麻辣香鍋

Open Now

Now Closed

相約朋友行完朗豪坊， 購物完我們就去了呢間#麻辣香鍋 食晚飯，餐廳地點好方便，就系朗豪坊旁邊！好早之前已book定檯，因為這餐廳亦都係街坊之選！🌶️招牌香鍋*（香辣，小辣）蓮藕仔+牛肚+豬皮+土豆片+薯粉可自選不同配菜，似足車仔面咁!辣度都可自選，叫左小辣，一眼看到大量乾椒，以為好辣。但入到口岩岩好，蓮藕仔夠爽脆。豬皮脆嫩可口。土豆片入曬味，樣樣餸都好好食，成個鍋好惹味呀， 而且一啲都唔油膩添!🌶️川香鮑魚雞煲有四粒大大的鮑魚，而且一啲都吾韌，都幾大隻同新鮮多汁。雞肉夠曬彈性，夠晒醬汁夠曬惹味，香辣嘅味道真係令人食極都唔厭，好彩我哋叫咗少辣，朋友都能食得到！過足癮！很適合伴飯食。🌶️酸菜炒肥腸上枱視覺極震撼！勁多酸菜，肥腸細心切成片方便食嘅，食落口感豐富又香口🤤用酸菜是坊間甚少見的川菜，絕對可以成為招牌菜😋🧊金桔檸檬茶🧊百香果檸檬茶呢度有2杯特色飲品，清爽解辣，粒粒百香果，口感層次豐富，又唔會得個甜👍🏻而呢度服務員都有禮，價錢合理，性價比之選！

經朋下介紹下黎到呢間川菜「麻辣香鍋」試一試。環境光猛闊落，另外我非常欣賞佢哋現在仍有隔板分隔，令人食得非常安心。而且一坐底又有熱水俾我地洗餐具，枱面有提供紙巾，非常細心♥️。餐牌選擇非常多，有招牌香鍋、烤魚、雞煲、水煮牛/羊肉、鑊集小炒、冷盤等，應有盡有。💮招牌香鍋 $28 + 任選五餸起炒黎到點少得試佢既招牌香鍋。口味有3款選擇：香辣/麻辣/醬香（不辣）。我地就揀左香辣。而辣🔥度就選擇左少辣。餸我地就揀左：肥牛、五花肉片、雞軟骨、魷魚鬚同翠玉瓜。一上到黎份量真係好多，超香香辣味，辣味滲入哂落啲餸，又炒得乾身、香口、鹹度又適中，少辣不算太辣，是接受到的範圍。整體味道不錯👍🏻，送飯一流。💮小菜：黃金蝦球 $138黃金蝦球顧名思義是用鹹蛋黃整，蝦🍤球即叫即做，外皮香脆，鮮蝦彈牙，配埋鹹蛋黃落去炒，每一啖都有鹹蛋黃味，超好味😋推介👍🏻💮冷盤：口水雞$66口水雞黃油香十足，雞肉嫩滑、雞皮又薄又滑，口水汁充滿麻香，滲入哂入雞塊裡，真係好惹味😋💮飲品：凍檸樂$26 百香果檸檬茶$36友人就揀左凍檸樂，而喜歡飲檸檬茶既我，點少得試下佢呢個咁特別既「百香果檸檬茶」。原

🌶️🌶️麻辣香鍋🌶️🌶️招牌香鍋（麻辣小辣）🌶️🌶️$288呢一個招牌香鍋可以揀五個餸，唔同嘅餸有唔同嘅價錢，我哋今次揀嘅五款餸都比較貴一d，但係就全部都好高質‼️我覺得係物有所值㗎💓💓我哋揀嘅餸包括有新鮮鮑魚（四隻）、海蝦（六隻）、肥牛、豬頸肉同埋鯛魚片，全部都係海鮮同埋肉類，海鮮仲非常新鮮，所有嘅餸全部都充滿着麻辣嘅香味，非常惹味。非常推薦大家叫呢個麻辣香鍋！👍🏻👍🏻💓京蔥羊肉配六張麽麽皮 🐑$108京蔥炒到非常入味，有鑊氣！羊肉幾乎冇蘇味，本身唔係特別鍾意食羊肉嘅朋友應該都會接受到✨✨麽麽皮係類似片皮鴨餅皮，非常薄身熱辣辣，配埋京蔥同羊肉一齊食，呢知食法都幾新鮮！💓💓口水雞 🐔$66口水雞嘅辣汁調味啱啱好，唔會太鹹唔會太辣，雞肉嘅肉質非常之滑，攞嚟送飯一流！💓💓百香果檸檬茶 🍹$36呢個同出面台式飲品鋪嘅水果茶味道有啲似，一路食辣嘢一路飲，非常唔錯㗎！🥰🥰凍檸樂 🥤$26咁當然凍檸樂就梗係屬於唔會輸系列！

