阿媽住的飯黎呢度就岩了！…查看更多

第一次嚟呢間店舖食飯，朋友介紹，實在大有驚喜今日到場嘅時候全場爆滿。而且食物都非常有驚喜，新鮮美味又大大份，三五知己過嚟食飯飲啤酒，真係好舒服滿。大家過嚟記住要食海鮮拼盤啊！…查看更多

今日同朋友約好在容記小廚食晚飯。今日我哋先點兩個晚市客飯套餐，鹹蛋蒸肉餅，椒鹽豬扒。招牌碌鵝下庒，蜜椒鱔球，菠蘿生炒骨。一坐低先飲返老火靚湯，冬瓜薏米紅蘿蔔豬骨湯。湯唔會太咸都好味道。招牌碌鵝庒：碌鵝夠晒入味，食落香口，鵝肉質又夠新鮮。鵝香十足。蜜椒鱔球：蜜糖甜甜地加上黑椒野味可口，鱔球肉質好好，鱔香十足。菠蘿生炒骨：菠蘿新鮮好味道，三色椒都夠新鮮好味道。生炒骨肉質好，炸出嚟唔會過火。椒鹽豬扒：炸得岩岩好，味道入味。豬扒夠淋。肉質良好。鹹蛋蒸肉餅：肉餅個肉質好食，唔係一般攪碎既肉餅而係手切而成肉餅。有口感有咬口，鹹蛋都好香口。個凍檸檬茶d檸檬好厚好大片。綠豆沙都唔會太甜，好足料好味道。店員服務態度都好好，好友善。…查看更多