Bicho

晚上去左銅鑼灣食串燒居酒屋開放式既廚房見到師傅係到燒串燒先上左份前菜係蔬菜切條有椰菜片、青瓜條同紅蘿蔔條肉類串燒叫左厚切牛舌、荔枝豬肉卷仲有大蔥雞肉串同埋鹽燒雞腿肉個人幾鍾意厚切牛舌同鹽燒雞腿肉厚切牛舌燒得香口肉質中間仲Keep到好嫩雞腿肉用簡單調味就足夠食落雞肉都幾多肉汁海鮮串燒叫左黑松露帶子帶子肉厚身，黑松露醬香氣十足蔬菜串燒叫左日本小甜薯仲有蒜香脆玉瓜、茄子同粟米茄子片燒之前浸左味噌汁，好入味叫粟米要兩份起，因為原條燒所以食落幾多汁同好香甜熟食叫左炒雜菜同牛肉稻庭烏冬炒雜菜炒得幾乾身，烏冬口感煙韌整體食物水準唔錯，可以一試！…查看更多

主打高質食材串燒燒物，酒品選擇多，適合三五知己暢飲嘆美食！已經開業17年仍然屹立不倒，質素有保證👍🏻入座後每檯奉上季節前菜$28，新鮮日本蔬菜，可以醮點味噌醬食。———.+:｡(〃ω〃)ﾟ.+:｡ ｷｬｧ♪✰法國鵝肝多士 $88 ⭐️必食👍🏻⚘厚切鵝肝，燒到外脆內軟，咬開有流心效果，勁好味！✰牛舌厚切 $78 ⭐️必食👍🏻⚘牛舌爽口，燒得啱啱好，夠入味，必食。✰美國安格斯牛柳 $78⚘落單會問你要幾成熟，我哋揀咗五成熟，冇令人失望，加埋牛油好香，肉質軟嫩。✰燒蠔 $48 （自選口味：味噌/蔥蒜醬油）⚘我哋揀咗蔥蒜醬油味，生蠔脹卜卜，入面仲係好Juicy，唔錯。✰柚子芥末墨魚鬚 $38⚘墨魚肉新鮮爽脆，加咗柚子芥末醬增加鮮味。✰鹽燒雞翼 $32⚘一客兩隻，𠝹開咗容易食，皮脆肉嫩。✰日本雞皮 $32⚘唔會燒到乾晒，保留到雞皮本身嘅口感，食到雞油香味，我比較鍾意呢種燒雞皮👍🏻✰溫泉蛋牛油果沙律 $68⚘沙律菜好新鮮，加咗沙律醋，日本溫泉蛋好有蛋香，牛油果嘅份量都多。✰麒麟生啤🍺 $38💵2人食👫🏻人均$338…查看更多

😎今日又黎到銅鑼灣搵食，而今次會食嘅就係鄰近銅鑼灣地鐵站嘅日式居酒屋 -- 備長餐廳係17 年傳統串燒老店，店內空間都幾大，周圍都用咗唔同清酒樽裝飾，坐近bar台仲有得睇住師父點整串燒架😁野食方面，我地叫咗➡️”清酒煮蜆”，清酒嘅香氣同蜆嘅鮮甜口感完美結合，每隻蜆都大大隻又夠哂爽口清甜，絕對是開胃嘅好選擇👍🏻👍🏻串燒有非常多選擇，其中➡️”免冶雞肉棒”外面燒得酥脆，內裡嘅雞肉鮮嫩多汁，加上醬汁的調味同埋蛋漿，真心唔錯😋➡️”雞軟骨”非常有咬口又唔會太韌➡️”雞皮”燒得外脆內嫩，調味又唔會過咸，味道岩岩好👍🏻佢嘅豚肉類串燒非常特別，有好多款比較少見嘅菜式，例如➡️”汁燒脆豬耳”口感爽脆得黎又好入味，送酒真係一流😎而➡️”豚之大腸”更加係重點推介，平時炸大腸就食得多，原來燒都可以咁爽脆，咬落又唔會油膩，醬汁調味仲非常惹味，值得一試😍除咗串燒，佢主食都唔錯架，大大份仲有好特別嘅➡️”墨魚汁炒烏冬”，墨魚新鮮彈牙，火喉岩岩好，墨魚汁有海水嘅咸香又唔會覺得太濃味，非常唔錯架😋😋🔸清酒煮大蜆 ($108)🔹自家製免冶雞肉棒($42)🔸雞軟骨($25)🔹雞皮($32)🔸汁燒脆豬耳 ($38)🔹豚之大腸($38)🔸墨魚汁炒烏冬 ($118)😋味道 7.5/10 😍回頭指數 7/10🔴備長 Bicho - 地址：銅鑼灣軒尼詩道525號澳門逸園中心26樓 …查看更多

