鳥鑫

Open Now

Now Closed

認識呢一間餐廳係睇YouTube有YouTuber介紹， 見到有唔同雞嘅部位串燒， 已經好有期望。 點知， 嚟到餐廳一試， 果然冇令人失望。 當晚， 我哋叫咗好多唔同雞嘅部位串燒， 個人覺得最好味嘅係雞頸肉同雞橫膈膜。 由細到大， 阿媽都話雞頸係打針嘅地方， 所以通常都唔會食。 今次一試， 原來先知道雞頸肉係咁嫩滑嘅。 佢本身有好濃嘅雞味， 但係又唔會好油膩。 橫膈膜都係第一次試， 佢嘅肉質有啲咬口， 雞尾好濃， 又係一啲唔係好油嘅部位。 當晚餐廳介紹咗一款叫「雞蠔肉」嘅串燒， 佢話係雞髀嘅內側，試完之後果然好嫩滑，肉質豐富Juicy！ 我哋當晚仲encore咗兩次添！ Overall，當晚叫嘅嘢食都好有質素。下次一定會再去。

相約多個月冇見嘅朋友一聚, 特意搵間樓上舖可以邊慢慢食, 邊慢慢傾下計嘅餐廳。朋友選址尖沙咀一間串燒餐廳, 確實食過後果然令人有所驚喜。餐廳面積不大, 開放式串燒位亦不覺半點油煙感。多款串燒選擇, 仲有多款日本清酒揀, 但我倆酒意微薄, 今晚還是主攻串燒!【煙燻華味鳥芝士卷】HK$68呢個凍食係餐廳招牌菜, 賣相好「的色」, 由雞刺身煙燻過再卷起cream cheese, 入口細味, 味道有如食緊煙三文魚, 淡淡鹹香煙燻味配上軟滑cream cheese, 味道很夾。【雞油渣炒枝豆】HK$58平時烚枝豆食得多,炒過嘅枝豆都係第一次食。每條枝豆表面油潤, 放入口bi出豆豆期間, 表面鹹鹹地惹味雞油跟豆豆咀嚼時, 更為惹味。好食得連碟上餘下嘅雞油渣都食埋, 邪惡爆燈。【雞肩肉】HK$38雞皮燒得微脆, 雖未至於雞腿肉般滑, 但keep得住肉汁, 自行加入檸汁提升味道。【栗米】HK$58栗米清甜多汁, 滲透著牛油香, 表面亦灑上鹽, 味道再升呢。【蒜頭】HK$28第一次就咁食燒蒜頭, 表面燒至焦濃, 口感好似食緊熟透嘅薯仔, 不過味道太濃烈, 要搭配其他串燒balance下。【洋蔥】HK$2

家人生日, 前來尖沙咀這間樓上串燒店慶祝。店裏的環境幽暗,座位舒適, 是聊天喝酒的好地方。我們2人點了不同的串燒; 鵝肝雞奕, 雞奕外皮燒至金黃色,軟軟的,冇骨, 鵝肝釀入雞奕裏面, 吃下時綿滑,帶點鵝肝味道;另一款是香草醬法式鵪鶉胸, 鵪鶉胸烤至金黃色,外皮脆嫩, 每口吃上都是肉, 鵪鶉胸不肥, 吃後不會感至一絲的肥膩感;而豚肉鵪鶉蛋,若淨燒鵪鶉蛋會太乾身,且吃不了其他味道, 加上豚肉, 燒至金黃色的豚肉,帶點燒汁味道,更能發揮出鵪鶉蛋的鮮味;平源雞提灯, 名字十分獨特,雞腸燒至香脆,吃下時帶點肥油; 而雞子金黃色大粒,外脆內軟,咬開外層,內層的雞子黃油滿溢口中,味道獨特;雞胸紫蘇葉,燒白滑的雞胸肉較淡,夾以紫蘇葉,吸收了燒後肉的膩感;而沖繩苦瓜炒蛋,  苦瓜味較濃且不太苦, 炒蛋忌廉牛奶炒, 滑滑的, 配以苦瓜, 味道極具層次感;甜品湯丸, 通常湯丸都是炎用水煮,呢到的花生芝麻湯丸是燒出來的,軟軟的,有香濃的芝麻流出;最後來一杯柚子梅酒,甜甜的梅酒, 清新的柚子口味, 喝後口腔清新, 剛好能清除吃完串燒的膩感。