今晚突然間玩濕凍，凍到癲咗，大胃仲要冇帶褸撇雨，好驚會冷親可以祛濕又驅寒嘅，嗰刻只諗起四川辣嘢，就走去旺角呢間川菜避寒又避雨食酸菜魚又太大陣仗，於是嗌個香鍋，可以配搭唔同嘅材料一齊炒，非常有鑊氣，夠晒解凍大胃第一次食蓮藕仔咁嘅物體，係超級迷你版嘅蓮藕，但裡面嘅窿窿吸晒啲汁，爽口又入味豬大腸炒到極乾脆，咬落嗦嗦聲極香口牛舌切成一條條，勁嫩口田雞碎上極致，完全睇唔出其形態，可以焗唔食田雞嘅朋友試吓羊肉完全冇羶味，薄切夠惹味唔食大煲酸菜魚啫，都可以試吓酸菜炒鯛魚，都係酸菜魚吖魚肉嫩滑，酸菜夠晒夾，非常之辣同開胃，送飯不錯籐香雞係幾特別嘅冷盤，冰涼嘅雞肉，浸泡住嘅辣椒籽，但食落奇滑且唔辣，同時好有麻香食辣嘢真係再凍都忍唔住嗌凍檸茶，加埋百香果，解辣效果升級佢地嘅檸茶，特別在用雙檸，茶味更清新解渴

睇個名就知餐廳主打麻辣川菜料理🌶，除咗有比較常見嘅雞煲、烤魚、特色小菜等，仲有小龍蝦、海鮮煲、同招牌香鍋😬 包保有款啱你心水😝 餐廳環境乾淨企理，雖然唔大但枱與枱之間有足夠嘅距離✨ 而且無諗過平日夜晚去都full晒，要企喺門口等😨 受歡迎程度可想而知！先嚟個冷盤開吓胃🫣 藤香雞十分嫩滑🐔 雞皮爽彈，帶點麻香味但唔會好嗆，味道出奇地清新，凍冰冰咁啱晒夏天食☀️嚟到川菜館當然要試吓京蔥牛肉啦🐮！京蔥爆得好香口，牛肉軟嫩，啖啖肉，夾埋麼麼一齊食令到成個感覺升華咗！整體層次分明，口感豐富，十分推介🥺最後係餐廳嘅招牌菜，自選麻辣香鍋！海蝦鮮甜美味🦐、豬頸肉香口惹味🐷、蝦球爽口彈牙🍢、炸豆腐外脆內滑🥠、鯛魚片爽滑唔腥🐟！整體調味適中，十分惹味，大件夾抵食，配飯一流🔥飲品方面要咗百香果檸檬茶，甜度適中，超級解渴🙈 滿足嘅一餐✨ 下次要試埋其他餸先得！

經過間鋪頭嗰陣，聞到好香嘅辣味，就即刻忍唔住衝左入去試嚇🤣果然出色。📋首先我哋梗系叫咗一個香鍋先😂就揀咗-麻辣味-小辣成個味道好正宗，又麻又辣，入邊系放滿左辣椒同埋花椒、芫荽等陣間味道層次感。🔆$46 牛肉片 -好嫩滑🔆$36 芝士腸🔆$28 芋頭🔆$26 花菜 -推介🫶🏻好入味又爽脆🔆$28 蓮藕 -每一塊都大大塊！▫️$48 涼拌黃金皮蛋 -用咗佢地自家制秘制醬汁，有指天椒、湖南辣椒、黃金醬等幾十種材料製作已成，點落去好惹味🤤▫️$72 乾煸四季豆 -食落去好有鑊氣❗️又夠味，送飯一流。▫️$36 百香果檸檬茶 /檸檬茶中加入淡淡的果香味，鐘意食百香果嘅朋友一定要試嚇🫶🏻💁🏻‍♀️餐廳性價比很高，中午設有午市套餐更加平同抵食！經過旺角嘅朋友仔可以試嚇💘上菜速度很快，份量很足🙌🏻四個人食都食唔曬，最後外賣左🙌🏻🏘 店內環境整體乾淨，座位闊落💰382元 人均消費大約96元📍 地址：旺角砵蘭街198號地鋪（旺角E1出口，步行約5分鐘）