今日放工約了好友食飯，我們都不太餓，於是便一齊去食串燒。備長之前吃過，覺得環境食物都不錯，今次再去食。牛舌厚切，鹽燒，火喉剛好，燒得爽脆，牛味濃郁，很讚！雞肉嫩滑，香蔥爽脆，調味亦剛好墨魚鬚脹卜卜，食落富嚼勁加上芥末柚子醬，味道挺特別。雞腎很爽脆，鹽燒無得輸，燒得剛好，好味熱辣辣炒起，有肉片和墨魚，以墨汁炒，一點都唔覺得腥，烏冬亦高質，扁身，煙韌彈牙，不過要注意嘅食完要把嘴抹乾淨，否則就會變成好似中毒的樣子啦雖然價錢比岀面貴，串燒除牛外都要打孖上，但食材都算高質，挽回不少分數。…查看更多

銅鑼灣原來好多樓上餐廳咁好食，平時好少行，但發現成幢都好多好西，仲要勁近地鐵站。好少會叫鹽燒鴨舌，但一試上左癮，面頭少少焦脆，送酒一流！出奇地好食，因為一咬落入曬醬汁嘅味道，然後表面係脆皮，外脆內軟。第一次食咁嘅燒法嘅茄子， 係採用日本較短身嘅茄子，上面鋪滿麵鼓醬去燒，味道較平時嘅燒茄子濃，而呢種短身嘅茄子口感較一般細嫩😎間間串燒店我都會叫牛舌，呢間牛舌都係食過數一數二好食，爽而不韌😍好爽脆，但咬開唔會有難度，因為火喉剛好墨魚汁意粉就食得多，烏冬又真係少，味道係不錯而烏冬係彈牙， 但千祈唔好同曖昧對象黎食😂😂唔係佢望到你成口黑色就唔好。 除左串燒仲有刺身叫，我地叫左油甘魚腩刺身，一向係油甘魚嘅粉絲，呢個切到好厚，所以食落去好肥好好肉地好滿足🤡…查看更多

行完Sogo感謝節，攰到同友人決定要去搵野食依飽個肚，見到喱間網上評語不錯又就近，就係sogo轉出去有電梯上26樓。店內位置可容納大概25-30人。每次去日本都會食燒牛舌，今次見到餐牌有，當然叫，牛舌真係要厚切先好吃😋肉質十分鮮嫩，都好爽口，啲油脂慢慢滲出來個口內，真係可以比喻成同牛打車輪😂味噌烤茄子🍆，味噌非常入味，我本身都好愛食茄子，不過無食過搭配味噌的，味道少鹹，茄子入口即融，連皮一起食。墨魚汁炒烏冬，份量適中，味道就好似食緊普通烏冬，彈牙但味方面可以鹹翻啲。非常推介這家的串燒，下次會再黎食下唔同款…查看更多

