Video
Read full review
2022-03-01
2440 views
星期六去咗將軍澳Donki入貨同食晏，我哋幫襯咗「Seoulmate」。如果我無記錯的話，當年佢喺西營盤第三街開業嗰陣，我已經係座上客，今時今日佢轉戰嚟到新社區☺️。由於時間尚早，未有太多客人，所以我哋有機會坐打卡位🎠：韆鞦櫈。雖然坐喺度食嘢就唔係好啱位，但其他時間可以腳仔揈揈(fing fing)好開心，Chill到爆。餐廳週末有提供早等於午套餐Brunch Menu🤣，價錢由$78至$138不等，包果茶一杯，定價都算OK。韓式醬油燒腩肉配糖心蛋($88)，呢道菜式味道絕對無問題，問題在於我唔知佢原來係蓋飯嚟🍚🤪。我睇菜名仲以為係一嚿燒豬腩，再配沙律菜嗰類。蓋飯大大碗，餸料豐富，包括有🐷豬腩片、糖心蛋、泡菜、紫菜、海帶、紅蘿蔔同芽菜等。餐飲我要咗凍紅棗茶，正正常常吧，如果嗌特飲就可享減$20優惠。烏卒卒火山忌廉蟹肉蘑菇飯($158)，老實講嗌佢主要係被佢咁可愛嘅造型所吸引😍。火山嬲爆爆嘅樣子被震怒，所以流出蛋黃熔岩。外層其實係由蛋白打泡而成，本身無乜味的；而入面就係炒飯，原本仲以為係意式燉飯Risotto添。炒飯滿有驚喜，珍珠米粒粒分明，而且估唔到每啖都食得到蟹肉🦀，另外亦有好多菇菇🍄
星期六去咗將軍澳Donki入貨同食晏，我哋幫襯咗「Seoulmate」。如果我無記錯的話，當年佢喺西營盤第三街開業嗰陣，我已經係座上客，今時今日佢轉戰嚟到新社區☺️。
由於時間尚早，未有太多客人，所以我哋有機會坐打卡位🎠：韆鞦櫈。雖然坐喺度食嘢就唔係好啱位，但其他時間可以腳仔揈揈(fing fing)好開心，Chill到爆。
餐廳週末有提供早等於午套餐Brunch Menu🤣，價錢由$78至$138不等，包果茶一杯，定價都算OK。
韓式醬油燒腩肉配糖心蛋($88)，呢道菜式味道絕對無問題，問題在於我唔知佢原來係蓋飯嚟🍚🤪。我睇菜名仲以為係一嚿燒豬腩，再配沙律菜嗰類。蓋飯大大碗，餸料豐富，包括有🐷豬腩片、糖心蛋、泡菜、紫菜、海帶、紅蘿蔔同芽菜等。餐飲我要咗凍紅棗茶，正正常常吧，如果嗌特飲就可享減$20優惠。
烏卒卒火山忌廉蟹肉蘑菇飯
$158
68 views
0 likes
0 comments
烏卒卒火山忌廉蟹肉蘑菇飯($158)，老實講嗌佢主要係被佢咁可愛嘅造型所吸引😍。火山嬲爆爆嘅樣子被震怒，所以流出蛋黃熔岩。外層其實係由蛋白打泡而成，本身無乜味的；而入面就係炒飯，原本仲以為係意式燉飯Risotto添。炒飯滿有驚喜，珍珠米粒粒分明，而且估唔到每啖都食得到蟹肉🦀，另外亦有好多菇菇🍄。
軟心芝士梳乎厘班戟
$108
34 views
0 likes
0 comments
軟心芝士梳乎厘班戟($108)，呢個甜品製作需時，即叫即整約25分鐘🔥。班戟大大個，用煎Pan裝住，目測直徑有成6吋。🥞班戟好濃蛋香，即使係梳乎厘，但口感唔會過濕，或者似陣風，而中間更加入咗軟心芝士🧀，好好食呢。伴旁有士多啤梨、楓糖同蜂蜜脆脆，我認為就咁食抑或加埋一齊食都同樣正！
韓國米酒意式芝士蛋糕($58)，佢係韓式版嘅提拉米蘇Tiramisu☕️，味道尚算正宗。馬斯卡邦芝士口感細滑，手指餅索汁，但如果咖啡味再濃啲就好，另外亦略嫌甜咗少少。
總括嚟講，呢間打卡韓式Cafe唔錯☁️📸🇰🇷，菜式設計特別，賣相別出心裁。我仲有好多其他食物想試，有機會嚟開會再幫襯啊。
Post
