驚安燒肉商店

Open Now

Now Closed

👅 原條手切牛舌（$230）牛舌色澤新鮮粉嫩，職員仲會代勞幫手燒，燒得均勻啱啱好，燒完嘅牛舌肉質鮮嫩帶點彈性有嚼勁，配上餐廳自家製醬料（鹽漬昆布、尖椒芫荽，檸檬汁）就更有風味，個人認為鹽漬昆布同檸檬汁可以令牛舌更提鮮，尖椒芫荽嘅味道比較濃烈，有少少搶左牛舌嘅味道🍞 和牛多士（$248）多士金黃香脆，中間夾住矜貴嘅鹿兒島和牛，和牛牛肉味濃又juicy，多士吸收左和牛嘅油脂香，加上有黑松露嘅他他醬，黑松露味道同和牛味道好夾之餘又唔會搶左對方嘅味道，香而不膩🐮 和牛壽喜燒（$98）店員用火槍將和牛炙燒，然後蘸上黑松露生蛋黃醬，和牛油花均勻，蘸上生蛋黃醬一齊食就更滑溜，再配上一口白飯，正；順帶一提，如果唔食生蛋/黑松露可以提早同店員講🍚 紫菜月見飯（$28）滿滿嘅紫菜絲，蛋選用九洲產熔岩蛋，蛋黃有住濃郁嘅橙紅色而且蛋香味濃又甘甜，連同牛肉汁一齊撈勻嚟食，燒肉必備🍝 火炙和牛拌冷麵（$68）冷麵好豐富，有熟蛋、醃蘿蔔，青瓜絲同和牛；麵條好彈牙，冷麵汁用左青桔仔汁，味道酸酸味味，食落去清新又解膩；和牛肉味香濃，可以即食或者放上爐再燒一燒，如果整體份量多啲就更好🥔 日式薯仔沙律（卡樂B)（$38）薯

放工去到尖沙咀呢間日式燒肉店，食靚牛埋個靚年尾呢度嘅選擇好多，樣樣都想食啲，嗌九宮格比較抵玩，有和牛三角腩、和牛五花、和牛赤身、極黑和牛、和牛三筋、一口和牛、厚切牛舌芯、韓式護心肉同壺漬牛肋肉其中三角腩真係肥美非常，一燒就好惹火，入口即化。其他牛肉都好厚切靚肉，唔使燒太熟，已經好有肉香油香除咗自己燒，有啲菜式會由專人操刀代燒，好似和牛壽喜燒，店員會先問燒幾成熟，大胃揀五成佢就燒至半生熟，點醬再將牛肉放喺一口飯上，呢種享受太正喇牛大腸都需要有勞店員，第一次食燒牛腸，真係大開胃界。首先佢會將牛大腸剪開成一片，一路燒一路搶火，垂油肉滴燒好就剪一嚿嚿易入口，經韭菜同蒜片醃味，牛大腸既有彈性又惹味芳香除咗燒肉，仲可以以串燒方式享用，和牛棒撈蛋同醬汁，甜甜鹹鹹配合嚼勁口感確實不錯芝士年糕點煉奶食非常香甜，中和芝士餡嘅鹹膩綿滑食咗咁多肉，都要食啲菜嘅，野菜盛都幾平，有南瓜、翠肉瓜、雞髀菇、秋葵同菠蘿，由於翠肉瓜售罄，就以多份南瓜代替，但都好爽甜薯仔沙律用咗卡樂B薯片碎做點綴，增加口感，突顯沙律嘅綿現場好多人都嗌手打檸檬茶，見水吧不停地擊打檸檬，就知有幾正啤酒買一送一都好吸引，吸引到大胃一個飲兩大杯先

好掛住日本🇯🇵諗起之前去日本燒肉店好正，就揾吓香港嘅日式燒肉店，搵到尖沙咀有間餐廳好有置身日本嘅感覺，好多牛肉嘅部位有得揀，當然唔少得有好多和牛嘅部位，入到去唔會好大油煙，店員都好友善同Helpful🐮仲要Sapporo生啤做緊$48買一送一，燒肉配啤真係爽呀🍻最癲係原來午市一至四點同宵夜九點半後入座起計係59折！勁抵食。和牛壽喜燒 $98————————————整片和牛油脂都十分豐富，由店員用噴槍炙燒，店員分幾次炙燒一片和牛，為求全片和牛平均受熱，油脂滿溢。醬汁非常特別，係黑松露生蛋黃醬，香氣逼人，每片肉都吸晒壽喜燒汁，再點上醬汁，配埋飯食，正🥹和牛博多葱卷 $138————————————精心地挑選葱葉嘅位置，博多葱清香又爽脆，減低食和牛時嘅油膩感，令味道層次同賣相都更加豐富。和牛三角腩 $188————————————和牛中油脂最為豐富嘅部位之一，油花十分細緻，脂肪顏色程乳白色，入口油脂非常豐富，入口即溶嘅感覺，牛味適中🐮厚切牛舌芯 $88————————————果然係厚切牛舌芯，口感脆彈、有嚼勁，唔會過韌，韌度剛剛好！真係好出色嘅牛舌芯。一夜干燒池魚(半條) $58——————