由於近期天氣寒冷,一向愛吃日式食物的好友來電想來個以串燒食物為主打的農曆過年前飯局,意向的地點就是在銅鑼灣逸園中心的備長;這麼再加上另一也喜啖日菜的好友,這"串燒"飯局便成行了;同是熟悉的大廈,換了樓層的不同,食物的款式口味更加不同;觀其門面,是簡約而新派的和式風格;在內裡的裝修環境氣氛也是跟門面一樣,簡約而新派;抽風相當好,沒那討厭的大油煙味,聞到的是,間斷而充滿誘人食物氣息的煙燻香氣,令人感覺倍覺舒服;餐牌提供的選擇非常豐富,三人都按著各自口味喜好來挑選;經一番交換意見後,有了定案就馬上落單;侍應生先遞來前菜條,一吃就知其爽脆彈牙而清新,蘸上燒汁醬料更滋味!兩碟前菜條在我們三人閒聊近期股市變化間已慢慢清光了,隨後正好上來第一款主打的串燒--牛肋骨;外皮在油脂的外滲作用下,燒得有點焦脆;內裡的肉質帶點胭脂色,咬起來相當嫩滑可口;在適度的黑椒香味襯托下,更突顯牛肋骨肉的濃厚本味!接著來的荔枝豬肉卷也很特別,以一層薄薄的豬肉包著已褪果核的荔枝肉來燒製;放入口中啖味時,已在味蕾中跳動的豬肉有荔枝香氣滲入,而且荔枝的香甜味加上煙燻味,包圍著口腔,其回味相噹悠長!從鼓漲造型看出製作認真的--明太子雞翼,外脆內滑,明太子的鹹香夾著雞皮的油脂令味蕾很滿足!而串燒雞皮看上去較薄身;但在咀嚼時,其柔軟與煙韌度取得平衡,且恰如其份的油脂帶來了甘香!已切成一定長度並串連起來的豬大腸,侍應生從廚應一拿來時,已在空氣中飄散著其特有氣味!至於其口感也是綿柔中帶點煙韌,在調味料作用下,尤其顯得十分惹味!燒厚切牛舌也是很有水準,本味十足,兼且嚼起來亦相當有彈性!至於日式料理中的常客--燒白鱔,能燒得皮脆肉滑,但本味略嫌欠鮮香,幸好加上煙燻氣息,算是平衡了不足;一堆串燒食物之後,我們選的--清酒煮大蜆也上來了;觀其內容,蜆大肉鮮,而清酒的米香酒香做成湯汁可祛腥提鮮,輕巧的調味更是十分重要!壓軸的澱粉質菜式--鮮海膽炒飯,其賣相集中於面上的大海膽;珍珠米米飯炒得粒粒分明有嚼頭,中間有帶子粒,紅蘿蔔粒及蛋絲都很搭配,尤其是鮮甜的大海膽更起畵龍點睛提鮮之效!墨魚汁炒烏冬賣相並不算特別,但因墨魚汁對身體很有益,所以我們就點此來嚐嚐;誰知一嚐之下就令人有驚喜,恰如其份的醬汁調味,帶著麵粉香氣又有筋性的烏冬,加上墨魚汁隱隱透出的鮮味,在在都構成了美妙的口感!最後的串燒甜品--小甜薯,外皮的焦脆與煙燻氣息,與甜美的薯肉相輔相成,是以一個美味的特別形式甜品作收結!總結此餐,在這個氣溫寒泠的冬夜吃上一個多款美味又熱辣辣的串燒主題晚餐,齊齊與好友留下了一個美好的回憶印記!…查看更多

來到2016年第一個工作天，當然就要 happy hour啦！大家首選備長，一來地點方便，二來串燒又好食，一於再返嚟。同事們一坐低就叫了幾杯生啤，酒精其實我一向都唔太好，反而最掛住呢度嘅串燒！佢地嘅厚燒牛舌燒得特別好食，牛舌夠厚身，燒出來外脆內軟，又夠juicy。虎蝦質素高，大隻又新鮮，肉質超級爽口彈牙！燒廣島蠔都唔錯，火候剛好，唔會燒啲肉縮哂水，配搭醬汁更能突出生蠔本身鮮味。豚之大腸係外面比較少吃到的串燒，大腸切成條狀燒至香脆，味道濃郁有咬口，比起係街邊食到嘅炸大腸少了一份油膩感，但增添了一份香口感。我對內臟有著莫名嘅興趣，尤其喜歡吃雞肝，雞肝燒得好一點都不易，一過火就會太乾起沙好難入口， 這裡的雞肝做得出色，時間拿捏得剛剛好，裡面剛熟而且肉質嫩滑。開開心心又一天，2016年愉快新開始。…查看更多

