C DESSERT

Open Now

Now Closed

聰嫂（前店名）果然係名不虛傳，離遠已經見到打晒蛇餅咁排隊，雖然好多人排隊但係等嘅時間都唔算長，基本上都係等咗一陣就有位嚟到就梗係試吓佢哋皇牌嘅嘢，我哋一共叫咗四款甜品，每一樣都好有驚喜#龍眼椰果冰 $46呢一款甜品聞落去有淡淡的龍眼香味，而食落去更加食到龍眼嘅清香，之前去食甜品嘅時候一叫龍眼味就好容易出事，會變到好似藥水味咁，但係呢間一啲都唔會出現咁嘅情況，食落去仲可以解膩添#榴槤水晶珠 $48呢個真係榴槤控必叫，拎到埋嚟嘅時候已經聞到好濃郁嘅榴槤味，而榴槤雪糕唔係剩係得雪糕咁簡單，居然仲夾雜唔少榴槤肉，配埋水晶珠一齊食個口感脆卜卜咁，直落都幾得意，如果下次再嚟食嘅話一定一定會叫返呢一個#咖啡雪糕仙草黑糖珍珠 $44首先咖啡雪糕真係超香，味道好濃郁，而加埋仙草同埋黑糖珍珠增添咗唔少口感，仙草嘅清香同埋涼爽感令整體味道更加清新，平衡咗咖啡的濃烈#布蕾醬焦糖脆脆雪糕牛角窩夫 $42 牛角窩夫外層金黃酥脆，當咬落去個陣完全感受到香脆嘅口感，再配搭埋雪糕同埋布蕾醬，濃厚嘅奶香同焦糖的香氣交融，夾埋焦糖脆脆，簡直係將多種口感和風味完美結合

今日行完工展會，行到灣仔覺得餓餓地，就同屋企人打算去食啲嘢，見到聰c . dessert係寒風中仍然咁多人排隊，當然要去試下。我地一共食左5款，真係超級瘋狂，因為見到menu樣樣都想試,一場嚟到就試多啲啦!榴槤水晶珠滿滿的榴槤蓉，成座山咁高，一送上嚟已經好香榴槤味，榴槤蓉上面有幾粒水晶珠作點綴，增加左口感之餘，食落亦中和左榴槤嘅甜味。榴槤蓉下面係啲沙冰，最驚喜係沙冰係加入左啲榴槤蓉，鍾意食榴槤嘅朋友一定唔可以錯過。椰汁芋泥西米露糖水鋪一向都有呢種甜品，但呢度又比一般糖水鋪好食，因為佢啲芋泥好足料，最難得係唔甜，食多2啖都唔膩。芒芒麗莎呢個真係大推，用料好豐富，有芒果蓉﹑芒果粒﹑椰果﹑小丸子﹑水晶珠，所有嘢撈埋一齊好夾，水晶珠會係口入面爆開，好得意，啲芒果絕對唔酸，仲要好新鮮。杏汁芒果豆腐花豆腐花同芒果估唔到都幾夾，而且加左杏汁，更加香吖!咖啡雪糕仙草黑糖珍珠成個甜品都好重咖啡味，鍾意咖啡嘅朋友一定會鍾意!2球咖啡雪糕，配上咖啡味嘅果凍，仲有啲仙草﹑黑糖珍珠，好有咬口，而且真係啖啖咖啡味，正吖用料足，又大碗，真係值得一試!

