日月堂

Open Now

Now Closed

🙋🏻‍♂️餓底探員去咗觀塘調查呢間台式小店，餐廳喺工廈入面，工業風配上木系桌椅，食物用心製作，充滿地道台式風味🥩牛三寶麵 $80🙋🏻‍♂️表示手工麵口感爽滑，湯頭濃郁，配上爽口嘅牛筋，鬆軟味濃嘅牛肋條同超香軟多汁嘅牛腱肉，全部都煮得好入味，味道超讚👍🏻🍚手工滷肉飯（小） $35🙋🏻‍♂️表示個飯配上香濃軟腍嘅滷肉，味道脂香，肉汁豐富，加上滷蛋，酸菜等配料，地道風味將我帶回台灣一樣🦑宜蘭花枝丸 $38🙋🏻‍♂️表示花枝丸炸到金黃，每粒都脹卜卜，口感酥香爽彈，味道鮮甜，仲配上鹽酥粉同梅子粉供調味🍗滷水雞翅 $38🙋🏻‍♂️表示雞翅滷得軟腍，滷汁味道濃郁充滿鹹香，食落非常入味🍊金桔擰檬綠茶 $12 （加配價）🐝 蜂蜜紅茶 $11 （加配價）🙋🏻‍♂️表示惠顧飯/麵類可半價加配飲品，檸檬綠茶味道清新開胃，蜂蜜紅茶茶味醇厚，充滿蜜香📈吃貨指數😋好味度 9/10🔙返啅度 9/10

今日同媽咪出咗去食飯，我哋今次就揀咗一間觀塘樓上嘅台灣野。去到都算多人要等位，始終係工廈，等位都有啲熱，如果大家想去可以預先book枱。<紅燒半筋半肉麵，$75>呢個牛肉麵好好食，佢話湯唔會太濃亦都唔會太淡，有好香嘅牛肉，同時之間亦都有極輕微嘅辣，食落好惹味。牛筋同牛肉都整得好腍同好入味，好食！<炸鹽酥雞，$48>鹽酥雞炸得好香脆，入邊嘅雞肉仲好嫩滑。不過略嫌咸左少少。<宜蘭花枝丸，$38>呢個花枝丸都好好食，炸得好香脆，入邊真係有花枝粒，而且仲好彈牙。<手工滷肉飯（小），$35>呢個滷肉飯都幾好食，唔錯。<荔枝綠茶（凍）（半價加配），$15>超級大杯嘅荔枝綠茶，唔算好甜，荔枝味同綠茶味嘅比例調教得唔錯。<香芋奶茶（熱），$22>香芋奶茶都係唔係好甜，幾好，奶味同香芋味夾得好好。整體而言，我好推薦呢間台灣菜，性價比高又好味。