星期五又食串燒, 今晚試下間「備長」。這間串燒店從店外到店內都以黑色為主調. 雖然店內燈光比較暗看不清楚店內的佈置, 但是格調型格, 氣氛不錯.當晚在沒有訂位下, 都能安排坐於吧枱, 一路食一路欣賞師傳燒串燒, 感覺不錯. 意想不到是這串燒店竟然有提供BB CHAIR, 十分抵讚! 這裏不是用炭燒的, 估計用上電爐, 因此感受不到油煙味, 當然串燒同樣少了份獨特的炭燒香味.環境佈置用上型格的黑色, 但餐牌卻用上清鈍的白色, 對比度很大. 這裡的串燒食物選擇多, 而且款式新派特別. 價錢由三十多元起, 價格尚算合理, 但每款串燒至少要點兩串, 靈活性不大. 特別對只有2位的我們, 若每款要點兩串的話, 份量多因而不能多試其它食物. 另外, 我們口味總有不同, 因此每款串燒都點兩串的話, 要遷就大家的口味比較麻煩.每次點菜總會先點碗烏冬或麵條喂飽我的小女, 這次也不例外. 這個牛肉稲庭烏冬($82) 竟然是全晚最貴的, 但是份量不太多. 單看味道小妹沒有能力去分別它是否稲庭來的烏冬, 只覺得烏冬幼身入口順滑, 可是口感較淋身, 沒有期待的彈牙. 牛肉薄身有適量的肥脂, 因此不太嚡口, 味道及質素都對辨. 湯頭比較淡味而且油膩, 十分一般. 以$82的價錢來說, 價錢不太合理.只有「是日精選」的串燒放能只點1串, 於是點了這個日本提子豬肉卷($34/串). 日本青提子大大粒, 連豬肉都不能覆蓋這粒提子. 經過燒烤後, 提子外皮已經溶掉, 剩下的提子肉燒熱後甜度提升不少. 跟外皮燒得香脆的豬肉, 味道相互融合, 果肉同時減去不少豬肉的油膩感, 口感清新.厚切牛舌($48/串) 燒得恰到好處, 油剛好的迫出來中, 令牛舌的表面油潤, 賣相吸引. 小妹喜歡厚身的牛舌, 因為喜歡它那份咬感. 這個牛舌口感十足, 而且牛味濃厚, 因此不用加任何調味已十分惹味.這個好多層次的日式串燒豬腸($26/串), 驚喜度十足. 師傳把豬腸來回的串上做成這麼有層次感, 因此燒起來豬腸的每個位置都能平均燒熱到. 另外, 豬腸的油脂及穌味同時能夠除去. 豬腸表面的油真肥味, 單看這賣相已經口水流咬下去, 豬腸的脂香已經充滿我的口腔, 正! 豬腸外皮微脆, 口感柔軟. 全晚最平的串燒, 但卻是另人最回味的串燒.愛吃蠔的我, 在餐牌看到煙肉蠔卷($38)眼已發光。以燒烤收水後的蠔來說, 這蠔都稱得上大隻。咬下去首先感受到煙肉的咸香, 口感煙靱。再咬下去感受到蠔肉的柔軟, 而且蠔肉依然有肉汁。層次感十足。略嫌煙肉的咸香蓋過急凍蠔淡淡的鮮味。腐皮雞肉卷($30)腐皮燒烤後表面焦黑, 真的分不清這是否腐皮。雞肉比較實, 幸好咬下去好像有些爽口的軟骨。黑白胡椒炸多春魚($50) 多春魚外面舖滿黑白芝麻粒, 還未放進口內已經感受到芝麻的香味。咬下去十分脆口, 而且芝麻粒完全沒有掉下來, 還是緊緊地痴扣多春魚。這個小食賣相不錯, 是一道絶佳用來送酒的小食。第一次幫襯, 環境及服務都不錯. 串燒種類有創意, 味道都不錯.…查看更多