呢日下雨天嘅tea time經過灣仔，見到呢間港式甜品舖都有條長長嘅人龍，我當然唔執輸排埋一份啦😂 雖然門口有大約20人排緊隊，但係都係等大約20分鐘左右就可以入座😎 叫咗四款喺餐牌上面都有王冠嘅皇牌甜品🤩芒芒麗莎鍾意芒果嘅朋友一定要叫呢個，入面除咗有芒果粒，仲有芒果沙冰、椰果、小丸子同水晶珠，酸酸甜甜好啱夏天食🥭士多啤梨豆腐花呢個配搭真係第一次試，將酸酸甜甜嘅士多啤梨雪葩放喺豆腐花面，食落又滑又涼快🍓咖啡雪糕仙草黑糖珍珠有成兩球咖啡雪糕，旁邊配有仙草粒、水晶珠同黑糖珍珠，底下仲有仙草凍添🤤 黑糖珍珠將咖啡同仙草嘅甘味中和，係個味道特別嘅甜品☕️朱古力香蕉朱古力醬焦糖脆脆牛角窩夫唔好以為呢間餐廳淨係得港式甜品，連近年好hit嘅croffle都有得嗌🫢 牛角窩夫好脆口，上面嘅雪糕、朱古力醬同焦糖脆脆，令甜意升級🧇呢間餐廳嘅甜品選擇真係好多，難怪非常有人氣，keep住座無虛席啊🤗

剛剛食完晚餐，總覺得欠了點甚麼，朋友話欠了點甜品😂。所以佢帶左我黎灣仔聰。C，店舖門前，見到好多人排隊，令我有點期待。芒果布甸($32)：布甸質地濃滑，芒果香氣撲鼻，加埋花奶，味道清甜可口。麻糬紅豆抹茶雪糕牛角窩夫($44)：切開係聽到聲，入口仲係暖的，外層好酥脆，內軟的窩夫配搭上濃郁順滑的抹茶雪糕，以及Q彈的紅豆麻糬，層次豐富，呢個牛角窩夫實在難以挑剔。西瓜椰果仙草凍($36)，顏色清新怡人，入口清涼，西瓜的爽甜，配搭上仙草的滑溜，再加上椰果及珍珠的Q彈，清透解膩。芒果豆腐花($44)：看似普通，但口感卻出奇的好。濃郁的芒果冰，好似新鮮芒果打蓉咁，配上綿密嫩滑的豆腐花，酸甜適中，真係好正。咖啡雪糕仙草黑糖珍珠($44)：濃郁的咖啡雪糕配上Q彈的黑糖珍珠，以及清涼的仙草，呢個配搭很好，既有咖啡的醇厚，又有黑糖的甜糯，再加上仙草的解膩，層次豐富，口感層次分明。雖然要排隊，但覺得非常值得，幾個朋友對聰。C既甜品都非常滿意，而且店員服務態度超級好，客人咁多，他們響分流，上甜品都很熟練，抵讚。

餐廳：聰。C Dessert地點：灣仔莊士敦道菜式：甜品餐牌：有熱辣辣糖水，燉品，豆腐花，西米露，仙草凍+黑糖珍珠，特別推介，居然連窩夫都有。仲可以自選配搭配料。先黎三款特別推介甜品。榴槤黑糯米 $48榴槤黑糯米有唔少煙韌黑糯米做底，好有咬口，加上冰凍滑溜榴槤蓉，新鮮榴槤果肉同脆口西米喺面，味道層次豐富。榴槤味好香，而榴槤蓉食極都有，味道香氣都好正，配搭黑糯米都唔會過甜。芒芒麗莎 $48芒芒麗莎係好多鮮芒果肉同芒果汁做底加上脆口西米，煙韌白色小丸子，白色小麻糬粒，爽口椰果同一球芒果雪糕。味道十分清爽，芒果味好香濃而唔會過甜，而且口感豐富！芒果奶昔雙皮奶 $46我都係第一次食芒果奶昔雙皮奶。芒果奶昔雙皮奶係滑溜奶香十足燉奶面頭加上冰凍芒果奶昔同四片新鮮芒果肉，食落滑溜鮮奶中帶芒果香甜味道，入口冰凍，好正！再黎一款仙草凍+黑糖珍珠。咖啡雪糕仙草黑糖珍珠 $44咖啡雪糕仙草黑糖珍珠有兩大球香滑咖啡味雪糕，加上唔少滑溜仙草，煙韌黑糖珍珠，脆口西米同仙草粒。味道口感主要係咖啡味雪糕，而當中帶有脆有煙韌有滑溜既多款配料，好特別。麻糬紅豆抹茶雪糕窩夫 $44麻糬紅豆抹茶雪糕窩夫賣相一流！一個熱辣辣既