鎔記潮州飯店

Open Now

Now Closed

老闆娘知道我仔仔要去外國讀書，特別安排廚師煮黃金骨…. 好感動🥹仲有潮州蠔餅，韭菜豬紅，鵝片仲係入口即溶…一個字 ‘正’….真心值得推介👍👍👍真係感受到人間有情有義🥰

剛過了潑水節💦，又令我哋想起去泰國街入貨買零食，入完貨後平時我哋會去食泰菜，但今次我哋係有預謀及有目的咁去試呢間潮州菜館😋舖面窗廚掛滿滷水食品及擺放咗好多煎魚及熟食，見到都流哂口水🥢韭菜豬紅$68豬紅滑身得嚟又爽口，醬汁味道啱啱好，配埋個辣椒油好正🥢滷水掌翼$98掌翼軟硬度剛好，最怕食到好梅好腍嘅掌翼，滷水汁香溢味美🥢椒鹽九肚魚$88炸得熱辣辣，粉漿薄身輕巧，外面鬆脆可口，裡面肉質嫰滑juicy，無渣無骨🥢啫啫通菜煲$88好有鑊氣，通菜爽口無渣，配合蝦乾及肉碎一齊炒，非常惹味，濃而不鹹，亦唔會太油膩今次太飽嘅關係叫唔到蠔餅，睇嚟下次去九龍城入貨都要翻啅再試😋

九龍城食潮州菜都係第一次！朋友話想試吓呢間 7點幾入座都無乜人 好怕伏左😂🤫 點知過多陣全場爆滿🔥【鵝腸大腸墨魚】揀左三拼 可以試多啲 不過覺得呢個有啲普通 無咩特別🥲【滷水鵝片】一定要嗌鵝片 啖啖肉唔洗咬！ 滷得勁入味 真係唔洗唔醬 底下仲有豆腐 勁勁勁入味！【潮州炸蠔餅】炸到好大舊 覺得偏多粉醬 不過蠔既份量都算適中～ 呢個要趁熱食！【椒鹽九肚魚】炸到黃金色！ 粉醬唔算好厚 九肚魚好滑！ 唔點汁就啱啱好 唔會好咸【黃金鮮魷】呢個真係停唔到口！ 咸香既咸蛋黃醬 再加上新鮮彈牙嘅魷魚 真係好食【啫啫通菜煲】通菜份量 仲有乾蝦米爆香佢 勁有穫氣🔥【韭菜豬紅】朋友推呢個！ 豬紅一啲都唔腥 仲要勁滑！有少少辣 不過好過癮～ 韭菜好新鮮 不過浸得太耐覺得有少少油

好耐冇去九龍城搵食啦今晚一行三人，約咗個舊同事出嚟食飯吹吹水🍴1. 蠔餅 $68 打冷必備，一定係蠔餅🤤🤤🤤🤤哩個正，大大粒蠔仔，而且啲炸粉一啲都唔厚好鬼抵食🍴2. 鵝腸大腸拼盤 $88大腸肥美，鵝腸好爽口 同埋吸收晒啲滷水汁😋佢墊底嗰啲芽菜我都撈晒🍴3. 椒鹽九肚魚 $88 我試過食第間咸到不得了所以呢個咬落去嗰陣我都擔心緊好彩佢唔咸之餘 仲可以食到啖啖九肚魚嘅鮮味讚！ 🍴4. 韭菜豬紅豬紅唔會鬆泡泡，而且佢有少少辣，辣得嚟幾過癮，撈飯一流坐下吹下水，食完飯突然勁大雨。。阿姐好好人仲俾咗把遮我同事😩👍🏻總結: 叫左四個餸，兩支啤酒，三個飯，茶芥都係每人百幾蚊埋單，抵食之餘又有人情味，下次再嚟食😋

每次講起九龍城，第一時間想起泰國菜，原來在密集的泰國餐廳中，隱藏了一間主打潮州菜的餐廳ヽ(*´∀｀)ノ環境與一般的潮州菜館差不多，雖然較細但也有大枱，適合一大班朋友來聚會喔。第一個熱辣辣上菜是芽菜豆卜，芽菜與豆卜是完美的配搭，豆卜吸滿湯汁，與芽菜一口吃下去，很多湯汁，味道清新又健康。第二個登場是潮州菜必叫的鹵水鵝件，肉汁豐富，鹵水汁入味，但鵝件有點難咬開，而底下的豆腐反而覺得不錯很入味。椒鹽九肚魚，外脆香口，肉質嫩滑，但吃時要小心骨頭喔。鳳爪豬手，很大的一碟，豬手和鳳爪很淋不難咬口，但味道有點咸。原來有火煱的～下次可以試試

今次三個人來到九龍城想找點好吃的，剛好看見一間新開的潮州菜館進店後看到擺了一碟碟的潮州菜式,感覺挺地道的，便決定一嘗潮州菜韭菜豬紅一大碗韭菜豬紅，滿滿的😋湯底感覺有少許藥材味，愈吃愈滋味既感覺每次食潮州菜，都一定會點一碟滷水鵝，滷水鵝係店舖嘅招牌小菜！上碟真的有成大半隻鵝，鵝髀位置 肉質相當鮮嫩😋 而且仲系豆腐底，分量十足哈哈！點對了菜🥰椒鹽九肚魚外表炸成金黃色的，入口外脆，而最讓人驚喜的是裡面的肉口感非常幼滑，口感像綿花般在口中溶化開去，食完第一件就已經停吾到口😍 值得推薦給大家！椒鹽豆腐，豆腐一粒粒炸到金黃香脆，香口嘅豆腐粒，配啤酒🍻一流蒜蓉炒油麥菜，蒜香味重，重點是真的好大碟, 三個人點了5道菜～吃得飽飽的。